元気寿司 (南寧街)

營業中

休息中

今晚同姪仔食飯佢就揀咗食壽司, 可能係晚飯時間又加上星期五, 結果等咗個幾鐘先有位姪仔一坐埋位就二話不說點咗佢鍾意食嘅壽司珍寶皇帝蟹柳~話件蟹柳夠晒大, 好似真係食緊蟹肉咁炙熱黑椒三文魚~我是第一次食的三文魚上有芝士炙熱過後芝士及三文魚溶在一起, 成舊放入口時覺得口感好豐富,好有魚口香又唔覺得膩, 但我就略嫌唔夠黑椒, 但小朋友食嘅就適合了！炸蝦卷 ~ 是即做的, 但外層的蟹子好像求其舖上就完事一樣粟米壽司~ 都係佢會必食的泡芙 ~ 小朋友最愛吃, 裡面滿滿的吉士醬佢最鍾意, 又夠凍佢話似食雪糕咁而我叫的壽司就同以往一樣保持水準芥辣八瓜魚~味道調得啱啱好芥辣又太嗆喉帶子,油甘魚夠新鮮炸雞軟骨味道就喊了一點除了賣相可以再提升一下外, 其餘的都不錯

原本已經係工作上好唔開心，想食返啲自己鍾意食嘅嘢你氹番自己，放工之後用咗＄90食返個下午茶，希望化悲憤為食量！點知食咗仲唔開心！因為之前我食元氣嘅下午茶感覺都幾好，不過唔知點解今次嘅刺身我覺得唔太新鮮！呢間分店我第一次來！環境上大致都OK而且唔錯，佢有火車速遞，夠噱頭，俾小朋友可以開心一下！好可惜唯一嘅敗筆就係啲刺身夠新鮮！我叫左個＄62嘅下午茶，開頭佢比錯左另一個刺身給我，跟住我立刻通知服務員換，點知黎到嗰碟嘅刺身如圖所見唔太新鮮！好乾！我再另外叫咗兩個＄10一件嘅壽司油甘魚壽司好似剛剛切出來，咬落去冰冰的，好似未用得切雪！總括來講，用這個價錢食下午茶應該有更好嘅選擇！

住咗香港仔咁耐真係好少食元氣不過朋友有會員卡話可以用電話拎飛果然可以用電話mon住幾時到 好方便食番好耐無食既筋子 好正啊！有d筋痴住d三文魚子 同埋個千層蛋糕出奇地好味

每次想食壽司首選一定會係元氣，而且身邊好多既朋友仔同我一樣都係元氣既fans。平時最怕等位既我為左食佢都一定會排隊熱辣辣既炸蝦卷，炸蝦的外層炸得香脆加上彈牙的蝦，一定要點啦~~元氣卷可以話係我既最愛，一定要叫2碟，新鮮的肥美的三文魚加上壽司飯包住的香脆的三文魚皮，超完美芥辣八爪魚，一定要係元氣食，佢地既味道係最好，而且夠辣三文魚腩，好肥美滿滿既新鮮蟹子，食一啖成口都會有蟹子吉列炸蝦，卜卜脆的炸蝦，夠大隻~~軟殼蟹手卷，熱辣辣炸得香脆的軟殼蟹加上滿滿既沙律醬，超美味甜品今次食千層蛋糕~~

咁多間壽司店 最愛都係元氣特別中意食佢既炸蝦卷中間不是天婦羅蝦，是吉列蝦一碟有三件，必叫第二是赤貝 太中意佢夠凍夠鮮甜 總要叫兩碟來食第三一定係炸墨魚咀 呢個香口小食以前細細粒好多粒 而家大大粒但得幾粒味道依然係咁好味第四係飛魚子軍艦中意佢脆卜卜 唔係蟹子咁霉 亦是每次必叫另外海膽軍艦、北寄貝沙律軍艦、芥辣八爪魚軍艦、燉蛋、軟殼蟹手卷都是推介，基本上每款壽司都好味，加上轉了列車送餐，轉模式亦是新嘗試 每次食都好期待列車將我既壽司送到 只記得影幾碟壽司 就食到忘型了唔算太貴就食到好食既壽司 性價比高

今日去咗元氣食壽司，叫咗個蟹肉三文魚丼同埋一個三文魚湯佢用嗰個火車仔送過嚟都幾得意仲可以落單嘅時候用電腦落單非常方便。三文魚迷你丼份量少少三文魚子好有味道，配飯也不錯。另外三文魚湯十分入味唔錯

My daughter love to go to genki sushi in Aberdeen because there are many many sushi trains and very yummy and exciting. There are 3 trains. She loves to go there. And so does her brother. She loves egg sushi and salmon roe sushi and the California hand roll.

香港仔元氣裝修完之後都冇去過，今日就同一班朋友去試新科技。冇錯係科技⋯⋯因為香港仔鋪已經用左火車送壽司，感覺非常新奇但其實原來已有好幾間分店已轉做火車去運送壽司啦。一入到去坐你會見到有部ipad 係你面前，你可以係上面點餐。點完之後等一陣火車就會載住喲壽司到你面前。當你將食物拎落黎之後就按住閃果個制架火車就會自動離開架啦～😆全程就係到狂影狂影📸簡直就好似鄉里出城未見過世面咁。不過講番啲食物，水準好似差左啲炸蝦唔夠熱供應既野又少左總之就麻麻地啦。唔係話唔比機會佢，叫左個新野芝士著條但真係好普通⋯⋯如果未試過新科技都可以一試，去興奮下都好😅

