元気寿司 (慈雲山中心)

營業中

休息中

2025年到了， 上年年尾吃足800元續約了， 新一年有張75折券， 加上老公出糧第一天要去吃一下。等到了卡座的高速列車卡位， bar位太小了， 背包快放不下。試了四款新品，都係噱頭居多平步青雲醬燒平貝：唯一的熟食， 白白彎彎的，可惜不飽滿，也沒鮮味，咬開就是散開的膠擦。。吉祥富貴喜之次：肉汁甘香年年有餘洋風八爪魚粒：軍腩紫菜完全軟掉， 2件大小不一。豪華滿載三文魚籽飯： 粒粒晶瑩剔透，光澤亮，濃濃的魚香鮮味， 可惜白飯又硬又超級冷，破壞口感。豬扒手卷明顯縮水了茶碗蒸還是最穩定。是次用餐體驗一般

我地約8點到，堂食，2人，叫左三文魚腩壽司兩件，黎到我自己挑出6塊魚鱗，所以奉勸小朋友最好小心食，以防會哽親。之後叫左芝士焗蠔，哇呢個重正！臭到我對面朋友都聞到。我以後都唔會再去呢間。完

今日又系甘落雨啦 天又黑岀面又濕答答，原本約左岀街都五想去啦 😢😢 唯有近近地地去商場食算啦 ！！ 又搞慈善活動啦 食一碟元氣就會捐出兩蚊㗎啦 支持青少年發展 胡麻冷麵 $22 冷麵岀到黎真系仲好凍架 ， 夏天熱辣辣 食呢碟野真係勁消暑透心涼呀 😆😆 配料都五少架 有蛋絲 雞絲 青瓜絲 ..... 最好既系醬汁可以自己落 五會岀到黎就太鹹五岩食 👍🏼 幾好食！！極辛三文魚卷 $22 個 “辛” 五知去左邊 一啲啲既辣味都冇 ，普通既熟三文魚姐 冇咩特別 ！！炸多春魚 $37 新鮮即叫即炸 出到嚟仲勁熱架 脆卜卜 ，多春魚都幾大條魚子都好多 ，加埋啲紫菜粉 好有日本味道 ！！

又有新壽司，有見唔使排隊就去試吓壽喜燒牛，手掌咁長，雖然個味係有啲似吉野家牛肉但係食落好正。珍寶赤海蝦迷你飯蝦就真系好大隻，味道都好鮮甜，但係側面啲帆立貝就比較醒啲，令到整個飯有少少失色#豊洲直送真鯛同縞鰺兩種魚我之前都未試過但係食落去都係非常之鮮甜，但兩款魚沒有什麼特別的味道。

今天心血來潮想吃下午茶剛好是星期日沒有套餐人不多，所以不用等就有位了餐牌沒什麼大變化呢。留意到元氣新推出吞拿魚餐目，就試試好了！今天沒有第2名，所以試試第1和第3！避風塘吞拿魚壽司好吃，蒜味香濃，能帶出吞拿魚的鮮味，不愧是冠軍。值得一試！而季軍的吞拿魚芝士春卷令人失望，整體上吃不到芝士味道，反而是芒果果醬味比較突出，蓋過了吞拿魚的鮮味。軟殼蟹手卷必點，香脆帶點蟹膏，比蟹肉蟹膏軍艦CP值高。沙律醬味道不會過酸或過甜，搭配炸物恰到好處。適合不吃魚生的人吃。左口魚裙邊也是必點之一，爽口帶嚼勁，很搭配壽司飯。雖然這次沒有點炙燒左口魚裙邊，但也是友人很喜歡的，有入口即化的感覺。另外還點了軍艦，味道也不錯呢。較失望的是蟹肉蟹膏軍艦，有點海水味，感覺有點腥⋯⋯整體而言，壽司味道不錯，環境有改善空間，因不時有蚊蟲飛來飛去

既然比人reject😪 #小秘書 一於化悲憤為食量💪🏻 食完 #pancake 冇幾耐嘅我，似乎唔夠滿足👀 路過 #元氣壽司 🍣 見仲有下午茶餐，我又點忍得住口吖😅無幫襯 #元氣 一排🍣 價錢似乎又貴咗🙃 不過為咗個人開心返都唔計得咁多😌 我叫嘅套餐包括五件刺身壽司，有 #北寄具、#三文魚、#赤海蝦、#蟹柳... 仲有 #長鰭吞拿魚 😋 幾十蚊貨仔算系咁啦！講到系套餐當然唔止幾件壽司啦👀 再配埋 #炸周打蜆湯餅，新鮮炸起，份外香口👍🏻 #蒸蛋 入面有大大粒元貝，鮮味十足😋 最後我當然唔執輸，加多$18就可以要埋 #可樂、#軟殼蟹手卷 🤩 食飽飽咩唔開心都唔記得啦！

諗住食野菜餅烏冬，點知menu改左於是叫炙燒三文魚、炙燒熟蝦、炙燒凡立貝等等。好神奇地今次好快上，但食落發覺唔新鮮，明顯擺左一段時間。之前食都唔差，重幾好食，今次都係幾失望

