儷廊咖啡室 (裝修中)

我黎個陣係平日 人比較少 啲野食仲好完整其實大部分都同一般自助餐差唔多最特別既地方係佢甜品選擇好多 質素仲好高😳炸榴槤 榴槤奶凍 抹茶奶凍都勁勁勁好食返兜又返兜 好岀色🤩海鮮選擇唔多 不過好食 特別係蟹腳 好鮮甜環境都幾舒適 乾淨 收野都算快雖然呢到唔算好就腳 不過三百蚊既自助餐甜品仲要係岀色既 應該都好難搵其他😜推薦大家黎試下😘

一直是支持客，來過多次，但今次令人極失望。整間餐廳都是本地包團，細路四處跑，導遊不停開咪大叫，嚴重打擾其他人客，比酒樓更嘈和混亂。更有小朋友在洗手間跌傷。食物，三點三開始，三點半來到已經所剩無幾，壽司刺身枱只見開放一次，其他時間荒廢，只得幾件又硬又不好食的壽司放著。其他熟食得炒飯三文治叉燒包等選擇不多，想喝湯連碗也沒有，甜品也是供應不足。從未試過去酒店食自助餐，會來回多次都找不到可以食的東西，坐一會就想走了。很掃興！老牌大酒店實不該如此！！

話說有張買一送一coupon .原本由6點食到11點dinner ，自助餐要$488再加1。姐係$536一位2個就成$1100，如果要$1100就一定唔會揀e間食E+買一送一，就$488加1，送過個就收加1。$585，計番出街据個扒，2個都要$400-$500先食到一餐。本身我就無期望既，因為好多年前食過，唔太多野食，同無咩人食既。介紹下環境。如下食品就係哂中間，枱就圈住食品既。食物唔太多野揀既。甜品就比較多款。熱食就唔多，15款左右。羊架好味海鮮就基本野，長腳蟹。青口，小龍蝦，蝦，螺。剌身就三文魚，八爪魚。但4款但無甜蝦扒有驚喜。牛扒之外，有成排牛扒骨切比我地。甜品有m字頭雪糕，食多2杯都值得最好味有即刻整嘅疏乎厘蛋糕，同格仔餅以買一送一黎講，都抵食既

以前老人家常言道 : 年初三赤口，唔好約人拜年，避免大家吵架傷和氣，過年要和氣生財，所以大家就會去拜神；隨著時代變遷，加上香港人的生活十分忙碌，唔用埋年初三又㸃夠時間用呢？到我哋這代，都百無禁忌了，最緊要大家啱時間出來聚一聚。朋友建議去富豪東方酒店食下午茶自助餐，咁我就負責安排訂位。可能還是年初三的緣故，大家都外出旅遊，周圍都顯得比較冷清清，平時出來九龍城多數都是去食泰國菜，今次為了遷就大家選較方便的地區就來到九龍城。酒店地方幾大，很多座位，環境也很清雅，簡簡單單的，不用金碧輝煌的門面，以白色為主色，給人一種簡樸雅緻的舒適感，白色餐桌分別配以綠色椅子，感覺自然；及配以銀色椅子，感覺時尚；另一邊間了房，這兒配以純白色系列，好有婚宴 feel。可能仍是新年期間，相對留港消費的人少咗，所以比較少客人，咁攞野食就唔逼啦。行了一個圈睇下有咩食先。沙律和壽司款式好少啊！熱盤款式就普普通通，不太吸引！反而甜品區算是多少少款式，感覺上酒店的甜品一般都不會太失禮的。由於是下午茶，我也不會食太多野，旨在傾偈，加上食物款式也不太多，所以隨意攞D小食。關東煮 : 材料都算多，不過我最喜愛的蘿蔔㸃解無既？由於食

大佬請食午餐，竟然帶我地去食自助餐，九龍東方富豪酒店，自助餐位於酒店嘅地庫全層，海鮮方面有青口、蝦、翡翠螺，翡翠螺較為細隻，青口冇咩味，熟悉都有成30幾款，仲設有甜品區，無限添飲奶茶咖啡、檸檬茶、朱古力等，一部機自助形式，刺身方面：三文魚及油甘魚，三文魚非常新鮮及鮮味及厚切，正！壽司方面有帶子、鰻魚及玉子，但係唔係幾新鮮同埋壽司飯比較硬身，甜品方面都比較多，有一個係自製嘅格仔餅，好多配料可以加上去，有鮮忌廉，果仁碎、朱古力醬等，格仔餅，外脆內軟，正，雪糕仲有dreyer's牌子，有開心果，芒果，開心果非常好食、食到裏面有開心果碎，味道濃郁又香滑，熟悉仲有一個係特別之處喇沙湯麵，喇沙湯底有70分，本人覺得未夠濃郁，但可接受，迷你版葡撻一定要試試，外脆內系香濃嘅蛋蛋香味

