全記海鮮菜館

營業中

休息中

難得入到嚟西貢，梗係要去全記食海鮮啦因為得兩個人，所以叫嘅嘢食唔算多斑點蝦選擇左做刺身，肉質超爽口彈牙！拎出黎嘅時候連蝦頭都仲識郁㗎豉椒炒聖子由於我鍾意食辣，所以叫廚房加咗辣，味道更加惹味！同埋煮得啱啱好，唔會過老琵琶蝦米粉煎底琵琶蝦都係好新鮮，肉質鮮甜，呢個就用薑蔥炒，加埋煎底米粉，吸晒啲汁味道超好食！！

四人套餐， 份量較少。芝士龍蝦伊麵， 一上菜時已經唔夠熱，感覺似係一早整好擺係廚房，有客叫再拎出嚟，芝士汁溝咗大量水，稀到無朋友， 完全無味道。此外粉絲蒸元貝，真係好大獲，首先舊元貝100% 唔新鮮，完全無元貝味，反而有一浸膠味，似係唔知咩合成食用膠。椒鹽鮑魚冇乜特別。薑蔥炒蟹真係 🙃唔知佢咩份量，目測得一隻肉蟹仔😅，蔥就好多啦，4個人喎，唔比兩隻都比大隻啲阿，真係有啲過份，btw 蟹都係冇乜味 。最後個送糖水，好… 又係無味道溝水紅豆都唔多一粒。一個字“差” , 三個字“冇下次”

假日咁岩嚟到西貢玩，打算食埋海鮮先出返市區，俾佢門口米芝蓮嘅招牌所吸引，就決定食呢間喇！星期日嘅夜晚時分非常多客人，所以啲侍應都唔係咁得閒招呼我哋，我地一行四人，就叫咗個四人海鮮餐，但最後發現幾多個人都好，價錢都係一樣，每人$299，四個人可以選擇5種海鮮，不過份量就真係唔係好多，食完個都仲係覺得肚餓，仲額外叫多咗半隻燒鵝同兩碟小菜，味道係唔錯嘅，海鮮亦都好新鮮，不過就真係份量比較少，我哋兩個男仔兩個女仔食都唔夠，抵唔抵食就見仁見智，不過喺西貢食海鮮又的確有另一番風味！

伏到爆，無下次，感覺好差，難得黎到西貢，貪就手求其搵間黎左呢間全記，點知就出晒事，伏之餘，份量又少，瀨尿蝦一隻切開頭身尾再砌埋一碟勁少，完全不是原隻，除左冷氣夠之外，諗唔到可取既地方，永無下次，建議遊客止步

我是一個十年都不會寫一次食評的人，但我一星期都在外吃飯從未見過這樣騙人的手段，要去寫一個負實在太過麻煩，但是不想大家再次中伏，第一整個餐單祇得四個餸，他們用不同顏色的餸名做成看似很多，第二…他們在餐單上寫的「蒜茸粉絲蒸.鮮元貝.」鮮元貝….大家都會覺得是新鮮的，但他們用一個他人吃過的元貝shell 然後放一粒急凍帶子作為「鮮元貝」整張單收費$556四個餸每個餸$139分量是一般的一半，我問個當值主管，她無言以對便走開了😡

如果要係西貢酒樓食點心全記真係西貢第一，價錢係會貴少少但係質素相對係不錯的！🙈有兩籠點心係必叫既 因為未必間間酒樓都有亦未必係我中意既味道菠蘿叉燒包 中午時間多數都會一盤盤由廚房焗地攞出黎😝 個包皮夠香脆，個餡就係叉燒，反正就係去親都要叫😝另一籠就係流心奶皇包🤩我最中意食就係呢款 蛋黃有時出面食個啲係奶皇 而唔係雞蛋皇流心唔知大家明唔明我既表達呢🤭🤭呢全記點心質素的確唔差，款式又夠多，價錢屬中上，人均消費都要一百

