光榮冰室 (厚福街) (已結業)

🍴爆茜肥牛煲仔麵 $52 （包一杯飲品）每日2:30開始供應❤️ 一上枱真係多莞茜到嚇親 好似一座芫茜山咁 望唔到肥牛或者麵 有種無從入手既感覺🤣 係要自己用筷子將d芫茜撳入個煲入面 過一陣就可以見到d沙嗲牛肉麵啦😙 成碗都好重莞茜味❤️ 沙嗲味好濃 連埋肥牛再撈埋d芫茜一齊食 味道好夾 但因為個湯汁都比較濃 所以食到最尾有d鹹 而麵仲可以簡公仔麵、米粉或者出前一丁💁🏻‍♀️ 我就簡左公仔麵 但就好後悔唔記得咗叫加蛋 有埋蛋 一定會更好味😋 但呢個價錢 仲包一杯野飲 真係物超所值 推薦中意芫茜既人一定要黎試🥰溫馨提示💁🏻‍♀️ 話明係煲仔麵 上枱個煲真係熱辣辣 要小心啲！

今日經過就同朋友入來下午雖然都多人但無點等就入得叫左叉燒炒蛋飯 跟埋冷或熱飲五十幾蚊左右水準依然一樣 炒蛋唔老叉燒唔韌Lunch 下午茶想食平啲又想夠飽可以來食速食之選 性價比高

今日經過尖沙咀間光榮冰室，就突然間心血來潮想食佢，之前都已經食過好多次👍🏻👍🏻🤩🤩咁今日就叫咗個個人覺得係招牌嘅蔥油雞扒飯😋😋同埋叫咗個常餐（沙嗲牛肉麵，煎蛋，火腿，多士）👍🏻蔥油雞扒飯基本上次次嚟到光榮都一定會叫既，佢啲雞扒勁大塊，同埋真係會擺好多蔥油喺上面，雞扒再撈埋個蔥油一齊食，好好食十分之入味🥳🥳同埋佢一個餐嘅份量十分之多，食完之後差唔多去到夜晚都仲好飽😂😂😂😂另外仲叫咗一個常餐，佢係用出前一丁做面底嘅，同埋個沙嗲牛肉都幾濃幾好食🤩煎蛋同火腿嗰啲就正常野。總括嚟講，都幾唔錯，鍾意食港式茶記嘅嘢都可以去食⭐️⭐️⭐️⭐️

美極生炒牛肉飯（$43）、凍朱古力下午茶餐（2:30pm-6:00pm）真抵食，凍飲唔使加錢。炒飯大大碟，材料足而且飯粒乾身，加上即叫即炒有鑊氣，味道夠唔過咸，不錯。

一向都有聽聞過光榮冰室係一間好地道嘅茶餐廳,所以今次就選擇去到尖沙咀嘅光榮冰室一試。咁今次就試左光榮嘅常餐,因為我係極鍾意沙爹牛肉,所以order左沙爹牛肉麵意粉、火腿奄列+方包多士同埋凍檸茶少冰。首先火腿奄列+方包多士嘅質素唔錯,多士有足牛油同埋口感夠軟,而奄列嘅size算大。主打嘅沙牛意粉就有好足量嘅沙爹牛肉,表面嘅醬料都好足味,再加上意粉身夠彈口,無overcook,所以整個沙牛意粉都唔錯。整體黎講,成個常餐嘅質素係中上,加上價錢唔係特別貴,好推薦大家去try try。

嚟到光榮冰室，最開心嘅一樣嘢，一定係凍飲唔使加錢🤣雖然五洗加錢，但係一啲都唔Hea，飲品同食物都OK凍檸茶少冰少甜係必然之選，因為呢度個茶底唔錯，夠濃味，亦都好滑，一啲都唔鞋口下午茶，食咗個西多士，嚟到熱辣辣，外脆內軟嘅麵包夾住啲花生醬，仲有少少蛋味，作為一個下午茶真係非常滿足，不過就有少少邪惡每次嚟到尖沙咀店，都好似抽獎咁，因為水準唔算太穩定，不過今次嚟到就非常之滿意，三十零蚊，食物有呢個水準，夫復何求

