元気寿司 (健威坊)

營業中

休息中

小伙子生日前數天，問了他想吃甚麼，吃日本菜是必然答案，上網尋找合適的店子，打算當天與家人同慶祝，誰料生日前夕，上柔道班時，師兄把他摔傷，雖然只是左膝，但足以令他寸步難移。上午看過跌打後，太座建議不要走得太遠，在家附近的壽司店慶祝吧！「元氣」是最近我家的店子，現正舉行「大滿足」的推廣，$9件壽司，唯各人對其特價品種不感興趣，兩個小魔怪是三文魚的剋星，喜歡的程度很瘋狂，若我每餐給他們吃三文魚，也可能不會厭，小妮子看著迴轉帶上的三文魚壽司，像隻饞嘴的貓兒，問了我一聲：「我想拿這碟，可以嗎？」電視廣告裏說女兒是父親前世的情人，肯和我們一起吃飯，心已被溶化了，既是小伙子的生日，便隨他們喜歡點甚麼便點甚麼吧，也讓他們來個「大滿足」。除了三文魚壽司，我還點了火炙三文魚，三文魚三味，三文魚刺身，一次過讓兩小魔怪解決他們與三文魚的恩怨情仇，我估計他們是喜歡其顏色豔麗，又不太腥，我較喜歡火炙三文魚，半生不熟的魚肉令魚味更濃，上面加了些沙律醬和黑椒碎，令味道更可口。我也點些自己喜愛的壽司，海膽壽司，但海膽不夠新鮮，狀態已變軟身，味道帶苦澀，若靚的海膽味道是甘甜。波士頓卷有忌廉芝士和綠色的紫菜碎放面，元氣卷有

同事請食壽司做tea, 我地一班人都叫左好多呀, 有三文魚sushi + 手卷, 軟殼蟹手卷, 鰻魚sushi, 芝士鰻魚卷, 灸燒黑椒三文魚, 仲有其他卷物, 蒸蛋同胡麻豆腐全部都好新鮮, 大小算適中la, d 燒到半熟果d sushi 好味, 個胡麻豆腐好香啊 (但我無食)我好耐無食元氣喇, 以前覺得麻麻, 今次食番有驚喜, 好過板x 果d 咁貴!不過佢地話tea time無得送貨,要自己拎

北角健威呢間元氣岩岩重新裝修左冇耐但其實裝修前同裝修後個環境都冇咩大分別今次寫一寫元氣新出既幾樣野呢個明太子雞翼 $22/碟估唔到又整得幾好味喎!!肉汁好豐富，同埋雞翼入面加明太子感覺新鮮，而且都match XD不過明太子無想像中咁好味(因為雞翼既汁cover晒明太子本來既味)仲有要考慮下$11/隻雞翼抵唔抵啦呢個都係新既鱈魚肝軍艦 $16/碟不過其實又唔係話特別好味，可能係鱈魚肝本身都唔夠鮮既原因建議選材方面用另外鮮味d既魚肝吧宇治金時芝士蛋糕真係唔錯既蛋糕來 $18/件其實一向元氣既蛋糕都唔錯，包括之前既奶茶蛋糕同忌廉芝士蛋糕呢個宇治金時芝士蛋糕係有芝士、綠茶同紅豆芝士同綠茶味道真係好好，配合得好微妙哦之但係d紅豆其實唔知加來做咩，少到爆少佢幾粒其實都無咩影響^^"另外想講既係呢幾樣食物吞拿魚刺身、壽司們(海老三味、三文魚同八爪魚)真係好好味哦^^最後呢，我覺得炸軟殼蟹係北角健威分店做得較為出色既因為一定新鮮炸出來，而且粉好薄，炸得好香口~!其實，我好鍾意食元氣，我覺得健威d服務係好過好多間分店，而且放出來既食物係有用個心去整唔會唔靚咁出來***總結：新出的宇治金時芝士蛋糕是必試食

今日同佢去左北角呢間元氣以為唔會好多人點知要排-.-咁就例牌叫左D 3文魚,3文魚腩,油甘魚(呢個唔得,之前係金鐘O個間好正,好肥美)食左舊無味既-.-9蚊件O個D都唔錯既,無左帶子,失望!個魚湯OK,次次都要叫!個墨魚咀就麻麻,好細粒,都幾油下D薑好正,係咁狂食!同埋倘文魚腩唔太得,都唔似腩-.-,但係個燒3文魚幾好,個魚油幾香

