光榮冰室 (厚福街) (已結業)

一間好多款式揀嘅冰室，食物質素正常，但價錢抵之餘，上菜速度又快又飽肚😋💛全日常餐($48)揀咗沙嗲牛肉出前一丁，粉同麻油係自己加😆沙嗲牛肉味道濃，牛肉夠淋，唔多渣渣！炒蛋多士味道正正常常，炒蛋好滑而多士又脆又香，加埋牛油一齊食，正！🤩🥤凍檸茶味道正正常常，發揮到應有水準👍🏻

#尖沙咀美食 #尖沙咀黃店 #冰室 #茶餐廳🍽叉燒巨型奄列💰34⭐️光榮冰室 (厚福街)📍尖沙咀厚福街5-6號地下6號鋪==============================📝「嘩」出聲！超巨型既奄列，目測有成5隻蛋咁多，仲有好多叉燒係入面。蛋白質滿分💯係叉燒炒蛋走飯版🤩女仔食一份都夠哂飽肚💫⭐️⭐️⭐️⭐️值得一試

👭🏻#出走廚房 🇭🇰 光榮冰室蔥油雞扒飯超級正❗️奶茶茶底正❗️份量大❗️.👷🏻‍♀️戴番個頭盔，我哋唔係專業foodie，純粹個人主觀分享🙏🏻.—————————————————————————🍴光榮冰室📍尖沙咀厚福街5-6號地下6號鋪—————————————————————————💁🏻‍♀️主觀記錄(記錄下自己食咗啲咩落肚🤪)開心浩園餐 $55其實姐係蔥油雞扒加三隻太陽蛋🐔🍳🍳🍳真係幾好食，雞扒都滑，同埋係第一次食蔥油配雞扒呢個組合，好夾啊😍流心蛋就肯定係無敵😍同埋隻蛋係有燶邊架🍳😍杯熱奶茶嘅茶底都正😍同埋份量都好大，女仔真係未必食得哂😂______________________________💡鍾意我哋嘅分享，記得：❤️Like💬Comment🔖Save📲Share——————————————————————#hkfoodie #hkfood #hkfoodblogger #hkfoodblog #hkfoodlover #hkfoodstagram #hkfoodpic #hkfoodpic #hkfoods #hkfoodieblogger #hkfoodporn #hkfoodie

新年食得多年糕 同煎炸野， 自己個D 吉列 天夫羅就唔想食。行過尖咀見到有間光榮。 上openrice 有人介紹叉燒炒蛋飯， 我諗下會唔會好食得過九龍城個間呢。 就決定試下。今日都多人的，入到鋪， 都多卡位 同埋 圓台的， 環境就有少少迫。 可能係點公鐘先去食 又未到下午茶時間， 自己/人數少的都易找到位。落單好快， 過一陣就有。 叉燒係瘦叉， 但淋的易咬， 炒蛋有D 蔥花， 配上豉油OK， 飯都多。最緊要係$54 包凍飲唔洗加錢， 係尖沙咀算唔錯。

光榮冰室相信係好多人嘅飯堂，選擇多之餘，價錢又大眾化，味道亦絕對唔差，就連凍飲都唔洗加錢！今次食叉燒炒蛋飯，飲凍好立克走甜，同平時一樣，碟頭極大，炒蛋極多，叉燒都好足，加埋蔥好香，大碟到可以分兩餐！今次啲飯粒粒分明，再加多少少豉油，真係幾大碟都清得晒，杯好立克就夠晒濃，水吧肯定唔吝嗇，所以就算走甜都好夠味唔好以為咁貼地嘅餐廳仔，侍應一定冇禮貌，呢間光榮啲後生仔女都有禮貌，做嘢又快手，嚟醫肚真係超值！

每次行過都好多人等嘅光榮冰室有時出街唔知食乜好都會揀佢哋㗎佢哋有唔同分店係傳統港式茶餐廳大件好好好好抵食個人非常推薦旅客過嚟食吓感受一下香港地道文化環境同埋裝修都非常舊香港上菜速度非常快趕時間嘅時候都好啱食

光榮冰室基本上都唔洗特別介紹，出名平靚正抵食又大件，尖沙咀店每次午餐及晚餐時間都會好多人食，仲有好多外賣，所以我都早啲去免排隊，坦白講有段時係差咗啲啲，可能太多單有影響到，但好快又保持水準，我每次嚟都會叫蔥油雞扒飯，佢塊雞扒真係好厚身又大塊，仲煎炸到外雞皮位金黃色又香口，而塊雞扒肉質仲好嫩滑多汁，食落啖啖肉好正，蔥油整到好香送飯真係一流，會不自覺清到成碟，不過食完真係好夠飽，價錢都好合理，如果女士可2個分享一個餐添啊

今晚同男朋友嚟到光榮冰室，一心想食煲仔飯，我哋差唔多九點嚟到，一坐低侍應就話煲仔飯要等45分鐘，咁好彩等咗20分鐘煲仔飯就上咗啦。我哋叫咗窩蛋牛肉煲仔飯同埋臘味煲仔飯。我覺得臘味煲仔飯比較好食，臘腸潤腸都好夠味，窩蛋牛肉就比較普通。但最大最大最大問題係，啲飯好濕同埋好淋，應該係侍應太心急，反而食食吓可能煲仔嘅餘溫焗左啲飯拎去乾身啲，所以愈食就愈好味。但係我哋兩個人最尾都唔夠食，叫咗個炸髀，炸髀就一般啦，似係返炸再返炸，好濃，而且啲肉亦都好韌。

