儷廊咖啡室 (裝修中)

原本已為有張65折既優惠去酒店食自助餐，仲鬼死咁開心叫埋細佬一齊去食，去到果時就梗係第一時間出去睇吓有乜好食啦!點知...睇到果時就真係激到你出哂煙，仲話係環球國際美食，簡直係垃圾食物就真，唔怪之得隨時上網都可以編張65折既優惠券喇 ! 去過之後就好似比呢間酒店既人㩒住尼搶咁 ! 最後提醒大家，未去過就千祈唔好去。

憑$138購價招來的自助午餐，理應不能妄想吃天鵝肉，果然一眾是廉價食材的產品卻無令要求低的我失望。首先Dryers雪榚是大牌貨，而不下十幾款甜點實在使人在色彩繽紛中未吃先沈醉，最令人回味的是窩夫，如果你能控制火喉的話啊。主食要說回有燒牛肉及燒火腿，牛的不試也吧，因為很像牛展帶筋邊，火腿還是比較香軟可嘗一下，咖喱雞煮得鞋了一點但很醒胃配naan餅，魚的菜式算是冇乜交代求求其，凍蝦屬粗大惜比較街市賣六十多元一斤的欠鮮甜，芝士吉烈豬扒卻是令人安慰的脆口甘香，喜歡羊的話羊肉亦不過不失，天婦羅蝦也合格爽爽脆脆，即煮喇沙有功架但如讓客人調辣度則更好，飲品卻欠汽水果汁等只有茶啡檸水云云。總算從我心目中得七十分，有十分是因為部長給了對正電視的卡座呢。

今日農曆生日，同老婆兩人到上年生日都食過一次既自助餐，其實佢能令我今年再食一次係因為佢既自助餐價錢合理，款式多 而且味道都算不錯！一入坐俾左coupon就開動了 服務員態度友善 每人亦會有一個籌碼去換一隻蒸羔蟹！蒸羔蟹係必食 熱辣辣 又多羔 中式食品亦唔少款 沙律正常 壽司任拎 刺身叫佢拎俾你 長腳蟹 凍蝦都不錯 蒸魚亦大大條咁 甜品亦係好多好多選擇 雪糕已由上年既Haganxx 同Dryexxx變左做Movepixx 但都不錯 總括今年比上年依然冇退步 $360左右食到咁多款野食 非常非常滿足！P.s 用coupon每人有半隻芝士焗龍蝦同埋一杯特飲送返

今日試左個lunch，服務方面，待應生幾有禮貌，check啲地方亦check得幾密，都幾夠乾淨野食黎講款式唔算多，但落緊扶手電梯都聞到好香，仲以為勁多野食，如果多啲就好一黎到我就比個烤肉吸引左，有廚師即場切比我地，睇住佢大大舊切出黎真係好正，不過如果多多一兩款汁比我揀就仲好有個燒羊脾都唔錯，賣相同香味都吸引到我，食落幾好，但第一次夾唔記得拎多啲汁，到第二次拎番啲汁就唔同啲，個人認為佢原本用黎煮嘅汁比佢另配嘅Rosemary Sauce仲好食今次buffet黎講都算唔錯，價錢都算合理，見啲野食都清得幾快，不過不失啦

尋日食完個Lunch Buffet，今日寫下食評先 首先講下價錢，我覺得ok合理啦然後係食物，因為我中意三文魚頭，所以一定要講吓！佢個椒鹽三文魚頭賣相一般，味道方面都ok，淡啲就仲好，佢地仲有個吉列豬扒，我就覺得幾好食喇，食左三四舊先肯停，我見佢呢一味都清得好快吓，吾知係唔係其他人同我一樣都覺得好食呢，佢地都有薄餅配咖哩，但咖哩得兩款，我試左雞，都幾好食，雜菜就冇試喇，但咖哩嘅款式少，對我呢一個中意食咖哩嘅人嚟講，真係有點兒失望囉補番幾塊厚切三文魚生，都可以調整翻我心情嘅，不過佢地啲三文魚都幾好，可以一試佢地啲甜品好多，甜品控嚟到可能會幾開心，本身一到仲即刻睇有咩甜品，但最後食肉食得飽都冇試，附加啲相比你地望吓啦，一開檔就影到算讀者有眼福！

本人第一次到來這餐廳，侍應生的服務非常之好，加上環境舒適，可惜食物的質素太差了，款式又小，今個月海膽帶子做主題，所以冇生𧐢供應，就呢個脆炸三文魚海膽雲吞，牙力少啲都咬唔開，仲有嗰個燒海膽醬豆腐，都係比較硬身，完全都feel唔到有海膽味，根本就好似遠離左呢個主題大遠了，可能咁啱嗰日煞科，啲廚師輸咗馬仔冇心機啦，整到啲嘢唔好食

完全中伏，服務態度差，食物種類少，可取食物只有牛肉，蝦,贈送的特飲勁酸，生菓無味，熱朱古力槳，淋完棉花糖後良久也未凝結，應該是朱古力槳，永不凝結。未黎過的可以不來，黎過的不會返轉頭

