元気寿司 (恆福商業中心)

營業中

休息中

喺尖沙咀想食元氣壽司最近一間就係佐敦！因為尖東嗰間太遠所以呢就慢慢行咗去佐敦啦-好彩決定去呢間元氣壽司去到等左大概15分鐘就有得坐低同其他元氣相比要大排長龍等成個鐘對於我呢啲非會員來講就真係唔想排-元氣連鎖得來有保持到水平我最鍾意食佢個筋子壽司＄10一件好抵佢嘅芥辣八爪魚更加係我每次都要食嘅-不過由於職員太少所以落單都要等一陣叫嘅壽司都等得比較耐但係比起回轉帶上嘅當然比較新鮮啦-我哋兩個人食得比較多野所以就開始咗儲分做會員

原來約左朋友去第二間食的...但點知去到先知原來爆到九彩....要等兩個鐘先有位...所以只好即刻搵有咩食..搵下搵下就去到元氣....入去坐底就開始食野...其實當晚都叫左幾轉野食...不過元氣就係元氣羅....料係新鮮的...價錢亦唔算平的..但對於大家黎講...一間全香港有五十幾間分店質素又有返咁上下的壽司店真係得佢...所以都係食元氣喇....反而唔知係咪而家經濟真係唔好...食完竟然送左20COUPON俾我地...明明我地都係食左200蚊...都叫係小小SURPRISE既...

又食元氣下午茶 真係好鐘意食 因為好抵！A+B+C都只係$50蚊！茶碗蒸: 基本上一定好食 (係試過有一次蒸老左同唔夠熱)炸雞: 次次都凍😅😅所以次次都同店員講要叮翻熱壽司: 5舊都係我鐘意食既味道 三文魚: 較薄 味道正常北寄貝: ok 普普通通火炙三文魚: 燒過既三文魚好香 面頭既醬都好好食牛油帶子: 重頭戲！我平時單點都會點架！好香牛油味 同帶子好夾柱貝: 有3-4粒 粒粒都好漲卜卜 點wasabi豉油食勁正！當然仲有得任飲綠茶啦！元氣隻綠茶粉咁多年都keep到水準👍🏻👍🏻加埋一都只係$55 又冇限時 人又少 可以慢慢嘆綠茶 正！

元氣壽司下午茶2:30-5:30，不過呢佢唔係間間都有下午茶，咁佐敦而間有下午茶。我個人覺得佢下午茶，係幾抵食。佢都幾抵食， 選擇都幾多😘仲有其他配料可以加。炸南瓜餅，呢個好好食，南瓜又健康。個人覺得呢個蒸蛋蒸得好滑，幾好食。不過呢要等，可能咁岩食晒啦，食晒所有野最後先來。仲叫多兩客炙燒三文魚呢個又平又好食。整體感覺，非常之好，下午茶時間都有比較少人，坐得又舒服，其實食一個一個餐，已經份量好足夠。

返工忙到爆完全無時間食午餐，所以收工第一時間食返個下午茶123食每Part可以選擇一個仲有得追加飲品食物1B壽司再加煙三文魚沙律和日式蒸蛋煙三文魚得兩條超少沙律汁，好乾蒸蛋超滑保持到平時既水準加左$12叫左個三文魚湯，入面都有三至四件三文魚頭，仲有羅白，幾好飲埋單$70有找，好抵

今日黎佐敦上堂，一支公lunch都諗唔到食乜，經過見到間元氣，二話不說入左去。呢間晌地庫的元氣以為無乜人，入到去又幾full喎，好在一個人唔駛等位有迴轉位坐。睇完餐牌叫左set b黎左牛肉烏冬同蟹籽沙律影得唔靚，但兩樣都幾好味三文魚蟹肉飯，比我想像中好多料，唔會有食晒d料都未食晒d飯的情況出現以往都係食sushi未食過lunch, 但原來lunch咁抵食，呢度唯一要負評的係得一格女廁，等廁所等到天荒地老，清潔又麻麻地咁

