八妹雞煲

營業中

休息中

香港人一年四季都喜歡吃火鍋，其中雞煲更是港式火鍋中的代表八妹雞煲是大埔區內算是最有名的雞煲店，吃多了日式台式火鍋，今次轉轉口味再光顧八妹雞煲。餐廳內有很多座位，二人或四人卡座，多人的圓桌，內在空間很寬敞，相信繁忙時段亦可容納許多人。我們兩人叫了半份的秘製雞煲（微辣），秘製的雞煲醬十分惹味，帶有微微的麻香，雞件份量頗多而且大件，洋蔥煮軟後吸滿了醬汁，加上原來的甜味，讓人忍不住清空所有洋蔥！飲器選擇豐富，我們選了一酌竹蔗茅根水清清熱，可以見到裡面的蘿蔔及竹蔗等材料，絕對是真材實料～兩個人分著喝也十分足夠。另外點了炸枝竹和萵荀，炸枝竹吸滿雞煲的秘製醬料後，一口咬下除了口感十足外還將雞煲的精華全都帶進口腔內！必點！蔬菜方面選了萵荀，處理得十分好，能吃到萵荀的甜味，又沒有渣～貪心地點了大份的肥牛，雖然是三種肥牛中價格最便宜的，但質素相當不錯，沒有過多的肥膏和脂肪，入口仍有淡淡的牛肉香氣，不會被秘製醬料的味道蓋過。份量亦相當多，每人都吃了十多片牛肉，價錢相當實惠！相信人多聚會可以分著吃，能點更多不同的配料～如下次與朋友聚會吃雞煲必會再光顧！

之前試過最普通嗰隻雞煲都唔錯，朋友生日梗係叫啲好嘢，花膠雞煲夠曬美顏好耐冇嚟過啦都唔知道原來佢重新裝修過，主打懷舊風格，唔同嘅角落都充滿打卡位，擺醬油嘅位置變左售票處，是日電影係醬油爽滑花膠好食又滋補，雞件嫩滑又惹味，半隻嘅份量都好足夠，配料有洋蔥、芫荽、芹菜，加上秘製醬汁，風味十足食完雞煲之後加入豬骨湯底開始打邊爐，魷魚爽脆彈牙，鮮滑牛肉意外地嫩滑。鴛鴦滑有齊蝦滑同埋墨魚滑，加上蟹籽食落多一重口感，推介大家試下雜餃比較就普普通通，有韭菜餃、雲吞、魚皮餃。菇拼有冬菇、秀珍菇、雞髀菇，菇類都好新鮮嘢飲方面我哋叫咗竹蔗茅根，正常發揮，價錢公道，係飲品裡面CP值最好

有冇人都鍾意夏天先黎打邊爐？我同我朋友都好鍾意打邊爐所以一到夏天我哋都好鍾意出去食雞煲打邊爐！今次嚟咗大埔食雞煲，呢間舖頭喺太和站一出行10分鐘左右就到，都好方便㗎！🔸秘製八妹雞煲（半隻）$168呢個雞煲有半隻雞，份量我哋兩個人食都夠飽，配料仲有好多洋蔥，雞煲嘅味道都好濃郁，熱辣辣咁食好好味，至於辣度我哋叫咗小辣，辣味都好夠好香！好推介俾鍾意食雞煲既你哋😋🔸鮮滑牛肉 $55呢碟牛肉好嫩滑，份量都有好多性價比好高！👍🏻食完雞煲落湯打邊爐配牛肉真係好好味！如果大家都係冇肉不歡嘅話都好推介大家叫呢度嘅牛肉黎試下😜🔸什餃 （韭菜餃/魚皮餃/雲吞）$60韭菜餃有三粒，雲吞兩粒，魚皮餃三粒。推介韭菜餃，因為入面嘅餡好豐富好多韭菜，食落真係好好味。而雲吞都有好大粒蝦喺入面！🔸菇拼（冬菇/秀珍菇/雞髀菇）$48我平時都好鍾意食菇，啲菇都好新鮮，打邊爐嘅話都要食返啲菜類㗎～🔸墨魚鬚 $66平時我哋都好少食海鮮，不過見到呢個墨魚鬚話係好爽脆嘅所以都想試吓，食落真係幾好味，淥一陣就好快熟，爽脆彈牙又夠晒新鮮！🔸椰汁冰 $30推介大家嗌椰汁冰黎飲！ 大大杯嘅椰汁冰只係$30，真係好抵飲！同埋好解渴，一路打邊爐

