入素

營業中

休息中

25-10-22旁晚六點四十五分去到，掃完安心出行諗住行入去座低，嗰位男職員叫我企返出去等佢安排掃安心出行！佢當時安排緊外賣食物入袋，兩分鍾之後行埋嚟，眼神超級兇狠，攪部機都攪咗一陣先可以掃安心出行！隨後用手勢叫我遞部手機俾佢嘟！呢個時候仲食？立即調頭走，🤬

成個月冇嚟，今日終於就到時間地點再嚟😊店內播放舒情的歌，望望窗外，放鬆心情享受美食☘️感謝店員記得我個女話餐廳凍，一入座就主動幫我哋熄咗頭頂上的冷氣🙂又送多一碗素湯和一串素羊肉🙏🏻好窩心🥰今次冇14日內嘅收據，又早過2:30入座，都打了85折😉食物同店員質數都超好👍🏻

公司搬咗來 KCC 所以週圍睇下有咩正嘢食。見到呢間嘅 rating 都唔錯所以來試試。 叫咗個“安格斯牛肉”漢堡包+無糖烏龍茶，跟沙律+薯條。個沙律無咩特別除咗麻醬特別多，薯條炸得唔係太好食。個 Burger 中間塊肉沒有特別驚喜，沒有給我“以假亂真”的感覺，我覺得個 burger 味道有D太淡，食食下自己落咗D茄汁一齊食。擺得幾靚嘅，環境都幾衞生都坐得舒服嘅，但我暫時沒有特別想回來試其他的食物的意向，亦未必會介紹同事來試試。

今日又去咗葵興「入素」。咖喱豬扒飯嘅咖喱汁好香滑，有椰汁香但有d辣，個女食唔到，問店員攞咗d燒汁（香草茄汁）撈飯，豬扒香脆飽肚。惹味嘅羊肉串係個女嘅最愛，今次都有order😋不過佢話今次比之前嘅辣，只食咗兩粒。套餐包一碗香菇粟米粒素湯，個女好鍾意飲💖凍白桃綠茶（少甜）茶味好濃，啖啖白桃味。憑上次張收據，今餐又有85折。（憑單14日內2:30後入座享全單85折）

今日又要落葵興參加中心活動，先去入素食晏。Order咗喇沙牛肉湯麵， 素蠔油娃娃菜，羊肉串，雜莓汁。麵同羊肉串都有d辣，我個女邊食邊飲嘢都食得到。羊肉串我只食咗一粒，個女食五粒，佢話好辣（其實只係少辣）不過好好味，味道真係似羊肉。喇沙湯好香濃，配料有三色椒、豆腐卜、素牛肉片，幾好味。娃娃菜正常，第一次食素蠔油原來只係咸咸地冇乜特別。呢個餐兩母女分嚟食，我唔係幾夠飽添😅憑上次幫襯嘅收據，2:30後入座有85折，今次埋單$95。

星期一至五， KCC六點後大部份餐廳只做外賣，或者已經關門，甚少做堂食，唔打唔撞，入咗呢間心機素食小店。店舖座位唔算好多，侍應服務態度10分好～打開餐牌，佢哋推介素海南雞飯，配一個湯，而且有沙律做伴碟。海南雞肉用豆製品製成，而雞皮呢？店舖職員話個皮用蝦餃嗰種鄧麵製作而成。本人認為像真度十分之高，而且配上真正海南雞嘅醬汁，味道十分之好。另一推介，就係又香又脆又甜嘅炸番薯條，份量都唔少㗎。仲有素海鮮漢堡包，香脆可口，有沙律伴碟，配上薯條，完全唔會食唔飽。最後2人晚餐共食左$200，性價比十分高嘅素菜而且捧住個肚走～今日好Lucky發掘到好食嘅素食店

🥰呢個年代乜嘢都係假㗎！而家過分到連肉都係假嘅🤪入素 #greenentrance @green_entrance.life.kcc @green_entrance 。安格斯牛肉漢堡🍔$88真係好吸引呀！不過可能細咗少少😂介紹吓主角漢堡扒先啦！佢食落其實好明顯唔係肉，有一絲絲嘢喺入邊咬唔郁😂但係其實有幾過癮喎！配菜方面，沙律好唔錯，而且加咗麻醬，真係好香呀🥰。薯條入邊夾雜咗少少番薯條，超級好食😋建議全部要晒番薯條🍟。麵包都好脆卜卜，不過就唔太鍾意個醬汁😂入素 (葵涌)葵涌葵昌路72-76號活@KCC8樓804號舖#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #hkcafe #cafehk #desserthk #香港美食 #香港好去處 #美食 #美食日記 #美食推薦 #美食達人 #waffles #mojito #egg #food

