元合

營業中

休息中

上次話過可以一試元合的手打墨魚丸，但係當屋企的存貨食晒以後，竟然對佢開始掛念起來😅😅我想起佢大大粒，一絲絲新鮮墨魚的味道，雖然稱不上極濃郁，但係卻感到材料真實，唔係合成味道，呢個係我對丸仔的要求，其實今年已經減少食各類火鍋丸，認為材料全部都係合成，而且味精極高，所以食丸仔多選擇用料真實，味道還原原材料為主。元合墨魚丸，第一次買認為有點貴，試過就算，但當你吃完以後，卻還是默默的抽時間到九龍城再買一包。

同事介紹話10分好食的九龍城墨魚丸經過九龍城買嘢，一定要買打邊爐食物，去到原來索價$140 ，心中一緊，仍然決定一試🤣🤣味道和口感當然有別普通墨魚丸不似其他墨魚丸有濃厚的墨魚味道但卻有點過於不實元合的墨魚丸味道比較淡，但卻似鮮魷魚的味道，亦吃得出有魷魚在內可以一試

今日由屯門專登搭車嚟依間元合買潮洲茶粿，辛辛苦苦嚟到梗係買多d，我買咗10個韭菜、两個蘿蔔、兩個糯米，買完又要搭長途車番去，途中仲call呀媽過嚟食。可能買粿呀姐見我新客，佢比咗好多爆口茶幗比我，連汁都漏曬出嚟😡😡😡。其實想去換，但又無理由又搭車番出去買架，我係新客遮，使唔使咁對我呀！😭😭😭佢仲話可以等到5-6日，大姐呀！爛既做咩要賣比人呀！真係好失望，總之去番前d嗰間買無咁嬲！我奉勸大家買之前一定要睇住佢執貨，否則又做一個水魚！

講開我係九龍城覆診睇醫生，朋友另外又推介左我九龍城兩寶，一個就係元合，另一寶就係金城海味。元合元合好似一間雜貨店咁，街外經過完全唔起眼。行到入去就會見到各式各樣既新鮮整好既丸。樣樣都好吸引，因為佢係用真材實料去整，價錢都唔平，蔥花魚旦要$118蚊一斤，蝦卷要138蚊一斤。另外今日真係好好彩有食神😋😋😋見到一大兜金香炸魚皮🤩🤩🤩原來唔係日日有架，要老闆當日劏魚整魚旦，先會有呢d有骨魚皮賣。賣完就無，有時等幾日都無。呢種魚皮而家都好少地方有得賣，所以一包仔都唔平，賣成$50蚊㗎。咁難得撞啱有，貴少少都要買包試試。另外都有普通魚皮賣，就$20蚊一包屋企人唔多但又想試多幾款，所以要左半條蝦卷，六粒蝦丸，六條墨魚卷，同半斤蔥花魚旦。返到屋企煮開酸菜鴨絲米粉，攞左折完骨既鴨殼加埋冬瓜煮左個湯底。跟手落埋蔥花魚旦同墨魚卷落去煮。兩樣都好好味，蔥花魚旦同平時食開既魚旦真係唔同，有魚味又彈牙，食落好香口。😋😋😋下次一定要再買蝦卷就用油煎會比較惹味。咬落啖啖蝦肉，加埋煎脆左既外皮，一個字：正！👍🏻好快就KO左半條。P.s. 記得要點酸甜既雞醬呀～題外話：金城海味金城海味由排檔到而家開咗都有六十年有多，賣既

每次行過九龍城都必定會嚟呢間潮州店買韮菜粿，蝦棗，螄蛤等等的潮州美食。因為我以前住九龍城由細食到大而家搬走了每次經過九龍城都會買返一大堆潮州美食返到屋企慢慢食螄蛤每次買都係咁鮮甜美味諗起依家都想食，蝦棗新鮮彈牙 仲有粒粒爽口唐芹 正韮菜粿就有時我拎到返屋企都會失手 因為濕 所以啲皮穿了 不過也無損佢既美味希望呢啲小店能保持下去 因每天返工都係食連鎖快餐店，放假或在家中時好想食返啲手工野慰藉一下心靈 沖杯茶 聽首歌 食件粿 香港人就係可以好簡單

