元気寿司 (康怡廣場北座)

營業中

休息中

一直都覺得元氣性價比幾高，食材雖然唔係最頂級，但係質素唔會好差，而且價錢好相宜，今次就試左佢地最近期的期間限定。豐洲直送鰆魚同平目鰆魚配埋特製醬汁味道好濃郁，平目就淡淡地清新清甜好多，各有特色。個人幾推介平目。帆立貝迷你飯個迷你飯好得意，大概係2-3舊壽司飯的份量，配埋上面有好多塊帆立貝，仲有三文魚籽，份量啱啱好唔會太多，好滋味～凱撒風乾火腿好創新的搭配，味道好特別，火腿好香，配埋好濃味的芝士味道都好夾，口感幾好，不過連埋飯一齊食我就唔係好習慣。北海道蜜瓜蘇打我本身唔係好鍾意飲有氣的飲品，不過呢個蜜瓜蘇打真係幾好飲，配埋個雪糕好清新。

為咗配合返豬年，我呢個吃貨當然要繼續食食食😋脆蒜辣味噌鰆魚 ($14)鰆魚，係一種冬季盛產嘅魚，口感比較結實，味道特別，加上脆蒜辣醬喺面，感覺幾得意平目 ($14)其實就係我哋熟悉嘅左口魚，豊洲直送，肉質鮮嫩，不過本身嘅魚味比較清淡凱撒風乾火腿 ($14) Parma ham加芝士碎，仲有沙律醬同生菜托底，整體感覺好似食緊沙律咁🤣帆立貝迷你飯 ($22) 厚切帶子加飽滿嘅魚子，料仲多過飯，大滿足😋北海道蜜瓜梳打 ($20)北海道蜜瓜出名甜，呢個都唔例外，加埋雪糕，食完當甜品就Perfect啦～所有飲品唔會主動提供飲管，值得一讚！野菜餅飯(細盛) ($29)野菜餅炸到好脆，好香口，份量唔大，可以叫多啲其他嘢試吓🥰啱晒三心兩意嘅我

臨近新年日日都大魚大肉，無係打邊爐就係buffet，今日決定食返清淡少少～食日本嘢～行過見到元氣又有新期間限定menu，今次係黎自日本豐洲的食材，好鍾意食新嘢的我又點會錯過。帆立貝迷你飯 - 迷你杯好可愛，飯量大概係2件壽司飯咁上下，但係上面就有幾塊帶子+三文魚籽，性價比好高！立目 - 其實我都唔知係咩魚，不過咬落去魚油味都幾香。火腿壽司 - 食落怪怪地，火腿+芝士本來係match的，但係加埋飯一齊食又怪怪地。

嚟到太古行街見有啲肚餓，朋友話不如食壽司，於是就嚟咗元氣，因為係星期六冇下午茶所以唯有散叫，雖然話係weekend但人流都唔算好多等咗一陣就可以入去先嚟一個 燉蛋，燉蛋好香好滑，入面有粉絲，蟹柳仲有塊嗚門卷香蔥吞拿魚一如以往，一放落口就啲魚香就散發出嚟好好食炸蝦天婦羅啱啱炸起，好大隻好香脆軟殼蟹手卷，個軟殼蟹好香脆但係塊紫菜淋嘅朋友叫嘅黑椒蠔厚燒玉子 熱辣辣，好軟熟好香蛋味甜蝦卷入面夾咗啲蟹柳同埋青瓜絲，連埋甜蝦一齊食好夾

