八公館

營業中

休息中

前兩天和幾位朋友聚會，選了這𥚃，是因為平時上班時和同事午膳都覺得這𥚃的食物美味，平時上班時間十分繁忙而往往忽略顧客是理解的，但是星期六客人不多，侍應亦未見很熱情招呼客人，例如：送餐的經理不小心把茶倒瀉了我們剛到的點心內（$88腸粉），他除了說唔好意思之外，並沒有和我們更換點心，我們想找別的經理，有些扮作看不到，有些招呼熟客又或者正在和一些買了很多賀年糕點的”大枱”客人傾談，如此收費不菲並於中環區經營的酒樓，竟有如劣質服務態度，實在太過份！

我地一行8個，訂位既19:30落單，等左15分鐘先上到2個頭盤咁大把，之後就冇上過任何菜，期間我地一直追，但得到既回覆係話樓下有宴會多人廚房做唔切。唔只係冇菜到，就連叫沖水加茶都冇人，冇叫水費啊？等左70分鐘，最後冇法起身買單走，跟住先上嗰一碟菜咁大把，唔好出年先到？樓下有宴會，但係你煮定㗎嘛，唔通碟碟都新煮咩。再講啦，你冇本事煮咁多嘢招呼咁多客，係你既問題窩black左你list㗎喇星期五食個飯姐

今晚同朋友們專登去中環八公館食晚餐，之前已經黎過食晚餐感覺環境同食物質素都ok☺️一坐低見到有大閘蟹放題套餐就嘗試下啦！呢個價錢食大閘蟹質素不失不過啦～可接受，成晚掛住食忘記了影多d相🤣🤣只影左幾張炸～不過今晚我地最中意係食龍蝦，椰子花膠燉雞湯，蟹粉闊條麵，花雕醉蟹👍🏻👍🏻呢幾樣好好食😋仲有個芥蘭菜式整得幾靚，不過我地掛住食忘記左影🤪

差差差❌❌❌從未食過質素咁差既大閘蟹放題、人均消費要$498、但蟹質素極差！服務態度亦好差！我們用餐時候好似被監視、佢哋會不斷提示客人要食乾淨隻蟹才可以再點！令人覺得煩擾、最過分就是、一位待應主動幫我哋換即棄手套、另外一位待應竟然過嚟話換手套要收$5一對、令我們覺得莫名奇妙、就有被屈嘅感覺！其他概附加菜式亦唔理想！總之今次用餐概感覺非常差！總結食物差、服務態度差😂下次一定唔會再光顧、令人憤怒的晚餐😡😡😡

I went to the restuarant with my families for dinner on that night. The staffs there are not reasonable and rude, the foods are nothing special at all but overpriced. This is perhaps the worst Chinese retaurant you can ever find in Central. I am regret that I didnt read the other comments in openrice before I give it a try. Awful dinner experience and I wknt be there anymore.

前日端午節，係中環八公館買咗4隻鹹肉糭，1隻鹼水糭。返到屋企，蒸完啲糭發現唔係鹹肉糭。我打去八公館了解，但職員竟然反客為主，態度非常惡劣地講：我哋外賣無得賣鹹肉糭，只賣鴛鴦糭，係你地搞錯。但明明張單係打4隻鹹肉糭，好明顯當時職員都係幫我order 鹹肉糭。之後我要求聯絡經理，職員表示半個鐘後經理會電話回覆。2個半鐘後無回覆。之後再打去問，職員語氣輕佻，表示經理好忙，表示今天10點閂舖後經理會聯絡我。但直至今天仍然未有回覆。一心諗住食糭慶節，最後冇得食仲要激到一肚氣。

如果同三位靚女一齊去飲茶,又要好坐又要好食又唔想咁貴,呢間八公館就要讚自己揀得好,因為四個靚女坐埋一枱,咁梗係要一路飲茶818啦!今次餐廳安排我哋坐M/F一間細房,而唔係一,二樓嘅大廳,雖然冇窗好似焗促啲,但係就好啱我哋四個靚女講是非喎……hahaha。點心紙上嘅點心種類好多,樣樣都啱食,仲有午市套餐,最後都係揀點心,四個女仔講多過食,套餐今次唔啱食。黑金流沙包,鹹水角,腸粉,蝦餃,燒賣,迷你糯米雞,蘿蔔絲酥,巴蜀韮菜餃…差唔多嗌左十籠點心,好味!暫時冇一樣唔覺得ok,所以下次約埋再八一餐!

