儷廊咖啡室 (裝修中)

月中看見某飲食推廣這餐廳下午茶自助餐，包加一$125，不太貴所以致電訂位。曾經幫趁這集團旗下尖沙咀及沙田酒店餐廳自助餐，質素不差；但經過今天經歷，無法再說服自己“再來一次”原本下午茶時間是3-5:30，來到就發現已更改由3:15開始（隔離枱客人說有電話通知，但我沒有）由於到達時未夠3點，所以酒店大堂堆滿等食客人；差不多3點才開始放人乘自動電梯到下層餐廳（由於到下層再次排隊安排入座，擠塞兼混亂）安排入座亦是隨意 ...可能有其他食客不清楚時間已改為3:15，所以時間未到已經 有客人出外攞食物（包括我），跟住有個黑衣男侍應很不禮貌叫食客回座；食物款式不多，味道及質量差 ...

第一，感受唔到酒店的環境第二，食唔到酒店的食物第三，好有街市的氣氛生日抱住興奮的心情來食，之前食過尖沙嘴富豪酒店好好食，但book 5到，所以試下富豪東方，點知咁差。環境好似大陸foodcourt,有好多團，又有公園婆婆伯伯批評時事，有公園feel.食物更差，冰冷冷的，仲要放五餐肉入salad,太有創意啦。個西湯仲難飲過罐頭湯😵。壽司比醜陋還要醜，見到都5開胃...長期有人排隊拿三文魚炸物都賣相ok , 但味道一般甜品相對較為好，選擇貌似多，但味道好一般，如果要求不高都可以。Dreyers 雪糕最似樣水果味道怪怪，好似放左好耐咁，見到都唔想食終結，此自助餐比較適合內地團，如果你對食物和環境有要求，在此建議不要踏進此食堂。

第一個食評就比左呢一間垃圾酒店，大家千奇唔好黎呢到，因為呢到既安排同大陸冇分別因為有優惠，早一個星期就book左，點知黎到見到有一大條人龍，原來酒店根本冇安排位，人人walk in都可以入，於是我地要自己允位之餘，仲要上樓上cafe自己允位拎餐具，酒店經理更解釋，有優惠係咁架啦，食就留，唔食就唔好咗住啦。態度十分差到拎野食仲衰，個個人係到嘈交，人人用大盤拎，一拎就拎哂成盆。酒店d人refill 既時候，跌左落台既，隨手就執返上去，睇到我呆哂。好不容易，拎到一碗白粥，點知入面仲有不知名昆蟲。野食雖然多，但係凍同冇味既。野飲只有果汁同咖啡，睇住佢refill既時候只係倒水落去。睇住隔離個位裝咖啡裝得一杯泡。而甜品，大家唔好以為係movenpick，佢只係用一個movenpick既雪榚箱，裝住一桶不知名雪榚。而蛋榚，係濕既。。。。。。雖然價錢只需要125位，但係我寧願去普通餐廳食都唔會再黎，一家人食得十分唔開心，又唔衛生態度又差。

訂了今天下午茶自助餐，三點來到已超多人，訂了十一位，卻給一張十人枱，侍應建議在路口加一個位，即是二人枱坐三個人，後面是人山人海排隊取食物，我們不接受，硬說我們後來加人，只可以這樣安排！另外經理又說可以安排坐上一層，在下一層取食物，我們都不接受，試問老人家跟小朋友怎樣取了熱的食物搭扶手電梯上上落落！這樣大酒店的安排，真令人失望！以後都不會光顧！！！

位於九龍城的儷廊咖啡室 ，最近推出超值的晚市自助餐優惠呢。今日相約媽媽來到九龍城，忽然想想，好像很久沒在酒店吃自助餐了。現在差不多每天都外出進食，不是中西日，便是意法韓，有時侯也想一次過一晚內吃多國菜式哦，滿足一下貪心的胃囗。甜品控到達餐廳後，第一碟即拿一大堆甜品嚐嚐吧。原本是相約七點到達餐廳，可惜遲下班，塞車和下錯站，令我遲遲未到。不吃大量甜品，又如何能安慰自已呢？BUFFET $275(Mon-Fri), $296(Sat-Sun,Public Holiday)蛋糕全部切件，小小精緻，種類極多，我差不多全部種類都拿來吃吃哦由中間起: 朱古力卷，咖啡蛋糕，草莓蛋糕，竹炭卷，芝士朱古力蛋糕，芒果藍莓蛋糕。朱古力卷夾著忌廉，軟綿入囗。咖啡蛋糕甜苦剛好，更配以咖啡豆朱古力，味道更特出。草莓蛋糕有酸酸甜甜的草莓醬，醒胃清甜。芝士蛋糕，囗感滑順，也屬不錯。吃完甜品後，我重新由沙律頭盤吃起 順時針起: 煙三文魚，雜果沙律，凍蝦，沙律菜煙三文魚味濃鮮香，入囗濃郁，啖啖鮮美。雜果沙律內有啫喱，煙靭甜美，惟醬汁略稀。凍蝦的質素不俗，彈牙鮮嫩，沒有雪味哦。順時針起: 雜菇撻，咖啡雞，雪耳西蘭花，饅魚 醬

