傷心酸辣粉 (已結業)

喺深圳既老街(東門)食過一次重慶酸辣粉之後就念念不忘,喺香港都食過幾間,只有呢間最似,但酸味始終都有d差別今次我order了大辣既酸辣粉,而男友就要小辣酸辣粉,另外order了一碟中辣既口水雞和一杯椰汁

第2 次去食, 知道佢有2 間度係街頭到街尾第1 次就食街頭果間, 啫係大啲有冷氣果間食左個su 辣粉, 口水雞同埋皮蛋個su 辣粉真係麻 好好味 口感又好口水雞都唔差 雖然食到bu晒汗 但仍然好想食落去第2 次食街尾果間又食左su 辣粉, 夫妻肺片, 口水雞, lo 水野, 個夫妻好好味 又爽但好明顯地覺呢間冇街頭果間咁好味不過都極力推薦你地去食

媽媽係四川人.受佢影響之下我都好中意食麻辣既野)係香港食過好多所謂正宗四川重慶既咩咩咩.但都好嚇人-.-呢間真係得! 發現左佢之後帶埋媽媽去食.媽媽都話係正宗好味既.口水雞好滑好好食.酸辣粉就係必食既.涼粉好食d味同係大陸食既一樣但涼面就麻麻地唔夠味~_~上次去個陣有個女仔即場食左2碗仲打包一個走0.0

行過呢間野總係好似攝石咁吸左埋去細細間不過成日都坐滿人拿拿林叫d外賣走人點左個夫妻肺片口水雞(要上裝)豬肚絲其中一個跟餐所以有粉同汽水d粉應該系薯粉煙煙韌韌好有咬口冰鮮雞用黎整呢d濃味野就夾晒起碼走咁d雪腥味雞肉都算幾嫩肺片就次次都咁上下豬肚絲都唔錯軟軟淋淋咁幾樣野都係送酒ge好拍檔最中意係酸酸辣辣同埋有種麻ge感覺就算係小辣都唔講得笑口水鼻睇一齊黎個頭d汗又好似花灑咁真係過癮到暈所以自己唔多適合現場食同埋第二朝後欄失火....總之爽字一個隔一輪又去過

這天抬部NETBOOK出SSP整...終於有機會試下 ! ! 點了2個套整...口水雞 +酸辣粉(小辣) +可樂肺片+酸辣粉(小辣) +可樂另加一碟酸辣青瓜(小辣)口水雞好滑...連D雞皮都好爽口...不過都幾麻...肺片普普通通...都係好麻辣...酸辣青瓜好味...青瓜新鮮爽口...酸辣度剛剛好...主角酸辣粉...比好多地方都算正宗...薯粉好煙韌...湯底都夠味!小辣已經好夠...同檯有1對情侶...女的叫中麻特辣...整碗是紅色的...不停說過癮XD男的叫大辣...實在十分利害!吃到最後才醒起有BB辣...難為了男友...哈!價錢略貴...全部都是細細碟的...共吃了$ 9X不過簡中吃一次都可以接受...

成日Ｄ朋友都問我呢無辣不歡的人有無食過呢間野，老實講雖然佢好近我屋企，但我今日都係第一次去食！其實行前幾間鋪佢有間分店可以坐得舒服好多，但為左試真Ｄ味，我都係去左總店！同我平時去的四川鋪一樣，一入去就見到個個枱都有碗充滿紅油的酸辣粉，因為想試真佢Ｄ味，所以平時叫中至大辣的我，叫左小辣，因為下晝３點幾（無乜人坐得幾舒服），天氣熱又無胃口，所以無叫餐（套餐都唔平），只係加左＄６／２隻雞亦做餸。雖然佢成碗紅油咁，但佢的小辣比一般雲南、四川鋪低，當然好似我呢Ｄ鍾意食紅磡橋底川王的超級辣人來講，絕對唔會滿足，但佢有樣野比其他鋪頭好，你食食下發現唔夠味，可以個別淨加酸、加辣和加麻。平時我食四川野好少飲埋湯的，因為怕油，但今次為左試真Ｄ就飲左，幾驚喜的，因為Ｄ湯真係幾好飲，如果唔食得辣都可以試佢個豬骨湯紅薯粉。唔知係咪平時無人會飲埋Ｄ湯，老闆見我飲湯好似當我珍禽異獸咁。講起老闆，老闆坐我隔離等我落單，係總店你只會聰到一個歌手的歌就係──譚詠麟，老細真係愛到佢發哂狂，因為聽都唔夠仲要一路唱住，我ＯＫ頂得順，但如果唔鍾意嘅朋友就自己衡量下啦！雖然唔係好辣，但Ｄ湯辣椒素的含量都幾高，食來發汗去濕都唔錯！

呢間 比佢好出左名堂.生意太好, 串了!態度太囂張!果次去買外賣, 入舖度睇下牆上菜牌 傘.呼喝叫我唔好企入面, 出番門口企. 果陣Tea time 又無mug 人. 就算叫我企門口都可以細聲d 傘.下, 我系女仔都咁喝法.點好食都唔會再幚襯!!!

