元朗鬼巴士 (已結業)

一向都知元朗鬼巴士多人讚賞，可是他在荃灣又好似冇乜人撐佢咁，每每路過路德圍都係見他冇乜人排，元朗和荃灣兩個地區，何以分別咁大？相當奇怪今日終於有時間買番屋企試試，當作晚餐加料多個餸樣樣有啲，當然是買大雜錦啦！大雜包括有:紅腸、扎肉、牛柏葉、豬生腸、豬耳、雞腎⋯⋯白滷水相當入味，鹹度適中，重點在於那個醬汁，做得出色，還有那芥辣，令人有衝動一點再點，芥辣加多令到辣味一湧而上，爽呀 只需外賣加多$1, 可要求食店將醬汁分開上，回到家食時才下那醬汁，相當味美奈何與業主續約問題，荃灣店營業至11月23號，難道在荃灣店第一次試完後便銷聲匿跡和店員傾談中，他們至今仍未找到新舖位置，希望他們早日如願完成再次登陸荃灣，期待

今晚放工揸車返屋企，去到半路好肚餓，腦海中淨現出雞扒呢樣野，唔使諗咁多啦，即時俾油衝入路得圍啦，雞扒就買左塊食緊時，行行下見到鬼巴士，好老實講，旺角肥姐就必食，咁今次見到巴士就撞下鬼啦，買左個大雜錦返屋企加料，返到屋企準備開飯，好老實剛剛食完塊雞扒，食後多晚餐丫，咁好彩屋企人又煮得多喎今晚，見我加料當然就話我浪費啦，但係想食就買架啦，成餐飯頭半場就幾個人話我浪費，後半場就話我買得小，天呀，你地想点先。食物算好食，但同肥姐就係差少少，但種類就多d，一個大雜咩都齊，咩都有，另外食物夠凍，凍食唔夠凍，真係會死人架，我個人就俾80分啦。

鍾意食內臟的朋友有口福la, 啱發現係街角開咗呢間鬼巴士，叫咗生腸同其他小食。個漿好正，生腸好爽口，雖然不及尖咀口福街某間有名鋪頭，但都值得一式。無影到相， 因為個紙杯影完都唔吸引，但食落肚係唔錯，值得推薦。最後 點解呢d 內臟價錢都係偏貴，買多幾件嘅價錢，係荃灣可以食到個正餐。

小雜錦（$30)除左街知巷聞既#肥姐 ，其實 #元朗鬼巴士 都唔錯。叫左一個小雜錦，貪佢樣樣都有啲😋 雖然個名叫小雜錦，但其實份量都好多，非常抵食。滷味夠晒冰凍，醬汁似係特調🤔，唔知點形容，總之兩者夾埋好好食👍🏻 最出色係反腸同柏葉，好爽脆，撈埋啲汁真係無得頂！其實越普通既野食越難做得好，希望水準可以keep住，唔會因爲越來越多分店而差左啦😎

係荃灣路德圍嘅小食店林林當中呢間嘅滷味真係爽口要了一份大大份嘅拼盤我拼啦

今日經過，買咗個大雜錦黎試下，幾好味喎！生腸、牛柏葉唔韌夠林，鹵腎夠入味，$55都算幾抵！可是想講下，個普通嘅發泡膠盒，拎到返屋企漏晒汁，可否換第二種外賣盒呢？

行經呢間鋪 唔使排隊 又口痕叫左個細雜錦外賣返屋企食 ($30)唔使諗 勝在咩都有啲 可以樣樣都試下份量黎講 每款有三件左右 有牛柏葉 火雞腎 反腸 紅腸 豬耳等等滷味本身無咩味 都係靠啲醬嘅味我第一次食 梗係咩醬都要啲啦有豉油 麻油 甜醬同黃芥末睇其他食評好似話個豉油係好特別嘅但我唔係好食得出 可能因為啲醬已經撈埋哂怕嘅人最好唔好落咁多黃芥末我都幾推介反腸同牛柏葉兩樣都好爽口 反腸仲界左花所以就可以掛更多汁喇你話係咪超好食 一定要食呢我又覺得唔係但如果行經 又想搵啲野食下鬼巴士都係一位唔錯 不過不失嘅選擇

嚟到荃灣美食天堂～路德圍，真係人多但好嘢食更多。趁今個星期六長週，放咗工就嚟覓食！聽人講元朗鬼巴士嚟咗荃灣開舖，初初唔知鬼巴士係乜，仲以為有乜鬼故聽，原來又係同我最鍾意嘅‘食’有關！哈哈！由頭到尾同鬼同巴士都冇關係。啱啱行到去舖面，阿姐仲準備緊，身為排頭位嘅我，當然周圍影下望下，仲要諗下叫咩嘢食好！佢可以續串買或者叫雜錦，我呢隻為食豬當然要食個雜錦啦！貪佢乜都有，12樣嘢食每樣幾嚿，但就係冇墨魚同魷魚！（今日冇滷水柏葉！）階因墨魚同魷魚要分開買囉！買大雜錦仲可以平d，呢d咪marketing 囉！又可以賺多d~睇落真係好吸引，一直係喥諗究竟買大雜錦定細雜錦，心大心細，左計又計，大又可以平幾蚊但又怕太多，最後決定叫細雜錦，再加多兩串墨魚。放到滿滿一大盒，細雜錦已經份量十足，真係想像唔到大雜錦有幾多，好彩叫個細嘅，食完仲可以去掃其他嘢食！呢種街頭小食一般都係凍食，牛柏葉、墨魚、生腸、脆腸、豬耳全部爽口又唔太韌，又唔會好似拿到淋滋滋，唔錯！不過，個秘製汁鹹咗d!加上用外賣盒放，令到放上面嘅唔夠汁，擺下面嘅又過份索汁，攪到下面果d勁鹹！除此之外，硬係覺得札肉同呢堆嘢食格格不入囉！

