元気寿司 (藍灣廣場)

營業中

休息中

今日同朋友去食元氣，見到佢新出咗個明太子薯條，就諗住試吓，嚟到之後明太子醬同埋薯條係分開嘅，啲薯條新鮮即炸，覺得好好食，再點埋啲明太子醬，有少少鹹味，覺得好好食， $22來講份量都算好多，值得推薦。另外，佢仲新出左個和牛壽司，好彩都唔伏，味道都唔錯。當然，我哋仲叫咗好多其他壽司，例如三文魚壽司、蟹子壽司、吞拿魚壽司、甜蛋壽司、仲叫咗個燉蛋等等。而家元氣新都係用火車帶送，比較特別，同埋依家改咗用手機Apps落單，覺得啲食物係即叫即整，比以前迴轉壽司更加衛生。

今次係裝修後第一次黎食，多左高速列車😂😂😂同老公係屋企食完晚飯後唔夠飽於是落黎食小小刺身過下口癮。每次食完都好想上黎比食評但唔記得左😂呢度既帶子真係好好味好鮮甜🤤🤤🤤係呢啲壽司店或者係放題餐廳黎講佢都算係高質🤩🤩一碟50幾蚊但性價比十分高！！絕對抵食！！所以我同老公食完呢碟又忍唔住叫多一碟🤣另外叫左三文魚，又係好味！三文魚肉好林，食完絕對係齒頰留香😂會想另外叫碟三文魚刺身黎食🙈🙈

很久沒有來元氣食壽司了，因為年三十晚，好多食肆都關門了。反正突然想食壽司，而附近都無好味道既壽司食，所以就排隊了。每次都超級多人排隊，今天也是🙄🙄🙄，等了約半小時到啦。終於有位喇。可能我太耐無來了，原來轉了用平板點餐，和出食物方式都改了，真是覺得自己有點out😂😂😂發現多了很多限定食品，感覺非常唔錯喎，唔洗淨係食壽司咁悶。刺身和壽司跟以往一樣，都新鮮，肥美芝士煙肉烏冬，炸🍤卷連頭，正爆，值得一試再試，如果多點新搞作限定更加吸引😜😜😜還有如果係個平板加多一個服務就更好，因為呼叫服務員有點困難😁😁😁

放工後，一個人食飯，所以就揀咗元氣壽司，因為比佢嘅高速線列車深深吸引着。佢重新裝修後，用電話QR code落單，然後就有架高速線列車送壽司來俾你食，所以就不用常常叫店員落單，而且可以食完一件後，再order一件咁樣食,比較有趣又方便，所以好鍾意來!食物方面，以平價壽司來說他真的算是不錯。每次來我必定要食以下幾款壽司🍣海膽壽司，超級鮮味，而且海膽的份量非常多真係淡淡海膽咁擺入口🥰巨型蟹棒壽司大滿足系列之一，蟹柳嘅size真係超級大等於2粒飯嘅size，所以好好味，只係$10!鰻魚手卷最鍾意蒲燒鰻魚嘅汁，完全比啲飯吸收晒鰻魚汁，而且鰻魚是剛燒好的👍🏻日式蒸蛋必食小食之一，蛋蒸得好滑好滑，有小蟹柳做配料仲食咗好多其他壽司，價錢先係百零蚊，所以真係好抵食，好岩一個人嚟食👍🏻

非繁忙時間用餐，一坐低就見枱面抹得俹簁唔乾淨，仲有之前殘留醬汁係枱面。. 收銀員無禮，佢本人冇必要對我有禮貌，但佢工作時，係代表住公司，簡單一句請問/多謝是基本吧。連客人都懂對服務員客氣有禮，可服 務員卻不懂。

星期日晚上。。7點時票。。等到8點有位。。附近冇麥好行。。所以等待好漫長侍應熱情主動同小朋友玩叫左 青瓜壽司: 幾好皇帝蟹壽司: 蟹柳太凍極大皇帝蟹壽司: 有芝士係面, 幾大塊好爽玉子壽司: 廚房漏單, 玉子偏凍海膽手卷: 新鮮但少貴甜蝦卷: 新品都okay墨魚咀小食: 極咸。 咸到苦牛油果軟殼蟹: 一般炸蝦卷: 普通都okay 冷氣太凍...等得太耐食完9點出去。。餐廳門口仲有好多人等梗。。 其實佢食物上快d 我地會食得快d..