放工久不久也會到訪，已經成為了我的指定食堂之一。自從裝修轉為高速線後也「幫襯」了不下數次，而每次也不出那幾款「心水」壽司。今次點了炙燒黑椒蠔、秋刀魚、北寄貝沙律、炙燒醬油左口魚裙邊、高速線限定的醋鯖魚和葱呑拿魚腩新香卷。秋刀魚中間一開二，奇怪。醋鯖魚，我喜歡醋，每次也很好吃。但今次的醋味入口不太濃，而且其中一件有點腥。炙燒蠔不過不失。今次左口魚油香肉厚！！北寄貝沙律好味！自從在日本吃過呑拿魚腩，一試愛上，香港有呑拿魚腩的，我也會order。雖然一定不及日本的新鮮鮮甜，但也不俗。總括而言，每一間元氣，每一次的質素也參差。

一向都會間唔時食下元氣，覺得佢質素都維持到下水準價錢又唔貴，最鐘意就係食辣味三文魚軍艦，辣辣地又夠惹味。星期日同屋企人食飯，諗住去附近間元氣食下啦，發現轉左新裝修喎，有新幹線系列，小朋友一定岩晒心水啦一坐底唔係好習慣，原來係一人一個mon 點菜（真係大鄉里)搞左一輪就食物送到。都幾快手，一點好快就到。細細個個種迴轉壽司已經無左lu, 換左做新幹線火車頭，你點d 咩食物呢，佢就用架火車送到你面前，你拎完食物，再click 返個制，佢就會返轉頭架啦頭一兩下係幾好玩既，不過由於佢一到就會嗶嗶聲響，直到你click 制為止。所以成間餐廳都係咁嗶嗶聲響，其實都好嘈下。至於壽司呢，我就覺得水準差左。無咩驚喜，價錢又無特別平無咩優惠。係呢個排左半個鐘頭隊（6點前開始排），然後食飯時候係咁嗶嗶嗶既環境下，其實就真係麻麻享受啦。好似寶寶話齋，而家食元氣好似各自各點菜自己食自己，全餐無咩交流，如果想開心family time 就真係唔太岩feel lu.

香港仔元氣裝修了一段時間，令一衆街坊壽司迷頓時迷失方向，唔知食咩好終於等到佢裝修完畢成為高速線元氣壽司，梗係第一時間帶埋囡囡去睇下點新高速法啦！新裝鍠果然夠哂醒目，坐位闊落舒適，更設有多部ipad供客人自選食物，省卻人手，時間，即叫即整。點了幾款壽司，唔洗2分鐘，食物已經從高速缐火車送到面前，快靚正！建議一次過唔洗點太多壽司，因為怕食唔切，可以食完幾款再落單，因為高速線實在太高速啦！呢個新安排比以前迴轉壽司更進步，更有效率，以前迴轉帶上很多食物沒人取之後會倒掉，現在客人點什麼才制做，避免做成浪費，實在太好了！各款壽司保持水準，食材亦很新鮮，元氣壽司價格中等，食物新鮮亦算味美，款式選擇也頗多，而且不斷創新增加不同食材，難怪星期六日，午，晚餐時間都有出現大堆人龍，繼續努力吧！街坊支持你！

女兒個個星期都嚷著要去一去元氣壽司(我地叫嬲壽司,因為個人樣招牌)，原因佢屬於偏食一族，但很喜歡呢度既烏冬,泡芙和炸蝦卷，次次黎都食呢3㨾小女子唯有捨命陪公主。。。呢度d壽司屬於中等價錢，味道尚可，大人小朋友都食得開心，我多數會叫個三文魚頭湯，熱辣辣，魚頭滑＂劣劣＂同肥美，湯底鮮甜,又有甜甜的白蘿蔔配襯。螺片壽司，螺片鮮甜爽脆。軟殼蟹手卷，yum yum必食。尤其偶到剛剛炸起的軟殼蟹，熱辣辣脆卜卜好正！炸蝦卷，泡芙，女兒至愛。其實壽司中規中舉，食材尚算新鮮。

壽司店來講，最鐘意元氣，貪它價錢合理又分店多！特登揀下午六點幾來，唔使排隊咁耐！每次來都鐘意叫芥末八爪魚/辣味三文魚軍艦，必食！遇著人流多時，紫菜非常脆！好滋味！次次都回味無窮！其次必叫三文魚腩壽司🍣🍣🍣滑而不膩！芝士鰻魚卷都是我的摯愛，好味道！炸多春魚，鐘意有紫菜附面，好特別香口，略嫌棄它多油！

今日阿妹話想食壽司就去食元氣，下午的時候元氣無滿座;我地叫辛辣牛肉卷，炸蝦卷，北寄貝沙律軍艦，三味三文魚，炙燒三文魚。卷物的飯打得比較實;牛肉卷食落去好似牛肉飯味，無咩大驚喜;另外炸蝦卷，味道食到沙律味和魚柳味，係幾好食。炙燒黑椒三文魚，我眼見就太多蛋黃醬，但係我感覺唔到有灸燒的感覺:多數日本師父炙燒會用火槍噴到外表有燒焦的樣子，但作無做啦。好似沙律三文魚。北寄貝沙律係咁多件壽司最好，佢夠多汁，紫菜夠脆;食到北寄貝的爽口.。師父的手打壽司份量比較小，落醋唔多令到壽司飯有小小散。為左照顧香港仔啲人口味。地方都算整潔，芥辣比之前深色，但味道比之前淡味。

2015年9月17～去咗香港仔中心見選擇咁多，早两日連食2天酒樓，所以唔食酒樓了，見有2～3年無食過元氣，咁食下先，價錢都抵食，質數都ok , 炸芝士年糕味道一般般炸雜菜烏冬，炸雜菜 炸得幾好 壽司價錢算抵食，但飯一夾就散，食唔到壽司醋味，