想起慈雲山元氣壽司嘅炙燒黑椒三文魚壽司，就梗係入去叫黎食下。上面啲醬好夾件炙燒黑椒三文魚！大家入去元氣必定要試下！兩件都係14蚊，抵！辣味三文魚、芥辣三文魚都係正常嘅好食。全部都係三文魚，好滿足！整多碗竹輪卷湯烏冬，22蚊，湯底同蒜味牛油蜆湯烏冬差唔多，只係少左牛油味。正正係無左牛油落去煮，無咁油，無咁肥，咁無邪惡，怕肥嘅朋友可以清清地叫竹輪卷湯烏冬就好了。最後整件Cheese Cake收尾，完美收場。有時元氣會雪到件蛋糕好硬，變左成件雪糕咁，要等佢一陣或者大大力先砍得開件蛋糕。希望只係個雪櫃太凍，而唔係擺得太耐啦

慈雲山要食啲好食嘅日本野，又要坐得舒服，位置慈雲山嘅元氣壽司肯定係一個好選擇。情人節果晚，多人到拎飛嘅意慾都無。但今日係情人節翌日，七點去到，等一張枱就有卡位坐，星期五晚黎講絕對值得等。元氣係香港四維都有，但連鎖餐廳有時啲食物質素同員工都幾參差。不過，今次嘅兩樣野令我喜出望外。首先講下啲人。廚房出單快扺讚之餘，可能過左情人節，啲員工無咁忙，人人都好友善。再講下啲壽司，實在新鮮到令我不敢相信係香港都食到咁新鮮嘅三文魚、帶子同北寄貝。平時元氣啲魚生，來貨後用幾多日真係唔知，但情人節清晒佢啲魚生貨存，就係我邊食邊心諗嘅猜測。今次啲壽司真心好食。至於個烏冬就不過不失啦。後記大時大節，出街食飯在所難免。不過講到一啲要食新鮮野嘅餐廳，原來節日之後果日去，不單少人，又食到新到嘅食材，一舉兩得。唔知依個理論能否應用係其他餐廳，至少今日我係元氣就好似中左獎咁，真心好食！

食壽司通常第一時間唸起元氣三文魚湯，每次黎都會叫，調味岩岩好，唔會太咸三文魚手卷/辣味三文魚手卷即整手卷紫菜仲脆，三文魚厚切自己就鐘意辣味三文魚手卷多Ｄ，惹味嘛！三文魚腩刺身，元氣既比起出面食到既爽口壽司選擇唔少，定期又有特別推廣三文魚，吞拿魚又係必叫既蒲燒鰻魚芝士卷，我覺得好食過就甘食鰻魚壽司波士頓卷都係特色之選！德島の食材－鰤魚配酸橘醬油第一次食鰤魚腩，好厚身肥美，酸橘醬油唔會好酸，同魚好夾。炸多春魚，雖然好熱氣，不過好香口，岩岩炸出黎好熱架，千期唔好心急即食！

餐廳位於慈雲山中心內，至社區內的一間連鎖壽司店。位置對於社區是非常方便，很多屋村可以直達慈雲山中心的。壽司店大部份時間都不用排隊，店舖面積大，座位比較多。但不是最新的高速線分店。今天點了午餐，和一些壽司。質素跟其他分店差不多，不會因為人流少而質素下降。

鑽石山間元氣真係食得唔c服等位等到傻等位嘅時間夠我搭去慈雲山即刻入去坐鑽石山仲要係高速線人就好似豬喺豬欄度對住前面個食物槽食你唔拎食物就獨狂咇你咇到你驚慈雲山就迴轉壽司位同卡位呢啲先係人坐家ma高速線自己壽司自己落單自己serve自己再自己俾10%service charge出唻心諗有service咩用ipad落單就樣樣賣哂本身都已經唔多款以前都唔覺慈雲山元氣好但有對比下佢正常好多食物味道就間間都差唔多元氣唔會去到好好食架喇不過呢個價錢唔會失望囉$10碟筋子$14大片炙燒秋刀魚壽司呢啲平價嘢又性價比出色食完又幾開心

呢間元氣壽司係喺慈雲山中心入邊，上次落大雨，諗住出去食其他嘢，但係見到呢間壽司店完全唔使等位，就食佢嘅下午茶啦！食元氣，最驚就係要等位，有時要等成個鐘，所以呢間唔使等位，絕對係佢嘅優勢食物同其他元氣壽司店冇乜分別，唯一可以講嘅就係唔使等位呢個優點

呢到近乎成為我食元氣既飯堂, 因為真係唔知點解會係呢間好食啲, 啲魚都切得好啲既,而啲紫菜上到枱係脆既。軟腳蟹手卷,次次都有溫度,又有脆既紫菜。但今次既三文魚真係好渣, 成片都係橙色, 真係小小隔線油都無。。。真係最差。小柱既紫菜今次林既,但另一個芥末八爪魚就係脆既,脆既紫菜真係好食好多。。。今次第一次試叫蟹腳壽司, 呢個係大條啲既蟹柳, 味道又係一般。。蒸蛋, 好好味, 水準保持到三文魚頭湯 , 好味既 ,但要快飲, 只要一唔熱就魚腥重。今次係有幾點退步左, 但總捨佢都係出聲既分店。

食過太多間元氣, 始終食黎食去都係呢間, 次次都唔會令你失望, 由服務到食物,連塊紫菜都脆過人,不過今次就差左小小, 差左個位係啲紫菜淋左, 服務可能換過晒批樓面, 唔係唔好禮貌既,但就蒙盛盛咁。至於啲壽司呢,一般黎講都比其他分店好,只係有啲就掙啲,個筋子小左好多啦, 海膽無咁豐盛同埋無之前咁鮮, 三文魚無以前咁肥美, 而且去時只係八點,但好多野都無, 由其係其間限定既,不過可能唔入咁多係到擺都明既。 整體黎講都係合格嫁,只係有小小失手,但會再幫襯嫁!