傷心酸辣粉 (桂林街)

營業中

休息中

呢間鋪我真係成日食，超鐘意食呢度嘅烤魚，亦介紹過比好多朋友過來食。今次就唔食烤魚住啦，試下雞煲先~.🌸胡椒豬肚雞煲 細 $139廣東省傳統的客家菜之一。呢度嘅味道都算正宗，湯裡濃中帶清，有雞湯嘅濃郁亦有胡椒的香氣。雞煲上菜後需要再加熱，煮至沸騰，飲一碗熱辣辣嘅豬肚雞湯，下火又滋補，超暖胃。豬肚煲得淋而入味，雞肉亦新鮮好味，重要嘅係個湯，濃郁美味。.🌸手撕雞冷麵 $55呢個套餐加送一罐可樂。手撕雞嫩滑入味，冷麵清爽光滑有彈性，有芫茜，蔥，青瓜同花生做配料，口感一流。特別係花生，係間鋪頭自製，鐘意食嘅話可以買一盒當零食都好正，只需要十蚊咋~.🌸生菜 $18新鮮爽口。.🌸自製辣椒醬 $29放d落去冷麵度 特別好味，辣得來又香口。

之前一直都有聽過傷心酸辣粉呢間餐廳，但咁耐都未親身試過，今日終於有機會一試。.放工剛好趕得及食佢地個滋味粉面套餐，價錢真喺幾抵，$29就有一碗麵、小食同埋紙包飲品，宜家物價高企既時期真喺少見。✨鹽焗手撕雞薯粉薯粉爽滑彈牙，係我幾鍾意的口感。薯粉同手撕雞嘅份量都唔算少，對得住價錢，食完都夠飽。湯底就係比較單調嘅清湯，無咩特別同埋偏鹹左啲。✨炸墨魚餅小食我哋就叫咗炸墨魚餅，一份有三件，口感都幾彈牙！跟餐仲送一盒紙包飲品。反而同行朋友叫左碗傷心酸辣粉配口水雞就比較失色，湯底酸味太勁，變咗成碗粉得個酸字又唔夠鹹唔夠辣，有啲失望，而且價錢仲要比滋味套餐貴。口水雞份量亦都好少，部位仲要喺頭頭尾尾位，唔太抵食。下次再去都會叫返滋味套餐，真喺最抵食！

傷心酸辣粉可以話係香港食酸辣粉既始祖細細個已經跟屋企人去食🤣今次黎食返個lunch 麻辣肥腸係我必選之一配埋彈牙十足既薯粉 辣度我揀左小辣酸辣粉已經加左花生🥜 肉碎🐷 芫荽 葱花等等配料🍲湯底酸酸辣辣 好惹味 薯粉既軟硬度亦剛好海蜇脆耳好爽口 最岩就係依家熱熱地既天氣食～❤️紅油味較香 無乜辣的麻辣肥腸好惹味 浸埋落湯一齊食更正🤤.另外傷心酸辣粉仲有水煮魚/牛肉 烤魚 酸菜魚 雞煲食😍忍唔住叫左一盤水煮魚 無睇錯 係一盤🤣因為真係好大盤魚肉用上龍脷魚 啖啖肉 完全無骨～有得揀辣度架小辣就剛剛好 帶點麻 魚既份量唔少 建議2～3人食👫🏻.另外店舖仲有得賣獨家既辣椒油 好足料😋買返屋企平時整嘢食都可以加落去 尤其係我最愛既蘿蔔糕～只售ʜᴋᴅ 29💜未試過既一定要試下‼️

一直以來聽個鋪名都以為得啲辣嘢，所以從來都冇入過嚟食嘢。咁岩屋企人話呢度有酸菜魚先第一次入嚟，酸菜魚有香辣同酸菜兩款，我地唔太食辣擇酸菜就算。酸菜烤魚 條魚幾大條，魚身有煎過，配菜份量多，有大量酸菜、木耳碎、蓮藕片、金菇等，足夠四個人食，但可惜酸味欠奉，食落相當淡味，令魚肉唔夠入味。

“水煮美國雪花肥牛”($129)“蒜泥白肉午市套餐”($54)“酸辣土豆絲”(跟餐+$18)“傷心辣椒油”($29)最近食開辣嘢就有條癮🤣上網睇睇下發現原來傷心酸辣粉除咗酸辣粉原來仲有雞煲,烤魚同水煮系列🌶醒起自己已經好幾年冇食傷心酸辣粉所以一於決定去食下😋我地單點咗一份小辣嘅水煮美國雪花肥牛🐮水煮牛份量都幾多,食落都幾腍滑☺配料仲有芽菜同寬粉😍小辣辣度岩岩好,唔好辣得好辛苦🤣咁嚟到冇理由唔叫返碗酸辣粉嘅😆叫咗個蒜泥白肉嘅午市套餐🐷再加多個酸辣土豆絲🥔土豆絲份量夠哂多😝2個人都好夠食唔講都唔知原來傷心酸辣粉有自家嘅辣椒油買🤩想喺屋企都食到舖頭嘅風味就要買返樽啦🤣