今日係一年一度嘅係父親節，所以我們今晚去咗九龍城富豪東方酒店嘅「儷廊咖啡室」食自助晚餐！他們嘅款式種類唔算太多！有新鮮即開生蠔、翡翠螺、長腳蟹、法國麵包蟹、原隻凍蝦、刺身壽司、煙三文魚、燒牛肉、日式湯麵同多款特色甜品等等等等⋯⋯新鮮即開生蠔祇得一位師傅負責開，所以排咗好耐隊先攞到兩隻，不過肉質就好鮮甜嫩滑！翡翠螺唔算太新鮮，味道有啲啲怪！長腳蟹嘅肉質都幾鮮甜彈牙，味道唔會好鹹！原隻凍蝦嘅肉質相當爽甜彈牙！刺身壽司唔係好新鮮，色澤亦比較暗淡，所以我們無攞到嚟食！煙三文魚嘅肉質好嫩滑，煙燻味亦好香濃！燒牛肉嘅肉質好嫩滑，牛肉味亦好濃郁！呢度負責切牛肉嘅師傅亦都好有禮咁滿足小妹一向鍾意食厚切嘅要求！日式湯麵嘅湯底超級甜，有啲甜到膩嘅感覺，拉麵嘅麵質都幾彈牙！

1. 黎依度食左個自助餐. 多數都係大路野，冇乜特別. 海鮮並唔新鮮，啲螺好出事，唯一算ok既就係蝦. 刺身方面，見到燈光下啲三文魚等等色澤暗淡，已經冇哂食慾. 食勻哂，其中有幾樣我覺得唔錯. 1，烤雞翼. 即烤，非常之嫩，而且表面有薄薄一層微焦. 好食2，中湯，足料暖胃，相反西湯就奶油味太重，不太喜歡. 3，意大利飯，有專人即煮，可自選帶子，墨魚，蟹肉，蘆荀，蘑菇等配料，芝士味頗濃4，自助即製格仔餅，即製同人地整/ 整好再翻熱係完全唔同，個種新鮮香脆，加埋hagen daz./ movenpick ，朱古力汁係面，冇得頂其他就見仁見智了. 不過平價自助餐，不能要求太多.

今晚老公生日試下呢間九龍城嘅酒店，原價$4佰幾，今晚用渣打信用卡有半價50%優惠，1行6人折扣了加埋一都係$2佰幾蚊真係抵食還有每人送一隻飽魚食，值得一讚係冷盤熱盤都多選擇，海鮮也有熟食（蝦、長腳蟹、花甲、蜆、田螺）樣樣有，還有香脆炸蠔，啱哂唔多食生冷海鮮嘅我！甜品最正係有少見的榴連芝士橽和榴櫣奶布丁，真係好好味好香滑,酒店級數雖然不像五星酒店，但香港地$2佰幾蚊有咁多花款美食，真係好啱一家大小聚餐的慳＄首選！

兒童節個日咁啱有假放，就同埋個心肝寶貝去食野玩下~咁啱呢期做緊小朋友一蚊一磅，呀b重68磅，加埋一都係75蚊雞! 真係貴少少既Set Lunch價錢都差唔多，咁就食到Dinner Buffet，發夢都唔信因為兒童節，餐廳入面有個釣蛋波波池，呀b玩到勁開心，野都唔食，拉佢走都唔肯，開心死佢!一黎就試左佢個和牛沙律，因為櫻花Buffet既主題，所以佢地特別加左d櫻花鹽，但食之前記得撈下佢先，唔係好鹹! 不過撈好左咁食又幾特別，因為唔哂落醬或者醋食，都好夠味，無咁肥麻~~之後就到冷盤，食左個唔知咩三文魚凍批配和牛他他!個d一粒粒既Jelly好香酒味，同埋個三文魚凍批好滑lulu~另一個係蟹肉酥皮盒，佢啱啱出爐真係好好味~~非常推薦! 超鮮甜再食個櫻花味稻庭烏冬，一般啦~無咩特別!再黎就當然係凍海鮮，有蝦啦~蟹腳~螺~蟹~青口~Fill得好快~好易拎到!!而我就覺得蝦就最正~~之後就飲左個湯，好滋潤! 蘋果燉雪梨, 女士們最愛(特別係世上咁偉大既MAMA XD) 好軟滑既燉蛋都好好味，櫻花炸生蠔卜卜脆~~好味就好味不過唔敢食咁多! 好罪惡甜品就食左成日聽到人勁讚既榴槤布甸，的確好好味! 比起澳

一心打算同老公在白色情人節慶祝一下, 點知道被廣告雜誌騙了去到望望取食物的櫻花款式, 點知大失所望!!!所謂的櫻花主題只是蒸蛋&蒸海鮮塔, 卻找不到廣告雜誌所報導的熟食沒有提供所說的(櫻花蟹肉酥,三文魚凍批伴半熟吞拿配櫻花金箔酒啫喱,酥炸櫻花生蠔、櫻花蝦焗生蠔、鮑魚絲櫻花鹽漬炒麵和牛沙律)當我好失望之下去到甜品區, 好彩都找到些櫻花甜品.原先打算食完呢個櫻花主題自助餐後介紹比親朋好友架,到依家就不須要啦!! (吾怪得當日無咩人去食啦!)因失望所以沒有拍照