早前，媽咪參加香港一天遊，其中一站是走到九龍城富豪東方酒店的 <儷廊 Cafe Neo> 食自助午餐！食過後，她大力推介！除了美食多元化之外，還要好抵食！她建議我約朋友們一起去！ 國際美食自助午餐星期一至五：成人 原價 $238(驚喜一口價~已包加一 $149)星期六日公眾假期及前夕：成人 原價 $288(驚喜一口價~已包加一 $179)正當我想約好幾位好姊妹一起去食自助午餐，恰巧！另一位朋友又攪飯局，正是去這裡食自助午餐！由於，他攪不成，就算有 65折，成個群組都無人有興趣！於是，問他可否把優惠券讓給我？！ 原來問清楚之下，驚喜一口價比優惠券更划算！位於地庫，佔地全層，地方大而空間感充足！另設有兒童天地！這裡的美食實在多得琳瑯滿目！令大家也眼花撩亂！設有日式廚房、冷盤區、主食區、粉麵區、甜品區…我們也眼闊肚窄！ 最好笑是混水摸魚，看見雪糕櫃是 Movenpick，原來這內的是 Dreyer's 雪糕！第一碟：熟食芝士焗西蘭花~芝士提升西蘭花口味，剛剛夠味！焗薯蓉~薯蓉香口而軟滑！香煎龍脷魚柳~魚柳軟身不過不失！燒賣~一般貨色吧！第二碟：沙律食客多，流量快！勝在貨源新鮮

定左位未來幾日嚟食嘢嘅朋友請注意， 雖然價錢平，但種類少， 野食天冇味道嘅。最重要係，若你真係要嚟，記住，佢安排坐位，切勿坐G/F, 因為係唔夠野食， refill慢到你唔想等，Basement食物都叫做源源不絕，但地下就一個極端，甚至款式比地面為少。 點解同一價錢就有不同待遇?雪糕溶過再凍番，烏冬好似食膠... ...侍者問乜唔知，廁所係邊唔知，當仲拎住叉拮緊野時收左隻碟 真係唔好嚟，放過自己吧。大家小心中招。

位於九龍城富豪東方酒店的儷廊咖啡室是一間自助餐餐廳，曾經嚐過一次，當中的蛋糕款式眾多，令甜品控我覺得物超所值呢。今天相約一班家長和男朋友來吃晩餐，邊吃邊談天吧。自助餐$298/位第一碟先嚐嚐沙律清清胃口，現成沙律有三種: 薯仔沙律，蘋果沙律，菠蘿啫喱沙律，我全部都拿來試試，味道不錯呢。煙三文魚不算太鹹太濃，且非常大片。三文魚切身魚味濃稠，新鮮滑嫩阿。餐廳提供多種海鮮，包括: 長腳蟹，小龍蝦，螺，海蝦等等，可惜最近數天已吃不少海鮮，今晩便不吃海鮮，留肚吃甜品吧。熱食的種類不少，如粉麵，燒牛柳，日式，西式，中式，咖哩等等。一次過拿取不少熱撻，當中有我最愛的葡撻，芝士撻，鵝肝蘑菇撻，蘋果批，芝士丸。葡撻熱辣辣，表面燒香，內裡滑溜溜，好好吃阿。芝士撻芝味不足，加入檸檬較為清新。是晩重點終於登場，是我最愛的甜品系列哦。包括: 雜莓蛋糕，芒果蛋糕，栗子蛋糕，抹茶紅豆卷，果仁批，歌劇蛋糕，芒果拿破崙，芝士蛋糕，紫芋蛋糕，黑森林，芒果草莓蛋糕，榴蓮布丁，等等，多不勝數，數也數不完阿。紅桑子蛋糕粉紅可愛，色彩吸引，紅桑子味特出哦。栗子蛋糕栗子蓉綿密濕潤，蛋糕鬆軟，整體不錯。抹茶紅豆卷的抹茶味適中，忌廉綿