今日又去葵興「入素」試咗枝竹羊腩，除咗腐竹同素羊肉，仲有冬菇、馬蹄、甘筍、竹筍，好足料，點腐乳食👍🏻加咗份桂花叉燒，我個女好鍾意食，自己食咗大半碟。素湯係我個女最鍾意嘅，有幾塊細細塊嘅冬菇。凍白桃綠茶少甜已經好夠甜，茶味好濃。又係滿意嘅一餐😋憑上次張收據，14日內下午2:30後入座有全單85折，今日埋單$94。

第二次去「入素」🍴我個女唔信串燒牛係素肉，話係真牛肉。串燒雞、炸素樂雞同安格斯漢堡塊素牛肉都好有質感。春卷唔好味，雖然夠脆夠熱但食唔出有咩饀，只見有幾條甘筍絲同白色嘅饀，食落似咬緊一堆冇乜味嘅粉。蕃薯條好好味，又脆又甜，但佔嘅比例太少，大部分係普通薯條，都幾重薯仔味嘅。雜苺汁好清新☘️白桃綠茶可揀凍或熱，我揀咗凍，叫咗少甜都好夠甜了，茶味好濃。椰汁雪花糕OK，唔甜，有椰子味，但唔鍾意有椰絲，下次唔會點了。整體都好好嘅，我個女表示好滿意😋

8/7/2022下午兩點4人入座，叫咗3個套餐：海南雞黃薑飯、四喜烤酜、吉列豬扒配燒汁，小食叫咗各加$22嘅沙嗲羊肉串、話梅苦瓜、桂花叉燒，套餐配咗兩小碗素湯、一大碗素湯連素肉丸，一碗淋上花生醬嘅沙律菜，飲品叫咗熱嘅白桃綠茶、各加$8嘅西柚菠蘿汁同熱情果燈汁。沙嗲羊肉串有兩串，個串有3粒，微微辣，真後食到有羊味，小朋友竟然好鍾意食，我哋覺得係全餐飯最好味嘅，下次嚟一定會再叫。海南雞飯嘅雞係素雞切件，上面舖一陣糯米造嘅皮扮雞皮，有3款醬汁俾你點（薑蓉、黑醬油、仲有個汁酸酸地嘅），都幾好味，可惜係薑蓉冇薑味又太鹹。吉烈豬扒係腐皮卷加吉烈外層，都幾好味，小朋友好鍾意用燒汁送白飯嚟食，其實係有香草嘅茄汁，仲問店員攞多一碗仔燒汁嚟送飯。四喜酵酜我覺得麻麻，以為係冷盤原來係暖嘅，我自己整嘅仲好味。素湯同素肉丸、話梅苦瓜、叉燒、白桃綠茶、果汁都好好味，埋單$292（9折後），整體上好滿意，憑收據喺14日內下午2:30後入座有全單85折，已預訂咗下星期會再去。

🚦入素（葵涌）葵興比人感覺係工業區，但呢間喺地鐵站附近嘅素食店就俾人煥然一新嘅感覺～估唔到可以搵到咁正🥘濃香喇沙牛肉湯麵配娃娃菜🥘$827/10【素喇沙】上海麵嘅質感非常之好好容易咬斷，而且唔會糊自己就每次都會揀偏淋身嘅麵😚所以好啱我😋喇沙嘅味道唔係好出一啲都唔辣，而且冇乜花生味😳椰汁味都唔算特別重，但係香料味就幾出豆卜就空氣啲🤧至於素牛肉，質感非常之似平時食嘅雞髀菇😆味道就係好似齋滷味咁，說唔上似肉但唔需要似肉都可以好好食😚娃娃菜就唔係住得特別淋而且冇乜調味、唔鹹唔油主要係原味，感覺好健康蠔油另上，可以自己選擇落幾多蠔油就比我想像中甜🥴整體8/101️⃣CP值正常，價錢定位可能高啲，但係值得支持😋而且埋單下次1430後有85折！2️⃣佢算係比較新式嘅素食店，無論係食物選擇定係邊面都俾人一種清新嘅感覺，食物方面，有好多唔同嘅選擇，定食、主食、漢堡包、飲品、小食、甜品都有齊晒🤪3️⃣環境好舒服，人多，而且好靜，你適合同朋友一齊去食飯4️⃣店員好有禮貌，仲好好人，好有心，而且會同客人傾偈，等唔會太打擾佢哋，我差啲留咗把遮仲提返我拎🥺呢啲細心嘅位真係唔簡單，好欣賞佢哋咁自然嘅人情味🔖鍾意我嘅分享就follo