午餐於元気，好彩有你，去到就有位，辛苦你了!!! 言歸正傳，是次午餐元気推介:赤海蝦刺身 --  蝦比起食赤海蝦壽司的size大, 口感好豐富劍魚腩刺身 – 試左一件, 我覺得無味, 鮮味魚味都無 (我本身唔食魚刺身). 但你 說它口感好, 那便是好吧!燒三文魚壽司 – 見到已經覺得好油, 見到碟都有油! 可能係因為三文魚太肥美太多脂肪. 當然我是不會嘗試. 但你說它很好, 我相信鍾意肥美三文魚的都會喜歡吧 亦有一樣痳痳的:  牛油果軟殼蟹卷. 我鍾意牛油果亦都鍾意軟殼蟹, 但今次, 唔知甚麼出錯, 總之就是不好食!!! 

今日約了同事吃午飯，突然興起想吃壽司，於是一行四人到元氣午膳。接近下午一時左右，出奇地不用等位，難道是糧尾的關係!?管他的，我們被安排坐到貼著迴轉的六人大枱，真舒適!平時多數是晚飯時間才吃元氣，坐下才知元氣午市時間推出了「午市之選」，分別有3款丼、一款烏冬及一款定食提供，我們四人各自點了一個丼，另加各款壽司。醬油漬長鰭吞拿魚丼跟麵豉湯 ($45): 份量比想像中大，一碗飯有五大片長鰭吞拿魚，吞拿魚是厚切的，十分肥美，以這個份量及價錢來說真的十分抵食!不過，吞拿魚咬落有點「冰感」，大概是未完全解凍所致，有點瑕疵......北海道海鮮丼 ($45): 同事點的，看到材料有帶子、三文魚及蝦刺身等，同樣是十分豐富，同事亦盛讚抵食!三文魚壽司 ($13): 非常新鮮肥美，而且三文魚的size比平時的大，正!北寄貝壽司 ($13): 同樣是非常新鮮，北寄貝咬落很爽口，而且味道很鮮，size也是比平時的大，很好味!元氣卷 ($18): 大大件新鮮肥美的三文魚包著脆卜卜的炸魚皮及味道清爽的青瓜條，再配以沙律醬，味道層次感非常豐富，正!!!炸蝦卷 ($16): 同事指定點的，上枱時炸蝦還是熱的，脆卜卜，

這一間元氣，我每隔一兩個星期就會來吃一次，因為，它的水準較板長平均，不是最好，但也不錯。現在元氣有新的壽司，是燒牛肉壽司，$9一件。燒牛肉用上了五香的醬汁，即時新鮮製造，入口時有溫暖幸福的感覺。炸蠔壽司，比較新鮮，而且只是十多元一碟，十分抵吃。 它令我想起北海道活壽司，因為那裡又貴又唔新鮮。黑椒熟蝦壽司，只是十多元一碟，也算是又美味又便宜的選擇。鰻魚天婦羅壽司，也只是$9一件。鰻魚天婦羅給人啖啖肉的口感，是一個很好的菜式。 因為在其他地方比較少有，所以我每次也會點。元氣的熟食也算多選擇。

元氣壽司, 大家都唔會話未食過, 但我又從來無諗住寫食評, 但周末, 日, 真係等位等到變望夫石, 等左咁耐, 梗係影o下相啦, 今期佢地既口號係 "元氣壽司, 碟碟新鮮靚仔" 係咪真係咁靚仔先?食評如下 ~侍應會先安排客人, 坐迴轉位, 卡位, 定係 Order 枱, Order 枱普遍唔受歡迎, 因為既自閉又無聊, 無得睇住 d 色彩繽紛既壽司團團轉, 一坐低, 侍應都會好有禮貌同客人講, "迴轉帶上既壽司可以隨便拎, 如果無既可以幫客人 order, 枱下有地方可以放袋, 可以隨便沖綠茶飲用."食物雖然來來去去都係大同小意, 但每次食都唔會厭, 可能係因為壽司唔油膩啦, 而且食好多都唔飽, 所以可以幾儘情.呢期最愛既係筋子壽司, 因為估計佢係真既三文魚籽, 而唔係仿製品, 食落微腥較咸, 但口感十足, 本人一次過食左 4 件.而其次每次都食既, 就係炸軟殼蟹, 因為食過其他壽司店, 日式料理店, 都係元氣最好食, 最大隻, 炸得又酥脆!總括黎講, 唔多滿意既係, 佢蓋住壽司既透明蓋, 俾人唔多乾淨既感覺, 永遠都有少少笠笠地既, 放壽司既膠碟都係, 永遠都唔會好乾淨清爽既, 但點