夜夜地 而家尖沙咀 好多餐廳都收左工，難得見到光榮唔洗排隊，立即衝入去食個好晚嘅晚飯先 平時食親都係快吞轟 三蛋仔， 今次試下啲未食過嘅野先， 見佢有樣叫「巨型奄列」叫嚟睇過佢有幾巨型？ 點知！真係好巨型呀！大到當飯食都得再叫左個佢牆上面貼住推介嘅 沙嗲牛肉煲仔麵 ，加埋窩蛋～ 原煲上 上枱仲係起晒泡熱辣辣嘅， 唔係好湯 啲麵索咁啲湯汁之後 會變成比較渴身，撈勻佢慢慢嘆係唔錯，幾爽食飽飽，快靚正好滿足，好彩佢比起其他鋪收得夜，先有機會食到咁正嘅煲仔麵

🌅【 光 榮 冰 室 】🌅⋄—————⧫♟⧫—————⋄所有伙記都唔識講普通話，所以只係畀用廣東話落單🙊🙊🙊⋄┄ ┄ ┄ ┄ ❖ ┄ ┄ ┄ ┄ ⋄🐷叉燒滑蛋飯🐣🍚🐂沙嗲牛肉煲仔麵🍜⋄┄ ┄ ┄ ┄ ❖ ┄ ┄ ┄ ┄ ⋄📍地址：尖沙咀厚福街5-6號地下6號鋪⋄⋄#hkig #hkfoodie #hongkongfood #hkfood #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami油麻地 #ccrreami尖沙咀 #ccrreami光榮冰室 #光榮冰室 #叉燒滑蛋飯 #冰室

呢間茶記真係大件夾抵食 好良心呀🤑每次經過都會食💛蔥油雞扒飯唔洗六十蚊 大大塊嫩滑又juicy嘅雞扒🐔蔥油嘅惹味 再加埋甜豉油 撈飯一流😍飯底超多…真係夠兩個女仔食！

係尖沙咀睇完戲兩點幾，咁就直奔厚福街，其實本身first choice係第二度，但天氣熱到融化我又已經飢腸轆轆🫠見到不嬲都要等位嘅光榮有位即刻衝入去💛嗌咗蔥油雞扒飯跟熱檸水，雖然有叫少飯但其實都唔算少😂雞扒真係好大一塊，好似有我隻手四分三咁大🫣愛蔥星人睇到咁多蔥花係上邊好開心😁雞扒厚肉無雪無腥，雖然我要忍痛唔食個皮（係靈魂嚟呀🥹）但齋食肉都有少少juicy同埋唔會覺得好油，飯已經落咗豉油係下邊，同蔥油一起撈勻再配埋雞扒每一啖都係滿足😋蔥油雞扒飯 7.0/9

放假同朋友尖沙咀 經過入去食個午餐炎炎夏日 坐低已經即刻去做杯凍奶茶同凍阿華田先再揀野食 最鍾意光榮個茶奶比例係茶味重d個隻滑蛋叉燒飯 保持一貫水準 炒蛋好滑配埋豉油汁撈飯一流 椒鹽豬扒飯之前未試過 今次食好有驚喜 椒鹽同豬扒爆得好香 推薦

