全記小店

營業中

休息中

我到店食牛腩雲吞麵,幼麵可以,因不是每間煮都好味,所以這個先讚👍,雲南自家製蝦好似有2-3隻掛,沒留意,但知道係新鮮,味道也不錯,當然全記小店是茶餐廳,當然不及隔離全記酒樓的蝦餃好味吧.講返這麵,牛是牛坑腩不會太瘦,湯汁牛味也重,值得回購,會再光顧~

除夕日到西貢一天遊，剛去完橋咀島及連洲島，風景怡人😉。肚餓啦🤣快快找吃，就隨意找上這間小店。💥lunch set >> 西式雜菜湯+海鮮飯+熱奶茶 $62👉雜菜湯甚多素菜，濃郁蕃茄味，帶點微辣。👉咖喱海鮮飯有鱿魚,青口,蝦,魚，咖喱汁濃厚，正常辣味，整體不錯。👉奶茶香滑帶茶味👍，第一次見奶茶有杯蓋蓋上😂，甚貼心啊！待應生友善，設有空內和室外，座位舒適。

全記小店，位於西貢海旁廣場2號金寶閣地下9號舖。 每次去西貢船河之前都會食早餐，今次到這家茶餐廳， 假日早上人流很多。早餐 ～ 羅宋湯通粉，腸仔太陽蛋，牛油多士$47、凍奶茶$3、咸牛肉蛋治$39、熱齋啡。 ▫️羅宋湯通粉，腸仔太陽蛋，牛油多士$47 ～ 羅宋湯通粉的湯底味道好淡， 腸仔、太陽蛋和牛油多士正常發揮。 ▫️咸牛肉蛋治$39 ～ 咸牛肉平均偏少，咬落去少了份鹹香味。 ▫️凍奶茶$3 ＆ 熱齋啡 ～ 兩杯飲品味道可以。 上菜速度係快， 食物質素一般。🏷️溫馨提示～ 整個用餐體驗均屬個人分享意見， 只作參考😊。    

炸雞翼米粉+凍檸茶早餐雞翼即炸出嚟，勁厚肉，又勁脆，似下午茶質素多啲。米粉唔會太淋，係咸左少少啫；茶記沖凍檸茶都無咩會特別唔好。同桌仲點左豬扒河粉，河粉仲好味，係幼河，仲要超級滑；豬扒亦係厚身夠淋，早餐有水準。

新年得新年餐牌，無煲仔飯，6人行，叫咗5道菜。年年有餘：（甜酸五柳醬魚柳）五柳醬夠酸，仲有醒胃橋頭，啖啖魚肉，魚皮炸到脆卜卜惹味混醬雞煲：混醬真係夠惹味，煲滾時好香，有辣味，食落口無辣味，老幼都啱食👍🏻瑤柱蛋白炒飯：香口，鹹度適中，餸未嚟，齋食飯都唔錯，飯都粒粒分明遍地黃金：（西蘭花鹹蛋蝦球）鹹蛋蝦球炸到圓轆轆，賣相唔錯！鹹蛋夠厚夠鹹，可惜蝦係急凍蝦⋯⋯蜜椒薯仔牛柳：甜甜蜜蜜，薯仔軟硬適中，好配合牛仔骨汁，送飯一流，牛柳較淋2樓樓底較矮，燈光稍暗，食客聲音大，回音重，好嘈🫨

又到新春到西貢買年花的季節，跟同事來到米芝蓮星級餐廳一試如何。灼蝦半身都無任何難度，蝦新鮮當然沒甚麼問題。問題是份量極其精緻，躺在碟上的蝦竟然得三份二碟。椒鹽瀨尿蝦應該是惹味吧，吃下蝦肉緊致，奈何椒鹽不夠惹味。會不會是碟太大的問題呢？魚是完全未食，卻縮到了碟的一半……䱽魚肉亦滑，但似乎太細條了吧！更離譜的是這碟花彫蛋白蒸蟹，蒸蛋無花彫味，瘦弱的蟹更肉都唔多舊，令人食不下嚥。油菜灼得過火，不爽過軟，塌成一坨。不是一次愉快的體驗。