星期五晚要自己一個食飯，周圍都好多人，但又想食壽司，所以去左元氣壽司店。好彩元氣人流去得快，加上我一個人，好快就有位。雖然有迴轉壽司，但我選擇左落order，因為師傅會即時整，比較新鮮。近年好少去元氣食壽司，估吾到出左辣椒味吞拿魚壽司，好新穎。但可惜潮州辣椒油既味道蓋過左吞拿魚既味，所以下次未必會再叫。手卷方面，辣味三文魚手卷係我既至愛。佢呢款辣味同潮州辣椒油味既吞拿魚差得遠，味道比較配合，所以忍吾住叫左2個。

好一段時間無派落這區工作，今天竟然還有3個同事流放到這裡一齊工作，正所謂人多好搵食，所以我地就找了這裡元氣食我的下午飯。等一陣就有位啦！menu 都換左新野，還有新款雪糕食，有代言的熊仔公仔係運輸帶上走來走去，好打耳我地點左照燒汁雞扒套餐，壽司套餐及鰻魚飯套餐壽司套餐： 第一個送到， 壽司依舊份量，再加上烏冬，沙律，飽鰻魚飯套餐：第二個來的， 這個味道依舊，正不過飯份量少左，同事話食完都覺得肚餓所有人的飯已到，部份同事已經食完，我的雞雞飯還未到，等…等了有等…終於等到啦！飯量唔少，不過好乾呀！有點難以吞嚥，好左有麵豉湯濕一濕， 雞肉照燒汁味濃，不過雞肉乾嚡，有點失望啦！上次來食，好好味㗎！後記: 坐位同樣舒服， 服務員態度同樣好，不過食物質素差左d,希望下次再食好些啦！

今晚想食清D,咁去食寿司一早電話拎定飛,埋到去就入得去咁做就真係有效率今晚叫左以下既野食飛魚籽,北寄貝沙律,松葉蟹牛油果,厚燒玉子,炸蝦卷,灸燒帆立貝,吉列蠔花卷,蒲燒鰻魚,軟殼蟹手卷軟殼蟹手卷--炸左既軟殼蟹手冇一種油味但夠晒香口,配合紫菜加飯係好食既吉列蠔花卷--隻蠔都OK,不過汁少左D飛魚籽,北寄貝沙律,松葉蟹牛油果,厚燒玉子,炸蝦卷,灸燒帆立貝--厚燒玉子厚身口感一流,熟食黎講佢算唔錯灸燒帆立貝-帆立貝夠大夠厚,都新鮮好食松葉蟹牛油果,--FRESH既感覺炸蝦卷--普通野飛魚籽,北寄貝沙律,--無咩特別

唔覺唔覺食左素都一年啦，自此絕少入壽司店。但今日突然想感受下迴轉壽司的氣氛，於是就入左黎啦。好開心居然有不少素菜選擇，烏冬配炸野菜餅應該係新菜式，以前都未見過。烏冬應該係配木魚湯底，下次考慮可以叫店鋪換清湯。個炸野菜餅入面有不同蔬菜，有洋蔥、紅蘿蔔等等。甜甜地幾醒胃、炸出黎唔會油，用黎配麵份量剛剛好！我自己就自創左一個食法，就係order一隻溫泉蛋、拌勻之後河麵同炸野菜餅食。溫泉蛋溫度微凍冇腥味，點左蛋之後麵條更覺滑口，野菜餅亦頓時惹味不少。素食壽司我點左粟米軍艦同腐皮壽司，如果鐘意紫菜脆既朋友仔一定要即場落單，因為迴轉帶上面既同即場叫紫菜口感都幾唔同，如果唔趕時間建議即場order更好。我比較唔鐘意呢度個腐皮壽司，因為皮太薄啦。而且個腐皮甜得濟，甜味蓋過曬個腐皮味，而且仲有少少似藥水味添…

