元気寿司 (元州商場)

營業中

休息中

行行吓街突然間行咗去一間元氣壽司度食，調一個白色唔知乜嘢吉士乜嘢名咁上下嘅嘢啦，有幾得意幾過癮幾好食喎，另外叫咗啲三文魚刺身啦吞拿魚三色，同埋其他壽司，佢個三文魚真係有三文魚味㗎，呢個爛gag係咪好好笑呢講返正題，以呢個價錢去食到呢個質素嘅壽司，我相信除咗呢間元氣之外都冇乜可以做到，佢出單嘅速度都非常之快，唯獨是有樣嘢係非常之慢，就係當你想要自由嘅時候，你永遠都係搵唔到人幫你嘅，可能呢樣就係呢間壽司店嘅特色

今日在這間元氣分店食午膳，星期日唔多人排隊，好快就有位，裝修完第一次嚟食，現在用手機點餐完，就由自動列車送餐到座位前方，落單後等數分鐘就送到。食物質素都0K，但壽司飯比較鬆散，用筷子夾起時就散開。

提前慶祝中秋節, 食了一個少少豪華的午餐.十二點九去到, 學生們仲未放學, 店內大把卡位可以坐, 三個人安排了個大卡位, 非常舒服入到店內, 先要求掃碼及量體溫.點了個午市套餐, 有燒三文魚/ 蟹柳 / 鰻魚 /  三件炸蝦卷, 共六件. 還有燉蛋 / 牛肉烏冬 / 沙律,  份量十足, 所以食物都係經小火車送來, 小朋友一定好喜歡.睇了一下單點的價錢,  大約就是點了六件壽司加牛肉烏冬,  沙律及燉蛋可以算係免費送的雖然明天才是中秋節, 但今天算係提早食了一個豐富的中秋節午餐

受疫情影響下，六點後只能外賣，冇得堂食，因此大排長龍。慶祝聖誕節就點會小得食我至愛既壽司連鎖集團式壽司店，品質有保証，買左2大盤返去慢慢嘆，外賣又有折，每樣有幾件，岩晒唔想諗食麥既我，壽司大細適中，3文魚，炸蝦都係我至愛，永遠冇失望。

又係壽司呀😂😂努力工作，就是為了食更多的壽司🤣前日先食完，今日又食🙄由於今晚係約左朋友吹水，所以就想搵少少野邊食邊講，所以唔係叫得好多野食，不過都值得一讚既係，無論邊間元氣，佢壽司既質素都保持得到，唔會有太大差別，另外近期愛左佢個款皇帝蟹柳，真係好大條，仲食得出蟹柳既鮮味👍🏻但相比起其他壽司，就稍為貴少少，因為一碟得一舊😪但都係值得一試👍🏻

元氣壽司，我不是第一天光顧，但依間真係令我值得一評。「元氣特飲」即芒果梳打，過往我去過不少於10間分店飲用，都不會一堆糖漿比我見到，依間舖簡直懶到一個點，糖漿、梳打水、冰、雪球完全層次分明，清晰可見。仲有芝士蛋糕，用义敲落去可以「噹噹」聲，义都义唔到。其他質素亦不願置評，真係刮目相看，大集團竟然如此質素。

今日細佬放假約左我同媽媽食午餐，媽媽想食壽司，帶左佢去呢間有好多分店的連鎖壽司店，已經食過N咁多次，質素唔會差得去邊。我地兩點到達唔太多人可能因為過左午飯繁忙時間，平時午飯時間經過都見到門口有人等位。有幾款午餐選擇，叫了一客壽司定食，壽司大大粒，食落都算新鮮，仲包沙律同麵豉湯。媽媽仲叫左客湯烏冬，烏冬口感彈牙，細細碗，每次如果我個女嚟到都會食晒。仲有我最鍾意食佢個軟殼蟹手卷，每次嚟到我都一定食。每次想起食壽司都會選擇元氣，壽司選擇都唔少，實有幾款啱食。

喺荔枝角返工成日食茶記外賣太油膩加上天氣咁悶熱日本嘢絕對係好選擇😋長沙灣元氣壽司係元州商場嘅街舖2:30pm-5:30pm係下午茶時段3點黎到唔太多人，亦唔駛排隊自選壽司盛+小食+輕食都幾抵食！今次揀左1A刺身+壽司➕2B炸墨魚軟骨➕3C綠茶蕎麥冷麵🍱刺身同壽司一如以往🍣質素唔錯 亦算新鮮炸墨魚軟骨係即叫即炸味道OK如果鍾意食雞軟骨嘅朋友應該都啱食綠茶蕎麥麵🍜低脂健康之選冷麵汁係淡淡嘅鏗魚汁mix少少wasabi食麵質軟硬度適中，唔會太淋清清地都幾好唔好睇小呢個tea set嘅份量壽司+小食+麵食完真係好飽肚！最後要收加一服務費埋單$68真係好抵食👍🏻👍🏻另外，有個肥肥地嘅服務員超好service！笑容親切，態度又好有禮貌，值得一讚👍🏻因為現今真係少有咁heart又年青嘅侍應生❤️

