全記海鮮菜館

營業中

休息中

同朋友入西貢行山，重點食呢間咪知蓮級嘅餐廳。我哋一行八人去全記叫咗套餐，每人258仲可以叫七個菜，我哋仲加咗錢每人有半隻龍蝦。一上菜嘅時候我哋八個人都呆咗，以為套餐唔會有啲咩好嘢，但淨係碟白灼蝦都已經夠令我哋驚訝，八個人有成斤半，仲要隻隻脹卜卜又彈牙

適逢屋企人生日第一次帶屋企人去西貢行吓我哋喺坑口乘搭101小巴大概15分鐘已經到到西貢碼頭好方便咁多間餐館我哋揀咗全記原因係望落去裝修都幾好二人餐兩個人埋單應該大概$500之內而且可以選擇四個菜我哋揀咗一定要試嘅芝士龍蝦伊麵菠蘿生炒骨 椒鹽鮮魷魚另外佢仲會有水果同埋一碟菜個芝士龍蝦伊麵好好食芝士味好香濃 自己唔係太鍾意食上湯龍蝦啖啖肉 一定唔會推薦菠蘿生炒骨差少少有一陣花生味唔夠香脆 但係酸酸甜甜都好開胃

同友人去咗西貢行山，行完日落見冇乜人就快啲早小小食晚餐行哂成條海鮮街，最後決定入呢間全記海鮮菜館，因為門面較新淨，感覺衛生整潔啲，重點係對住海邊個位更近，實在係好Chill!😍行左咁多間，每間都係主打自選Set，價錢都係相差幾十蚊。二人餐任選四款每人$258我哋就揀咗：特濃芝士焗龍蝦（伊面底）蒜蓉粉絲蒸海元貝薑蔥炒蟹豉椒炒蜆可以每位+$40要龍蝦邊，即係會多肉食啲為咗有啖好食，唔洗諗即加🤣隻龍蝦都算幾大隻！肉唔算好韌，冇後悔加$40！重點芝士汁好濃好多汁，呢個真係又邪惡又超正！🤤元貝得兩隻仲要都幾細隻係有少少失望嘅，不過啲蒜蓉汁整得好入味哂係啲粉絲到！滿足～薑蔥炒蟹就正常發揮，蟹肉唔係特別多，但舊膏都好大舊下！😋😋豉椒炒蜆份量算係咁，味道夠！肉質岩岩好！整體嚟講係滿意滿足嘅！呢個價錢真係要求唔到好高級/大份嘅海鮮，每人先三百幾蚊食到四道海鮮。下次再去都會食多一次😋

食物不好吃。環境惡劣，收費太貴。那天去飲茶，看到廚房環境之後直情想嘔。廁所又差，员工態度惡劣。自己做錯聲大夾惡，以後都不會幫襯。收费仲貴過商場內的大酒楼。5個人飲茶接近六百元。嚴重污染環境， 阻街問題嚴重。

西貢都出名去食海鮮，朋友仔話未食過，所以今次就同佢去咗呢間食😋😋😋餐廳門口有個位會擺放新鮮海鮮，客人可以睇岩就直接同職員落單，職員會問下想點煮，客人決定好就可以等食架啦😆😆😆而我哋都係咁做🤣🤣🤣▪️椒鹽鮑魚平時就食蒸鮑魚，今次就揀咗椒鹽，結果發現味道唔係好夾，啲粉灑係面，得表面有椒鹽味😆😆😆不過本身就新鮮，口感彈牙唔韌👍🏻👍🏻👍🏻▪️白灼蝦新鮮，蝦肉彈牙，味道鮮甜👍🏻▪️豉汁炒蟶子個人鍾意蟶子，因為多肉啲😆😆😆豉汁唔會好咸，冇蓋過蟶子嘅鮮味。個汁好啱配飯😋😋😋▪️蒜蓉粉絲蒸扇貝多蒜蓉！正😆😆😆扇貝大大粒，豉油唔咸😋😋😋