從末吃過史上最差自助餐，不防來吃。標題裏的自助餐只有石，還是細到差不多看不見，三個檔位只得~位廚師，要投訴才加食物，無服務、食物差，西冷、羊架生到不想食，從末想過富豪洒店會有這麼差的食市，不想中伏千萬不要去

自己係regal card會員，一向去的都係銅鑼灣同尖沙咀果間的富豪西餐廳buffet dinner, 依間往往都係食3樓的中餐廳，貪佢無乜人靜靜地，師傅每碟菜完全好似幫你tailor made一樣今次屋企人見到有個coupon全包價，$273（連加一），咁嘅價錢去尖沙咀食放題都咁上下，咁就當然要一試，點知……完全顛覆哂我對富豪嘅印象😣😣首先，由7點等到7:20，等極長腳蟹，小龍蝦……冇哂冇人fill, 刺身等師傅3個字冇人理冇人切，真係勁過份😠😡第二，熱食就竟然有2款薯仔主菜：炸薯角同芝士焗薯，仲有竟然會有烘烤芝士丸，冇錯，係街市果粒白色芝士丸😣第三，甜品……算係全場傑出之作但算，下次唔會再去，食返中菜算數！

因為屋企人響百老匯購物後得到一張富豪酒店自助餐65拆優惠券 , 於是打電話去各間酒店訂自助餐,打左幾間只係得呢間仲可以訂到自助晚餐,其他酒店都full book, 唔緊要book到呢間照去啦,但都冇諗過會差成咁去到酒店一望環境已經心知不妙,再入去行左個圈望下有咩食,望完已經眼濕濕 了😢得番啲碎濕濕夾剩既沙津菜😔放左好耐冇人會再拎既壽司,想食片魚生都搵唔到人招呼你😑唔新鮮既蟹腳,同霉霉地既螺同蝦凍到停晒油既餸服務態度好差既員工凍到唔想拎既章魚丸同炸物燒蠔已凍,食入口仲好多沙😩行完一個圈, 終於好勉強拎到少少野食, 一坐低冇耐就即叫我地埋左單先, 一望到張單又一肚氣計埋65拆 , 兩位盛惠$732 💸 , 你俾咁既食物質素我點好意思收我呢個價錢架 , 仲要同我book枱既時候問既價錢係有出入 咁大個女未試過食一餐自助餐食到萬念俱灰 , 唯有努力搵啲放得入口既食完嗱嗱聲走 , 坐多陣都唔想😧 提外話: 酒店設施真係好殘舊,坐既梳化凳都已經破爛,連去洗手間個門手柄都已經殘破不堪總結: 經過今次真係好大陰影 , 下次去之前 真係要睇清楚食評 以免又中伏😩😧

同阿囝慶祝生日, 因為之前join左該集團酒店member, 一家三口諗住開開心心用張三人免費自助餐coupon食餐好啦…點知1) 一入場被安排坐 salad bar 隔離, 人來人往都算, 想出去攞野食都比人“得正正”企喺我地張檯隔離, 勁無奈, 問職員有冇其他檯可以調下, 一句“無辦法架喇”hea下我地就算, 嬲!2) 自助餐食物種類少, 無選擇, 求其食左幾片魚生, 八爪魚, 袖珍龍蝦仔(超咸), 凍蝦, 幾粒藍青口, 已經唔知食乜好, 週末人多可以理解, refill速度超慢, 連想飲碗湯都無滴, 仲慘過去旅行跟團嘅自助餐。3) 見之前有人post甜品有 movenpick 雪糕, 滿心歡喜, 但現場只得清一色士多啤梨味&紅莓味, 唔通賣剩䉀要清貨?4) 未試過去酒店食 buffet 感覺好似去酒樓飲茶咁, 應該話去酒樓飲茶都無咁嘈！5) 7點到, 食到8點半已想走, 叫埋單等左20分鐘都無反應, 睇住其他人要親自走出 reception位催單, 未見過去食buffet埋張單都要自己催返轉頭, 其實一入坐已有位連廣東話都講唔正嘅職員走嚟mark低資料, 唔係應該早有準備嘅咩？我