無意中係網上發現原來食芋絲糕唔洗俾百幾蚊買一底，可以係九龍城一斤一斤甘買，只係四十幾蚊斤！去到合成，人好多，好多人都係主力買魚角魚蛋丸類，舖頭入面就有我想買既芋絲糕。最後我買左魚角魚蛋各4粒，已經要廿九蚊，有少少貴！我即場食，覺得佢都有魚味，但有少少太咸。至於芋絲糕，我買左一大舊切開既芋絲糕同芋絲卷，反到屋企即刻煎黎試下味道。芋絲雖然夠粉，但係佢中間只係加左花生豆類，感覺好似爭啲野，就係爭左啲臘味去吊香佢，最後我用啲xo醬去送黎食，即時好食好多！

昨天關門前買了共20個粿，其中5個是蘿蔔粿，滿心歡喜，點知第一口咬落去蘿蔔是苦的，於是第二日打電話同佢講昨天買的蘿蔔粿是苦的（本身只係想話聲佢知，等佢吾好再賣比人），誰不知該店職員回應話不是她的問題（聽電話係一個女人而昨天賣给我的男人態度係好好的），是蘿蔔本身的問题，個蘿蔔本身係苦吾關佢事，佢係吾會換比我的，仲話佢蒸蘿蔔糕都會苦，點可以甘講架，這是你店鋪的出品，你應該負責的。

一場嚟到九龍城，一定要幫襯下~蔡瀾先生都介紹過嘅潮州嘢，呢間元合~位於街市外街出面，望落同一般雜貨舖相似， 但係事實佢除咗有糧油雜貨賣之外，仲有出面買唔到嘅潮州菜，用嚟加餸就一流啦。今日遲咗過嚟，係下午時間好多嘢都賣曬，因為蔡瀾之前介紹「魚飯」~即係用魚湯將啲魚浸熟，好有鮮味同埋鹹味，佢用好多款魚去做， 所以一晏咗嚟，好多款魚都賣哂。今次我買咗條馬友，120蚊~雖然唔叫平，但真係超好食，沾啲普寧豆醬，更加不得了。仲有螄蚶，雖然我怕肚痛，但最後都買咗，當然最後係冇事嘅，超爆新鮮好好食。

睇完蔡瀾先生介紹潮州魚飯，經過九龍城就想起這間潮州野食。呢間元合位置喺街市對面，驟眼望好似糧油雜貨舖，但一入到去，真係賣嘅全部都係潮州野，正到爆。老闆娘知道我地咩都唔識，耐心同我地介紹有咩好食，有咩熱賣。最後我地因為太興奮，咩都想試之下，就買了一兜螄蚶，一隻醬油蟹，同埋一條馬友。朋友仲傻傻咁問，魚飯點解冇飯，之後我同老闆娘都笑了，老闆娘話魚飯係潮州人嘅叫法，係冇飯嘅，條魚已經熟咗，可以凍食，肉質一樣好鮮，推介馬友同黃花。外賣回家試食，果然味道超鮮超正，只係害怕食螄蚶會肚痛，點知等咗一個星期，都冇肚痛。所以值得推介

雖然鮮入九龍城, 但每次入城, 元合都總會是個check point。與一般雜貨店看似無異的元合, 陳舊的店面, 實而不華, 裡面賣著寶物可多了, 蔥花魚蛋, 蝦卷燻鴨, 粿品魚飯, 還有醃蟹螄蚶, 通通都是「正宗潮野」蒜、辣、鹹、香、鮮 - 詞窮的我, 就用這五個字來形容這道血水美食吧。九龍城除了泰菜糖水, 螄蚶也同樣掛上等號。每次經過都一定會來「挑戰腸胃」,吃了五六遍的元合螄蚶, 這勇者食物讓我得到的是滿足！(touchwood定先)

炎炎夏日, 放工總會想留係室內舒舒服服飲下野食下野咁Relax下…… 肚餓口痕又怕食宵夜肥, 清清地的凍潮州野就最適合不過! 元合係九龍城的一間潮州野老誌號, 有名的潮州野通常好快就倡賣晒, 所以想食好野一定要預留! 老闆好好人好nice有幾樣野係必食, 我通常都會買各一盒(條)返屋企, 一次食唔晒擺係雪櫃都可以擺多1至2日凍馬友………必食! 肉質比鳥頭嫩, 但油份就比鳥頭多! 一個人食一條當宵夜絕對唔過份 生醃蟹, 肉質鮮嫩, 咸鮮, 多膏…… 非一般韓國生醃蟹可以比美!最後一樣…… 嘩嘩嘩, 香港搵新鮮鰤魽唔容易, 重要咁新鮮咁好味係超級難搵的一粒接一粒係停唔到口的老闆話日日限量供應, 要保持新鮮!除此之外, 我都會係呢到買定d魚彈, 豬肉根丸擺係冰箱看下門口, 口痕就煮黎食~~