去西貢玩水之前先食個早餐，叫咗個麥皮餐配菠蘿油。食咗幾啖見到入面有昆蟲，即刻同吖姐講，但係吖姐竟然話應該係雪菜嚟😅首先麥皮入面如果會有雪菜其實都好奇怪，加上你第一時間係想抵賴已經令到我好唔滿意。到我叫佢換過個餐比我佢竟然話因為我食過個包所以唔可以換個餐，完全又係令我一頭霧水😂點解食物入面有昆蟲態度仲可以咁差，講到好似係我錯咁，下次入西貢一定唔會再去🙄

🥰🥰🥰🥰🥰🥰🥰🥰🥰🥰🥰🥰🥰🥰🥰🥰全記小店黑椒汁牛扒飯牛扒配上黑椒汁❤️‍🔥熱辣辣上菜😍不錯的選擇😛簡直係完美配搭😎牛扒口感嫩肉🥰如果份量大d仲好🫢雞髀配薯角雞髀大大隻😛非常之嫩滑😍個皮炸得岩岩好👍👍👍📍 全記小店 (西貢)西貢海旁廣場2號金寶閣地下9號舖❤️‍🔥價錢：6.5/10❤️‍🔥味道：7/10❤️‍🔥服務：8/10#hkfoodie #西貢美食

一大班朋友在西貢行完山去吃晚飯，很久沒有這樣開心了。最開心是找到一間不錯的食店，簡直是錦上添花。一行5人，點了5個菜，再加白飯啤酒及其他飲品，共$509，全部菜式也很夠鑊氣，香口惹味又足料，招呼也不錯。啫啫滑雞煲$86有點邪惡，但實在很吸引熱鍋胡椒濃湯魚肚路邊雞$85魚肚夠軟腍，整體配搭非常好蔥爆飛魚子蝦米銀絲煲$75賣相吸引，粉絲夠入味雪裏紅肉鬆芥蘭煲$78惹味又香口金錢百合炒素尚菜$75健康又清爽的一道菜式，有西蘭花🥦、荷蘭豆、雲耳、蓮藕、百合、杞子等值得推介的一間食店，下次一定再光顧。

啫啫通菜煲- 必點菜式， 通菜夠鑊氣， 熱辣辣， 好野味！啫啫滑雞煲- 雞肉大大舊， 味道不錯！脆皮西檸雞- 份量好多， 西檸既汁係分開上的！可惜唔夠熱， 同炸得唔夠脆。蒜香椒鹽鮮魷- 呢個都必食， 炸得好香口， 配埋喼汁食， yummy!揚州炒飯- 雖然份量多， 但完全冇味咁， 不推薦。

去完露營出到西貢市六點記，就食埋晚餐先走，3行人拎住大背囊行下睇下，見到一排幾家茶餐廳最新淨同最多人嘅係全記，本來諗住座戶外大背囊無咁阻人，但因為無位就打走，點知有位大哥走出嚟叫我哋入去裏面，我話太多行李會阻住人，佢就話唔緊要可上樓上，如果有位又唔阻人就梗係正啦！行到入去佢就話唔使上樓最入有張大枱就俾你哋啦！太好了馬上加咗分！餐牌都有好多小菜幾吸引，我哋就叫咗三餸一湯兩碗白飯，包括菠蘿咕嚕肉、椒鹽鮮魷、啫啫通菜煲+皮蛋豆腐龍躉骨湯。幾款嘢我哋都覺得幾好食。咕嚕肉嘅肉質好滑用新鮮菠蘿炒，如果個皮脆D就好喇！椒鹽鮮魷粉皮薄薄夠鬆脆，鮮魷入口新鮮昧爽口，唔知係咪等出菜耐咗，如果熱辣辣送到口就perfect！啫啫通菜就真係熱辣辣香噴噴，不過下次再點我會叫佢少油少鹽，會更加啱我胃口。不過重口味嘅人會喜歡。皮蛋豆腐龍躉骨湯，湯色奶白，有豆腐白菜仔同皮蛋，再加上係骨腩都唔錯，幾好味！但係希望廚房注意骨腩都會食魚鱗必須徹底清理。雖然白飯要另點，每碗加$10，但碗飯大大碗可以啦！總括嚟講，晚飯算幾滿意，希望多加注意細節，例如熱到同食材清潔因為呢啲都係食店嘅基本，加油！