生日週放假難得平日放假一定要book我個忙碌嘅髮型師去整個頭點知髮型師佢遲到，所以我唯有自己一個人去搵下嘢食先😆本身係諗住買個麥當勞去佢嗰度開餐依家有機會比我搵吓餐廳一個人食飯難得一個人，梗係去啲成日想試但老公又唔想食嘅地方啦突然間經過呢間傷心酸辣粉即刻衝入去😛老公就麻麻哋啲酸辣嘅嘢，所以每次我經過想食老公都拒絕今次一個人就可以試吓啦其實我成日都唔明點解啲薯粉咬極都咬唔難不過個味道係我喜歡的😁另外我加咗口水雞，冇話好驚喜好好食亦都冇話唔好食，我只嫌佢啲配菜少咗啲反而啲花生我覺得幾好食，而D雞都好嫩👍🏻順帶提一提，服務員姐姐好細心講解啲餐俾我聽👏🏻👏🏻

買完電腦野，食咩好？想食辣野，搵間平平地，$128任食，有肥牛，試下先，2個人，一條烤魚。拎飛等位，真心耐，我由6：50pm，到7 ：25先有位，足足半個鐘烤魚條魚預先炸好，肉質都幾鞋，唔好有期望，個煲幾咸，唔使醬汁都ok肥牛肥d，但有牛味，唔差喎，無咩選擇下，我食左好多丸+菜類丸選擇不多，5樣左右，菜都係2,3款，不過有寬薯粉，口感幾好味，夠飽肚個人評語我未必會食第二次，因為除左平，無咩可取既地方。

出街天氣咁熱，搵個地方食個下午茶休息吓係必須嘅🥳。尤其喺深水埗，行完黃金買完game，更加要搵地方坐低休息吓睇吓戰利品🤣。以為天氣咁熱冇乜人食酸辣野，點知都座無虛席，當然計埋疫情封咗嗰啲位啦。不過好好彩等咗5分鐘就有位。叫左個酸辣粉套餐，一個酸辣粉加一個小食👍🏻。🔻傷心酸辣粉🔻傷心酸辣粉嘅精粹係唔需要加任何餸，淨係一碗粉都好好食😋，叫咗少少辣🌶，紅薯粉既煙韌配上偏酸嘅湯底好開胃，小小肉末調下味👍🏻🔻海蜇豬耳🔻麻辣味好香但唔夠味，豬耳切得幼細，海蜇夠爽口👍🏻

放假出黃金買野。咁就係附近搵食。行過傷心酸辣粉見到有位。二話不說就入左去。眼見都有一兩張枱未執好。其他就要搭枱坐。於是選擇坐埋一角。打開餐牌睇左1round.都有好多野想食。最後嗌左個麻辣肚絲配酸辣粉加多杯凍奶茶。成個送餐過程都算正常時間。唔使等太耐就有得食。凍奶茶茶味夠濃。唔會奶多過茶。麻辣肚絲唔會太辣或者太麻。岩曬啲可以試小小辣既人。酸辣粉既味道香辣適中。酸爽開胃。份量都算足夠填飽個肚。但係唔知點解隻匙羹有陣漂白水既味道。唔知係咪想比啲客人知道佢哋有用漂白水做清潔呢。環境方面認真一般。食完都係那那聲走人。酸辣粉麻辣肚絲凍奶茶

話說個曰同朋友去深水埗買啲批發嘅嘢，然後喺嗰度發現咗一間食烤魚嘅酸辣粉店，然而覺得好新奇哈哈😄因為未試過喺傷心酸辣粉入邊食烤魚。兩個女孩子一齊食一條烤魚（再另外叫了一碗酸辣粉／一個小食）講返主角：成條烤魚好好味，味道濃郁而且夠麻夠辣，仲越煮越辣添😂 真係流晒汗！魚嘅份量都適中，亦唔會覺得好小。（烤魚原本已經有好多配菜，仲有入邊嘅薯粉縮囇啲湯之後好入味！）如果鍾意食辣嘅，我覺得可以嘗試一下呢間舖頭，食咗一次有啲回味，希望可以再有機會過去食😂