大埔友必定知的八妹雞煲住左咁耐，reserve the book finally 同老公拍拖仔😝 呢度個雞煲有好多辣程度可以比客人選擇，食雞煲當然要辣先好食，可惜本身我唔係幾食得辣，好彩有得揀微辣，我覺得啱啱好係我呢d唔食得辣嘅人嘅福音我哋揀咗一隻雞，因為雞煲係呢度嘅signature果然不負所托 真係份量又多又惹味！香料又夠多👍🏼 啲雞夠香滑，店員話一上就可以即食，唔使嘥時間再等佢整熱食完雞煲之後重頭戲梗係打邊爐🍲店員好熱心不停幫我哋refill 雞湯！姐姐好熱心我哋嗌咗新鮮牛肉,$5x 份量多，牛肉香滑。我哋叫咗呢度出名嘅手打墨魚丸，名副其實值得推介，非常彈牙好味😋 食完仲想叫多份。呢度嘅飲品非常大杯，飲一杯都可以夠你食成個麻辣雞煲👍🏼最值得稱讚嘅係呢度嘅座位坐得非常舒適，兩個人可以坐卡位安安靜靜咁食雞煲😋老公食得好滿意

一直以來都有聽聞過係大埔既喱間八妹雞煲, 不過一直都冇機會黎試, 當日行過見到難得有位, 一於去試試啦~~入到場內見到餐廳既佈置好有趣, 係懷舊香港風, 裝修成街道既感覺, 兩側亦有一間假既店面, 好得意呀 HAHAHA坐低入正題, 叫左半隻雞既雞煲先!雖然只係半隻, 但係份量多到~~雞肉滑嫩唔鞋口, 我地叫左微辣, 令到成個雞煲更加惹味 辣度唔算好強, 如果唔係好食得辣既話都可以叫~食完雞當然是加湯打邊爐啦~配料方面我地簡左即炸響鈴﹑雪花肥牛﹑鴛鴦滑（蟹子墨魚滑、蟹子蝦滑）﹑豚肉同埋有一個好特別既海鮮芝士豆腐~即炸響鈴名符其實即炸超級脆, 浸湯2秒已經可以做到脆又軟既口感~~大大件好抵食。鴛鴦滑就岩哂兩個人黎啦~有哂兩隻口味可以試多d款式, 平日係屋企打邊爐都有食開喱d滑, 但係總係有少少唔夠彈牙~ 但八妹喱到既鴛鴦滑新鮮非常彈牙, 啖啖都食到入面有蝦肉, 鮮味十足, 推介!! 雪花肥牛同埋豚肉亦冇令我地失望, 肉香足而唔會韌, 份量亦唔細~兩個人打邊爐食就岩岩好海鮮芝士豆腐都可以推介一下, 因為喱個豆腐既口感有少少似魚腐, 入口夾住芝士香味, 可以打邊爐亦可以就咁食~~係湯未滾之前

🔸秘製八妹雞煲 （半隻）$168雞肉好滑好嫩，煲底我哋叫咗微辣，唔會太辣太咸，口味岩岩好！🔸鴛鴦滑（蟹子墨魚滑、蟹子蝦滑）$108可以一次過試兩款岩曬我哋得兩條友打邊爐🤣 新鮮手打非常彈牙，仲有淡淡海水鮮味，超正必叫！🔸手切肥牛（小） $218肥牛超靚，厚切，肥瘦分布岩岩好，重牛味！🔸即炸響鈴 $50響鈴超級大個超酥脆！必叫！浸少少雞煲湯和半脆半軟口感一流！🔸蜂巢豆腐 $35蜂巢豆腐係我打邊爐必叫，可以索曬啲湯嘅味道超級正！🔸野生竹笙 $70竹笙好爽口又大條，一樣係索湯底一流！🔸椰子冰$30🔸凍檸茶$30平時打邊爐叫一杯或者一罐嘢飲一定唔夠，但呢度嘅嘢飲超大杯又抵飲！只係30蚊，飲到食完都未飲曬～少甜後甜度岩岩好！餐廳裝修好有懷舊style，食材有心思，店員都好親切🧡 一定會再回訪！