自從工人姐姐回家鄉，我哋自己煮飯食煮到儍。今日比自己放下假 😄諗住出去西貢某超市補返食材返屋企，順便去食晚飯。隨便揀一間茶餐廳食啦。見到全記小店裝修企理，地方亦闊落，係門口睇咗餐牌有素食選擇，一於就呢間啦。老公食煲仔飯。我就揀咗紅燒豆腐，同亞姐講少汁走蠔油，佢話可以走汁，嘩，立即話要走汁啦。真係有驚喜，可以走汁，雖然睇落無咁靚，食落肚都係咁消化啫。慳返啲能量去減走啲汁醬添 😄😄食落幾好味㗎，鹹鹹地👍🏻，少少味粉啩 🤔豆腐軟熟，冬菇又厚又入味，又有西蘭花🥦，又有紅黃椒，睇落都幾靚 😘話時話，點解要食紅燒豆腐呢？我哋素食人士，一定要補充足夠蛋白質，唔可以淨係食蔬菜。豆腐就係蛋白質來源。所以，食多啲豆腐就唔使擔心唔夠蛋白質啦 💪🏻💪🏻💪🏻

去完西貢效遊，再嘆一間好有港式風味既餐廳🎉，人生一大快事👍，位於西貢海傍廣場2樓既全記小店，食物性價比高，服務周到，交通方便，當然係我不二之選。中式京都洋蔥豬扒 $78一上菜就已經聞到一陣好香嘅菠蘿洋蔥味 ，加上金黃色既豬扒， 顏色鮮艷令人睇落就已經流曬口水，食落真係好開胃，一試難忘。臘腸滑雞煲仔飯 $78一煲熱辣辣又香噴噴的煲仔飯，雞肉夠嫩夠滑，配上臘腸口感一絕。南乳粗齋 $82如想食清淡少少既，呢個南乳粗齋就岩晒，清香得來，雜菜又夠足料。Total $238

行完山，體力差唔多耗盡，揀快捷又飽肚就最啱。全記有outdoor 同indoor , 我地坐indoor , 星期六晚人非常多，咁啱有人走先有卡位坐，晚飯小菜好多選擇霸王雞 138半隻雞份量都幾多，三個人食唔晒，幾有雞味，幾滑，幾抵食。海皇豆腐煲 88個汁有啲怪，酸酸地，少少茄汁味咁，唔夾😑蒜蓉炒菜 70Menu 無嘅，我地自己問價，其實我覺得70蚊有啲貴嘅，不過想食菜就算，呢啲炒菜茶記永無失手嘅。以上都係單點嘅，無湯無飯，飯每個10蚊，唔係平碗，幾大碗，飲品就加10蚊。

一行8人去食海鮮餐，去完船P已經極度肚餓，黎到見到擺盤幾好，但食落口有啲失望。話明食海鮮，但一啲都唔鮮，賣相幾好都無用。尤其是醉蟹，無乜酒香味仲有陣腥臭味，未食已經充滿黑人問號，拆殼時已經見到肉略有縮水但我為免掃興都照食晒，食落口真係唔似係蟹肉黎而且微腥微臭，開頭懷疑自己味覺有問題，食到咁上下連同行朋友都話係有問題，四隻蟹有隻係微臭，另外唔臭嗰啲唔算鮮甜但起碼食到係蟹肉黎。服務都奇怪，成碟殼無人主動換碟，舉手叫人黎換都係無人幫換囉，要再三吹四請先換...