之前同舊同事去吃過午餐，食物嘅味道都唔錯。呀媽中意吃流沙包，所以今次特登帶佢黎試下。推介可以試鴛鴦脆網腸同蘿蔔酥。上菜都好快，首先黎左蘿蔔酥同炸芋盒。蘿蔔酥 - 酥皮好酥化，中間皮薄餡多，蘿蔔絲餡甜亦多汁，不過可惜兩邊皮比較厚，所以會較乾口。炸芋角- 外表吸睛，但味道不似預期，覺得芋泥太少，反而餡好足料，有韭菜蝦米似鹹水角嘅味。鴛鴦脆網腸- 唔好一啖吃，分開幾啖無油味，白色就正路蝦腸，蝦肉都爽；黑色腸好有驚喜，第一啖入口有花椒油香味，吃到微微胡椒辣，內餡包左菇，吃落有口感似咬菜脯。流沙包-流沙包我放凍左點，不過餡依然流沙，濃郁嘅奶黃醬仲吃到鹹蛋黃嘅幼粒。鳳爪- 正常表現，五軟爛，辣味比街邊重少少，花生就好綿。叉燒包- 皮薄鬆軟，餡多濕潤。小籠包- 有湯汁，皮面少少乾身煙韌，餡味道五濃。一共叫左7樣野，兩個人黎講有點多，吃到最後有點飽膩。疫情關係，吃完係下午4點，餐廳已經鎖門，有員工特意落樓幫我地開門。成餐茶員工嘅服務都唔錯。

weekend有事去開中環，突然想飲茶又無訂位，經過見到呢間中菜館見原來有飲茶點心，仲要唔洗等位，一於試下啦。見佢點心紙啲點心睇得出係有心高格調跟線，因為連啲點心名都好精緻，感覺都唔錯，價錢又唔太貴，仲要發現點心粉麵一律75折，星期六日全日都有，正！茶錢$16一位。有一點印象深刻，一般點心蒸籠係圓形，佢個點心蒸籠係特別設計的，全部係六角形，放响枱上可以邊對邊拍埋一齊，好整齊。至於味道，不過不失，唔太差，亦談不上一試難忘。

試了中環八公館的蟹逅中環-主打大閘蟹任食。還有燒豬肋骨，蟹肉翅，鮑魚，菜及甜品。價錢定位在468加服務費，大約500多一個人。除了大閘蟹，其他菜式尚算合格,只是份量得為少。問題最大係大閘蟹！應該係從垃圾堆找出來的！出了六隻一半以上發臭的!其餘基本上是沒有肉也沒有膏的！跟部長說了，玩了另一隻也是一樣。應該係入貨的問題!所以儘管是任食大閘蟹，也沒有在家了反正很臭吃不下。所以如果你想用$500吃一件燒豬骨,一粒小鮑魚，一碗蟹肉翅和一碟菜。去試試發霉發臭的大閘蟹吧!

因為去‘八公館’飲茶已得到肯定，它又是防疫C類餐廳（可以接納6人以上的食客），我們5位老友就來這裡再試下它的晚餐👇這裡晚餐的選擇不多，好在侍應資深又熱情，介紹抵食的孖寶搭配和特價菜，按其推薦，我們選擇如下：1）孖寶餐：片皮鴨+鴨肉燜苦瓜 HK268.-👇- 片皮鴨份量正好夠5人食（每人3卷），就是鴨子好像不夠熱，雖然大蔥，青瓜，甜麵醬都齊，但不知為何，食落感覺不到片皮鴨的香味，奇怪🤔- 鴨肉燜苦瓜好惹味！鴨肉的油浸到苦瓜中，肉香+甘清，搭配的不錯👍2）冬瓜盅配沙巴虎仔 HKD368.- 👇- 此搭配價格有優勢，但因哪裡的冬瓜盅大都是滋味相似，這裡也沒有什麼特別，普普通通。- 就搭配的沙巴虎斑仔～因為我對腥味比較敏感，只一箸即止。但其他4人覺得還不錯！3）欖角一口骨 HKD128.- 👇有點像生炒骨/話梅骨，這碟肉骨汁濃味重，入口易咬，比較受歡迎，味道也OK.4）生拆蟹肉粉絲煲 HKD108.- 👇賣相一般，味道也一般😜，喜歡它有小小辣😀，但我也只食左1-2箸.以上👆🏿一共6樣餸，我們坐了3個鐘，最後還享用了免費甜品- 紅豆沙👍

