元気寿司 (淘大商場2期)

營業中

休息中

有睇開我食評都知我鍾意去慈雲山嗰間元氣, 水準穩定, 食物新鮮 , 連紫菜都脆過人 , 但今日我嚟試淘大呢間元氣, 一嚟唔想特登上慈雲山, 二嚟都畀啲機會發掘下其他分店嘅好處。來到等咗一陣就有位喇, 服務態度冇乜特別, 不過啲 侍應好似唔多夠咁 要自己行出去拎碟, 你問佢有冇點餐紙嘅時候佢就話呢度用電話點㗎喎。 叫嘅嘢食同以往都差不多 , 一樣係有軍艦, 亦有蒸蛋。唔知係所有元氣嘅蒸蛋蓋都換曬膠蓋呀? 定係只有呢一間玩曬, 但方便開左好多, 唔會熱親手。而個蛋同其他分店一樣好食。軍艦都可以,但啲紙菜有啲林林地其餘食物都可以既, 起馬唔會太薄。呢兩碟野我無食,但都精神既。軟殼蟹手卷,個蟹身唔脆,一般般總體可以既, 但都仲可以有改善位而後尾加呢啲就一般, 啲要炸要煮既野就渣啲

成日經過元氣都好想入去食，可惜唔係元氣會員，無得提早攞飛等位，閒閒地都要等百幾二百張飛，真係等到天荒地老，唯有放棄。今日經過淘大元氣，竟然只係等幾張枱，我一個人等位，等左唔駛5mins就有位，lucky~即order我既必點美食-海膽軍艦：足料，多到差d見唔到d飯。海膽最忌既苦味係無既，入口鮮甜。好貪心好想再order。元氣卷: 香港人好鐘意既三文魚卷埋裹面既三文魚皮同青瓜，一啖入面三種口感，都係我必叫既。左: 火炙帆立貝壽司，比左滑溻溻既帆立貝，我更加鐘意加埋蛋黃醬燒過既，因為會更加香，帆立貝大大件又甜👍🏻右: 火炙左口魚邊，左口魚油分好多，燒左之後好香，啖啖魚油👍🏻牛肋肉壽司: 第不次食，有d燒汁，加埋d葱好惹味。炸墨魚軟骨： 食淨少少先記得影相，呢個兩個人食比較好，因為有d油膩，同雞軟骨有d似。如果拎黎送酒一流！飯後甜品忌廉泡芙。裹面d cream，好凍好正！

熱食如烏冬都到了。。食埋～等多20分鐘一催再催才有壽司到。。。由落單到見到碟壽司要半個鐘。。。速度慢得驚人～但火炙壽司迴轉帶上又無…只能order…另外，女員工打噴嚏…向著一堆備用茶杯打…完全沒意思掩口，也沒帶口罩，以現今香港來說…這樣的衛生意識真的非常需要擔心！

是日下午約了朋友試吃人氣抹茶千層蛋糕，有少許空餘時間就到淘大新張肥皂店入貨。星期日商場人流多又迫，一個人吃飯選擇不多，就選了最穩定的元氣壽司。點了限定的新魚試吃，口感不錯，另外有最愛的火炙左口魚壽司，平時吃的油脂較重，入口即化，這件較爽身，不是我杯茶！再來一份鰻魚手卷每次到元氣必點最愛的茶碗蒸，這份茶碗蒸外貌平常，想不到「好眉好貌生沙蝨」裡面是水樣，似是未煮熟的雞蛋狀，味道也偏咸,很失望P.S: 後來跟朋友說起，他說可以請餐廳換一份，不過應該不會想再來這分店了

難得今晚可以同媽咪行街及食飯,地點揀了淘大商場,貪夠交通方便及多野買, 由於係會員可以遙距取票, 預返時間拎定飛, 到差不多號碼時就過返去等, 時間真係啱啱好 !拎住幾袋, 我地想要卡位, 雖然2個人但職員都好好比我地坐, 之前收到電郵會訊有新產品, 一於都去試。牡蠣日式豆孔湯烏冬 $32我地一人一碗, 湯好重豆乳味, 我地飲晒成碗湯, 比起之前烏冬係細碗左, 但烏冬依然彈牙, 不錯的選擇仲食左以下壽司 :墨魚軟骨 $17醬汁較多所以蓋墨魚味玉子壽司 $12蛋汁好甜, 不錯不錯。吞拿魚壽司 $19較喜歡少筋, 因為好易黏牙灸燒辛辣三文魚腩 $10三文魚腩夠肥美, 加上有少辣醬,蒜蓉粒及沙律醬, 配搭一流。左口邊魚壽司 $12魚油真係好香, 每次都會點。咖喱三文魚奄列壽司 $19新產品, 外表精緻, 不過奄列內有咖喱, 成件放入口, 感覺就奇怪, 但可以一試。元氣真係可以保持一貫水準, 難怪捧場客咁多啦 ! 而且不時有新產品試, 真係唔錯呢 !