葵興可算是美食沙漠，早前到了KCC Life，發現開了不少餐廳，不過會做晚市的餐廳不多，誤打誤撞到了這間素食餐廳。餐廳食物種類頗多。不過由於本人不喜歡“扮肉”的素食🤭，所以點了較保守的菜式。一個餐包括沙律、湯、主食、飯可選飯糰或普通白飯，健康又飽肚。味道方面，沙律正常，湯有一些麵粉搓的肉丸、豆卜和菜，味道都okay，清清淡淡沒有味精。另外，主食有烤麩冬菇甘筍和腰果，煮得非常入味👍。他們的飯糰都出色，兩面掃上醬汁再烤。整體不錯😋。.在openrice看食評，漢堡包或海南雞飯那些似乎都挺出色。我覺得可以encore下次帶家人來試試💞。.🍱 四喜烤麩定食 $88

今日去開KCC Life ，原來都開咗唔少新野。見到呢間素食餐廳，之前係IG 見過朋友分享幾吸到，所以簡左做Lunch 咖哩吉烈豬扒飯：份量都幾多下，咖哩味都出。唔輸出面啲貨色，素豬扒嘅口感都神似。不過略略覺得食到後面已經膩膩底。海南雞飯：外貌都幾高還原分，個飯都出色，不過舊雞就覺得差啲，而且唔太有肉嘅口感同質感

係KCC無意中發現咗呢間餐廳，店面幾小清新。餐單主打素食💚價錢同區比算貴💸不過食物造型落足心思 服務都周到，小編對佢整體印象唔錯👍🏻🌟手工海南雞飯 (純素) 套餐 ($78)一上枱真係俾個造型嚇親(驚豔)😳✨仲靚過真嘅🤣海南雞用腐皮卷整，雞皮就唔知啦，飯係薑黃飯。原本都覺得有些許貴，但同出面啲cafe比，呢個價錢同份量個人覺得算係咁啦。雖然欣賞佢嘅概念同造型巧思，但‼️海南雞口感實淨，味道非常淡 基本上係無味🥺要靠醬汁調味。飯唔係油飯所以係比較清淡同乾身。跟餐嘅素菇湯同白桃茶好好飲👍🏻 食物如果再熱啲就更理想。🌟 安格斯牛肉漢堡 ($78)呢個安格斯牛肉漢堡都係全素架~ 由素肉扒、芝士🧀、蕃茄🍅、生菜🥬 等配料組成，同普通漢堡差唔多！素肉扒食落味道雖然唔係話十分似牛肉，不過都唔錯，有漢堡扒嘅口感~🤣味道：🌕🌕🌕🌘🌑環境：🌕🌕🌕🌖🌑價錢：🌕🌕🌕🌖🌑

難得假日都會去葵興就去咗kcc食入素👍🏻工廠區星期日好多都唔開，好彩佢有開門～天氣有啲涼就點咗個藥膽湯素牛肉麵同人氣海南雞飯😋藥膳湯好濃好勁藥材味👍🏻👍🏻牛肉個樣做到好真，食落係爽口彈牙～配一碟娃娃菜，好貼心素蠔油係另上👍🏻岩晒健身減脂人士～至於海南雞望落似真度100%！不過係由腐皮做嘅～薑黃飯好好食😋見到咁黃都知係落足料！套餐都會配飲品，有啲糖無茶提供選擇🍵人均消費$90，價錢中等又高質！下次要再嚟試其他菜式！！