元気寿司 (大埔超級城C區)

營業中

休息中

工人姐姐放假，無飯食大少爺唔想出去食見有一段時間無去過元氣壽司所以先打電話order然後我老工去自取！今次叫咗個壽司盛C、劍魚刺身再散叫了一些壽司。魚生比之前新鮮每件色澤鮮亮每件九元的壽司厚燒玉子中間夾了些壽司飯味道不過甜而且有蛋香，劍魚刺身入口爽甜很適合夏天食。

小編今天外出到大埔工作，因為人新路不熟便四處尋覓食肆，走進大埔中心的商場內食肆林立，但無一能勾起我的食慾。 當我看到元氣壽司時便想起很久沒吃完，隨即胃口大開進入鋪內。 以前因一星期吃數次，對食物都摸熟了，二話不說便點了帆立具壽司，三文魚壽司等的例牌壽司。 然後我在餐單看到有新的初夏之海，有灸燒魷魚和魷魚軟骨壽司，味道看似吸引便叫了一客入主題了。先說說三文魚壽司吧，其冷凍度偏冷，厚身，咬下去口感豐富，味道鮮甜，非常好吃。 然後是我的最愛，帆立具壽司，大大粒的帆立具看上去已教人直流口水，我一口把他放在嘴裏，海水味和帆立貝的鮮味沖擊著我的味蕾，吃了那麼多次帆立貝壽司，這一次是最好吃的，使我畢生難忘。  最後要說的是新出的灸燒魷魚和魷魚軟骨壽司，燒魷魚的表面原來有一層牛油，感覺很特別，還是我頭一次吃有牛油的壽司，口感不錯，香口的牛油亦沒有擋住魷魚的鮮味，值得好評。

今日同fd去元氣壽司吃下午茶，元氣既下午茶大概50—60左右，都幾抵食。包烏冬，沙律，一set 壽司,再加多十蚊左右有埋軟腳蟹手卷。烏冬質感Q彈，唔會太LUM，份量亦都足夠，夠飽肚。軟腳蟹手卷既軟腳蟹仲熱辣辣，夠脆，口感一流。壽司材料都幾新鮮，三文魚夠大舊。本身霖住吃小小野，點知吃到好飽。真心幾。

今日去左元氣食個下午茶，其實我地唔係第一次去食，每次去親都覺得食物既味道同服務都唔差，但係今次完全出乎意料之外。因為今次我地去到，我地已經等左十五分鐘，但一樣食物都未黎到，當我地同服務員講，幫我地跟下單，但佢既回應只係一個眼神！！！！！好啦，之後食物黎到，食第一啖烏冬，d烏冬可以係話暖到幾乎凍既地步，都算。個下午茶餐會跟一個小食，我地叫左炸蝦同野菜餅，點知，完完全全真係凍既！！！唔通湯烏冬同炸物炸出黎既都係凍食？？今次黎食，真系徹底失望！！！！唯獨是可以讚既就係新promotion既金川燒係熱既其實今次食完之後既感覺就係下一次唔想再去食。希望佢地會有好既改善。

上星期天吃完千両，因為十分懷念千両的筋子所以來到住所附近的元氣～我吃的是下午茶3食。湯烏冬，青瓜沙律和幾件壽司另加筋子壽司。剛好元氣的筋子有特價10元一件，但怕太飽只叫了一件～當時客人有8成左右～下午茶來說也不錯，可能是因下午茶真的抵吃，套餐大約50元左右！等候餐來的時間比較久。面旁邊筷子盒很難開！看著迴轉帶上的壽司真的很不新鮮，呑拿肉比街市賣的牛肉還要乾！不知放了多久，蟹子青瓜沙律的青瓜出水泡著半碟水。。還有那些卷物真的卷得很差，同一碟不是又長又短，就是卷物的內青瓜刺新掉了出來，鬆鬆散散的，我十多歲的弟弟也包得比這裡的好，得「hea」！首先來的是一件筋子，筋子毫無美感的睡在壽司上，亂七八糟的感覺，很「隨便」！10元一件真的好便宜，雖然和千両同一集團，千両的18元一件，相差差不多一倍的價味道差不多，但千両質素真的很到位，三文魚子的口感和爆醬程度，千両的好很多。元氣的吃下就是很好味，但口感像超級市場夜宵特價的三文魚子加一口濃痰。。。。這是正常的嗎？到下午茶的套餐，5件壽司另加烏冬和蟹子青瓜沙律～在元氣我愛吃的這下午茶都有湯烏冬，很香柴魚味。火炙黑椒三文魚，在太和元氣吃的非常肥美可味，魚脂