一向都係元氣既鐵粉，價錢公道而且食物質素都有水準，平時放假都會整返餐，呢日放假又想食返餐壽司，近近地落樓下元氣食返餐先，未到晚飯時間都冇咩人，一入去就有位見到有新野食，不過就有限定時間推出，今日就冇咩想試其他野食都係keep住平時咁每次必點既手卷，只因每次食塊紫菜都仲係脆既，不過今日既紫菜就似乎唔夠新鮮辣味三文魚，淘大呢間元氣整得好好食，每次都要叫兩客先夠食壽司維持水準都幾新鮮最後埋單兩個人2百幾，呢個價錢都可以接受既

元氣係塔塔子飯堂之一！不過淘大呢間分店就好少去，九龍東黎講應該係少d人等位既分店！當日塔塔子想食多點熟食，叫左最愛既軟殻蟹手卷軟殻蟹新鮮炸起，紫菜又脆口，好味當日冇左塔塔子最喜愛既左口魚，失望左下的海老壽司好食！黑椒三文魚也不錯～芝士年糕，好好食呢！甜中帶點芝士咸香味道，仲帶拉絲！黑辣辣，熱氣？唔理啦！此店味道不錯，可惜部分員工好似遊雲咁！第二次落單後等左好耐，追問之下話冇落到食左張紙？實在扣分扣分

連鎖壽司店之中，我較多光顧元氣壽司。元氣壽司的價錢中等，定期有些期間限定的新款，比較多元化。新口味的烏冬，份量太少了吧？味道一般般，竹輪和日式魚蛋都沒有味道，而且淋得口感有點怪。野菜餅烏冬好食點。手卷水準不錯，紫菜十分脆。材料夠多，一直食到尾都食到餡的。（呑拿魚手卷是 $19。）呑拿魚手卷本來已經有醬汁，不需要再加豉油。壽司質素不錯。三文魚比較瘦，但帶子很厚身。蝦頗新鮮。滿滿的三文魚，好食。女朋友覺得很可愛，可惜只剩下一款。

開餐啦! 晨早劉劉出去做facial，食左個芝士蛋糕炸。做完facial即黑非去九龍灣食元氣，同屋企人黎個家庭樂!4個人原本以為可以食超過300蚊噢賣閣，景言5得😱😱😱燉蛋，屋企人想試，我冇，所以5知道味道烏冬：正，食左2啖都飽左3成元氣最近都高水準，每次食都會叫翻相同既，好味既，又5貴。最後download左個app諗住儲分做會員!

壽司店隨街都係，不過價錢平既唔好食，真係好食既就好貴，所以講到中規中矩就非元氣莫屬，價錢同質素都算成正比，係淘大商場就有一間，比起德福廣場果間，呢間人流就少d，所以等位都唔使咁耐。兩個人坐迴轉都好快有位。食壽司點少得麵豉湯，個人認為點都有d熱野落下肚會舒服d。每次必點既手卷，起碼包住既果塊紫菜真係脆既，而且有紫菜味，而且材料充足，食到最底都仲有蟹子仲有好鍾意既辣味三文魚，辣味啱啱好，幾惹味壽司一如以往水準，刺身都係好新鮮，好味

早前喺聖誕買左外賣壽司, 有1張開減$30coupon。喺deadline 前就用左去, 外賣返屋企慢慢食, 舒服啲。2人食叫左大概$220 (減左$30後)壽司。最愛灸燒左口魚背, 魚油味香同重。鍾意油嘅朋友記得試。有醬油味同原味, 食完覺得分別唔大。厚燒玉子, 今次做得幾好味, 甜甜地同暖。下次外賣都係唔叫軍艦壽司喇, 紫菜淋得好勁。仲叫左燒牛肋肉, 呢個都唔錯, 甜甜地。海鹽帶子都ok, 唔會覺得唔新鮮, 但唔多覺有海鹽。

