元朗冰室

營業中

休息中

行完街街到晚上就到元朗冰室吃晚餐，真奇怪明明在尖沙咀為何店名用元朗？？其實是被那厚豬扒飯吸引而來我真係好鍾意食自己喔！！ 我們點了Double厚豬扒飯可加＄5配紅豆冰、而我則散點走甜凍檸檬茶＄20，檸檬夠酸香茶底亦挺濃走甜亦不會反茶收貨。 車爸爸的紅豆冰味道不過甜，紅豆份量不少而且煮得軟淋可口，質素相當不錯值得我喝一口。 我們也不算太肚餓只點了車爸爸愛吃的乳鴿和一客飯分享！禾味燒BB鴿＄39/隻即炸熱騰騰送上來不會難吃！外皮色澤較口感好內裡肉質算香嫩也不錯吧！ 原來這隻元朗肥豬在尖沙咀盪失路！可惜人間險惡被放上檯任人宰割了！！ 牠的犧牲成就了這客Double厚豬扒飯＄62，兩大件厚切豬扒煎得香口肉地夠淋夠滑很可口，配我覺得有點苦又太油的減分秘製豉油，可幸有加分不少蔬菜伴碟整體也算合格吧！吃飽飽後拍著拖回家幸福快樂便是這樣簡單。

咪睇相呢塊豬扒平平無奇，其實佢大塊到不得了，而且仲係厚切，一啲都無欺場！！！話說淨係金馬倫道都有2 間冰室1 間茶餐廳，一定要有啲人地無做既野而你又做得好出色既野令你突圍而出，呢間餐廳就係用厚切豬扒做到人人都要黎試下！呢塊豬扒煎得超香脆，側邊啲肥膏都煎透哂，但又唔會燶，超厲害！而且肉汁仲 keep 到， 好 juicy, 唔會嚡口或者乾淨淨。今次跟餐要薯條，明知係交貨黎都唔抱咩期望，不過炸得過火左，食落即刻覺得要喉嚨痛咁滯... 為左佢既豬扒係可以再黎既，最多下次叫飯或者意粉～

Lunch成日食元朗冰室最出名既厚切豬扒招牌賣點 去到都見到好多人食大大塊真係好抵食而且唔係厚粉既豬扒好多餐都可以加呢塊豬扒每次叫一個餐都食唔哂可以開心些牙下比朋友😂

依加個個星期五都同男友Happy Friday，銀包也乾了，有時只想食返餐想慳錢又飽肚嘅晚餐。於是男友推介呢間冰室，話豬扒話好好食，叫我一定要試下。入到去睇menu先知，原來豬扒餐都可以有好多選擇，仲有全日早餐可以配搭。由於我好中意食全日早餐，所以叫左個試下。估唔到塊豬扒超大塊，大過我個手掌，我諗應該都大過我塊面而且配菜都多，炒蛋、茄汁焗豆、火腿、腸仔、牛角包、沙律都有，無欺場 !切開塊扒見到都煮得剛剛好，好juicy，食落亦非常嫩滑，質素令人有驚喜!!炒蛋亦好香滑唔會老，牛角包外皮香脆，整體高質，CP值高

今日第一次去元朗冰室食lunch,因為感冒其實都冇乜胃口，之後就求其叫咗個口水雞飯，味道真係超乎我所料，d汁又辣又酸，越食越開胃,雞下面仲有青瓜，雞都好滑，48蚊包埋熱飲真係冇得輸！朋友就叫左個歐陸風情，炸魚柳配炒蛋，佢話有d食緊早餐咁，但份量同味道都可以，魚柳炸得非常鬆脆。其他都不過不失！下次一定會再幫襯！大家都不防去試試！

響尖沙咀買完野。想食個下午茶先再開工。曾經響元朗冰室食過一次厚豬排飯覺得個豬排好林好好味。所以行左去諗住食個tea想食飽d。所以叫左下午茶厚豬排+拉麵餐($55蚊)即磨咖啡ok good。冷啡就不是即磨。所以叫番熱囉豬骨湯拉麵。個蛋仲有少少流心。算係甘。個拉麵感覺係出前一丁果些拉麵包。好勁麻油味。煮得沒過林。Ok 的好慘上次我食的厚豬排超級林。一d都吾鞋。今次呢塊厚豬排。雖然都係外脆香口。但裡面7成範圍(尤其中心部份)係好鞋同un。得外圍同骨位有d肥係林好食的why??上次我晚上食52蚊的厚豬排+蓮藕餅飯。個厚豬排真好好食。上次仲嫌得1件吾夠喉埋單55蚊。我只能夠講今次自己吾好彩。希望如果再黎可以食番好味的厚林豬