今日起西貢全記海鮮食左個兩人海鮮套餐，盛惠636蚊。 介紹下今日既菜色，4款自選海鮮+免費油菜+免費生果盤4款海鮮包括：白灼蝦7隻 炒蜆（7隻有肉 8隻冇肉 1隻無開口） 粉絲蒸扇貝兩個 椒鹽瀨尿蝦1條等我重點同大家介紹下各款海鮮，首先D蝦已經係得7隻咁少，仲要肉質霉霉哋，out！D炒蜆得7隻有肉，搞到我哋好似返去飢荒年代咁，係咁吮D殼上面剩餘既汁，out！D粉絲扇貝犀利囉，上菜既時候冇曬裙邊，得一粒離左殼既扇貝肉，加上我見到廁所隔離個倉庫擺曬D冰鮮帆立貝，就知道呢粒一定係冰鮮帆立貝加本地扇貝殼裝飾既fusion嘢，out！D椒鹽瀨尿蝦就係細細哋一條斬成6件，瘦底肉質差，out！而食到最後一刻，都係冇上到生果盤。至於服務質素就可以用「屎淋尿瀨」形容，out！如果大家聽完以上介紹，都係堅持要去西貢全記海鮮食2人海鮮套餐，向全記老闆課金636蚊智商稅的話。我真係要考慮一下借錢起西貢開返間一模一樣既食店，一定冇得輸！

位於西貢海傍街嘅全記海鮮，有大量戶外座位對住海邊，又有大大張banner寫住米芝蓮推介，即刻被吸引咗埋嚟食個海鮮餐叫咗個二人餐，四道菜式送埋油菜生果，喺西貢咁多海鮮餐廳中唔係最平，但就好多款式選擇🔸芝士龍蝦伊麵芝士汁好濃，撈埋伊麵食真係一絕🤤龍蝦肉唔係好多，但就夠晒二人份🔸豉椒炒蜆好夠鑊氣好濃味，蜆肉大大隻無乜沙，好好食！🔸椒鹽墨魚調味都算OK，不過唔夠香脆，應該整好擺咗好耐🔸碧綠泡蝦球呢一道菜就稍為失色啦，蝦球份量都夠食，但對比另外三道菜就比較普通淡口

鍾意嚟呢度，因為open area, 今日晏咗少少嚟，已經排晒隊做安心出行，好彩都坐到open area, 室內就唔建議，都係冇乜特別，食呢度真係要睇埋環境填飽個肚一陣間就出返行山，呢度有得食又有好多嘢睇

多年冇吃全記，看見套餐唔貴就試下，點知就中伏，雖然我都有幫襯開全記茶餐廳。其實個套餐份量小都預咗，但估不到味道比市區酒樓還要差，多年的聲譽是浪得虛名嗎？全套餐得碟龍蝦好味，其他幾碟真是得啖笑，我都可以整得好吃過佢。芝士焗龍蝦，整體味道不錯，雖然賣相差及料是斬頭斬尾，有四嚿肉算唔錯。薑蔥炒蟹，味道非常一般，真係食唔到薑蔥嘅味道，本身隻蟹都麻麻地，但薑蔥都冇味咁點會叫薑蔥炒蟹。 椒鹽魷魚，呢碟應該係預先整定，冇可能呢碟唔脆口及魷魚又淋。

喺西貢海旁飲茶，真係幾舒服嘅，最近人流唔多，喺呢度飲茶都唔會有好擠擁唔衛生嘅感覺，亦都有個機會好好望吓陽光，提升正能量。呢度飲茶呢，當然都要做足晒所有安心出行啦，查針卡嘅功夫。樓面姐姐，亦都好有禮貌，好有耐性咁提食客去做好安心出行同埋查針卡，呢度要加一加分。而點心，可以去中間嘅車仔檔自己去選擇，都有各色各類嘅點心，都齊全嘅，枱面亦都會有點心紙，俾大家去落單。經過”詳細”研究，可惜呢度個小點應該係得一款，就係牛柏葉，真係百物騰貴，如果有其他嘅小點請大家分享一下特別提一提嘅係，佢象徵式收茶錢，我星期六去食，一大朝早，7:30左右啦，收一蚊茶錢一個食完一個咁開心嘅早茶之後，真係充滿力量，去挑戰西貢嘅遠足路線。