唔係住大埔嘅我都聽過呢間勁出名嘅八妹雞煲，以前朋友已經帶左我黎食，今次到我帶朋友黎食，一定有水準！一定要食雞煲！真係妹味到爆炸！但因為朋友怕辣，我地就試左胡椒豬肚雞煲一擺試枱已經聞到超香胡椒味，入面嘅豬肚超多，雞有半隻，2個人食真係夠晒，啲雞煮到差唔多就要撈起黎食，煮耐左會鞋，浪費咗靚嘅雞(/ω＼)呢個響鈴又係必叫架！無可能唔叫，新鮮炸起真係好脆，裡面都炸到好鬆脆，點湯定點醬都係好夾，2個人食完一盤，都仲想食！滑牛 唔好睇佢細細盤，疊埋疊埋真係好多，以佢價錢黎講係好抵食！脆魚腩新鮮又有鮮味，魚肉彈牙但有少少厚大大杯檸檬茶2個人share 真係啱啱好豬腩片-大大份 熟左都爽口娃娃菜室內裝修十分有特色，有機會坐到入去一定要打下卡

今日和朋友去大埔食飯，咁就試下大埔嘅八妹雞煲，舖頭好特別前面就好似普通嘅茶餐廳一樣，但鋪頭後面嘅裝修就完全唔同，好有香港懷舊feel，坐落就當然係叫咗個半隻小辣雞煲啦；見到牆上有介紹紐西蘭刀貝，同埋爽脆墨魚鬚，就各樣叫咗一份，一定要叫出名嘅鮮炸響鈴，手切牛肉，最後加個八妹蔬菜拼盤。當然就再叫咗一個最滑嘅嘉士伯啦，打邊爐良伴；喺個雞煲未嚟之前就出去個醬油攤檔嗰度，攞醬油啦順便攞啲花生同埋啲薄脆去到食下。好快個雞煲就到咗啦，跟住攪勻佢就開始食啦！味道唔錯甜甜地如果鍾意食甜雞煲呢個就真係最啱喇！食到一半就攞起啲雞出嚟再加一啲湯落去開始打邊爐；啲爽脆魷魚鬚真係夠曬爽脆，手切牛肉都夠淋滑，響鈴就真係好正，其實攞嚟搽雞煲汁都一樣咁美味呀，紐西蘭刀貝就不過不失，蔬菜拼盤中嘅南瓜同埋皇帝菜都好出色。睇落唔算多嘢但係兩個人食真係都幾飽。捧住個肚返屋企。

今日入咗大埔探朋友，順便去附近搵吓有咩好食，朋友極力推介我食一間雞煲，佢話試過包你食到舔舔脷。八妹雞煲 地址喺大埔舊墟直街4-20號美新大廈地下。餐廳地方非常闊落，而且仲裝修得好整潔，俾人感覺好舒適，坐得都好舒服。坐低當然要嗌個雞煲試吓先，小小辣。雞煲未嚟自己可以出去調味區選擇醬汁調味料，我見到有炒香咗嘅花生，真係正。雞煲嚟到味道非常之香，而且份量重要好多，味道好香濃，雞肉好嫩滑，而且仲係好多肉汁，入口帶有少少麻辣香味，加上洋蔥芫荽令到雞味更加香甜，雞肉完全入晒味，呢個雞煲真係好值得推介，價錢公道，份量又多，味道有香濃。食到咁上下就加湯去打邊爐。因為雞煲份量實在太多，所以都係叫多少少嘢嚟食。珊瑚蚌，新鮮size較大，入口又爽又鮮甜。脆肉鯇，每一片都係好爽口，魚香味濃，加上有少少魚油嘅脂肪，味道更加香甜。其實見到好多火鍋配料價錢都好公道又吸引，不過兩個人食食唔晒太多嘢，下次叫多幾個朋友一齊嚟再幫襯。食雞煲一定要配返支藍妹，清涼暢快，正。

