光榮冰室 (厚福街) (已結業)

光榮速食一流夠晒快，不過食親都肚痛，由坐低點餐到食完埋單都唔洗15分鐘，食飽又立即開工﹗豉油滑蛋雞扒飯，終於發掘到光榮名物﹗炒滑蛋真心出色，加上自家調製甜豉油，仲有肥美半煎焗厚厚嫩滑多汁靚雞扒，全部撈埋一齊嘆堅係不得了！食到乾乾淨淨，只係白飯略濕要扣點分數。炸雞中翼沙律，這個擺盆非常有創意，各散東西？分道揚鑣？眾叛親離？懷舊港式沙律勁落沙律醬，將薯仔及雜果浸死去﹗瘦瘦翻炸雞翼發育不良瘦猛猛，乾柴迆無肉食，厴味混濁。咖哩汁豬扒意粉，突然想食港式咖哩撈意粉，不幸地狠狠中伏了﹗貌似深色濃郁多汁，估您唔到入口無味既？水汪汪淡茂茂咖哩水，唯有加胡椒粉吧﹗不過反魂乏術、無補於事。無味全熟白烚意粉，加上無味咖哩，都幻想都係咩味道。恩惠地有骨豬扒唔難食，肉質鬆化不過咸。鮮茄汁雞扒意粉，橫掂試完咖哩就順便試埋鮮茄汁雞扒意粉。見有一兩舊鮮番茄角，顏色濃濃深深的茄汁，但入口無味十足番茄水。立即加兩包不香不辣既辣椒油，完全沒有幫助，早知加地捫茄汁啦。雞扒最穩陣，真煎不是翻炸，肥美濕潤彈牙滑溜而醃味道清爽，啖啖肉好舒服。豉油三眼仔火腿炸雞髀飯，再試炸雞髀比多次機會您﹗依舊翻炸乾硬鞋燶無得救。甜豉油火腿太陽蛋撈飯

食親榮光都肚痛﹗無緊要，我會堅持落去食晒個餐牌先。首次的光榮冰室，雖然感覺照明微弱陰陰沉沉，而且衛生情況欠佳又沒怎樣的服務，都支持一下吧﹗個個後生仔唔係圍埋賭馬就係獨自打機，坐晒係度都唔知仲乜？實在令人側目。凍檸茶走甜，低於記水平，紅茶濁而不清，顏色暗啞。冰要有咁大粒得咁大粒、飲管要有咁粗得咁粗，張枱要有咁細得咁細，食客們咪快快食完閃囉。煎雙蛋沙嗲牛肉出前一丁，獨立包裝辣椒油不香不辣，油味霸道。沙嗲牛肉入口即化，乸到腍啤啤滑潺潺味道混濁。煎雙蛋，即煎焦香燶邊熱辣辣，微脆香口蛋汁黏黏入口即爆好舒服﹗白烚粉口過腍出前一丁，散發滾水味道。滾水白烚翻滾出前一丁，入口即溶霉腍濁咸滑潺潺沙嗲牛肉，無渣無味淡口獨立包裝外購辣椒油。煲仔雙太陽蛋沙嗲牛肉即食麵，比起普通碗上出前一丁更好味更滋味﹗雖然沙嗲牛肉依舊腍到入口即溶而味道濃濁，不過沙嗲湯汁厚厚和味美麗。雙太陽蛋嫩滑甘甜，吉穿再用麵條拖著大大力啜入，高溫燙嘴天堂的味道。煲仔窩蛋牛肉即食麵，試過荷包蛋、太陽蛋，就試試窩蛋吧﹗室溫的生雞蛋要跟滾滾濃湯混合吸引熱力，再讓麵條帶著入口才會美味﹗濃稠黏黏沙嗲湯夾得天衣無縫。豬扒公司出前一丁，咸到跳舞的腸仔及午

Came here to support a great local cha chaan teng beloved by the people 👍🏼💚好耐冇返嚟啦～有少少懷舊又同時想支持呢家親民嘅小店...果然名不虛傳！蔥油雞扒飯 加三蛋：必食、10/10好完美。雞扒又脆又juicy、蔥油香、三蛋都煎得好靚靚。老公突然無聲無息底下頭、幾分鐘食晒、我都搶唔到幾口～😅滑蛋叉燒飯：都好完美！蛋又黃又滑、叉燒啱啱夠、唔會太油膩可惜每人得一個肚腩～希望下次來食煲仔飯🍲