一行7人11月16日星期四去試Cafe Neo 嘅北海道美食晚上自助餐一口價成人每位$289，晚上6：30準時到達食到9：30,海鮮長腳蟹及蝦很鮮不錯，沙律吧普通，煙三文魚啲顏色麻麻哋很暗色，燒蠔燒蝦都是燒定放在熱燈晒住，味道及新鲜度麻麻。燒牛肉肉質還可以，熟食十樣有六樣我見倒個樣已經不敢恭維，甜品要讚，尤其是有movenpick雪糕及流蓮奶凍一流，當晚全晚只有大約十枱客，我去到先至知點解做咁平一口價及得咁少枱客，另外要题一題食物新鮮度真的不可而知，因為我們一行七人都有3人要在中途長註洗手間。無下次啦！

自從二十年前啟德機場搬遷後，應該很久都沒有光顧富豪機場酒店食店，名稱都改為:富豪東方酒店，看來其酒店外表都比較殘舊老化，正是廿年光輝，不是永恆不變的，人非草木，任何事物都會隨著時光逝去！但是我們都要繼續追求美好美食，一于去尋覓日本美味精緻的各式各樣的大阪（關東）清香鮮甜的和食，餐廳裝潢算企理乾淨，大廳寬廣闊，超過五十張餐桌，能夠容納數百客人，自然今期主打是日本大阪（法善寺横丁）色彩多樣的新鮮刺身，手握可口的壽司，甜絲絲的和果子，當然有肉甜彈牙的紅蝦，無沙軟厚的青口，肉味濃郁的燒雞件，香炸脆化的元貝，味道窩心的甜玉子蒸蛋，味道一流的炸蟹腳，有熱呼呼的中西湯，及即叫即製的車仔麵檔及粥品，滑香的豆腐花，細緻的糕點，超過30種各式甜品，任君品嚐，價錢實惠，正價每位:$138.0真是好食又底食，滿肚而還，最適合親朋聚餐的好地方！真的一口價:成人$138.0，小童$98.0歡聚享受日本美食的平價酒店午自助餐！絕無欺場，不過飲品方面就選擇較少！總體價錢超值，不可錯過！五光十色，多款精製的美食:港式小食，車仔麵，香港粥，魚蛋，燒賣，日式炸雞，糕點及和果子都能夠為食仔肚滿長肥，真是美味美食的一個日式午自

自助餐，一直給人的感覺都是自我獎勵才會吃的類別，普遍大家有得揀寧願會俾錢食放題，但今日我驚覺原來自助餐食物可以比放題更多選擇，價錢可以比放題貼地，更重要是可以比放題較舒服，而此處令我驚醒便是富豪東方的儷廊咖啡室。先講回本位一，首選當然不少得冷盤，雖然無生蠔，但是鱈場蟹腳、小龍蝦、海螺、凍蝦等等通通有齊。再到次選的壽司吧，相對選擇便唔多，有基本的三文魚同吞拿魚刺身等，壽司有鯖魚，帆立貝，玉子等等，都是普普通通。我今次都是每樣揀少少。要讚的是三文魚有夠肥美，要彈的是帆立具壽司，飯又硬，帶子又乾再到熟食區，呢度都有即煮站，有各式各樣的配料同麵食供應，首推蜆、烏冬、龍蝦丸，加埋熱辣辣清湯，正野想不到有蒸原條海斑，唔算大條，大概一斤多，是我最愛的Size，可能好彩新鮮出籠，肉好滑，但唔明點解個豉油汁咁鹹，令整體失色左。帶子芝士撻，細細件，淡淡芝士味但質感幾綿滑，撻都幾香，兩三件走唔甩。炸帶子，雖然話係平野，但佢炸得非常金黃，非常乾身，唔會油淋淋咁，真心要讚。重點推介，呢度的甜品區應該有超過三十款甜品選擇，有基本的朱古力噴泉，有班戟即製站，有豆腐花，仲有真心靚蛋糕s(因為眾數，要加s)，必定要留肚

之前想試推廣大阪主題下午茶,大約一百蚊多元,有很多報紙廣告推廣,但見好多openrice評語,都話麻麻。。。。。。。見價錢唔貴,所以改試自助午餐,都係見報紙優惠,唔抱有奇望咁去,去到都食物款式都幾多!!!有魚生,都幾新鮮,比平價放題魚生高質數~~最比想像中好係,甜品款式都好多,又有雪糕,以百鬆d黎講,都好唔錯,但地點唔就腳。包任飲飲品,不過係機器沖飲品,有咖啡等等,但冇熱0茶之類,但我覺得都可以!!