一行三人經過西貢全記 見到高朋滿座 侍應力推套歺 三佰五十幾蚊一位 連加一。可選五度海鮮。見係米芝連推介食店 ，點知出事 。我們點咗芝士龍蝦伊面 椒鹽賴尿蝦 椒鹽墨魚 蒜蓉粉絲蒸扇貝 薑䓤炒蟹 第一度龍蝦因加＄每人有半邊 但冇龍蝦腳 完全唔熱 。賴尿蝦斬件上 肉係霉 併埋得兩隻 以為上錯餐 於是問侍應三人餐不是三隻嗎 ？對方回應是餐上不是跟人頭上。但價錢是跟人頭收 真係百思不得其解 。蒸扇貝殼係大，但肉極細 都唔緊要 奇在肉與殼完全分離 冇群邊 肉充滿雪味。不禁懷疑用咗上一手客人食過嘅殼再舖雪藏肉當新鮮賣。炒蟹肉係霉。但蟹蓋完全沒丁點膏肉黏連 非常乾淨 （與平時食過嘅炒蟹蓋不一樣），似用上一手客人嘅蟹蓋重用。墨魚尚算正常。明白食店要賺錢 ，大不了將自選五度菜改為三度菜。好過用那渣手段欺客 打爛招牌 。

喂食Niki去搵好嘢食😋今日主要入西貢係想食阿拉斯加長腳蟹🦀因為兩個人食所以想揀隻最細嘅師傅話呢隻係最細，同埋見佢係最生猛，所以我地就揀咗佢啦😋阿拉斯加長腳蟹（$1500+$200加工費）侍應問我哋想點整介紹我哋主要有兩種食法：-1）清蒸2）蟹身可以用薑蔥炒，另外蟹腳可以用花雕酒浸我地最尾揀咗清蒸因為想食最原始嘅鮮味上菜嘅時候會比埋醋我哋我覺得點咗醋之後酸酸地，同埋提高到個鮮味，開胃之餘又好食，都唔錯喎個蟹腳啖啖肉，好好食呀👍🏻

今日我地4人黎到西貢經過諗住順便食個海鮮，見到全記啲套餐258一人唔算貴就入左黎食。（可以選5個送）套餐本來就預左唔會係咩好野，但係新鮮，煮得好食就得啦。點知…. 啲海鮮其實新鮮程度勉強可以接受（話曬都係套餐，唔可以要求太多啦）不過份量極少，煮得難食。個炒蜆「傑塔塔」成pet咩咁。好彩唔係自己簡海鮮比佢煮，唔係應該激死！整體黎講，258一位都唔值。下次會試試隔離左右。

去完鹽田梓，都差唔多要食晚餐，黎西貢當然要食海鮮啦但都知道會貴架啦，揀左呢間米之蓮餐廳，叫左個二人海鮮餐，揀4個餸，送時菜同紅豆沙豉椒炒蜆，豉椒味道好濃郁，色澤都好靚，但蜆肉真係好細粒，炒到搵唔到咁濟椒鹽鮑魚好嫩，但近乎無椒鹽味，椒鹽賴尿蝦係大隻，肉質唔梅，好味，最後係最好食既粉絲蒸扇貝，好夠蒜味，帶子好彈牙海鮮都OK，但同出面海鮮酒家差唔多，但呢到就食環境啦呢到西貢唔食海鮮就對唔住自己啦，下次搵第2間試試

星期日去西貢行山，最近天氣真好，行完山個人叉足電，之後當然返西貢市中心食下海鮮。成條海鮮街行咗轉，最後選擇呢間米芝蓮海鮮餐廳食晚餐。叫咗二人餐食，可以揀四個餸，另外有一碟油菜。質素其實麻麻哋，薑蔥炒蟹冇乜肉，龍蝦伊麵不過不失，碧綠蝦球都普普通通，鮑魚就正常嘅。兩個人連埋加一$600埋單，飽就飽嘅，但係質素好一般。星期日夜晚六點幾都算易搵位，一去到即刻有位，環境都算衛生，枱同枱之間都有一定距離，職員服務態度都OK。