元朗冰室

營業中

休息中

喺尖沙咀返工其實都幾幸福，四周圍食肆夠近又多選擇，但係價錢就相對貴好多，不過有心去搵一定可以搵到經濟實惠又好味嘅"飯堂"。聽同事介紹之下，今日就決定嚟呢度試下。餐廳地方大，一嚟就有位坐位，雖然係茶餐廳級數，但係坐位乾又闊落，算係幾舒服。餐牌上最Highlight嘅就係馳名厚豬扒，識食嘅應該唔駛諗咁多，就嚟個厚豬美式早餐加凍檸茶。成個餐嘅份量唔算多亦唔算少，但係應該有嘅都有齊，香酥嘅牛角包同嫩滑嘅炒蛋，襯托住主角厚豬扒。而且厚豬扒食落有肉質夠紮實得嚟唔靭唔鞋口，香料同煎嘅火候都啱啱好，唔會有豬騷味。價錢喺尖沙咀嚟講唔算貴喇，加上呢度勝在地方就腳又好味，絕對有資格成為"飯堂"之一。

食左個厚豬扒常餐食物： 100分都有80分 👏🏻- 豬扒唔軔幾好食- 牛角酥唔夠熱- 腸仔 + 焗豆正常飲品 : 100分得60分🙂- 凍奶茶茶味重左d衛生： 100分有70分😃- overall 正常，唯獨餐具拎出黎有點污糟服務：100分有70分😃- 服務員態度一般，都係趕住收野個種，問題係大把位，唔係peak hour性價比 : 100分有85分🙌🏻- 尖沙咀黎講佢個餐牌唔算貴！⭕️⭕️⭕️⭕️⭕️⭕️⭕️⭕️⭕️

大雨中經過這間冰室，當初只諗住坐下避雨。打開餐牌，對冰室著名的厚豬扒沒大興趣，所以叫了一個雞扒地獄拉麵餐。餐一上枱，非常驚喜! 估唔到份量這麼充足！味道亦比一般茶餐廳水準為高。$50一個餐係尖沙咀算係抵食

落咗堂係尖沙咀呢一邊搵嘢食，由於中間只係得壹個鐘頭食飯，所以唯有是但求其咁樣有咩就食咩啦。見到呢間元朗冰室有位，似乎嘢食又唔伏，咁就入咗去試吓啦。係類似普通茶餐廳咁樣嘅餐廳，然後呢又有啲晚餐嘅套餐比客人揀，價錢都好合理。嗌咗兩個拉麵套餐，豬扒拉麵同豬軟骨拉麵。講下個豬軟骨拉麵其實佢啲豬軟骨煮得好稔又唔會太肥不過就咸左少少食落去好重醬油味不過就同茶餐廳一樣份量好大份至於佢個招牌豬扒，你話係咪特別厚切我又唔覺得特別厚。不過我覺得要一讚嘅係佢唔會太乾，有啲肉汁，幾入味。不過我自己就唔太鍾意豬扒配拉麵呢一個配搭，如果下次再有得俾我揀，我會揀飯，因為豬扒配拉麵始終有啲唔係好夾。

一講到元朗冰室就會自然諗起厚切豬排！ 堅正！ 次次黎呢到都一定忍唔住叫厚豬排既Lunch!!!今日路過想食個下午茶，下午茶有厚豬排既餐唔多（豬排包/ 焗豬排飯/或者你可以叫全日早餐加$10 轉豬排）今次決定試豬排包，果然無令我失望！厚豬排包（下午茶$45）塊豬排勁厚🤤🤤🤤 超真材實料👍🏻 而且仲好juicy!! 真心覺好食過某D出名但又貴又細件既豬排包！一個人真係會食唔曬或者飽到上天花板！.唯一美中不足係個人黎講唔係好鍾意沙律醬，如果可以下次要叫佢走醬先！

食午餐時間都比較多人需要排隊大概5分鐘左右就入咗去坐低之後佢哋呢度出名係豬扒因為啲豬扒好大塊 我就叫咗個豬扒公仔麵唔想食飯因為豬扒都已經令到你好飽 同埋豬扒都唔會好硬容易入口

係舊年開嘅時候其實已經幫襯過一次，嗰陣時就冇標榜自己係豬扒專門店，以為真係轉左廚房同埋材料，會可以食到一啲特色嘅豬扒，今朝早餐得意試吓個豬扒麵，考就一定比普通茶餐廳厚少少，但個size就細咗啲啦，食落去口感都係普通豬扒一件，冇乜彈性，味道唔係好夠，個公仔麵都只係清水煮而唔係有味道嘅味精湯或濃湯，$45的價錢有啲貴。最奇怪嘅就係，成間餐廳入邊都好靜，無論食客同埋侍應都唔係好講嘢，所以啲杯杯碟碟嘅碰撞聲特別明顯！

又到糧尾，為左慳家，將午餐時段略為改後少少，而下午茶餐選擇都不少，都可以係豐富嘅一餐！呢間食店嘅下午茶餐搭正兩點開始，除左下午茶餐有嘅西多士、出前一丁外，仲有呢個-辛辣麵餐 ($50)，佢有辛辣麵、蒜茸多士配厚豬扒或大雞脾，再配熱飲！為左每樣試啲，兩個人叫同一個餐，一個豬扒，一個雞脾，開心share！除左飲品外，其他等超過十分鐘先送到，堅餓死寶寶！辛辣麵都正常，如果辣啲濃味啲就更好，麵質煙煙韌韌，有啲菜就無咁寡！雞脾ok喎，炸得入味又香口！豬扒就無想像中嘅厚，但正常味道！