元氣換左新MENU, 我緊係去試晒D新野啦。不過新款食品好唔抵食, 我就介紹下最唔抵食果2款俾大家啦~1.章魚小丸子 $22/4粒外脆內軟,但"章魚"是"吊片", 薄片一小塊。唔計塊"吊片" 小丸子確係口感十足, 但22蚊先得4粒咁我寧願食街邊果D。2. 燒雞肉漢堡壽司 $13/2件在"兒童之選"內找到的, 驟眼一看雞肉漢堡外型SIZE好似麥樂雞, 唔好睇佢個名有個"燒"字, 一D都唔熱氣, 雞肉是白烚的, "燒"可能是指果包燒汁。綜合來講白烚雞肉配白飯絕對係健康之選, 健康過明將果D啫喱壽司, 岩晒小朋友。

星期日係多人食D, 所以等得比較耐。我好鍾愛食甜品, 所以元氣出親新甜品都會去試。有2款新出甜品(如圖)燒魚餅($16)點了吉士味, 外相及口感佳, 但冇味既= ="櫻花蛋糕($18)都係冇味既= ="好失望......最近係咪換左新師傅定係請多左暑期工, D SUSHI切唔齊件件不同高度, 包得又鬆散。

今天媽媽第一次試壽司店，皆因她不愛刺身的「生」，所以她亦只是吃udon及炸物炸物中點了：軟殼蟹，一貫水準，不錯。明太子雞翼，外皮炸得很脆口，但內里的明太子不太美味，麻麻！炸雞件，啖啖肉的雞件，味道帶點薑味，很普通！壽司中的軍艦紫菜亦都夠脆口，只嫌辣味三文魚沒辣味，有點失望，明太子沙律，青瓜夠爽脆，夠fresh。壽司里最愛的筋子，自己吃了三件，很愛它的咸香味，咬下卜卜脆，不用添加全何醬油亦很好吃。三文魚壽司及三文魚腩壽司分別不大，所以下次還是點三文魚壽司較經濟！

壽司連鎖店，但係每間質量同味道都會有好大分別。食過好多間元氣，暫時最滿意既係黃埔、尖東、銅鑼灣、觀塘 APM、佐敦、旺角朗豪坊分店囉。是晚食自己，一個人外賣啦 ﹗心情唔多好，要勁食壽司、勁食刺生減壓 ﹗都係第一次買元氣外賣，食野當然係堂食最好味 ﹗炸墨魚咀，炸得香脆，墨魚咀爽口帶嚥靭，加點鮮檸汁更添鮮味又可以除去油膩膩感覺，好味 ﹗軟殼蟹手卷，紙菜以獨立密封式膠包裝，為保持其脆口質感，外賣直到進食時唔會腍劈劈，好細心。不過要自己卷都幾麻煩，我都雞手鴨腳先卷好個手卷，仲搞到一地都係。軟殼蟹炸得乾爽脆口，肉質鮮嫩，蟹肉味濃、蟹膏甘香，多年都保持高質數。加上千島醬份外醒胃，又可減低油炸感 ﹗好味 ﹗每次必食軟殼蟹。壽司飯雖然過份黏口、濕氣較重帶淡淡醋香，都算合格啦。燒牛肉壽司，牛肉味濃亦好 juicy 配上生蔥同吃，特別惹味 ﹗我一向都唔食蔥，但依個一定要食 ﹗特大蟹柳壽司，我誤會左係千兩巨形蟹棒添，完全係兩回事 ﹗蟹柳偏甜，味道十分假，我唔係要依啲呀 ﹗海膽軍艦，唔好比佢既外表欺騙到呀 ﹗仲以為全部係 完整一片片既上等馬屎海膽，原來上面就一片片，下面就墊住海膽漿糊，非常黏口，味道濃郁沉實似

是日晚上用膳時間較晏，所以人座都成九點半，無需要等位，作為大家人的我，從未幫趁過大埔元氣，其他區域的倒幫趁不少迴轉帶上的壽司已經很少，而且應該放了一段時間，所以order較為穩陣。自己最愛的是筋子壽司，一碟一件，很愛吃筋子的口感，卜卜脆，帶著咸鮮加上一小件壽司飯，醬油不作多用，加少少washabi已輕很好吃。軍艦中的辣味三文魚亦都是我的至愛，三文魚加上新鮮洋荵，那辛辣的味道配上脆口的紫菜，回味！三文魚中亦都點了三文魚腩，果然油份較多，口腔充滿了油份的甘香。炸物點了炸多春魚，炸得熱辣辣，但就乾身了，如果有點醬汁會更加好！