身為港女嘅小編，要講到最鍾意食咩國家嘅嘢食，莫過於係日本🇯🇵甘岩呢排見到成個Facebook都比元氣壽司新登場既系列洗版，個個都話佢好好食，所以就等小編去會一會佢睇吓係咪真係咁好食先-呢個新系列係以德島縣嗰邊當地特色料理為主題，當中以阿波尾雞最為出名(呢啲小小嘅資訊都係由元氣同事同我地分享的🧐)，以下就係新系列7款野食👇🏻👇🏻👇🏻👇🏻👇🏻👇🏻1)炸阿波尾雞2)鰤魚腩配酸橘醬油 3)照燒風親子軍艦4)阿波尾雞牛蒡薯餅 5)鳴門金時甘薯天婦羅 6)鳴門金時甘薯卷 7)酸橘梳打-呢7款嘢食各有各嘅好食，但如果真係要問小編嘅話，我個人最有驚喜嘅係鳴門金時甘薯卷、鰤魚腩配酸橘醬油同炸阿波尾雞🤤先講講鳴門金時甘薯卷，其實佢就係一舊大約一個手指公厚度嘅番薯用類似天婦羅嘅手法炸既番薯卷，唔好諗住佢咁樣炸落嚟咬落去一定好硬，一咬落去你會先咬到好薄嘅一層炸粉，而嗰個番薯係有咬感，但係佢係有咬感之餘好淋身，所以呢個先會帶比我咁大嘅驚喜-之後再講講鰤魚腩配酸橘醬油，佢係比較爽口嘅魚腩，但係你放入口又會食到好似三文魚果種油香味，同埋你會食到刺身面有一層酸酸地嘅醬，令到佢一件壽司有三種感覺😳呢舊壽司小編係唔捨得到

今天來了元気壽司食高速送遞午餐，點了五款壽司，麵豉湯、烏冬及蒸蛋。炙燒左口魚群邊壽司入口即溶，超正照燒三文魚薄切壽司魚質幼滑，炙燒帆立貝、海膽魷魚及炙燒辛辣三文魚腩壽司也味道不錯，絕對值得一試再試順帶一提，這間元気壽司並沒有lunch set 供應的

今天到元気壽司食下高速送遞下午茶餐，選了炙燒壽司盛，份量很夠，還有一個$20 的日式燉蛋，很抵食，玉米天婦羅很有口感，另外還有5件壽司，味道不錯，最喜歡炙燒黑椒蠔，鮮味十足吖，下次會再試試其他款式

元氣壽司人人食過，今日帶囝囝黎食壽司，原來太古分店有得玩有得食架，D細路零舍開心，真係好好玩架。食壽司都係來來去去嗰啲嘢，叫咗三文魚油金魚、帶子、甜蝦、細路仔就食蛋同付皮啦。刺身尚算OK ,但係啲壽司飯就唔係好掂，又凍又硬添，叫咗個鰻魚飯，個鰻魚太淋唔好食，啲飯又係硬，所以最尾都食唔晒，而家元氣壽司好似越嚟越差，不過帶小朋友嚟食幾舊壽司就算啦。　浸水個位亦都改咗，個水喉咁慢到不得了，酙一杯水要等成幾分鐘，呢個真係要改善一下。

上次食左下午茶好正, 所以今次買埋小朋友去食呢間有自動送餐車既元氣。因為係年初一, 所以冇下午茶, 我地拎左票, 等左90分鐘先有位, 真係等到腳都軟哂。 小朋友真係好鍾意呢間餐廳, 見到有車黎好開心, 禁個掣就送返架車返去佢都好開心, 所以可以就佢玩好耐。 我地可以唔駛花精神時間同佢玩, 安心食野講返食物先, 叫左烏冬麵, 青瓜卷, 燉蛋2歲小朋友好岩食, 食物火速就送到黎 之後叫左海膽手卷, 槍魷魚, 玉子壽司, 蝦卷, 差唔多20幾碟。。 第2, 3次點既食物就好耐先送到, 變左叫得太多食到好飽臨走時又黎左2碟冇點過既食物, 原來小朋友已經學識左點叫食物, 同侍應講返就會幫你取消2碟壽司, 真係唔好意思總結等90分鐘實在太耐喇, 附近有好多食店都值得一試。餐廳有電話語音提示, 但只係早10個號碼有, 變左你去到都係要企半個鐘 建議係下午茶時間或避開人潮既時候黎食就最好喇