一早上網訂左位，點知比屋企人打去搞亂左，等我仲以為係餐廳問題，錯怪左佢地...（不過服務態度仍然好好）講番食物，我覺得呢個價錢算係咁，屋企人話d蟹腳無雪味、個人黎講覺得冷盤、沙律、刺身還好～熟食都唔錯，款式夠之餘有d仲幾少見（迷你大阪燒，不過食唔落無試到），而且都幾有誠意，係燒蠔細隻左d～最後甜品，少見自助餐甜品質素唔錯，尤其d細細碟、一碟一件果d，綠茶紅豆卷係有誠意既，難得自助餐既甜品我會覺得好食～

因為下星期母親節，所以同家人去食lunch buffet慶祝。起初家人book個時間個職員同佢講係做緊“北海道主題”好老實，一去到門口見到入面人多到似food court都已經有種唔好既預感，入到去先知原來e間buffet做接緊旅行團做緊團餐，估計最少大半場都係同一團人，因此環境嘈到一個點，而且非常之擠迫；食食下野想話去toliet，toliet門口都未到已經成陣臭味，真係一瞬間咩食慾都冇哂入面野食數量雖然款式睇落唔算少，但唔知點解一般buffet有既野佢就冇，人地冇既佢反而有，有d咩？三文治 (味道差)，甜品區甚至連復活節係廣O興買黎派比細路仔既朱古力蛋都可以放上枱，簡單黎講就係唔cheap都唔攞出黎…所以說好的北海道主題呢？北左係邊？你問我我那會知道？因為旅行團既關係，原本已經唔係闊既路都堆滿哂人，我想話排隊攞野食，但我根本搵唔到條隊係邊，甚至我見到個魚生吧比一大堆師奶圍攻(餓狗搶屎)到最後個雪貨係吉哂既，最後我行左3圈先攞到第一碟野三圈見到既情況係：食客多，員工少，counter入面經常冇人，refuel速度慢，食完野又冇人執枱，要我自己落手執，counter冇哂碟同杯又冇人re

今次係我第一次寫食評，平時都係做CD-ROM就算。但今次實在喜出望外。母親節正日竟有優惠一口價既價錢，仲平過65折。原本只係想有個地方慶祝下就算，對咁平既dinner buffet無期望可言。但估唔到依然有生蠔，長腳蟹，鵝肝，片皮鴨等等既食物，仲有其他選擇都唔少，質素都唔差，食到我地都唔記得影相。絕對物超所值。不過服務質素一般，因為唔夠人手，執唔切d碗碟，出面給客人拎既杯碟都refill唔切。不過都可接受。

4月20號同朋友去咗喱度食自助晚餐,除咗酒店甜品出色外,他們做緊個優惠也好吸引,每位數$265連加一在內,由其他們的甜品特別多和出色,凍蝦和三文魚也好新鮮,推介食品有燒羊架,印度咖哩,燒牛肉,日式燒物和炸物,甜品酥皮拿破崙,朱古力蛋糕和芝士餅極力推薦....喱個優惠做到5月底,有興趣的食家不妨一試...

因為喺廣告見到有櫻花同中法「Fusion海鮮雙子塔」做主題嘅自助晚餐，所以我哋揀咗呢間酒店食Buffet。餐廳嘅設計簡單，但座位寬敞。熟食選擇唔多而且味道麻麻，但係甜品令我好驚喜。每位送鮑魚一隻。海鮮吧有蟹腳，涷蝦，翡翠螺，青口同埋蟹。刺身只有四款，而壽司嘅種類同賣相亦唔吸引。蒸海鮮嘅蒸籠上面鋪滿海鮮，包括扇貝、蜆，黃金螺，梭子蟹、波士頓龍蝦鉗、松葉蟹腳等。甜品種類好多，多達50款，每款都好精緻，拿破崙好好味，而且haagen-dazs同埋dreyer's更係任食。

住九龍城附近，見buffet轉左主題所以去試，食物質素中上，楓糖主題係幾正嘅，幾特別。用埋coupon仲有65折。酒店Staff 又未見其他 facebook comment 所講咁，反而幾好招呼，黎緊聖誕會再去！