今日放假去咗淘大做gym完咗之後就當然搵嘢食呀淘大非常之多選擇你想食乜都有得揀我今日想食壽司所以就中左入元氣啦唔知係咪太耐冇去元氣依家lunch set都幾多選擇總共有四-五餐到啦我就揀咗呢個刺身飯嘅定食圖片只供參考就當然架啦魚生飯同相片係咪有多少出入呢三文魚就正常啦不過牡丹蝦有驚喜蝦味非常之重所以收貨架個定食有包埋依個燉蛋如果食得太多生野嘅話呢個可以暖一暖個胃炸蝦天婦羅就當小食啦都唔期望佢有太香蝦味只要唔好太油就合格啦最後連埋＋1 $90買單有湯有沙律有刺身有燉蛋算係咁架啦

星期日諗吾到食咩 落到街近近地就諗住食元氣啦。大概5點幾，去到吾洗等即有位。坐低就同男朋友叫野食，點左個三文魚刺身(4塊)，仲有其他壽司，軍艦，芝士年糕。等左10分鐘到，刺身就黎到。但職員拎黎既並吾係三文魚刺身，而係三文魚雪條！三文魚上面有雪，用筷子篤都篤吾入！完全係過份！拎啲咁既食物比客人食。見到後就立即叫職員，但佢見到後就咁一句，就拎去比師傅換。禮貌在那裡？吾好意思一句都要掛？ 第一碟食物就已經咁，同男朋友即時對之後既食物都好冇信心囉！之後既軍艦都還可以，但壽司又係令人火滾！一件赤蝦壽司竟然可以有成兩三塊蝦殼係上面，仲有未清好既蝦腸！ 衛生完全吾OK！！之後食完個芝士年糕就即刻走人，留多一分鐘都吾想！餐飯既價錢咁就成為216.8毫大元！我比左502元，但個位男職員(Wing)只係找回240元比我！請問個兩毫去左邊？！係米當客人老馮比tips？話我孤寒都好，咁既服務質素同食物質素，比一毫你都吾值！垃圾！以後都吾會再黎！！！

以前盛極一時的元綠壽司，現在已無蹤影，元氣壽司卻開得到到都有，世事多變，難以預測。是日和家人到元氣吃午餐。其實，元氣的主打，當然是壽司，或道迴轉壽司，如果不打算吃壽司，到元氣幾乎無物可吃，還不如去吃麥當勞。我個人喜愛吃壽司，不過迴轉壽司在初創時甚為新潮，蔚然成風，現在已覺得見慣不怪，無甚特別食慾，三文魚，吞拿魚，希靈魚，帶子....如流水帳般拿下又吃光，味道當算鮮甜，然挺不錯，已復以前的興奮勁。元氣除了賣壽司，還有甜品，叫了一個芝士餅，份量不大，軟滑清甜，也算不錯。

相隔一段長時間再到淘大，才發現原來板長已經在九龍灣消失了！ 退而求其次，在同一位置的元氣吃壽司，等位是必然的，不論是否迴轉枱，等了半小時，輪到我的籌號，馬上入座。在評論食物質素前，我最想分享的是店內環境。輪近的食客一家四口樂也融融、熱熱鬧鬧，忽然小學年紀的女兒失手，把一碟壽司打翻在迴轉帶上，哎呀，隨著其轉動，狀態「有目共睹」了。幸好女店員快速呼叫：「停Belt！停Belt！」，很快清理妥當。其實如何能避免打翻壽司呢？個人認為還是家長們幫幫忙，管好自己的小朋友，你們興高采烈的同時，也別令其他食客掃興嘛！之後再有一組四個小孩的女士入座，環境更糟糕，她完全無法令忘我的小朋友合作，只聽她以沙啞的聲線咆哮，四個小朋友則一於少理、敏捷地在迴轉帶上拿壽司，明顯地享受「拿」壽司而不是「吃」壽司。眼見狀況沒有好轉的意味，我還是快速吃飽，結帳離開了。但願下次我與小孩無緣吧！食物方面不過不失。我吃了～三文魚壽司($14)不特別肥美，又不算很新鮮，壽司飯黏連程度恰好。波士頓卷($16)的芝士是賣點。玉子壽司($12)平凡中帶甜味，好！帆立貝壽司($32)所謂極上之選，卻只是價錢極上，帆立貝並不算新鮮，賣相亦欠