平時食開傷心嘅水煮魚，一直覺得唔錯，份量又多，用龍利魚又無骨，所以耐唔耐就會買黎食。今日突然想試下佢個酸菜魚，就出事啦。一打開個蓋，睇下入面d料，已經呆左，真係得酸菜同魚，仲有小小水晶粉係底，份量少過水煮魚嘅好多。跟住一試，失望透頂，酸菜完全無味，唔知係浸水浸左幾耐，可以無味嘅。最勁係d魚，我第一次食龍利魚，食到腥味，而且好甜，唔知落左幾多糖啦，又完全唔辣。成兜野食左一啖就頂唔順，倒左。可能平時食嘅水煮係濃味嘅，會蓋住魚原本嘅腥味，但酸菜唔夠濃，蓋唔住。以後都係食返水煮算啦。

約左朋友黎深水埗見面，佢話想食酸菜魚，於是入左呢間試下，佢既酸菜魚不過不失，唔算難食，但服務真係太差，我地同隔離檯既飲品點左催左幾次，差不多食完先到，阿姐不停話水吧做緊，但根本冇去睇，環境又污糟，真係冇下次。

傷心酸辣粉食過好幾次，都係食粉麵套餐，見有放題，又心郁郁試吓。放題有4款選，麻辣雞煲，烤魚，牛肋骨煲，胡椒豬肚雞煲，閒日128，紅日148。我們點了酸菜魚，條魚煎封過，好香好滑，配酸菜湯，好開胃。食過酸菜魚，凍櫃有各類火鍋類，任攞任食，食材未算太多類，有各類丸，五花腩肉，豬紅，肥牛，鮮雞件，疏菜，香姑，麵條等等，飲品有啤酒，可樂雪碧洋恊成。食完條魚，再用酸菜汁作湯底，滾完的食材都夠味，不用沾醬油，麵條吸收湯汁，正。發現一樣好味就係酸菜湯中有酸蒜頭，好好味，食咗好多粒。埋單296， 紅日關係148/位，人均148元，任食還可以吧！

為咗響應政府呼籲彈性食飯時間，我同同事就轉咗食下午茶時間，貪佢冇咁多人又平啲。而傷心酸辣粉嘅下午茶真係平到你唔信，以今時今日嘅物價，$29包咗一碗麵、一份小食同埋一杯嘢飲，你話去邊度搵啦！唔好以為好細份，呢碗肥牛牛丸湯米線，肥牛份量好多，牛丸亦有三大粒，正常食量嘅人一定會覺得夠飽。雞翼同埋芝士豆腐丸各有兩件，順帶一提我今次係第一次食淮山麵，原來好好食個喎！同事推介佢嘅墨魚餅做小食，果然冇介紹錯，如果出面鋪頭我相信呢個小食要加$10囉！花枝丸都好食，仲變相做咗三餸麵添呢個價錢可以食到咁多嘢仲要係好食，真係好感動！所以我真係好贊成彈性食飯時間啊！呵呵呵！

因為唔食得辣，所以我一直都無試過傷心酸辣粉🤣。不過之前經過桂林街分店，見到有個下午茶餐好抵，就已經bookmark咗一定要試！我都估唔到自己一試就連續食咗兩日🙈。下午茶兩點鐘就開始，所以可以買外賣返去當lunch食。一入去就係收銀櫃，直接喺嗰到畀錢落單，但我想講兩日唔同嘅女店員態度都差到一個點，一個好似唔識講嘢咁；另一個就自己無問清楚，要重新落過就黑我面😤。我買外賣就算啦唉。落完單即刻整，所以都要等一陣先有拎得。我嗌嘅下午茶餐超級抵，$29有一碗麵同一款小食，送熱飲。外賣盒🥡每個要加$1，由於麵同小食分開上，所以加咗$2。如果可以嘅話，堂食抵啲同環保啲。題外話，個外賣pack得幾好哈哈。我第一日要咗🐔鹽焗手撕雞准山麵，依個一打開就已經聞到超香！手撕雞份量唔算多，比較碎，但味道都唔錯。至於准山麵，我係第一次食，一直以為味道會怪怪的、藥材咁嘅味，而口感就粉粉地。點知同我想像中完全唔同😂，原來准山麵係咁爽的，而且無乜准山味，我立刻愛上咗，因為好掛湯，好好食🤤。湯底好香麻油味，唔辣的，下午茶好似無得揀辣。題外話，碗麵好多芫荽同蔥🙅🏻‍♀️。小食方面，有幾款選擇，樣樣都幾吸引，我要咗炸墨魚餅🦑，配