今日約左R小姐食元氣壽司, 平時都係小西灣藍灣廣場或杏花村食, 第一次食呢間分店有驚喜WOR首先2點去到門口, 竟然唔駛排隊直接有卡位坐。 呢間有自動路軌送D食物黎你面前, 同有部機俾你落ORDER。送左食物黎之後會有個鐘響黎提你按掣, 按完存食物車會自己返去廚房見到隔離未拎食物就唔小心按左個掣, 食物會連架食物車返去廚房 -_-唔緊要, 叫WAITER 幫手就可以拎返個食物架喇我地知道下午茶2點半先開始, 坐到2點半先叫野食, WAITER 慣哂唔會黑你面。咁自動化D WAITER 應該好得閒喇, 又唔係WOR, 見佢地成日衝黎衝去好忙咁樣..我叫左呢個餐(50蚊), 有芝士煙肉烏冬, 金槍魚卷, 三文魚壽司, 炸蝦壽司, 魷魚壽司。 睇落唔多食食落好飽肚。先黎個芝士煙肉烏冬… 好多芝士感覺好肥… 食落好飽肚, 飲哂多D綠茶消滯先再黎D壽司金槍魚卷: 好新鮮, 金槍魚軟綿綿三文魚壽司: 魚生好新鮮, 厚薄適中, 好肥美炸蝦壽司: 隻蝦幾大, 食落好滿足, 炸得好,脆口魷魚壽司: 清哂D內臟, 度隻食都唔會太難咬R小姐SHARE左個炸南瓜餅俾我食, 溫度岩岩好, 咬落啖啖南瓜R小姐叫既

The way of transporting sushi was very interesting - a train did that job!!! There are three tracks, each track allowed a train to transport at most three dishes. First we ordered food through the pad. After receiving signals from the pad, the chef there would produce food and transport the food to the corresponding destination by train. The taste of sushi was great and the environment was great. We had an enjoyable experience there.

這間元氣小朋友特別多特別興奮，可能因為條送餐軌道好好玩，不單小朋友，我也覺得幾有趣。用pad落單亦很方便。裝潢方面，間間元氣也大同小異，頗簡單。炸薯條加芝士醬好邪惡，可惜薯條的質素麻麻。象拔蚌夠爽；章紅魚夠滑；三文魚太薄；甜蝦夠份量；槍魷魚很有咬口；飯粒夠鮮唔散。

高速快線確係高速，有兩層或三層軌度送食物給你。用平板點菜，快，更自由，更準確。這一間元氣特別細間，所以等位較耐。我特別喜歡槍魷魚，它同時擁有爽同煙韌兩種感覺。炙燒左口魚裙邊的油香我也很喜歡。論飯粒，連鎖壽司店中，我較喜愛元氣的咬口及溫度。連鎖壽司店中，元氣服務員平均禮貌也較好。

好耐冇寫食評，趁3.8婦女節一次過整理吓幾篇(其實唔關事)話說本人都幾抗拒為連鎖經營食肆/快餐評分，因為日常時時食到，如果寫，真係寫到天光都唔掂不過元氣高速線真心讚，唔係因為新奇有趣好玩(小朋友會鍾意)，而係西式fusion菜式的確啱我胃口，而且ipad點餐確係快捷方便。高速線正正喺本人公司附近，間唔時都會去食個lunch~ 唯一唔好就係冇咗抵食嘅午市定食卡邦尼烏冬係我每次必嗌之選卡邦尼醬汁幾原汁原味，同彈牙烏冬幾夾，芝士粉同煙肉份量又夠，啱晒重口味嘅我另外芝士薯條亦係本人恩物，配埋香草同胡椒粉熱辣辣非常可口，而事實上我覺得薯條呢啲"cheap cheap嘢"係會為成餐飯加分~~ 當然佢個雞翼都唔嘢少，好香口入味同啖啖肉，雖然好油但我都會連皮食，真係好邪惡👿最後想講元氣雖然唔係主打sidedish/甜品，但我幾like佢啲日式cake,呢期仲有滿足食唔起lady m嘅朋友嘅千層蛋糕，薄薄pancake片層層疊疊，食落中間嘅cream凍冰冰，好似食緊細個嗰陣某品牌嘅雪糕奄列，微微甜又好香蛋味，唔錯

話說今天跟朋友去吃下午茶，就選擇了久違的元氣。裝修過後的元氣感覺又高級了，那個迴轉壽司台竟變為了bar台。而運送食物的再不是人，而是一架高鐵。超可愛的。很有去了日本的感覺。雖然本來就是日本食市哈哈。而點餐亦更自助化，會有一台平板電腦在台上，讓我們自己選擇想要的食物，十分簡便。不過可惜的是下午茶餐 不能再自己選擇想要什麼小食 要跟他所固定了的餐幸好新出品的芝士煙肉烏冬也好吃，有點卡邦尼意粉的味道。但是個人還是更喜歡吃湯烏冬，始終比較清淡，不會太肥。