喜歡吃鰤魽的我，之前看過雜誌介紹就趁著周末與男朋友一起去元合試一試店面像雜貨店，但是食物都有用蓋保存。眼望望下終於見到目標...鰤魽!!!潮州汕頭的做法多數都是生醃的...這個都不例外。除左鰤魽，元合更有生醃蟹 (分大及小)。由於我們仍有地方要去，我們選擇了堂食。老闆特地開了摺枱及提供盒裝紙巾給我們，很親切呢。我們先試鰤魽($52/斤)，入口有少許辣 (因為加了蒜頭)，但鰤魽的味道都沒有被搶。這個味道比泰式店的白灼更好味，而且保番了鰤魽的原始味道。一斤的鰤魽其實都頗多的，以我所見，老闆磅完足秤後，都會加多一點的。進食途中發覺有客人買兩隻生醃蟹，男朋友集中精神留意別人買蟹的價錢，竟然發覺兩隻蟹的價錢都只是一百多元男朋友立即另外叫了一隻大生醃蟹(三點蟹)試試～都只是60元咋!街市買一隻蟹都不是這個價錢老闆說的沒錯，他們的蟹是很多膏的，入口有一些鹹香及回甘。如果這個時候有碗飯就美極了。除了鰤魽，店內有魚蛋，汕頭牛丸及茶果賣，但要留意7:30 就關門了!不知為何這間店舖的評語那麼少，我們在進食途中都很多客人呢。有時間再來這裡品嚐～～～

一月底o既星期六下午,去完就快結業o既添財記午餐,再去九龍城廣場睇下 Forever Friends 商場賀年裝飾,搭車離開九龍城之前,去左衙前塱道o既潮州食品店元合買魚蛋店內售賣各款潮州食品,好似各款潮州粿,蘿蔔糕,蝦棗及螄蚶,潮州人店舖梗係要做埋魚蛋,見到有個用竹製成o既盤盛載炸魚蛋及炸魚片頭,另外魚蛋及魚片頭都分開有蔥花同埋冇蔥花兩款聽到店員話無論有蔥花抑或冇蔥花o既魚蛋都係賣每斤$76,其實呢個價錢絕對唔平,呢間魚蛋應該貴過一般街市凍肉店幾多,不過聽人講佢地o既魚蛋好好食,所以我打算買半斤有蔥花炸魚蛋試下,店員將一個竹盤內o既炸魚蛋放入膠袋,再用磅睇下重量,磅過差不多半斤份量,店員話不如要埋竹盤內o個兩粒,最後收我$42另外,臨走前見到門口有好多臘鴨,原來元合農曆新年前有臘鴨賣,聽到店員話$72一斤,一隻就大約$200,當時剛有新貨返,若果買到返屋企要放臘鴨入雪櫃,如果唔係放唔到過年,見到有人想同人夾份每人買半隻添!魚蛋拎到返屋企後,打開個膠袋大約有14粒,將部份蔥花炸魚蛋用黎煮麵食,魚蛋都算大粒,有幾多蔥,食落彈牙爽口,魚味豐富但唔會腥,魚蛋鮮甜,唔多覺有碎骨元合老闆莊師傅黎

九龍城衙前塱道的元合，其貌不揚，卻是一衆潮州擁戴者的辦貨點。這裡旳燻鴨煙燻的香味特別重，入口甘香，肉質結實。這裡旳蝦棗很彈牙，此彈牙是蝦膠的彈牙，不是如魚蛋般的彈牙，感覺很實在。除了燻鴨及蝦棗外，平時能買到的魚蛋、蝦卷及豬肉卷等均是熱賣品。聽說這裏的潮州粿品亦不錯呀! 大家不妨一試。

今日同亞媽行經, 特登入黎買幾件潮州粿每件都只不過係$3, 大大件, 餡料十分飽滿買返屋企煎返熱黎食, 勁好味!!而且店員都好有禮貌, 唔似得另一間咁『聲大夾惡』以後我都會幫襯哩間