我1930買個煲仔飯外賣，佢話要等半個鐘，咁我就去周圍行住街等，半個鐘後返去問佢有末，佢地一句：未得呀，等下喇！打發我咁我就去買住其他野食先，等緊嘅時候我就打去光榮問我個外賣有末，點知佢啲態度咁話：你黎我咪俾你囉，起緊俾你喇，係咁喇！。點知我去到嘅時候，個陣已經2040佢同我講話冇整到你張單，你一係等我地再整，一係退錢。而家做生意咁樣真係ok咩，一句冇整就要人白等成粒鐘，仲要態度十分差，好似係我麻煩到佢咁，好心咁唔耐煩就咪撚出嚟做生意，仲好意思話自己黃店，咁無良黄咩店，呢啲垃圾餐廳狗也不食。

最近開始天氣凍，秋風起緊係要食煲仔飯暖下啦💛今次去開尖沙咀，見到光榮有煲仔飯緊係要試試！ 煲仔飯我自己最鐘意食肉餅，再加多隻蛋落去一流😋😋😋落左單之後因為係即叫即整，所以等左一陣就有飯食啦！一上黎已經聞到好香嘅飯味同😋😋😋加左豉油之後再等1分鐘就食得啦！個飯既飯焦加埋豉油真係非常香口，而且肉餅都非常足料，十分之正👍🏻記得以往光榮煲仔飯係要排好長龍等，所以如果冬天去呢就預多少少時間排隊啦👍🏻

我而家係一路食住個紅酒牛腩湯飯一路打呢個食評！（點解叫湯飯？稍後解釋）19:48 落單叫「窩蛋牛肉煲仔飯」19:52 加咗個凍檸茶走甜20:10 差唔多成半個鐘，週邊遲過我嘅都有得食，仲要係煲仔飯，我催單一分鐘後，嚟喇，打開蓋，燶咗啲，打埋隻蛋落去，聞多兩下，唔對路，燶到接受唔到！叫樓面換。樓面話要等多半個鐘！黐線！我仲同你等？立即換過第二樣啦！叫「滑蛋叉燒飯」，冇！（但隔離枱食緊喎！問佢，佢話係牛肉喎！）最後叫咗個紅酒牛腩飯，20:12落單。兩分鐘左右到咗，一半餸一半飯，啲汁係多到浸住個飯！我因為趕時間，都要快快手食咗佢走！我好少對樓面黑面，但呢間光榮真係差到我全程黑住塊面食呢餐飯！唔該你哋檢討下你哋啲服務態度！唔想serve我嘅早講啦！係呀！我係坐收銀旁邊著格仔恤衫嗰個呀！咁鍾意serve靚女嘛？我成全你哋囉！永久Blacklist你哋呀！

冬天想食暖笠笠嘅煲仔飯是常識吧！ 1. 鹹蛋肉餅煲仔飯 2. 滑雞冬菇煲仔飯每款煲仔飯都係HKD 70至90，記得最入門級就係豬油煲仔飯但係冇餸嫁🤣🤣煲仔飯入邊冇蔬菜所以我哋後加一碟油菜🫶🏻 但無入到鏡😆😂除咗等候時間可能耐少少啲， 因為即叫即即整，所有嘢都好讚，充滿港式風味👍👍😍 我真係好「很」鍾意香港呀🌝💛💛💛💛💛💛💛💛💛💛💛💛💛💛

秋風起就梗係要食下煲仔飯啦，而我最鍾意食嘅煲仔飯一定係肉餅或者潤腸超級正傍晚時分你到厚福街覓食見到光榮有煲仔飯已經二話不說入咗嚟~ 落單時間大概6.7然後個飯大概25分鐘之後上到嚟，時間合理而且一打開嗰陣香味即刻撲埋嚟其中一個叫咗窩蛋牛肉，隻蛋自己打落去再冚番，過多1分鐘完成另外一個就係土魷肉餅，加埋豉油之後嗰啲飯焦真係超級香口 返熟透得來唔會太過林申，乾濕適中 真係如果趕時間嘅話半個鐘嘅等候時間會有啲耐，但係食得煲仔飯都預咗要多啲時間㗎啦~

間唔中就會聽到人講尖沙咀間光榮好難食，但我對三眼仔雞扒嘅熱情足以抵擋所有流言蜚語💛早幾日起尖沙咀要快快脆食個飯，諗都唔諗就衝咗入光榮🙊當然係叫咗：1️⃣蔥油雞扒三眼仔飯+凍檸茶（$58）蔥油同旺角、九龍灣舖一樣咁香，蛋一樣煎得咁靚🥰雞扒有啲位有少少乾但唔係乾到硬果隻🙊講真成個飯食落無咩問題🤔三粒靚蛋黃一隻同飯一齊慢慢食，一隻成粒啪，一隻篤穿佢撈🍚開心‼️

"至鍾意食茶餐廳❤️‍🔥第一次嚟呢間茶餐廳食午餐💛🍜豬扒湯麵+火腿奄列配牛油多士豬扒調味唔錯加上經過香煎，幾香口惹味😋不過食得出豬扒係雪藏扒唔新鮮，肉質偏硬呢！而火腿奄列同牛油多士屬正常水準👌🏻☕️茶走（熱飲）奶茶非常出色💯茶味香濃入口口感順滑，唔澀👍🏻