噚(7-7-2022 Thur)晚喺西貢出席完公司活動後,高層就請我哋食飯,book定咗呢喥,都係所有嘢都已經安排好晒,所以嚟到都係等食.有:1. 白灼花竹蝦正常冇問題.味道:3分2. 蒜蓉粉絲蒸蟶子大大隻,起好肉蒸,正常唔會過老.味道:4分3. 蛋白蒸蟹同樣冇蒸過火,蛋白滑.味道:4分4. 蒸斑呢個失手,肉嚡.味道:2分5. 上湯龍蝦伊麵啖啖爽 口龍蝦肉, 伊麵口感都正常.味道:3.5分6. 椒鹽瀨尿蝦瀨尿蝦本身係大隻同斬咗件,椒鹽落得多但好彩唔太搶,瀨尿蝦肉口感正常.味道:3分7. 蟹籽蝦仁炒飯?其實都飽,不過都試,味道竟然唔錯,乾濕度啱啱好.味道:5分8. 上湯時蔬係菜心,口感亦啱啱好.味道:3分9. 椰汁西米糕係呢喥出品?唔太清楚,佢唔太甜,西米都幾腍.抵食係2.7分上次食呢間全記https://www.openrice.com/zh/hongkong/r-%E5%85%A8%E8%A8%98%E6%B5%B7%E9%AE%AE%E8%8F%9C%E9%A4%A8-%E8%A5%BF%E8%B2%A2-%E7%B2%B5%E8%8F%9C-%E5%BB%A3%E6%9D%B1-

餐廳：全記海鮮菜館 @chuenkee.seafood 地點：西貢萬年街87-89號今日跟朋友入西貢食海鮮，所有海鮮都係自己去附近街市買去全記加工😎🎀沙薑雞腳 燜得夠‘林’ ，沙薑汁味道不會過咸👍🏻👍🏻🎀燒鵝半隻望落去好似燒到濃咗，但其實係燒到卜卜脆🤤🎀豉椒炒花甲花甲粒粒都脹卜卜，啖啖肉，炒得好有鑊氣😋🎀芝士汁龍蝦伊麵🦞邪惡嘅芝士汁配咩都咁好食🤤 🎀金不換炒蟶子配煎米粉金不換呢個配搭好新鮮，煎米粉索咗d汁，令普通嘅米粉升華😍🎀清蒸老虎斑🐟時間火候控制得好好👍🏻條魚蒸到剛剛熟，魚肉超滑😍😍😍🎀椒鹽賴尿蝦調味出色，連蝦殼都要啜埋😆😆如果唔想麻煩可以直接喺全記揀海鮮，暫時呢幾樣都整得好到位👍🏻👍🏻👍🏻

📸🚣🏄欣賞海景之餘，仲有水上活動，再食埋一餐海鮮簡直係人生一大樂事😍薑蔥爆桶蠔，分量就少咗啲，下次可以試下酥炸 椒鹽瀨尿蝦夠多肉，阿邦趣 又唔會炸到過咗火，唔乾，好入味超級超級好味又多蟹膏，又唔會太鹹，啖啖肉🦪🦀海鮮超大同埋好新鮮，鍾意點講就點揀，煮法由你話事全記海鮮有兩間一左一右，一間比較新D同埋比較多人，今日落大雨都座無虛席👫👬👭雖然人多但係服務員好好禮貌，🤗同埋經常過嚟換碟，環境乾👍

好多年沒來吃全記，因為已經好多年沒來西貢。４月中來西貢碼頭，就想到全記吃海鮮，可惜排隊的人超級多，沒耐性等就換到別家吃海鮮。母親節前夕，我們又自駕到西貢碼頭，人流明顯比復活節少，全記不用等位，開心！午餐點了以下的：#普洱茶：茶位收20元/位，沒啥茶味，還沒有旁邊家8元/位的好喝。#雪山叉燒包：海鮮餐未上，先吃個點心墊墊肚，太甜，不推薦。#特濃芝士焗龍蝦配伊麵底：芝士 creamy，龍蝦肉豐彈性，龍蝦頭有膏，yummy！#椒鹽鮑魚：火候剛剛好，鮑魚肉質脆口之餘，有咬勁，讚！#椒鹽瀨尿蝦：味道好，可惜沒有蝦膏。#蒜香脆鮮魷：份量足，不油膩，好吃！#清蒸䱽魚：新鮮的，但size偏小。#清炒白菜仔：太淡，廚師忘了下鹽？