偷得浮生半日閒，今天突然有半天假，沒有朋友有空不如自己一個人食個悠閒下午茶，行過見到元気有個「午後の自選三食」一於試下先，下午茶時段的元気人流明顯少很多，不用等位不用同人迫真的很悠閒日式燉蛋 - 燉蛋非常滑溜蛋味香濃，內有冬菇、日本魚片和蟹柳南瓜薯餅 - 即叫即做熱辣辣外脆內鬆軟，南瓜甜甜地配上沙律醬真的無得頂寿司盛  1B - 三文魚不夠肥美，辛辣長鰭吞拿魚味道幾特別小小辛辣把呑拿魚的鮮味帶出，赤海蝦很鮮甜食落十分膠口，鰻魚腍腍地不腥，蟹子沙律卷紫菜脆脆的應該是即叫即包的👍🏻元気特飲(芒果梳打配雪球）- 芒果味濃梳打氣十足，慢慢飲椰子雪糕融在芒果汁出奇地夾👍🏻(午後之時段實在超值）

宵夜不是好餓，只吃好少，但好頸渴，先叫飲品，不喝白桃的我反感這較芒果雪糕soda岀色，外面太熱，喝有氣飲係咁爽y ge吞拿魚三文魚刺身高質，有口感，但已較從前細塊。今日試新品奄列三文魚賣相吸睛，面頭有炸天婦羅少少什菜，中間有玉子，一口連三文魚很滿足。唯碟碟賣相不一，圖中是下單點的，普通樣，但當時被吸引的是迴轉那碟呢。鰻魚同樣有賣相，入口蒲燒汁，可口。蟹籽爽口，辣藍鰭吞拿魚是我每次來的目的，入口即溶。小柱則是帶子仔也新鮮，熟蝦就普通吧。食後感：食物好，質素佳，價性高。但但但但洗手間男女廁均有強烈異味，而且得一格，我要閉氣如廁沖廁至衝岀女廁呢。。。。P.S. 我唔明白自己寫的都係事實，點解開飯網話我文字有誹謗成份，o咀了

細個得元氣元綠 小朋友時有迴轉真係好開心架！後來開多左好多板前板長一壽司等等，令我地都忘記左元氣了近排行過見到元氣又心思思想食翻了！咁多年冇食 價錢好似冇貴到！日本綠茶粉仍好好味 飲左好多杯！👍🏻我地冇拎迴轉 因為覺得order新鮮啲 所以我同老公都會向店員order不過呢度冇order紙 下下要記實想叫咩食 有啲啲難記😛至愛的boston卷 係元氣最好食的！火炙壽司都幾好味幾香燒多春魚就麻麻啦 炸粉多 炸得好硬特別一提 元氣要做會員都幾難儲除非好大班人食 否則兩人好難食到咁多錢建議降低個金額😝😝

又到了會員續會的時間，還欠近三百元才達標的情況下，家人自是很樂意幫幫口的呢！這夜有家庭節目，於是一家三口便先到佐敦午餐。來到了昔日於佐敦工作時常到的元氣，遇上的是久遺了的柯打紙。其實比起店員落單，我更喜歡自己剔的感覺。最先來的是家姐的多醬版軟殼蟹醬手卷($20)，那些醬多到連蟹也看不到，不過聽說蟹仍夠脆口就是了。野菜餅烏冬 $28平日吃元氣必然會點溫泉玉子烏冬的我，這天竟然轉了口味。烏冬夠熱夠彈牙，比起之前在太古吃的實在好太多。然而野菜餅似乎油份挺高？牛肉薯餅 $14出奇地少吃炸物的媽媽會指定要吃這個薯餅，戳開薯餅流出熱乎乎的牛肉及肉汁，試了一口薯蓉出奇地香口，不錯之選！辛辣長鰭吞拿魚壽司 $10大滿足裡頭最愛吃的一款，雖然魚香不算突出，但吃的其實是辛辣的刺激多於魚油的豐腴吧。芝士飛魚籽豬扒卷 $18其實媽媽不太好魚生，所以點了一點熟食的壽司。雖然那個豬扒肉香欠奉，但口感不算死實已經收貨。波士頓卷 $18好像也是一款必叫的卷物，其實沒有甚麼特別，只是芝士控嘛，你懂的。帆立貝壽司 $16好像已經一段時間沒再吃到夠鮮的帆立貝，這天的帆立貝鮮度合格，不錯吃。海鹽帆立貝壽司 $16家姐則選了海

今日晏就苦惱食乜之際，朋友諗起附近有間元氣，就即慶去食。餐廳響地庫，網絡訊號完全係0跟住問店員有冇wifi，就比左個密碼我地，但每15分鐘會自動熄要重新入過，每人只可入3次，都幾煩，唔玩電話好過。茶壺裡既水都唔係好夠，倒左一杯半已冇晒，不過店員就好樂意咁幫我。唔知係我好餓既關係定咩，食物都要等一段時間，最欣賞係個烏冬，熱辣辣好好味如果未食正餐的話，衣個餐真係唔太夠飽，所以餐牌都係話輕食。