一行十三人想食dinner buffet,有老有嫩，regal Hsbc 有半價，價錢很吸引，見有石蠔和鵝肝，那麼就不妨一試吧！一口價同半價的價錢差不太遠，其實這價錢真的很便宜。先取少少頭盤一試長腳蟹不錯，不會太咸，比想像中好好多，也很多肉蝦也鮮甜爽口翡翠螺則較硬， 青口就一般，沒什麼驚喜。日式攤檔有即場烤蝦和鰻魚，還有串燒，熱辣辣的，立刻拿來試一試。 鰻魚很香口，也很肥美，真的很好吃 烤蝦肉質彈牙， 味道惹味串燒味道正常，不太驚喜。芝士魚蛋內裡有很多流心芝士， 口感不錯，味道也頗特別！石蠔多士的蠔很肥美，配上芝士和多士，增加了口感。鵝肝則限量供應， 廚師即場煎， 熱辣辣及大大件的 ，入口即溶，回來急不及待吃了，忘記拍照。掛住食很多食物也沒有拍照，印像中三十二頭鮑燉蛋也很好味， 家人很喜歡炆豬手，吃了一碟又一碟。甜品也有很多， 有很多榴槤甜品。 家人最喜愛的是榴槤布甸，真的很足料， 真的冇得輸。 而我就很喜歡綠茶布甸，很濃的綠茶味也不太甜。其他甜品也賣相很精緻， 豆腐花，即制crepe和棉花糖都有,更有自制刨冰，雪糕更是法國名牌movenpick， 有四款口味， 還有很多配料可以隨你喜

見網上推廣這間酒店咖啡室推出抵食下午茶自助餐，$125一位全包，基於價錢親民所以一試無妨，可惜換來的只有八個字 – 安排混亂，貨不對辦。抵食下午茶自助餐我只食過幾間，這間可算是最差的了！由一開頭訂位已安排混亂，最初訂位很順利，訂位後過幾天忽然收到職員留言說座位已滿，叫我另訂日子，我感到十分奇怪然後馬上致電問餐廳發生何事，電話中的職員才幫我訂回我原本已訂好的日子，單是訂位安排已是令人莫名其妙！好了到了吃自助餐當日下午，一進餐廳門口已見長長一條人龍，等了一會兒然後有職員引領我和友人到座位，可是該職員連坐哪兒也弄不清，我們呆站了一會才指引我們坐下。尚有幾分鐘自助餐就開始，但眼見已一大條人龍正在排定隊等拿冷盤、壽司之類，如果跟著人龍去排，相信起碼要半小時才可拿到心水食物，甚至分分鐘排到時已經被人一掃而空。我叫友人先去拿食物，可是根本排不了，最後友人自己只拿了甜品回來，因為甜品那邊相對少人。後來我自己都行了一整圈，看到的是幾條長長人龍打蛇餅般動也不動，而且也分辨不清哪條人龍究竟排哪些食物，混亂得根本有些人在混水摸魚，乘機打尖！我不知要排多久才可拿到食物，無奈下只好先拿甜品。天啊！我未試過食自助餐

間cafe 好大，可以坐好多人，但係嘈到好似喺酒樓咁，同朋友講嘢都要大聲啲先會聽到沙律吧冇乜選擇都係基本嘢， 壽司唔吸引，睇落唔想食!有一邊日式嘅小食， 有茄子、芝士波、日式糕點、炸帶子 等， 呢邊啲嘢最啱食 但係佢用個煲裝住， 個煲蓋好重，開頭仲以為呢啲係未整好唔食得住 ，見到人哋打開個蓋先知原來開得，不過個蓋好重。熟食食咗好鹹嘅印尼炒飯, 冇乜餸嘅糯米雞, 超甜椰菜花。最後就係 甜品好多款式，好靚好精緻, 味道就好一般， 冇一款覺得特別好食，只係記得食到一件鹹甜品 ，味道好奇怪。之前見到 食評 午市日下午茶都有 haagen-dazs 我去嗰日只係得 dreyer's 雪糕。其實飲品都有好多款,有咖啡奶茶朱古力,就係冇我最鍾意飲而喺酒店食自助餐嚟講係基本 會有嘅茶( 紅茶茶包乜茶都好啦 竟然 冇囉！)下次就算特價都唔會再來, 環境太嘈完全傾唔到計,去酒樓好過!