我想已很久冇幫趁元氣了, 總覺得他們的三文魚壽司奇奇怪怪咁... 大公子今日生日, 佢話要食壽司, 我也只好唯命是從! 知道元氣在健威開了一段日子, 又有車位泊, 都幾方便. 一入到店, 仲以為入錯, 店內的裝修跟以前去過的很不同, 充滿時代感, 比前靚咗好多! 六點零鐘, 廻轉即時有位, 我們便快快坐下. 看見menu, 知道做緊 '大滿足 極上之選' 樣樣都叫咗d嚟食, 以$9 一件的貴價貨倒算便宜, 在此不作每款詳述了. 整體而言, 無論食物的款色, 質數比以往大有進步, 水準直逼那些知名嘅廻轉壽司店. 我們很快已吃了三＋餘碟, 認真大滿足!

一向我都不好日本菜，是日補祝同事生日，便到他最愛的元氣。1230即刻放lunch到元氣，不便等位，立即入座。 鰻魚飯鰻魚好肥美 帶子壽司，帶子超鮮甜，好新鮮 刺身新鮮鮮甜雖然我不好日本菜，但對食物質素都感滿意。同事有VIP卡，有折，請埋同事價錢也很經濟。

今日遲左少少，所以去到時迴轉位要等，把心一横，決定卡位order枱都照坐。雖然冇得睇住d壽司响自己面前行來行去，俾我揀碟靚既，但卡位勝在夠舒服，可以傾下計。元氣餐牌成日都有新野，雖則萬變不離其中，但都有驚喜。超大帶子真係好好味，好新鮮。三文魚就更加唔使講，好正。我好鍾意枝豆，感覺上又食又玩咁。yeah!!!好多元氣都要排隊排餐死，暫時北角lee間都唔算好誇張。喜歡元氣既朋友，可以嚟試下這間!!!

小妮子與小伙子嚷著要吃壽司，不知甚麼原因，青少年總是對這些又冰又冷的飯團，趨之若鶩，而我本人對食壽司的興趣不大，但對攝影壽司則十分雀躍，因貪其五顏六色，構圖美麗。是日放假，帶他們到這迴轉壽司店，平日是有$39 的下午茶餐，但在假日則沒有，但來到便不可退縮。我們被安排了一個卡座，貼著迴轉帶，小妮子熟練地拿了綠茶粉加熱水，弄好杯綠茶給我，想必她經常與同學到處試，可能試餐的機會比我還多。小妮子告訴我，迴轉帶上的壽司可以隨便拿下來吃，並按照碟邊的顏色分價目，我們先點了每人一件炙燒黑椒三文魚壽司，每件 $6，是今期的推介吧！三文魚經火炙後，油脂都溶化了，上面的蛋黃醬與魚肉的味道異常的合拍，雖說是有黑椒，但份量很少，入口感覺不到其霸氣，是一件美味的飯團。兩小魔怪又從迴轉帶取了元氣卷，是三文魚放面，內有青瓜和炸脆了的三文魚皮，蠻得意的；波士頓卷上面有些綠色的紫菜碎，內有煙三文魚、芝士和青瓜，味道亦不錯；芥辣八爪魚軍艦則嫌辣，因他們不知有青芥，吃得有點面形拗曲；蟹子沙律軍艦則很美味，蟹子在嘴內爆破，而青瓜很爽脆，很對胃口；甜蛋壽司不過爾爾；燒三文魚壽司因有魚皮附著，則嫌韌了點；鰻魚壽司很好，鰻魚夠肥美