食過咁多冰室。。呢間算最有主題。。就係豬扒。真心好味。。其實唔洗諗咁多。。係諗豬扒配咩既姐。。不過佢都正常茶餐廳有既野。。不過豬扒係走唔甩。。如果去到唔叫豬扒。。不如食第二間。。其實都真係冇乜野可以講。。附近有。。行過路過唔好錯過。。不過就唔洗特登去既。。普通開飯。。岩哂。不過約會傾計就搵第二D啦。。。。。環境：普通茶餐廳冰室不過靚仔既食物：二個字。。豬扒豬扒同豬扒總括：平日開飯一流。。又開得夜。

午餐時間來到這裡，反正未食過便試一試。我叫了招牌厚豬扒併司華力腸，凍檸茶。豬扒大大塊，算厚身的，原來司華力腸只得半小條，還有些栗米跟白菜。豬扒落了鬆肉粉的口感，可以接受的程度，但沒有什麼味道，司華力腸就是一條炸了的腸，也不會期望司華力腸有什麼味道。飯比較差，用了一種差的米，口感不行，鼓油很普通，我寧願佢比煲仔飯鼓油我。凍檸茶反而正常，不錯。$52+$3的價錢，可以接受在這個區域，只是不要期望會怎樣好味。反正有裝修，也算坐得舒服，當大熱天時的一個涼冷氣點也可以。

今天中午時份，本人行經尖沙咀，又是食飯時候，於是在付近找東西吃，不過厚福街的食店是貴就是份量少！於是走出厚福街看看，就找到這閜餐廳，看見餐牌標示牛扒腸仔飯餐才48元，連凍啡都係51元，於是一試這個餐，當這個上桌時，我覺得份量足夠，試吃又覺得味道不錯，值得介紹！以尖沙咀來說是非常不錯，比厚福街的食店都要強，如果說厚福街中最差的，一定是光榮茶餐廳！它的快餐超級難食，20元也多給了，應該光榮结業才是，不要再害人吧！-

和朋友約尖沙咀行街，下午茶時間有點肚餓，朋友想食港式茶餐廳，所以就嚟到元朗冰室。地方大所以坐得也比較舒服，下午茶時間慢慢嘆下個豬扒飽。來到這裡當然要喝奶茶啦，奶茶很滑！豬扒啖啖肉，做到剛剛好，不會很乾，個飽皮很香脆，內鬆軟，口感十足！

平日大概2點鬆啲嘅時間，餐廳人流都好多。但唔需要等位，一入去就有人安排坐，繁忙時間都需要搭台，OK嘅。餐廳食嘅選擇都好多，今次主力講返下午茶拉麵餐。全部大大份，大概五十凌蚊有杯熱飲(凍飲加$3)。豬扒好食，厚切得嚟肉係熟嘅，豬扒唔鞋唔UN。拉麵就普通嘢，唔好諗住有驚喜。湯底方面，我揀咗豬骨濃湯，但味道就似出前一丁麻油麵味。麻油味好香，仲有芝麻添。(而餐牌上有: 豬骨濃湯，亦可選擇地獄湯底)餐廳冷氣比較大，吹到頭都痛。

今日嚟到元朗冰室食lunch我都需要等為大概10分鐘左右就有得坐低聽朋友講話呢度個豬扒好口好大塊所以我就叫咗豬扒配烏冬因為我驚食唔晒個豬扒真係好口同埋好大塊而且肉咁唔會好硬 一流

第二次嚟呢間餐廳食，回頭係因為俾佢嘅厚豬扒驚嘆到。第一次食嘅時候係厚豬扒焗飯，同埋口豬扒全日早餐，一個係軟+多汁，你一個係香脆香口，好難唔黎食第二次。咁第二次就叫咗個特餐，頭豬扒飯同埋一口多士。元朗冰室最出名嘅就係佢個厚豬扒，所以話餐廳未必一定要每一樣餸都好好食，雖然做到就最好啦，但係一間好嘅餐廳一定唔可以缺失嘅就係佢嘅招牌菜，只要佢嘅招牌菜做得好與眾不同，或者夾埋其他一啲平時聽落去好平常嘅菜式，咁樣都可以成為佢嘅特點，所以依家想食厚豬扒我就會想食元朗冰室。

今日同同事一齊食元朗冰室 佢個豬扒好大塊同埋都幾好食 唔會太硬食唔到 味道都唔錯 呢到lunch時間係需要等位 不過都算快架喇 唔使等好耐 整體黎講佢個豬扒係最出色 同埋夠晒大塊

Lunch時間都好多人所以要喺門口排隊先知入到去Lunch Menu都幾多選擇大概有五款左右大概有五款左右我就叫咗個海鮮炒烏冬味道都唔錯海鮮又有雨都幾大碟哈下次可以再嚟食過