終於都等到放假，好感動～今日再戰元氣，目標係試食期間限定吞拿魚壽司今次有三款既：避風塘吞拿魚壽司，忌廉芝士醬油辣蒜吞拿魚壽司同芝士春卷。對芝士春卷無太大既興趣，試左其餘兩款～避風塘吞拿魚：呢個口味真係幾新奇但幾好食，辣辣地，個炸蒜同吞拿魚好夾，好香～所以食左幾件。忌廉芝士醬油辣蒜吞拿魚：同頭先嗰碟相比，呢一碟就冇咁好食，但都唔差～可以一試其他固定餐牌有既都有食下，隻蠔唔當造了～縮晒水，都係留返冬天食啦澳洲牛次次都好大件，好治癒～蟹肉蟹膏就好似迎排先有？表現正常～其他都每樣一碟啦，質素穩定～間間鋪差不多～

中午時間想食日本野近近地就去食元氣，雖然地方唔算大，都有好多人，但等左5分鐘唔港就入得，原因係同人地share 檯，不過唔緊要啦！好過企係出面得！咁煩忙時間，啲人落單都幾好態度，雖然好快坐低，服務員態度又好，不過等左20分鐘都未有野食到！好肚餓咁坐住等野食黎，share檯既人既國食到左，望住佢地咁等都唔係咁好，如果係外邊等就會有得選擇走去第二間食！除左叫好肚餓叫左20分鐘都唔知講咩好！食物水準就一般啦！咁肚餓食乜都好味，唔係話特別好食啦！不過都唔會話因為太忙而唔新鮮或者好難食強烈唔建議拎迴轉壽司😂因爲賣相唔太好

新年流流周圍飲茶都貴，所以同幾個朋友一齊去咗元氣食開年飯貪佢唔使點排隊，又唔使俾人亂咁收+1。鍾意食啲乜嘢就自己拎或者落單嗌。大年初三真係隊都唔使排，基本上直接入去。比起有高速線嘅，我都係更加鍾意無火車頭嘅元氣。唔知係乜嘢原因，啲壽司全部都好足料，啲魚生比起平時至少厚1.5倍，有圖有真相仲要相當之新鮮。跟住唔知點解有幾件澳洲牛上面有兩片牛肉。結果大家當左係放題咁樣嗌，但係因為佢太足料既關係，每個人都唔使$200。希望間分店平時都比到呢個份量因為我成日都嚟食⋯

一家大細好多時都選擇食壽司, 不太油膩又會有飯落肚的, 啱晒小朋友食。。最好唔駛特別諗其他地方食野, 行左去...時常都幫襯呢間元氣壽司, 今日假期所以好多人, 我哋搖距取票等位, 等左半小時。雖然款式來來去去差不多, 但未去到厭倦, 今次不例外order了軟殼蟹手卷3份(每次必食)、鰻魚手卷、吉列豬扒手卷、 三文魚籽軍艦(👦👧最愛)、炙燒黑椒三文魚, 三文魚壽司、蟹柳壽司及2碗湯烏冬。味道一般!沒有什麼驚喜, 不過不失! 反而是:亞仔亞女最期待的是幾時輪到呢間轉高速火車送達壽司呢?? 小朋友個個一定喜歡喔～

好耐無食過元氣下午茶啦，難得今日中午有啲時間同朋友一齊去元氣食個下午茶我地平日下午三點左右時間食，店入面人唔多，我地兩個人都可以坐卡位，而且都仲有好多位置餐方面選左1A+2C同3B，另外追加左軟殼蟹手卷。食物都好快上黎啦，首先係手卷，食過幾次嘅軟殻蟹手卷都無令我失望過雞翼係單骨有三隻，朋友話南瓜薯餅唔好食，咬左半個就無食了。刺身都算厚同新鮮，覺得朋友D餐個炙燒黑椒蠔幾特別當然仲有烏冬原本仲打算叫多幾碟壽司，但食到最後已經好飽。整體而言，下午茶真係好抵食，加埋手卷同加一都係$80，同埋質素都唔錯，係下午茶地方的考慮之選

星期日同屋企人去元氣食晚餐，都成年冇食過，而且屋企附近有，幾方便~通常我地都好少拎迴轉既壽司同刺身，自己點既即叫即做，新鮮d!三文魚，海膽，帆立貝，花之戀必食!三文魚始終覺得灸燒既香口d~油脂燒左出黎，加少少黑椒粒，特別香口帆立貝夠甜夠滑，幾好味。但海膽今日唔係咁新鮮係少少苦花之戀比以前好似細舊左，以前我成舊放入口會講唔到野，依家仲遊刃有餘膽汁墨魚軍艦，海膽味重，但份量唔多所以冇咁苦，墨魚夠咬口，整體上還好鰻魚壽司味道一般，鰻魚味道幾好，但質感麻麻地，可能太瘦，食落有點乾身，而且冇左油脂香吉列蠔轉左款，以前係成舊包住的~依家飯同蠔中間放左沙律醬，再有大大塊紫菜俾你包住黎食!因為紫菜多左，香落除左脆，味道更香，陣陣紫菜味!拎左碟燒生蠔壽司黎試，味道ok，唔太特別，不過隻蠔係靚既!蠔味重又唔腥，而且幾彈牙!元氣既壽司款式都有些少新改變，但份量上我覺得比以前細左d，不論剌身同壽司都係應該物價貴吧，因為見佢都好似冇加價了

下午茶搵地方坐和開會，元洲商場附近搵食搵到元氣，下午茶時段人不多，當落單後食物也較快到達，勝在有張長台可以三個人坐，位置好寬敞，坐得也舒服。這間沒有火車頭上菜，是紙本落單，人手上菜。食物中規中矩，沒太大驚喜，$10的炸蝦壽司，炸粉偏多，蝦很細隻🍤三文魚🍣不是太新鮮，有兩件也沒有食到。