近期來的比較密, 試了不少新出的壽司:- 蒸鰻魚壽司 ($16) – 暖暖的, 是一個茶碗蒸 size 的壽司飯, 加上片片蒲燒鰻魚和蛋絲, 樣子精美, 是一個小小的鰻魚飯。加了蛋絲為肥美的鰻魚和煙韌的飯增添了香口的口感。- 服務生介紹的 $6 櫻色碟 (是為慶祝元氣壽司 15 週年的), 是蝦子軍艦, 說是 menu 上沒有的, 比飛魚子小一些。我想像著的, 是蝦子撈麵上面的蝦子啊 ~~ 來到才知, 原來和蟹子差不多, 也是鮮橙色的, 味道比蟹子淡。 - 也點了另一款期間限定的甜蝦軍艦 ($13), 普通啦 相比起後來的新款的期間限定壽司- 特大白海蝦 ($9 一件), 前者就沒有那麼鮮味呢。螺片壽司 ($13) 爽口, 不過沒什麼味道, 不能給人留下深刻印象。日本杏仁甜薯蛋糕 ($16) - 甜薯蛋糕有淡淡的甜薯味, 慕絲跟海綿蛋糕交替著, 是很輕怡的小甜點; 上面鋪了烤香脆口的杏仁片, 想不到壽司店的甜品也不錯。

眼見銅鑼灣兩間元氣已變成千兩後﹐那最就腳算係呢間了。入到店內﹐ 發覺其店內既牆壁﹐櫈﹐差不多整間食店都以深啡色為主﹐主要靠天花板既射燈來照明﹐唔係太光猛。今其推廣係螺片同白草蝦﹐$9/碟。 因十五周年關係﹐蝦子壽司亦係$6/碟。見$6有兩舊蝦子壽司同太肚餓﹐所以就拿了兩碟試試。白草蝦 – 一碟一隻﹐肉質咬落有點兒硬同韌﹐ 可能在輸送帶上以有一段時間﹐所以溫度係室溫同冇任何鮮味。蝦子壽司 x 2 – 算新鮮﹐但味道同質地不及飛魚子既脆口同鹹味。北寄貝壽司 – 北寄貝片得很薄﹐不知是否拿其切落既北寄貝肉做另外款式。這款壽司做得很差。北寄貝沙拉壽司 – 北寄貝肉唔係好多﹐但汁醬較多﹐所以味道覺得有點兒偏鹹。帶子壽司 x 2 – 本人一向都覺得元氣帶子鮮甜﹐食落有一種新鮮海產既鮮甜。呢度亦冇令我失望﹐質素好好。海膽墨魚 – 聽到仕應同各離枱講冇海膽時都擔心呢款都冇﹐但落單時又有。質地膠膠既墨魚絲配合黃黃香香既海膽好好味。每一次都會叫。元氣捲 – 飯裡有炸三文魚皮同沙拉醬﹐再以三文魚包住整舊飯。炸三文魚皮鬆化﹐三文魚當晚亦肥美﹐所以令呢款壽司既質素大大題升。三文魚頭湯 – 老婆話碗湯唔

年初一想食日本野，點知小舖頭全部休息，唯有去連鎖店啦！之前一直都有去呢間元氣食，知道一定有質素保證uncle請客，大家都很不客氣的點了很多東西，食得很飽飽，完全不像平時般就住就住食，感覺特別滿足！蒸鰻魚壽司($16)：新推介，原來係一盅迷你鰻魚飯，有四片鰻魚鋪滿飯面，賣相已經令人嘩一聲，肥美的鰻魚加上熱辣辣的飯，非常好味！一人一盅食得很有滿足感！波士頓卷：鐘意佢包住cream cheese，好味又唔漏海膽壽司：我唔太鐘意，覺得太腥～辣味三文魚：uncle話只係得少少辣味，其實就係三文魚沙律，不過幾好味～甜蛋：無和花亭咁讚，但係水準穩定，每次黎都會食～炸蝦卷：新鮮即炸，夠晒脆！炸軟瞉蟹卷：好脆好好味！元氣卷：其實係三文魚卷，個人覺得口感比三文魚壽司豐富有層次感，好味道！三文魚壽司：都係咁啦，好味而唔會太突出～吞拿魚壽司：唔會太差，正常味道～加州卷：無食過，但係咁快清碟，應該都好味～三文魚刺身：今日又覺得幾大件幾肥美喎炸蟹小食：我無食，但係佢地追加左一份，立即清碟，睇黎都唔錯自己個人覺得元氣的卷物普遍比壽司好味～服務生態度很好，見我地一家人就推薦我地坐包廂位，問佢有咩好食又反應敏捷咁回應，