全發燒臘家

營業中

休息中

真係無乜幾可會走黎寫食評，但呢間真係值得我花時間走來寫食評。首先，簡直係一個災難。叉燒柴皮到呢，食到牙都痛，真係食到"銀"胃。味道方面，叉燒仲會食到好濃好濃既豬味，真係難頂。唔鍾意豬味既朋友，一定會食完覺得自己食咗隻豬咁🙄。而且，呢個豬味仲要係持久型，食完之後個口仲殘留住個味，真係食餐飯都咁辛苦。最後，價錢真係唔合理，質素咁差，竟然仲收咁貴，真係唔抵。真係食到我有啲嬲，感覺好似俾人呃咗咁。我就以後唔會幫襯呢間食肆，真係一次夠晒啦。如果你唔想貼錢買難受，就真係唔好幫襯啦🙄🙄。😡😡😡😡😡😡😡😡😡

$63 燒鵝雙拼飯加埋咸蛋$71大概晚上7:30去買，同店員講要外賣燒鵝油雞飯，佢問我要燒鵝定燒鴨，我答佢要燒鵝，佢仲話燒鵝$63喎～我照話係燒鵝，心諗：「咁樣睇唔起人咩？」結果返屋企打開，得四舊燒鵝，其中兩舊係細舊+超薄（見圖），燒鵝份量非常少😂油雞就多🙈 回想返店員嘅說話，嘗試說服我唔好食燒鵝，要叫燒鴨，咁應該只有三個可能性：1） 冇乜燒鵝剩，想我叫第二樣；2） 臨收工斬咗啲燒鵝比我，員工收工福利可能會少左；3） 佢都覺得燒鵝唔抵😂［以上純粗略粹推測］不過都不得而知了，我一定唔會再幫襯了如果鵝質素好啲，即使份量少，我都服，可惜不是。食太興/大埔廣場附近果兩間好食好多🙈

自細屋企人都係幫襯全發燒臘，大個咗搬離大埔之後都好少番大埔，今次咁啱有事入大埔就順便回味一下舊時嘅味道。搬咗舖，變咗有堂食（以前細個係幫屋企人去街市買20蚊叉燒/雞翼only），環境都舒適，裝修有啲懷舊feel，乾淨企理嘅。同朋友分別叫咗瘦叉切雞飯and燒鵝油雞飯。燒味保持到水準，燒鵝肉肥厚，啲肉汁幾正～食到好飽～兩人埋單$116，有凍飲有湯，我覺得價錢算合理。唯一美中不足就係杯凍奶茶，我覺得茶膽唔夠濃；不過我見間舖係無水吧嘅，可能始終係燒臘舖唔係茶餐廳，重點唔喺嘢飲度～可以叫可樂嗰啲都無妨。

臥薪嚐膽，我睇到某人嘅食評即管到此一試，叫咗個叉鵝飯食，叉燒乾柴，燒鵝皮冧，佢個白飯真係又硬又嚡，唔知係咪吹凍咗關係，呢個價錢同質素並不相符，本來想支持下小店，實在仲差過大家樂大快活，俾得起錢唔係要我食啲噉嘅嘢呀！

早前喺佢嗰度嗌咗個四寶飯外賣，價錢都唔平，但係啲飯又黃又嚡又梗又難食，食落啲飯有啲似肉餅哥用嗰隻米，燒味就一般般，都唔知係咪越南米，一啲飯香味都冇，我諗住呢個價錢一定唔會有伏啦！我都唔期望佢有齒留香八九成，都希望有六七成啊！真係勁難食，希望快啲有改善

作為一個土生土長的大埔仔，如果有人問起大埔墟有甚麼餐廳，可能很快就說得出吃炒蛋或吃豆腐花的那些名字。但如果問的是大元邨及翠屏呢？我相信一時三刻也未必說得出來。最近因為一個女人的愚蠢而導致要四出搶購口罩的我(當然撲口罩的是全香港吧)，這天因為碰碰運氣來到大中及翠屏附近的藥房，口罩自是未能成功購買，卻遇上一個小學已經聽過很多次的名字。還記得當年經常去住大元邨的同學家玩，所以印象中「全發燒臘」這個名字是屬於大元邨的，不過原來最近搬到了翠屏花園來。昔日只是街市中的燒臘檔，現在已變成設有堂食的餐廳。十年人事，更何況我應該有二十年…..總之是很長時間沒來這邊吧。門口雖然未算得上燈火通明，但那白底綠邊的懷舊風招牌倒算搶眼！除了燒臘飾櫃的半腰紙皮石滲出淡淡懷舊氣息，店內牆身只作簡單掃灰，配襯用上懷舊綠色的枱椅，風格甚是簡約。餐牌用上報紙的玩味，以為正正常常之際，背頁盡是舊報紙的食字元素。「斬大舊叉燒」固然耳熟能詳，至於「迷人小肚腩」、「唔叫唔知身體好」嘛，都是些昔日副刊常見的標題？！笑。雖是燒臘餐廳，早餐常餐還是有供應的，不過選擇可以多一些？雙拼飯 $43云云燒味之中，自己特別喜歡叉燒與燒鴨，以這個份