恨食左好耐既平民茶記 每次都不敵條長龍食唔到 今日五點幾行過餓餓哋又見唔使排就衝咗入去食啦!!諗左好耐都揀唔落手 最多人講嘅炒蛋叉燒同豬蔥油豬扒都好想食 睇睇下見到有個炒蛋蔥油豬扒🤩🤩🤩仲唔係佢!!!$56連凍熱飲雖然呢個時間唔多人 但都等咗5分鐘左右 新鮮整起👍🏻 份量好多 滑蛋完全蓋住下邊嘅豬扒同飯!! 佢做到好滑得黎又唔會食落覺得成口油好膩 輕鬆食晒😬最欣賞係佢個蔥油係有薑蓉 同埋豬扒同蔥油都唔會好死咸 係啱啱好 見到對面搭枱女仔食無蛋既蔥油豬扒 可能冇滑板焗住整濕 佢塊豬扒望落香口啲(大塊d定可能係多一塊🤣)同多啲蔥油 下次唔想食蛋既可以all in豬扒😆😆

人生第一間幫襯嘅光榮冰室，就係尖沙咀呢間店。雖然呢三年都有去過各區嘅光榮，但始終對呢間最有感情，原因？不言而喻。今次再嚟，本來想食煲仔飯，但係唔太肚餓，於是叫個之前從未試過嘅沙嗲牛肉煲仔麵。上枱時，煲入面啲麵仲滾下滾下，齋睇都覺熱辣辣。質素方面，雖然牛肉同公仔麵略嫌過腍，但係沙嗲汁就非常唔錯，味濃之餘唔會死鹹，加上份量足，成個餐連飲品都只係四十零蚊，凍飲仲唔使加錢（呢樣最正），性價比頗高，值得推介。

今日遇啱時間響尖沙咀有機會買個蔥油雞扒飯食，果然係超級正！買完番到港島東個飯雖然已經唔係熱辣辣，但仍然好好味，相信如果熱食應該係更更好味！厚厚嘅雞扒味道醃得剛好，煎完仲保持有肉汁同嫩滑，蔥油香又唔係死咸，超好送飯，扒下一啖又一啖⋯⋯搞到我比平時食多咗好多飯囉，真係好可惡😂😂。另外仲買埋雞中翼做下午茶，但係午餐未食完已經忍唔住食咗一隻試味，比較之下覺得個雞扒正啲因為啲雞翼今日稍為過咗啲火，炸得乾身咗啲啲。除咗好味，啲侍應好有禮貌同耐性響百忙中幫啲搞唔掂個安心出行嘅堂食食客去scan。

光榮冰室 對香港人嚟講一啲都唔會陌生嘅良心小店💛佢哋嘅份量係超多 仲好抵食 全日常餐$45已經可以食到出前一丁 仲要凍飲唔駛加錢😮沙嗲牛肉出前一丁🍜 +火腿煎雙蛋🍳$45湯底係清湯 自己落調味粉同麻油咁樣湯既味道 可以跟自己喜好控制到牛肉份量都算多 夠淋有咬口沙嗲汁濃 配上出前一丁 調味粉唔駛落好多已經好好味😋豬扒炒蛋飯（蔥油+秘制豉油）$56豬扒夠淋醃得好入味 仲勁大塊 炒蛋真係要一讚 好香滑👍🏻👍🏻蔥油配白飯確實係好開胃 不過如果可以再多啲蔥油就好喇😁呢碟碟頭飯 對女士嚟講係可以食兩餐🤣不過對男士嚟講 應該食完會好滿足😆💛 光榮冰室📍 尖沙咀厚福街5-6號地下6號鋪📍 荃灣兆和街18號地下📍 旺角花園街3-5號鴻威大厦地下12-13號舖📍 觀塘開源道63號福昌大廈地下A11號舖📍 銅鑼灣登龍街37號地舖📍 九龍灣常悅道23號地舖📍 元朗教育路44, 46及50號兆明樓地下B號舖📍深井深井村54-55號地舖#光榮冰室 #冰室 #茶餐廳 #碟頭飯 #沙嗲牛肉麵 #美食指南 #尖沙咀黃店 #黃店 #黄色經濟圈 #尖沙咀 #尖沙咀美食 #黃店推介 #超人氣 #懲罰黃店 #相機食先 #良心