今日蘋果副刊介紹 - 傷心酸辣粉, 好似好吸引, 所以我同同事一齊黎食地方細細, 外面有好多學生買外賣, 見倒d人食得好滋味, 我同同事就點左2個餐... 口水雞餐(HKD39): 有口水雞, 酸辣粉, 同飲品肺片餐(HKD40sth): 有肺片, 酸辣粉, 同飲品同事要求小辣多麻少酸, 我就試一次正常小辣先我覺得味道都唔錯, 同公司附近間好好運d酸辣唔同肺片同口水雞都唔錯, 臨走我仲點左個"紅油牛腱"打包俾媽咪=)

是日來到深水埗，見到傷心酸辣粉，嗜辣的我梗要去試一試拉。叫左中辣酸辣粉，可惜對我來講不麻也不辣，無甚配菜，分量不大。對前幾日才食過紅磡川粵的我無疑有d失望。是日係店內食，坐得逼無可逼，店員還不斷從背後經過，因為距離太窄次次都會碰撞到我，還有大隻蒼蠅飛來飛去，一碗酸辣粉吃得相當不舒服。整體而言，如果住係左近，這類的食店不多所以也許偶爾會幫襯（要拎走），但不會專登來食。

年初二,成條街d 野食都冇開呢間有開就入去食以前食過bb 辣,覺得冇乜味今次試小辣點知頂唔順tim...但係真係幾好食呢涼拌三絲都好好食呀不過真係好辣下次要叫返bb 辣喇哈哈

無咩胃口，經過聞到好香既味道，仲有佢既酸味令到我流曬口水呀~地方好細好窄，不過店主好nice，介紹我食口水雞餐，我話我唔係咁辣得，佢就幫我叫bb辣，隔離位仲同我講bb辣無味架，小辣都唔辣既~好在無聽佢講，bb...我諗係四川既bb掛，我一放入口辣到暈呀~即時係咁飲椰汁，好香好甜，薯粉好好煙韌，但真係好辣呀~成個咀痺左，個雞肉好嫩，但係痺左，肉味定雪味都分唔到喇~同檯既另一對情侶又係好似我地咁，男既唔食，女既又怕辣又係咁食~係就係迫d同無咁乾淨，但好味呀~

昨晚去左第一間店食..發覺啲口水雞唔同左…好滑好多肉.我只是叫左個半隻.但是到最後都叫多半隻返屋企再吃囉..因為都是好好食..比之前是好了好多..同埋叫左個酸辣粉..就覺得冇咪酸味..跟住我同伙計講.伙計就講..你可自己去加的..真是好運..我只是吃左兩啖..我跟住加左.就唔同左..好食好多呀 !我下一次真是再去食呀 !

唔好食, 做壞招牌, 真正 重慶 酸辣粉, 好食好多。呢間店其實整得好hea, 好唔衛生咁。大家應該未食過正宗既, 貪口味特別, 先會覺得佢好食。唔講重慶, 深圳東門 d酸辣粉, 都好過佢多多聲。

之前黎食個陣d雞好滑好好食，而家變左又硬又無汁既油浸雞…個粉好有口感但係死辣…又唔酸。建議食唔到辣既就飲豆漿，唔好飲可樂。同埋記得同d啊姨講少辣。

係黃金買完野行行下見到酸辣粉個名好得意就去食ww間鋪個位唔大所以坐得就唔太舒服黎得就梗係叫碗酸辣粉啦xd之後見到有個叫炸腸頭炸大腸就食得多~腸頭會爽d?所以就叫左黎試先講個酸辣粉食左一啖就覺得好奇怪點解酸辣粉唔酸o既?=_=雖然碗粉味道不過不失不過叫得做酸辣粉唔酸我就接受唔到到我地食完晒碗粉個腸頭都未炸到黎問下個人先知原來腸頭呢d係叫大鋪炸本來想取消點知岩岩黎到就算數個腸頭呢....得個皮脆之後食到入面好肥又唔係特別爽或者脆可能街邊d炸大腸仲好食d