有個上左年紀既男侍應態度超級惡劣，差到爆差到無朋友，只係叫左兩次落單姐就話你催佢，‘’你催我都無用，我唔入電腦落單你一樣無得食‘’xx你xx呀～#%&！@*%#+\｜～係要逼我講粗口，野食又唔係好好食，環境又差到極，又唔係好生意又唔忙，都唔明做咩事要甘鬼死躁底，唔想做你麻執咗佢囉，改左名叫光榮結業啦，結左佢啦，真係越諗越嬲xxxx，真唔明點解仲可以繼續營業落去，千祈千祈唔好幫襯，千祈千祈唔好幫襯，千祈千祈唔好幫襯，一定唔會有下次，睇返評價先知甘差～～

▫️鹹牛肉蛋治_$24(下午茶價)「睇橫切面就見到三文治係幾咁足料，由第一啖到最後一啖都食到滿滿嘅餡料！雞蛋軟嫩呈金黃色，小編配咗鹹牛肉平衡味道，雖然邪惡但好滿足～」識食：🧡🧡🧡🧡🧡🧡▫️生炸大雞脾配薯角_$31(下午茶價)「手掌咁大嘅炸脾，依然做到嫩滑爆汁！怕肥嘅可以轉薯角做沙律（雖然分別應該唔大～），美足不足嘅係雞肉較重雪味。」識飲：🧡🧡🧡🧡🖤🖤.環境：🧡🧡🧡🧡🖤🖤服務：🧡🧡🧡🧡🖤🖤抵食：🧡🧡🧡🧡🧡🧡//光榮冰室作為知名黃店，應該好多人都試過。除咗三蛋飯，原來佢哋嘅下午茶都好多選擇，仲又平又高質添～尖沙咀分店環境光猛，尚算整潔，食個快飯完全冇問題。//.🍽光榮冰室 (尖沙咀分店)🚪@gloryfandb📍尖沙咀厚福街5-6號地下6號📍旺角花園街3-5號鴻威大厦地下12-13號📍荃灣兆和街18號地下📍銅鑼灣登龍街37號地📍九龍灣常悅道23號地📍元朗教育路44, 46及50號兆明樓地下B號📍深井深井村54-55號地📍觀塘開源道63號福昌大廈地下A11號.喜歡《揀飲擇食》的圖片和文字🤍不妨點一下like和follow @picky.eaterrr

都聽講過呢期啲服務好差，但因為冇得揀唯有照入去食，點知咁就真係中咗。入面兩個侍應由頭到尾都係呼呼喝喝，特別係後生着黑衫嗰個，真係好似欠咗佢咁，仲要全程坐喺度講粗口，叫先識埋你收錢，嘢食本身已經難食，就連最基本個少少嘅服務態度都冇，根本就係趕客！

I came here for breakfast one morning, and I was not disappointed. The staff is not the friendliest, and if you don’t speak or read any Chinese (there’s no English on the menu) then I don’t know if you’ll have the best experience. So if that’s the case, then I would recommend going with a local friend. I entered and waited to be seated but even after making eye contact, the server didn’t say anything, so I just sat myself down haha (it was pretty empty).After less than 30 seconds of looking at t

平時有幫襯其他分店，今日去到呢一間尖沙咀，體驗極差，以後唔會幫襯餐廳，一嚟就話冇炒嘢，冇公仔麵，唔緊要食其他然後一位中年男侍應態度極度惡劣，坐低30秒，再大聲問食乜？叫凍檸茶少甜變咗走甜人哋想叫小飯，有位後生仔話得㗎喇少咗㗎啦總之，唔會再幫襯尖沙咀呢一間分店但其他分店依然會繼續幫襯

第一次寫評語就係俾哩個極品侍應，其中一個侍應態度真係好差，叫佢幫手落單好似欠佢錢咁，聲大夾惡，趕客咁款，野食都未到，已經俾佢激到無胃口🤮食食下野仲會無啦啦怒啤你，真係莫名其妙😵‍💫未見過一個侍應態度係咁垃圾。食物質素比起之前差左，年幾前食過扒餐算ok, 今次食物質素好差，一粒大大老鼠屎侍應實在太趕客，第一次幫襯一間餐廳感覺係俾錢買難受，不知所謂，唔明點解咁多好評，永世都唔會幫襯!

