元洲牛肉麵 (青華閣)

營業中

休息中

元洲牛肉麵今次推介喺長沙灣元州街附近有一間做咗差唔多接近十年嘅餐廳叫「元洲牛肉麵」，唔知佢哋十年前門口有無斜路，如果有斜路嘅話真係要讚一讚，十年前已經為咗我哋增設無障礙設施，老闆真係諗得好細心！餐廳入面雖然細細，但都容納到我呢部大輪椅，一路諗食咩好，一路聽到河粉賣哂，未到兩點15斤河粉咁早賣哂真係好勁，咁我就轉咗揀蛋幼麵，呢度d粉麵都係$36起，如下午茶1500至1730揀魚蛋粉就$20，賣完即止，如果食滿$60可以抽獎一次，食滿$120就再抽多次，最多抽獎兩次，真係又抵食又有抽獎，好掂！1.元州清湯牛腩粉（魔鬼辣）+墨魚餅+凍檸茶$53（9.5/10）呢碗元洲清湯牛腩粉揀咗蛋幼麵，辣度揀咗魔鬼辣，蛋幼麵蛋味香濃，麵好彈牙，牛腩就有6舊，每舊牛腩都係厚切，唔好以為厚切就好硬，呢個牛腩炆得又淋又入味，仲有一舊好甜無渣嘅白蘿蔔，份量非常多，好味！炸墨魚餅：一碟有兩舊，炸得好香，墨魚膠勁多！凍檸茶：一杯凍檸茶入面有5片檸檬，茶同檸檬調教得幾好，好飲！2.牛筋坑腩粉（BB辣）+生菜$60+大樽羅漢果菊花茶$6（9/10）你換牛筋坑腩粉就揀咗蛋幼麵，辣度揀咗bb辣，蛋幼麵蛋味香濃，麵好彈牙，牛筋

.#foodie #hk #hkfoodie#HTB美食推介【長沙灣隱世小店｜😆每日限量20碗牛肉麵】🐨招牌紅燒牛肉麵 $60推薦度：⭐️⭐️⭐️⭐淨係麵都有好多款唔同嘅選擇，包括台灣麵、刀削麵、河粉等～ 一上枱就見到三大嚿紅燒牛肉，同埋一舊蘿蔔喺面😋簡單唔做作！而且麵嘅份量都好多，非常足料🍜🍜湯底濃郁香醇，整體嚟講少少偏辣！紅燒牛肉非常厚身而且好入味... 肉質都煮到好腍，即使咁厚身都唔會乾硬～蘿蔔都好鮮甜食落冇渣，台灣麵彈牙有咬口！成碗食完超級飽肚、滿足😆.⌫餐廳仲有多款元洲配料，包括經典辣牛油膏、台式炒酸菜等⌫消費滿$60更可參與扭蛋一次，拎定優惠券下次用！——☼——☼——☼——☼——☼——元洲牛肉麵📍地址：長沙灣元州街498號青華閣地下I號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB長沙灣 #HTB台式.#長沙灣美食 #長沙灣 #台灣菜 #台菜 #牛肉麵 #限量 #麵 #美食推介

以60蚊一碗嚟講唔算抵 呢個質素有啲令人失望嗌咗碗招牌紅燒牛肉麵 點知係有辣油menu完全無寫 然後入面唔係牛肉係牛展 啲牛展都有少少似合成肉 因為啲脂肪食到有啲好似起格要扯開 食食下又食到有紙碎 然後位又迫迫地 侍應啊姐們又唔好口面 唔會有下次了

呢間嘢第一次幫襯, 牛肉硬到咬唔落， 網上外賣平台送貨， 投訴，但不負責任，唔肯賠償 ，以後唔會幫襯， 影曬相send去客服，即日唔處理，隔一段時間，打電話，網上外賣平台講會退錢，亦很明白我感受， 結果又係不了了之，今晚 再打電話， 先至同我講，話餐廳唔肯負責， 我想講， 難食到咁，都唔肯負責，又唔改進， 真係無言，當自己撞鬼

餐廳冷氣唔涼，坐邊位有啲熱；嗌雞扒冇雞扒，嗌河粉冇河粉，嗌都削麵都冇刀削麵，隔離枱仲話冇生菜......重點黎喇，最後叫咗碗牛腩台灣麵，點知黎咗碗石頭腩台灣麵，咬唔入嘅牛腩，又實又韌，完全冇誇張，我都好驚訝點解元州牛肉麵會變成咁，非常失望，只好講如果下次再有朋友想黎就唔好叫牛腩啦，完。

以前佢哋做牛肉麵突然間換咗清湯腩，上次去冇得食。但係今次去又有返以前嘅招牌牛肉麵。講講個清湯腩，湯底都幾香濃牛味，佢哋話用咗好多牛骨煮咗10個鐘，餐牌都叫我哋試吓個湯底先，都真係唔錯。牛腩都幾好味，河粉就正正常常。見佢哋內部都有裝修咗，唔知係咪轉咗手呢？