划完艇就試下食海鮮🙈🙈見到間間都勁多負評🥶🥶但呢間都算多正評所以就揀左呢間 叫左個二人套餐 平日$258一位 任選四個餸 🍲睇完啲負評話扇貝，炒蜆同蝦都伏就揀左以下四款🙈🙈✨芝士龍蝦伊麵我地揀左開邊上所以要每人再加$40 確保真係有原隻🙈 龍蝦感覺唔算好新鮮 肉唔係好爽口👎 芝士味道不錯 奶味偏重 👍 伊麵有彈性 夠索汁都幾好食😋✨椒鹽鮑魚有鮮味 彈牙 冇乜脆漿👍 椒鹽味道都幾好👍✨椒鹽墨魚墨魚唔新鮮 唔爽口🙈🙈🙈 唯有靠啲椒鹽比味 脆漿有少少厚🙊 ✨咕嚕肉脆漿都厚 又唔脆🙈 但味道正常嘅 甜酸適中👍🍺Asahi $42除左呢四樣餸仲送碟油菜 都嫩綠正常 生果係橙都幾甜👍👍 服務都唔錯 可能因為我地係平日冇乜人 有侍應會幫手換碟 跟住食晒啲野又即刻會收走 👍👍 但我隻碟有啲啡色一撻撻嘅漬洗唔甩 好心就唔好再比人用😂😂 我地坐喺室外 雖然夏天但因為黃昏又有風扇都唔算特別熱 而又可以望住個海景都幾舒服👍味道❤️❤️❤️抵食❤️❤️❤️服務❤️❤️❤️💔環境❤️❤️❤️💔晚餐人均～$340❌再幫襯

而家去西貢食海鮮非常抵食，連埋+1酒水大約$320一個人，有四個海鮮一個菜仲要送埋糖水紅豆沙😋😋😋😋😋芝士龍蝦伊麵，龍蝦不是重點，我食過咁多間嘅芝士龍蝦伊麵係全記個芝士汁最好食非常濃的芝士味又不覺太鹹👍👍👍 10年都keep到呢個水準。椒鹽鮑魚鮑魚經過油炸，口感都非常彈牙，真想食多幾隻😍😍😍😍翠綠炒蝦球又係荷蘭豆炒雪藏蝦，個蝦比較冇蝦味，下次可以唔叫👻👻👻糖水陳皮紅豆沙是重點，老火煲非常美味，住得比較爛煮至有沙狀口感👍正正正

2人餐, 2百幾蚊per head, 以為超值，食到一肚氣- 花雕蛋白蒸蟹隻蟹食落有陣臭味，細細地隻蟹仲要黐晒殼。蒸蛋白落花雕落得太多，淨係食到陣酒味。食咗一啖就冇意欲再食落去。- 椒鹽魷魚椒鹽炸到一啲都唔脆，油淋淋仲要韌。而且唔覺得係新鮮。- 芝士龍蝦伊麵加$80 龍蝦開邊上，龍蝦新鮮，味道ok。不過我都唔明開邊可以斬少幾刀點解要加$80，無睇錯，係加$80， 大拿拿$80🤷🏻‍♀️🤷🤷🏿‍♂️- 帶子蒸粉絲味道ok, 帶子新鮮，每人一隻

西貢出名了一條海鮮街, 逛一逛完就到附近食一餐海鮮大餐, 海鮮可以自行選擇, 海鮮種類繁多, 絕對海鮮控不可錯過我們點了特濃芝士龍蝦伊麵底蒜蓉粉絲蒸扇貝古法椒鹽鮑魚香蒜椒鹽墨魚椒鹽賴尿蝦豉椒炒蜆薑蔥炒蟹清炒生菜甜品：紅豆沙海鮮新鮮即叫即製作, 特濃芝士龍蝦伊麵, 份量多、芝士味濃郁, 龍蝦彈牙啖啖肉, 伊麵充滿了龍蝦鮮味古法椒鹽鮑魚賣相很吸引, 味道香濃惹味香蒜椒鹽墨魚外脆彈牙, 十分香口薑蔥炒蟹新鮮肥美, 蟹多肉又鮮甜, 有鑊氣整體不錯, 有種遠離繁囂的感覺, 海鮮新鮮非常足料, 上菜速度快環境寬敞舒適, 可以選擇坐店外, 這間餐廳是寵物友善餐廳, 可以帶毛小孩一同用膳, 亦很適合一大班朋友聚會的好地方餐廳店員服務態度親切有禮, 主動介紹餐牌,可以根據客人的要求製作特定的餐單, 自由度高

I haven’t eaten Quanji for many years. I tried it when I saw that the set menu was not expensive, and when I knew it, I fell in love with it, although I have helped to open Quanji Tea Restaurant. In fact, the portion of the set meal is small, but it is estimated that the taste is worse than that of the urban restaurant. Is the reputation for many years a waste of name? The whole set of lobster is delicious, and the other dishes are really funny, I can eat them all.Cheese Baked Lobster, the overa