影片
更多
2023-04-10
199 瀏覽
去完露營出到西貢市六點記，就食埋晚餐先走，3行人拎住大背囊行下睇下，見到一排幾家茶餐廳最新淨同最多人嘅係全記，本來諗住座戶外大背囊無咁阻人，但因為無位就打走，點知有位大哥走出嚟叫我哋入去裏面，我話太多行李會阻住人，佢就話唔緊要可上樓上，如果有位又唔阻人就梗係正啦！行到入去佢就話唔使上樓最入有張大枱就俾你哋啦！太好了馬上加咗分！餐牌都有好多小菜幾吸引，我哋就叫咗三餸一湯兩碗白飯，包括菠蘿咕嚕肉、椒鹽鮮魷、啫啫通菜煲+皮蛋豆腐龍躉骨湯。幾款嘢我哋都覺得幾好食。咕嚕肉嘅肉質好滑用新鮮菠蘿炒，如果個皮脆D就好喇！椒鹽鮮魷粉皮薄薄夠鬆脆，鮮魷入口新鮮昧爽口，唔知係咪等出菜耐咗，如果熱辣辣送到口就perfect！啫啫通菜就真係熱辣辣香噴噴，不過下次再點我會叫佢少油少鹽，會更加啱我胃口。不過重口味嘅人會喜歡。皮蛋豆腐龍躉骨湯，湯色奶白，有豆腐白菜仔同皮蛋，再加上係骨腩都唔錯，幾好味！但係希望廚房注意骨腩都會食魚鱗必須徹底清理。雖然白飯要另點，每碗加$10，但碗飯大大碗可以啦！總括嚟講，晚飯算幾滿意，希望多加注意細節，例如熱到同食材清潔因為呢啲都係食店嘅基本，加油！
餐牌都有好多小菜幾吸引，我哋就叫咗三餸一湯兩碗白飯，包括菠蘿咕嚕肉、椒鹽鮮魷、啫啫通菜煲+皮蛋豆腐龍躉骨湯。幾款嘢我哋都覺得幾好食。
咕嚕肉嘅肉質好滑用新鮮菠蘿炒，如果個皮脆D就好喇！
椒鹽鮮魷粉皮薄薄夠鬆脆，鮮魷入口新鮮昧爽口，唔知係咪等出菜耐咗，如果熱辣辣送到口就perfect！
啫啫通菜就真係熱辣辣香噴噴，不過下次再點我會叫佢少油少鹽，會更加啱我胃口。不過重口味嘅人會喜歡。
皮蛋豆腐龍躉骨湯，湯色奶白，有豆腐白菜仔同皮蛋，再加上係骨腩都唔錯，幾好味！但係希望廚房注意骨腩都會食魚鱗必須徹底清理。
雖然白飯要另點，每碗加$10，但碗飯大大碗可以啦！
總括嚟講，晚飯算幾滿意，希望多加注意細節，例如熱到同食材清潔因為呢啲都係食店嘅基本，加油！
張貼