此店曾經是我的御用食堂, 但踏入2012年, 質素奇差, 而家ENJOY卡冇做折扣優惠啦。如果唔係加入做會員D COUPON未用完都唔會去。今次DINNER TIME去都唔使等位~個杯成陣擬似口水味, 都唔係第一次嫁喇。太卷一夾即散, 飯同餡完全分離。吞拿魚好多筋, 咬唔爛好多渣。蟹子沙律貨不對辦, MENU圖明明有好多蟹柳, 黎到得青瓜, 我只找到一絲蟹柳, 冇錯!係一絲蟹柳, 唔係一條。酒煮凡立貝軍艦貨不對辦, 凡立貝細MENU圖好多倍。小柱軍艦唔新鮮, 食落好腥!甜蝦軍艦又係唔新鮮既…… 海膽軍艦D海膽變晒水夾唔起既?炸芝士年糕入面D粉未炸熟, 不過點都好過上次食燶既。叫左個宇治金時蛋糕佢竟然上錯麵豉湯? 到個蛋糕來了, 不凍而且出水的, 肯定放在室溫好耐啦。新出果個明太子卷少少辣幾開胃, 不過唔好味。唯一讚既係熱騰騰的抹茶任飲, 正呀!

如果獨自一人的話難恐不會光顧迴轉壽司,但母親請客吃壽司,自然地變得沒有所謂,難道叫她請吃千多元一餐!自己都不忍心!天氣頗熱不想走遠路,就順路在樓下商場的元氣壽司吃過午飯.說起在大埔中心的板長正式開張,有不少人正在等位,可以和同商場的爭鮮相比,.爭鮮什麼都是八元一碟,可以吃到鰺魚,鯛魚等的話,其實想一想食材究竟佔了多少呢?先來一碟油甘魚壽司,邊位有暗啞.略知新鮮程度如何,但賣味算是可以的,相比元朗壽司,這一件絕對優勝,當然吃落是腥味,再自行添加醬油和山葵味道才沒有強烈!帶子坦白說,約三十元一碟十分昂貴,不值得去吃,一碟一件要十八元池魚壽司,用的可能是台灣貨,賣相略為好,但魚肉切得偏厚,不過不太介較,這裏是迴輚吧.吃落還是腥的味道,或者去一田買一盒台灣產鰺刺身可能不錯的選擇.再來一客小吃,墨魚嘴因為不是生吃,雖則偏油,但叫做熟吃.還可以吧,沒有啤酒是差少許!腐皮壽司最穏陣之一,吃落是甜味,又不會握得求其,價錢又便宜,十元一碟,在日本吃也相當便宜,吃著最便宜的才是最安全,玉子,腐皮,太卷等,除了加州卷,其因在元朗領教過可以殺人的加州卷,因八五折優卷也要約一百八十元.真的不便宜!

作為大埔街坊，老是見到很多人在元氣門前排隊，我倒真的很少去店吃。機會來了，那天約了男友一家去吃元氣，早到了一點便先等位。時為早上十一時五十幾分左右，店裡人不多，店外也沒人在等位，我站在電子等候牌前一陣，忽然一名男子直衝進店然後逕自坐下！ 過了一會，才有店員見到我在等他們帶位。um．．．先坐在迴轉帶前，後來為方便談天而轉了卡位；服務生反應很快地幫忙搬杯（讚！），不過坐到卡位有女服務生來斟水時，忽然大聲地跟她另一名同事說前同事未簽什麼離職紙，實在有點莫名奇妙！全程男友發板，燉蛋依然夠熱又好味，其他的壽司保持水準。可是，其中的象拔蚌壽司真要了我的命！一放進口去，一大陣腥味爆發！OMG！超級臭！要不是有長輩在場，我一定將它吐出來！「骨」一聲吞下去後，瘋狂灌水，但那陣天煞的腥臭味卻久久不散．．． 又發現，原來近門口的那卡位比迴轉帶那些位焗一點，不知是不夠冷氣還是什麼，吃完步出店時有點暈．．．就這樣。

都一段時間無食 sushi, 又有小小怕好快無得食 (日本....大件事) 所以同 bf 去 genki 食番夠本!! 7:00 未夠已經好多人喇!!!次次都係佢叫我食, 次次都無咩特別. 不過今次既左口魚同三文魚好好食, 好鮮好油好好食!!!!希望可以 keep 住水準!!!!p.s 唔好以為咁小相呀, 係全部 double 咖!!

第一次係到寫食評~因為真係忍唔住!!!蝦壽司(?)→食落腥到爆炸 係我最後悔食既野三文魚刺身→一咬落去又係勁腥......食咁耐都冇食過咁既三文魚炸芝士年糕→好似炸生粉皮咁 一咬落去粉到爆好似未炸熟咁我已經係好食得腥既人但真係好難食…仲要$13一客三文魚壽司本身同父母諗住食D好D既但竟然咁難食真係唔係好明點解仲有咁多人排隊下次絕對唔會再食呀