自己第一次聽到元朗鬼巴士這個名字已是很早以前了，當時一直十分好奇為甚麼會這樣命名。之後聽聞這家店是以各種內臟馳名香港，便一直想一嚐其滋味。（小弟從小就偏愛吃內臟，直至近期不斷聽聞吃內臟很危險和骯髒，才少吃了很多。這天來到荃灣，搜尋有何美食之下，竟讓我碰着這家店，便按捺不住試一試了。）我買了一個小雜錦，貪其甚麼都有。一拿上手，才慶幸只叫了個小雜錦：份量十分多，每樣食物都有三數件，假如叫了大雜錦，大概自己一個人是吃不完吧。廢話少說，小弟開動了。整個小雜錦都是凍食的，而且沒有經過甚麼加工，吃下去能清楚吃到每樣食材本身的味道，正正是像我這樣被內臟的獨有味道吸引的人所想要的。由於小雜錦中的食物種類實在太多，難以道盡，小弟決定選幾款印象特別深刻的來跟大家分享。生腸：生腸處理得真的很好，腸內完全沒有污物，而且生腸煮得剛剛好，爽口之餘又沒有任何腥味。生腸本身滑溜的口感再加上冰涼的質感，吃起來有點像在吃啫喱。牛栢葉：牛栢葉十分爽口，不會像一般酒樓的牛栢葉煮得很軟身。或許因為過了冷河，牛栢葉裏面水份好足，一咬落去啲水爆哂出嚟，感覺超級清新。甜醬：這裏的甜醬真的值得一讚，比外面吃到的甜醬鮮味很多，不會只有甜

元朗鬼巴士，聽個名真係完全唔知賣咩，由於排長龍既關係，一邊等一邊睇個電視仔介紹，終於知道原來係因為老闆拍過一套戲叫鬼巴士，因而得名。所有鹵味，除了墨魚和尤魚外，全部$6串，另可選擇小雜錦$35或大雜錦$55。初時只叫了生腸和脆腸，個人覺得生腸係一流，夠爽唔un👍👍😋脆腸可以，略嫌唔夠鹵水味，但醬汁補救一開始落左一種唔知咩調味，估計係鹵水,蠔油or麻油??再加上甜醬&芥辣，唔太咸，芥辣攻鼻得黎唔太攻!由於太好味，再排左個小雜錦，雞腎太少份量，無鹵水柏葉，只得普通柏葉，好爽，但同脆腸一樣唔太夠鹵水味，總體都好滿足!!果然係食了心思思，成日想去食!

勁多人排隊，隊左10至15分鐘就到我啦!!!但大家留意番佢係3點先開門架太早去未有得食架6蚊就有1串，小雜錦30蚊，大雜錦就55蚊由於我個fd講過札肉係鞋墊，所以我就成日凝住食鞋墊，少食少食! 於是揀左滷水栢葉，牛栢葉，生腸同脆腸，總共5串不過第1次食既朋友就可以嗌過雜錦試試，睇下邊款岩自己口味滷水栢葉入味又夠淋，牛栢葉都好好味，生腸夠爽，脆腸又夠脆配埋獨有羅漢果汁正丫再配少少芥辣為之perfect

鬼巴士店名好特別，睇名唔知佢賣乜？原來係賣滷水食物。小時候，街邊一個膠箱木頭車，唔大，細細地，就已經裝曬要賣嘅滷水，好多都係食用紅來染到啲食物，紅博博。此名有係新假期出現，加上名特別，好多人知。今次經過荃灣就一試。有特別自制的豉油醬，一pad的，會放係食物面。品嘗後，覺得好咸，非常咸，唔係好得。我覺得用返豉油會好好多。食物有好多款，款款係6蚊。仲有大細雜，樣樣有小小。大$50細$30，唔使煩，可以試到大部分食材。品嘗後，食材冇味，整到連本身的味道都冇曬。我試完，覺得都幾難食，不能跟以前街邊車仔檔相比，更不能更肥媽比，距離實在太遠，再加上好咸。完！

叫左一合細老味，都係$30，入面有生腸，火雞腎，牛柏業，香腸，豬頭耳，札肉。佢個生腸有2款，白色咬落口好爽脆，牛柏業咬落初頭有少許硬，但之後食落有份好溫暖既感覺，點左佢特製既豉油，係咸左些。不過，佢既老味，真是抵食又好味，值得一試

終於今日第一次試食，去咗荃灣店。因為手腳慢，排咗十分鐘其實人唔多，不過應該無下次。本人非常喜歡食豬脷生腸，第一次試對各方面失望。消費者當然會有比較。醬汁：太濃，同啲食物唔太夾。肥媽啲汁配合得天衣無蓬。芥辣：一向唔食，但只會食肥媽嘅。依間好鞋唔喜歡。分量：可能一串先六蚊，所以少啲。口感：啲豬脷口感好爛，overcook咗嘅感覺。

排除也用上了大半個小時，人龍不間斷，大家也奇怪是甚麼店如此厲害。因為元朗店的名氣，加上晚上才開門的關係，只是聽聞此店的食物如何有水準，今日有緣見到，排隊就排隊喇！本來是想試一兩串再吃晚飯的，但排了這麼久最後決定要一個大雜錦試試所有東西吧！醬汁真的很惹味，甜而不膩，帶有濃濃的麻油香，介辣醬味道也不錯，跟牛柏葉、豬脷、白生腸夾起來味道最好。整體味道及食物質不俗，但要排隊超過半小時為吃這些小食，值不值就見仁見智，名氣之大，一試無仿吧！