好少聽到有櫻花做主題ge buffet, 朋友又咁岩有coupon, 即管試下, 一落到食buffet 個位真心覺得好大, 不過因為係B1 ge 關係，周圍無𥦬，冇境睇，好彩佢夠大又用白色裝修都算坐得舒服。講到食物我覺得味道都唔錯，款式多，甜品D樣都算精美，其他野食都係果D，串燒，飯，麵，牛扒，羊架，沙律，湯，一D冷盤等等我唔講果D，講下佢有D特色果D，佢地有個鹽山海鮮塔，共3層，上面有好多鹽，放滿哂海鮮仲有D粉紅色櫻花瓣，呢個都幾特別，原理就係佢係3層鹽山下面用蒸氣一路蒸上去令到上面D海鮮吸哂D鹽味同櫻花瓣味，上面ge 海鮮包括大蝦，青口，梳子蟹，烏頭等等...想食邊樣就話比厨師知就會即刻拎比你，大蝦唔錯，啖啖肉，咸得黎帶DD櫻花香味，又夠鮮甜，不過講真行過個鹽山塔真係冇櫻花味，但食落就有少少la，我估係唔想搶左D海鮮鮮味！有個櫻花蝦燉蛋推介，滑滑ge燉蛋，加D甜甜咸咸ge櫻花蝦，好味！唔知點解D蛋好似特別滑咁！搞到我尋日食左三個！哈哈！到櫻花甜品啦！我今次食唔哂呀！好想試多D，但係真係有限呀我個胃！唉，講下我食左果D喇，樣樣都好精緻，有個叫櫻花蕨餅，煙煙UNUN，個外形係一粒粉紅色

黎呢度既主要原因係見到有任食既法式閃電泡芙，金鍾賣緊成50蚊一條，呢度任食好似幾抵，而且重有宜家大熱既紫薯味。泡芙輕身鬆軟，比出面買果d細條，可以試多幾隻味。最特別既緊係牛油果青蘋果味，雖然青蘋果味較突出，但酸酸地幾清新。海鹽朱古力味用左喜馬拉雅山鹽，鹹鹹地又甜甜地，又帶d甘香濃醇既朱古力味。紫薯味是緊貼潮的之作，紫薯味未算突出，但整體不會太甜，吃5、6條都唔會膩！另外重有西柚、紅桑子玫瑰、藍莓、香橙君度酒、檸檬味。除左仼食閃電泡芙Eclair之外，甜品控重可以狂食芝士撻！草莓蛋捲貌似平凡，但實質蛋糕軟綿輕柔，士多啤梨甜到不得了！抹茶蛋捲亦有濃濃抹茶甘香！即制擂沙湯圓好罕見，咬開會爆出大量芝麻餡！自製窩夫亦是外脆內軟，蛋香十足！可配煉乳、牛油、砂糖等變成格仔餅！亦可配Dryers及Hagendaz雪糕變西式配搭！雖然呢度既熱葷選擇唔多，但韓式九層海鮮塔是主打！用不同的香草拌大大隻的龍蝦、蟹、青口蒸，更顯鮮甜！最好趁岩岩蒸好時去拎，唔係d海鮮肉就會老左。果漾BBQ即叫即烤，有羊架、牛、雞等，用果汁醃過，肉就變得格外鬆軟。記得叫燒菠蘿，爆到我成面都係汁！鬆脆的拿破倫酥皮，夾着濃滑吉士，配一

聽朋友推介話九龍城間酒店的自助餐好抵食,D野食有好多款,而且最近有朋友係Facebook 分享左呢間餐廳既海鮮塔Buffet。所以就係同學生日果陣一齊去試下,入到去個餐廰都算幾大,想一家大細坐同一張枱都得,因為有好多張長枱,環境寬敞舒適。食物方面,因為依家做緊海鮮塔既Buffet,所以海鮮種類都幾多,有青口,蝦,蟹,龍蝦,蜆,帶子,聖子。大廚好細心,每款海鮮都配上不同配料,令味道更鮮甜,好似係紫蘇葉蒸麵飽蟹,木魚蒸蟶子等,好好食。另外,餐廳有另一個推介就係冬日果漾燒烤,串燒有羊扒串、大蝦串、雞翼串等, 係用新鮮水果醃製,食落甜甜地,仲有果香,另外BBQ區提供一共12款醬汁,例如紅桑子蜜糖汁、松露黑醋汁、果味燒烤汁等,味道香甜,感覺清新,值得一試!!!! 不妨食多d串燒,可以試下唔同醬汁!串燒特別推薦羊扒串,因為味道不錯,配上芝麻青檸汁醬汁後,唔會有太膻既羊味,正!!不過有成12款醬汁,我最後都真係試唔哂丫仲有既係炸蠔,清蒸鲜魚,爆川牛肉味道都好好。最後甜品方面,值得一提既係閃電泡芙,有幾款唔同既口味,色彩繽紛。我最後試左如粉紅色既西柚味泡芙,橙色既香橙君度酒泡芙,酒香及水果味濃郁,真係