疫情時係旺角光榮嘅常客，但而家好耐無去光榮，因為嘢食水準每況越下，真係越嚟越唔好食😓，差不多價錢嘅選擇响旺角或尖沙咀都仲有唔少，不過今日唔知撞咗咩邪，竟然夠膽死走入呢間挑戰食客EQ的垃圾餐廳。平時有食開光榮嘅都知佢都係得嗰幾樣嘢食，照計點叫都唔會容易出錯，如果你地都認為係咁，咁你就大錯特錯！😖入去的時候差不多full，但隔咗好一陣先有人招呼你坐低。幫我哋落單嘅係一個後生仔，面青口唇白無梳頭嗰種⋯anyway我哋叫咗三眼仔雞扒菜底，三眼仔（雞蛋）講明要太陽蛋，然後凍檸水走甜，仲有沙爹牛麵同凍奶茶。先嚟嘢飲，放低咗一杯熱檸水，我心諗三十幾度真係有人飲熱嘢？好啦，叫個侍應嚟，OK落錯單，咁換過囉，佢入返廚房（好明顯）將杯熱檸水倒落啲冰度，然後拎返出嚟嘅時候已經係無哂啲冰嘅暖檸水⋯唯有叫佢加返少少冰啦⋯到三眼仔嚟到，一見面頭嘅炒蛋，灰咗😓，叫返個面青口唇白侍應嚟，佢話落錯單，再整過，我話明明要太陽蛋點解咁樣？佢竟然回答話：我都係唔記得咗要太陽蛋啫！一啲歉意都無！OK，唯有再等，到拎返碟核突（自己睇相）嘢嚟嘅時候，掀起啲太陽蛋，發現下面嗰塊係豬扒唔係雞扒😤😤😤😤😤，我朋友嬲到…呢刻已經胃口盡失，

本身好支持間餐廳嘅理念Lunch路過諗住再嚟支持下。叫咗個椒鹽豬扒飯，點知中曬伏。首先佢炸到塊豬扒乾曬，在無經任何烹調，喺豬扒上面淋上炸蒜同鹽就完成。食到好似咬緊柴咁樣。飯就太多水，啲飯變咗一pat pat。唉，點解會搞成咁。。。希望快啲改善返，靠理念經營一間餐廳唔掂，始終都係要講食物嘅質素

尖沙咀厚福街出名多野食，除左肥仔小食，其他都好少試。每次經過尖咀呢間光榮冰室都係好多人等位同外賣。今次兩點黎到，岩岩完左lunch 時間，兩位唔洗等，座卡位，happy !叫左一位三眼仔煎雞扒飯同一位滑蛋叉燒飯，兩杯凍奶茶😌等左一陣就黎左，兩位都好靚仔❤️三眼仔其實係指三個太陽蛋，真係煎得好完美，睇見就想一啖啜落去，下面埋藏左驚雞扒，都係煎得滑既～最正飯底都好多 甜豉油 再加埋蛋黃漿撈飯，真係別有一番風味，好食呀！試左朋友既滑蛋叉燒，又係唔錯，份量好多。不過奶茶就差啲喇，都無咩茶味。平時自己過黎食個快靚正既午餐都唔錯，因為食完係滿足既👍🏻😂

光榮茶餐廳人氣極高，試咗佢哋嘅餐蛋麵，好好味呀！啲麵煮得岩岩好，有啲Q彈嘅口感。餐蛋煎得香脆，裡面嘅蛋味又好香濃，真係好好食。湯底唔係太濃郁，但都有啲淡淡嘅雞肉味，同埋配埋啲蔥花，味道好豐富。茶餐廳嘅餐蛋麵真係好適合做午餐啊！

星期一打算叫個外賣食下，但食左2啖真係食唔落🤢-招牌香煎雞扒粉麵轉通心湯底係十級咸，一食落去好辛苦，請問師傅有冇試食過再賣比人？雞扒真係世界級難食，係好大塊，但同樣係咸到爆炸，食落仲會有膻味係咩事….係我食過咁多間茶餐廳最難食既常餐。-方包係好厚個隻 但得少少牛油😂食落同食冇牛油一樣-火腿奄列又出出地事，料係好多，但唔完全關餐廳事，相信係凍左變得麻麻。--真心希望會有所進步，唔好只靠信念去經營生意。老闆，我想講真係好難食。

尋日喺附近做完嘢，就突然之間諗起附近有間光榮冰室再行過去食，可能晚餐時間都比較多人，所以都係等咗5分鐘到就即刻安排入去坐，一坐低就叫咗個三眼仔雞扒飯同一個東坡肉飯，三眼仔係不嬲嚟到呢度一定要食嘅，因為個蛋撈埋啲飯度食係好好味，我諗係其他茶餐廳都未必食到呢個味道，佢個雞扒煎得好香脆食落有幾好食，東坡肉飯個醬汁有少少甜蛋撈落啲飯到都幾好餸飯，個肥豬肉炆得好淋，好適合鍾意食肥豬肉嘅朋友仔。所以你都一定唔可以錯過，之後就去深水埗再encore食甜品