雖然暫時無左招牌厚切牛肉麵，不過個湯底仍然係熟悉嘅味道。今次試三寶肉撈，撈台灣麵，牛坑腩算是很不錯，最正嘅係個炸乾蔥配「秘製蔥油」，撈撈撈完之後，每啖都是蔥油香味🤤有時，加分位就喺出色嘅配角身上！偷聽到老闆娘講，7月1日，經典牛肉麵會重新登場，我一定會再黎食！！！

上星期見佢轉了餐牌，第一次試，確實麻麻。今日下午茶，比多次機會佢，估唔到喺3日間，有神速嘅改造！坑腩大件+爽牛筋仍然咁滑嘟嘟金錢肚，入晒味湯底鮮味升晒級$56，超晒值啦！

尋日幫襯完食咗碗麵，得過咸字，牛筋好淋，半筋半肉面俾肉好少，反而牛筋佔咗8成（因為牛筋平啲？），$62一碗其實唔算貴，但質素唔得，味道更加唔得，雖然有酸菜俾你加，但碗嘢唔好食，所以加都無謂…無下次！同埋佢間鋪有浸味，感覺係無咩清潔🧹

聞名已久嘅元州牛肉麵，今日特登去長沙灣總店試下。招牌元州牛肉麵 $56一碗有四塊牛肉，唔算細塊，好淋身。揀咗原味牛肉湯底，湯底香濃唔咸，味道啱啱好。配埋台灣麵做麵底，麵條煙韌有彈性。另外仲有舊蘿蔔索咗d湯底，一咬舊蘿蔔滲d香濃嘅湯汁出嚟，好食。另外有個配料自助區，我試咗經典辣牛油膏，少少都好辣但同時又好香。佢唔係普通潮州辣椒果隻味，似華園香辣牛肉粒果種香辣。其實碗麵係好食，但份量唔算多，呢個價錢比較細碗。

花雕酸菜牛筋牛肉麵湯底：本身就係好奇想試吓花雕mix 牛肉麵嘅味道。但係無論係湯底，定係牛肉，都冇酒味。勉強嚟講，好細心品嚐，或者可以超輕微地感受到0.01%似有還無的酒味？但係分唔清係心理影響定係真係有。同行一齊食嘅朋友就話完全感受唔到酒味。牛肉：同樣地，原本期待牛肉會唔會有任何花雕味？結果係冇嘅。附上大約兩舊牛筋牛肉，都非常非常腍。麵：麵質都算彈牙。另外朋友都有試「行政總裁牛筋牛肉麵」，佢嘅評語係都OK好味。但係佢加咗「辛小辣」，朋友反映係非常非常辣，食到嘴都脹咗，好似中辣嗰種程度。而朋友本身已經係比較食得辣。如果希望係只係淺嘗辣味，只係想攞嚟吊下味嘅朋友，就可能要注意一下。

前幾日上網見幾多人推介呢間既牛肉麵，所以就專登黎呢度食，我叫左元州招牌牛肉麵，湯底少鹹，牛肉好淋，有啲食唔慣，粗麵都幾重麵粉味，而小食墨魚餅都幾油，唔算好食。整體黎講，佢既招牌牛肉麵非常一般，唔洗特登去食。

老實講我覺得佢嘅湯底係幾好食嘅，不過幼麵是最好食。同成班同事嗌，試過大家全部都嗌幼麵，結果嚟到嘅時候全部都係粗面，搞到我哋食得勁唔開心，思疑佢係咪冇晒幼麵又唔同我哋講。今次外賣自取又係一樣⋯⋯明明講咗好多次係要幼麵，結果拎到返屋企又係變咗粗麵⋯⋯ 希望下次可以改善吓⋯⋯唔好再比錯麵人，如果冇都老實同人哋講，謝謝。

鋪頭座位唔算多，午餐時間要排一陣隊近門口有自助配料區，辣醬酸菜任加👍🏼👍🏼👍🏼🌼 招牌元州牛肉麵 ($66)上枱又係大大碗嘅麵🍜麵底煙煙韌韌完全啱晒我口味牛肉煮到好稔好入味，入口即溶，雖然得3-4塊，但係大大塊勁厚身，份量十足💯湯底香濃，唔會過咸，令人忍唔住飲多幾啖湯先走😆每碗麵都配有一大舊白蘿蔔，清甜無渣。解膩一流🌼 墨魚餅二件 (跟餐)食完大大碗麵仲有小食送墨魚餅炸過，口感彈牙💯套餐另外仲包飲品，食飽飽走人超滿足！

係元洲街搵到一間元洲牛肉麵，呢間小店主打係牛肉麵🤤🤤餐廳面積不大，只有幾張少桌。需要加配料可到配料自助區，有大蒜、辣牛油膏、台式炒酸菜和大紅醋。主打牛肉麵當然要點牛肉麵😋😋半筋半肉麵(牛腱/ 牛筋）牛肉湯味道濃郁，粗麵彈牙。牛肉軟腍，牛筋也非常腍滑又有咬勁。元洲孖寶牛肉麵牛腩比較有嚼勁的牛肉部位，牛味濃。金錢展部位的肉非常結實，且佈滿了牛筋，肉質口感比較韌，但味道比較鮮美嫩滑。涼拌青瓜口感清新爽脆，味道酸酸甜甜很開胃。