13
4
2
| 餐廳: | 元気寿司 (東薈城名店倉) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
11:00 - 22:30
星期一至五
11:30 - 22:30
星期六至日
11:00 - 22:30
公眾假期
11:00 - 22:30
公眾假期前夕
11:30 - 22:30
以上資料只供參考, 請與餐廳確認詳情
星期二買左戲票9:55‘破地獄’，8:30在六樓的食店已經沒有客人排隊，唯獨是元氣仲有一大排客人等位。約十五分鐘後入座，本人有幾年冇去過元氣幫襯，所以都吾知有咩食。老公點左壽司、軍艦、湯同啤酒，佢食曬所有佢點的食物，份量剛剛好，品質亦好好。我點左腐皮湯烏冬、炸雞件、炸芝士年糕同天婦羅野菜，湯烏冬好熱、又煙靭，炸雞件外皮好脆內軟有肉汁，炸芝士年糕-外皮好脆、內𥚃係年糕包著芝士軟軟的。我冇點飲品，因為有綠茶粉，可以加入熱水，濃淡自己控制👍依家元氣價錢相宜，每款菜式吾會好大，相當適合兩口之家😄
繼續閱讀
終於記得寫食評，上個月OT完返到東涌幾乎冇嘢食選擇，見到元氣壽司唔使排隊，不過22:30 last order，有15分鐘時間俾我揀嘢食，佢哋好好照俾我入去食、當然啦，兩個人食就梗係急啲，變咗一下子剔晒想食嘅嘢，預算唔到份量，驚唔夠食自然會叫多咗，確實我哋真係叫多咗，加上唔夠時間食，但我欣賞佢哋比我入去，做埋我生意變咗我要打包拎走，返屋企繼續食睇相都知我好鍾意食吞拿魚，佢有一個Combo極上吞拿魚三點我total叫咗四碟，即係12件😂😂其餘食物不過不失，貝三點就好麻麻，下次唔會再叫最後要讚佢哋體諒我夜晚冇飯食服務係好嘅
繼續閱讀
一直都係元氣壽司粉絲嘅fans，因為壽司嚟講佢嘅衛生程度唔錯，同埋最鍾意就係佢嘅飛機運送帶，我個仔成日都間唔中冇時停，但每次嚟到元気寿司見到架飛機車就會乖乖地，事關佢要等架車嚟送食物俾佢🤣🤣吞拿魚同埋三文魚系列超好食，同埋種類都多，另外小朋友兒童推介每次都叫蟹柳卷熟蝦同埋皇帝棒，三碟就夠晒，我小朋友食得飽飽又開心，不過當然最後一定要叫多個朱古力泡芙咁就滿足啦。今日happy Friday所以一定要嚟happy一下。 另外佢限定推介期期都有一啲新出產品會有啲期待😚😙另外而家食個滿$180就會抽獎一次，我哋今次抽到個三文魚手卷🥳🥳🥳
繼續閱讀
今日去元氣見到有優惠，有個2:30pm之後嘅下午茶餐叫午後之自選壽司盛分開三個部份第一個部份可以喺24款壽司裏面揀六款款式除咗三文魚,其他都係啲睇落唔係太受歡迎嘅款😝同埋佢有時會有啲款式冇，就會改其他壽司第二個部份就係四款小食揀一款，都係熱食為主第三個部份係三款輕食揀一款，個人建議如果唔夠飽可以揀烏冬成個餐總共$60 不過由於你食完之後會覺得唔夠飽，所以你都會散嗌其他嘢食最後埋單價錢其實同平時冇乜分別😂
繼續閱讀
枱面衛生環境十分污糟(豉油漬、油漬)還有上一台客人剩下的食物碎。餐具如筷子匙羹等應該也是清洗不乾淨，還有食物殘渣殘留。最離譜的就是豉油樽上面按鈕及樽身竟然全部都是豉油，如沒有看清楚就按下去會整到成隻手都係！這間店的員工是沒有看清楚還是懶惰沒有去做好清潔？之後輪到講食物，所有有紫菜在內的壽司(軍艦、手卷)來到的時候紫菜已經完全變淋，令本來食物的味道分數大打折扣。還有的就是如果一碟壽司入面有兩件(例如：海膽墨魚)這兩件壽司的份量會完全不一樣，會出現一個多料一個小料的情況，難道廚房入面沒有一個標準的出餐份量嗎？對於這次消費本人感覺並不愉快。
繼續閱讀