做完体檢二人醫醫肚，近近地就食佢啦。。。Lunch set68熱Wudo幾煙un，壽司有八件，望同食都比迴轉帶上的新鮮，赤海蝦同三文最正。炸蝦卷幾香脆。沙律細細地，粟米幾甜，青瓜又脆。三文幾有色澤，鮮。味ok.帶子好厚身亦係幾新鮮仔。吞拿魚入口即溶有驚喜。最正係個牛油灸赤海蝦，大隻又開得靚，調味超得。赤海蝦賣相吸引，一碟一隻好易食好多。飛魚子都ok仔，粒粒爽口。Lunch夠抵食。P.S.上次的優惠券原來只能晚市，無效。

最近天氣悶熱萬分, 乍暖還寒, 感覺不是味兒。想清清淡淡食一餐, 剛好下午茶時間, 決定同友人到元氣壽司填飽個肚。下午茶套餐元氣既下午茶套餐一直都覺得係抵食之選, 而且仲有好多唔同選擇可以揀到想食既野。最後我揀左壽司, 烏冬同埋炸物……壽司: 飯與刺身既比例岩岩好, 而且每件壽司味道唔錯, 三文魚油脂甘香, 赤海蝦爽甜彈牙, 辣味吞拿魚惹味厚肉, 薄切牛肉焦香味濃…..烏冬: 雖然呢到既烏冬味道比較清淡, 但係烏冬質感卻唔錯, 彈牙得黎又唔會煮到太爛, 份量都可以, 總括而言OK……炸多春魚: 多春魚炸得香脆可口, 外表炸衣唔厚, 調味岩岩好, 分量尚可….. 

今晚約左朋友在佐敦晚餐。放工後致電他們，原來他們已經在元氣內排隊，尚有2張枱就可入座了。既然如此，就多等一陣吧！職員表示迴轉座位可馬上入座。如要卡位就要多等一陣。大家都很肚餓，最後選了迴轉，排排坐。迴轉座位無太多位置擺放物件，冬天的話，就要諗清楚了。由於這陣子是蟹的季節，可是至今仍未有机會品嚐大X蟹。所以看到餐牌有軟殼蟹供應，就很想食了。這個牛油果軟殼蟹卷，可以看到肥美的蟹身及圓形蟹腳橫切面，估計只有1/4隻軟殼蟹。為避開卷卷面上橙紅色的蟹籽。先吃底部吧！蟹身部分的蟹膏軟棉棉，蟹殼雖炸過但依然是軟軟的。即使是蟹腳都皆可咀嚼，連殼食，原汁原味，不用吐骨，食蟹要有儀態。加上沙律醬吊味, 不覺得油膩呢!只是嚐不到牛油果....另外點了大滿足系列的赤海蝦，炙燒辛辣三文魚腩，秋刀魚壽司, 飛魚子手卷，芥末八爪魚軍艦，甜蛋, 泡芺仲有枝豆，今晚大家排排坐, 你一碟我一碟，重溫小時候，食壽司鬥叠高的情景了。

少少餓，需要吃點東西，但又不要太飽，簡簡單單食元氣是不錯選擇。今次試試季節限定的新款式。松葉蟹牛油果軍艦秋季是牛油果與松葉蟹的季節，時令食品，一定要試。蟹肉算多，味鮮也夠濃，牛油果味清新味較淡，一濃一淡理應配合，但又好像格格不入，感覺有點怪，不過都是好吃的。敗筆於紫菜不夠脆。熟蝦牛油果卷繼續牛油果配海鮮，搭上蟹後這回配上蝦。熟蝦上有少量魚籽，略嫌帶點腥，熟蝦太熟，牛油果軟身好味。可以一試。嚐過新款式，點些原有款式。（左起）燒牛肋骨壽司、炙燒辛辣三文魚腩壽司、帆立貝壽司。帆立貝不夠新鮮有點腥；三文魚腩一般質素唯辛辣太少；燒牛肋骨很香燒肉味但有點靭。日式燉蛋最愛就是這個燉蛋，有時心情不佳，吃個燉蛋，即刻可以舒緩不快情緒。蛋夠滑，味亦濃。試過坊間不少壽司店的日式燉蛋，便宜的貴價的，還是喜歡元氣的。