難得星期日放假，同家人一齊食壽司，等候左幾分鐘就可以入座。大概下午一點入座，坐卡位，位置舒適，可以慢慢享受午餐😋。每次必叫湯烏冬，食壽司前先暖暖胃這次3人吃了21客sushi，個人最喜歡炙燒黑椒海蝦，味道濃，完全不用沾豉油。落了單的炙燒牛油熟帶子並沒有來，不過已經吃得很滿足了

間唔中我同老公都會去元氣食壽司, 平價唔錯既選擇.而且儲分又可以當cash用.壽司一如以往既正常今日想介紹既係佢地除左壽司都有烏冬.最近仲有埋套戲, 方便唔吃魚生刺身既客人.什菌牛肉烏冬 連蒸蛋及沙津 ($45)蒸蛋很滑, 而且份量足. 沙津相對地比較失色, 可能是一早整好既關係, 沙津醬開始出水, 影響了味道.需要隔走沙津醬食用比較好.主菜什菌牛肉烏冬, 賣相不算佳, 味道湯底尚算不錯, 有淡淡的清湯而不是清水.牛肉什菌份量交足功課如此價錢算很抵食~

雖然之前生日吃完！但媽媽說用信用卡積金換了很多張$50現金券。所以這天的Family Day就決定齊齊去吃壽司喔~~也順道看看有沒有運氣可以吃到上次沒吃到的新款！其中一款就是在玉子上印住熊熊樣和元気寿司的 雄一玉子 ($12) ！在迴轉帶中等了幾轉先見到沒有裂開的玉子~~但玉子要說好吃的當然是厚燒玉子($12/件) 這個吧！！暖身的甜甜玉子加少量的飯~~是喜歡吃玉子的首選來喔~其次想吃的新款就是 荷蘭醬焗牛油果 ($22)牛油果基本上超級少，所以只是因為加了溫泉蛋~感覺上才變得豐富！如果是主要想吃牛油果可以直接放棄~~~ 而且個人不太喜歡這個荷蘭醬~味道濃郁得來酸味很重......壽司方面點了：墨魚壽司($14)、北奇貝壽司 ($16)、帆立貝壽司 ($16/件)、灸燒牛油熟帶子($16)這分店的帆立貝頗新鮮~吃落也帶甜味!! 其次就是熟帶子那個燒得頗香~~牛油加重多點點就更好了。卷物方面：蟹柳卷($14)、三文魚卷($16)、炸蝦卷($20)、芝士鰻魚卷($20)因為三文魚卷只有4件~所以長度比蟹柳卷長一點。芝士鰻魚卷的芝士比例多過鰻魚很多，所以吃落去時感覺只是在吃"芝士卷"而已。芝

早在其他分店已吃過手掌般大的蟹肉三文魚籽丼，今次口癢癢又想吃過。珍珠飯黏口煙韌，加上粒粒飽滿的三文魚籽，吃起來有鹹鮮亦魚油滿溢，蟹肉的鮮甜及滑身令丼丼添上層次。燒炙過的牛脷壽司，與飯糰一起吃所得出來的口感是很讚，裁成方形的牛脷芯，燒得香又軟熟，滲出油份流入飯內，面頭的青蔥與芝麻是有增香的成效。入口即化的鵝肝做壽司，鵝肝外面煎得又薄又脆而鵝肝的甜與飯糰卻是濃情化不開。同一集團，其實並非間間會做得好，遇到好的分店要留神！

壽司欵式多帶子壽司鮮甜.海蝦壽司爽脆.吞拿魚壽司甜美.鮮魷魚壽司煙靱.左口魚裙邊壽司甜甜長腳蟹柳壽司甘甜.八爪魚壽司鮮味.油甘魚肥美.牛肋骨壽司有口感天婦羅蝦壽司鬆脆.沙律熟蝦壽司.孖蟹柳壽司鮮味.