今次幫襯既係地下售賣外賣午餐快餐，一盒盒已pack好外放玻璃櫃。有客買即上餐。叫左個【瑞士汁安格斯牛柳干炒牛河】。5分鐘路程返到公司打開X左出聲，食物微溫，賣相好麻麻。用筷子了幾了，啲河粉痴埋一舊，有渣河粉係白色，明顯係大量製作而且炒得唔平均，整體都冇乜味道。不過最離譜係【安格斯牛柳】，小喇叭搵勻全盒得3片仔肥牛，面積係3cm x 5cm。呢盒炒河算係近幾年食過最難食，無賣相無味道無肉，咁就盛惠$50既外賣

放假往中環閒逛，並打算往大館嘆下午茶，首先食晏，在中心點記得此間未來過，我以為乜公館物公館，一定精心製作，高品質，但今次有落差。 門口無人招呼，一個男人坐係接侍處，要問佢飲茶幾樓，預計有穿褀袍知客招呼，發夢啦！樓上都係一般酒樓貨色，阿姐招呼我們安排坐角落位，好嘅，與其他客有距離，安全的。 人參小籠包＄49，點解黑色皮（黑色多數黑松露饀），如皮黃色較配合～人參黃黃地色，汁有小小人蔘味，皮及肉質一般酒樓，可接受。 奶皇千層糕＄37，係四方，岩岩蠶蠶，鬆鬆散散，不消提。 家鄉煎茶果＄37， 即煎韮莱果變形加芝麻，香口，蝦米丁屎，入得嘴。 梅菜黑豚肉叉燒腸＄42，機乎消失的梅菜，厚厚粉皮，誰知那兒黑豚肉？ 又想試杏仁茶，無，改水牛奶蛋撻仔，等约10分，追阿嬸，好似未落單～ 未訓醒，再等20分，話要即做，製作中，再等，再追，不如取消，不做。好留肚，去大館飲下午黄。 假期有75折，算ok，有地落腳。

今日去中環買完野就去試吓這間酒樓飲茶，中午12點多去到人不多，看看點心紙兩面都有野，以為好多選擇，一面係點心，一面係妙粉麵，點了芋角，鴛鴦腸粉，花膠棉花雞，燒賣，椰皇燉湯，結果冇燉湯，改鮑汁鳳爪，點知又冇，咁普通的點心都冇，鴛鴦腸粉到了，賣相不錯，一邊是似炸兩、另一邊是黑色的，不知是否墨汁做的，兩種味道還可以，但88 元不值，燒賣不錯，是所點的點心中最好，芋角正常，那個花膠棉花雞淡而冇味，比普通酒樓的棉花雞更差，總結是食物質素比很一般，有些甚至比普通酒樓差，價錢與質素不成正比

喺限聚前仍然可以六個人一齊一枱，7/11 因為同親戚相聚所以嚟到飲個下午茶，啲食物實在太好味完全忘記影相介紹俾大家， 所以8/11 就即刻帶至愛，我哋兩個人再食多一次！一定要推介佢哋嘅孖寶，佢哋嘅砂礓豬手同埋椒鹽鮮魷一定要食，性價比高，完全食得出師傅嘅用心選材及製作！另外，牛肉球不同免大部份用一些粉去製作，完全食得出用了十足至於棉花雞， 一般用最普通嘅蟹柳，佢哋係用蟹棒㗎😍雞肉新鮮，而且有花膠同埋蟲草花，非常驚喜！係中環一定要嚟飲茶😋