在附近上堂，所以選了這裡食晏。選了厚豬排配蓮藕餅飯，跟熱檸水。本來是有點趕時間的，但估唔到一落單，轉下眼就上枱了，變了可以慢慢食。 蓮藕餅主要是煎豬肉餅，有兩塊，蓮藕份量不是很多。但是也不錯，好餸飯。到厚豬排，是否我的期望過高？ 我心目中的厚豬排不是這樣子的。這跟我平時食的豬排厚了幾多？不過，豬排算大塊，肉好淋，是否加了梳打？ 我好似食到梳打味。這塊厚豬排是有幾失望，但性價比可以啦！由於食物已夠味，所以碟豉油沒有點過。一個快飯，ok啦！

食lunch去食，叫左個午餐，意式焗厚豬排飯，出到黎個樣有d似某快餐店的焗豬扒飯，呢到個飯底較濕，醬汁較多，食到尾有d咸，份量好大份，最後都唔係好食得曬。塊豬排勁大塊同埋係厚切，好多肉，冇乜筋位。

呢間元朗冰室就係紅磡冰室附近，本身想去紅冰，但人太多🤣，所以就去試下呢間野。是日pizza 同薯條今日既pizza係夏威夷味，係我最愛嘅味😍，不過佢d料就唔多，仲加咗葱🤔，第一次見pizza有葱，不過望落去又真係靚d既。不過我個人就覺得佢餅底偏硬，如果d材料多翻少少，可能會好食d，不過佢今次都算合格既。佢d薯條本身就有味，似m 記薯角d味🤗，冇得輸。呢d茶餐簡唔中食一次就ok，下次都係食返紅冰常餐😍。

今晚又要上堂，來到尖沙咀附近搵食，這間元朗冰室，賣點係厚豬扒，平日午飯時段好多人，也有旅客拖住喼喺門外大排長龍。今日趁早早地唔多人，入內坐低，原來未夠六點，仲有下午茶添，店內環境闊落，裝修主要是香港特色。呢一餐都算是一個晚餐，叫咗焗鮮茄豬扒飯，餐飲加三蚊凍奶茶。等咗一陣間，熱辣辣焗豬扒飯送到，香噴噴，肚餓好心急，剛剛焗起非常燙口，要小心！表面鋪滿芝士，溶咗好香好可口， 配料包括菠蘿、蕃茄及洋蔥，豬扒雖然厚切，但夠淋，也夠味，有口感得嚟不會韌。杯凍奶茶較為失色，唔夠茶味。餐廳仲有好多其他選擇。

今日同朋友去尖沙咀行街食飯，又吾知食乜好，佢話帶我去佢既飯堂。因為佢係尖沙咀做野，成日去食，話好好食。原來佢帶我泥呢間元朗冰室，出名係豬扒🐷🐷我地7點半到，見到餐廳好大但都全Full!!好好彩，甘岩有人走，吾洗等。入面有好多卡位，坐得舒服！餐牌都以豬扒為主！一場泥到，就緊係點豬扒啦！豬扒拼沙律🥗:豬扒好大塊，炸得好香！雖然望落去有啲油😬但都好吸引。。一切落去係好容易切開，吾un咖！係淋既。。。肉質帶點粉紅色，吾會煮左好耐，應該係熟既🤣🤣豬扒吾算好厚切，但都吾會薄到得一片甘。。同埋醃料好入味，個人覺得帶少小咸。。但整體上係好好食！反而個沙律係普通既雜果沙律，就好普通啦。。豬扒腸仔飯：呢都豬扒緊加大件！一樣都係好好食。。呢個配腸仔，但得半條，但腸仔太咸，一般。。反而我覺得個飯好好食，係硬既飯，粒粒分明，岩哂吾中意食軟飯既我另外個豉油碟係心形🧡，好得意薯條🍟:我地額外點一份薯條，吾係普通薯條。。你地睇下加左醃料。。所以吾洗點茄汁都有味。。而且炸起即上，熱辣辣，好味！紅豆冰:每次去冰室茶記我都中意飲紅豆冰。呢杯紅豆冰係加左椰汁🥥！通常飲開都係得花奶，加左椰汁係好少飲到。。同埋紅豆夠淋，又吾算太

今次我就試下個常餐呀，咁我就試咗個火腿米粉， 個米粉就中規中矩啦唔算太突出 ，咁我覺得個常餐最好食嘅呢就係嗰個蒜蓉包，佢整得又香又趣，咁另外呢我覺得值得讚嘅就係嗰炒嫩蛋呀，真係又香又滑呀， 另外個餐包埋杯熱奶茶，價錢都係45蚊， 尖沙咀區嚟講算又抵食，又水準

冰室以主打豬扒為主 一入到餐廳坐底睇下個menu就知道皇牌必定喺厚切豬扒 所以特登order 咗個厚切豬扒配意粉一試 想試探下有幾咁吸引 但去到食落去個豬排感覺上食落只喺好普通 未至於令人驚喜 不過都夠哂大份 大概有手掌咁大嘅size 都算喺幾抵食 相反雞排就有surprise俾到我 份量夠大之餘 炸度啱啱好 唔太濃唔太過火 上碟嘅時候仲喺熱烚烚 睇落似喺啱啱炸好 即炸即整算喺相當新鮮 冰室黎講衛生方面都算做得幾好 就咁都睇落都幾整潔 可以放心食用