雞煲打邊爐Night 環境佈置得好懷舊🙀半隻雞 小辣💚💚💚💚佢啲秘製醬令隻雞好入味同嫩滑仲有啲紫洋蔥喺面 超中意食🤓本身喺廚房已經煮熟咗拎出嚟開火兜兩兜就食得半隻雞都夠食 因為仲可以加湯打邊爐竹蔗茅根水💚💚💚💚兩個人share剛好店員話係每日新鮮煲同埋冇乜點落糖少甜 所以就叫左黎試吓夠晒解渴三拼💚💚💚💚食咗咁多肉就叫咗啲蔬菜有蘿蔔淮山萵筍三隻都唔錯 爽口脆肉鯇魚片💚💚💚💚彈牙嘅😙雙拼蚌💚💚💚平時打邊爐都少食蚌 試吓新嘢😬😬老闆娘幾Nice的🍽八妹雞煲📍地址：大埔直街美新大廈地下📞電話：2667 0699

每每到大埔吃晚飯時，經過此店，都會發現裏面是食客，但由於我個人不能吃辣的食物，便有點困難找人陪我吃不辣的雞煲。直至最近，新認識了一個朋友也是不太能吃辣的食物，便立即預訂了八妹雞煲，一嗜它馳名的雞煲。到店後，店員首先介紹他們的餸菜，亦着我們先點湯底或雞煲，因為製作需時，約10分鐘，所以我們先點了半隻雞，當然是不辣的。然後再慢慢點了其他的配料，包括滑牛肉、雪花肥牛（大份），貫徹我牛魔王的稱號，炸魚皮以及一酌茅根竹蔗水。點好配料後，雞煲便以送上，看到雞生果的醬汁顏色較深，最初以為會是十分濃味及鹹的，但是吃下去並不太鹹，它的醬料反而能帶出雞的香味，而雞肉本身也是滑的，當然加上洋蔥的甜味，令到雞更為美味。但想不到的是，滑牛肉的味道是更令人意想不到的好，有濃的牛肉味，並沒有任何梳打的味道，用來打邊爐， 十分棒！雪花牛肉及魚皮的份量也是意想不到的多，兩款食物的質素都不俗，我和朋友差點吃不完枱上的食物啊！吃了差不多兩小時，發現越夜人越多，足以證明這是一家值得光顧的雞煲店！

好耐無食雞煲啦，朋友一時講起就即興去食😂呢間一入去既裝修真係好港式，都幾岩一大班人食飯👍兩個人嗌咗半隻雞$168，大家都食得辣所以就叫咗中辣。食落感覺似係小辣多啲，鍾意食辣嘅人我相信可以叫大辣😆啲雞都幾滑而且好入味，仲有洋蔥越煮越淋，索晒啲汁😃配料方面佢都有幾多選擇，原本見佢有蟶子皇同刀貝就諗住叫啦，點知唔好彩地今日原來冇貨🥹最後我哋叫咗手切牛肉$218、鵝腸$78、野生竹笙$70、蟹子墨魚滑$96、蜂巢豆腐$35同埋三拼（萵筍、鮮淮山、蘿蔔片）$60手切牛肉就真係打邊爐必食😃雖然價錢係真係貴啲但都值得👍我哋覺得最驚喜嘅係蟹子墨魚滑😆好彈牙，對得住個價錢👍野生竹笙都係佢嘅王牌，大大條好爽口😀鵝腸就不過不失，冇咩特別。最後飲埋啤酒，成年事就好圓滿啦😎

大埔高質雞煲火鍋《八妹雞煲》，都係因為住大埔既朋友帶路，先食到好野😋果然無介紹錯餐廳裝修懷舊，滿滿是舊香港情懷·霓虹招牌打卡一流因為我地2個人關係，叫左半隻雞、店員推介既即炸響鈴、安格斯肥牛（細）同2人必點既什餃。雞煲色香味俱全，上枱店員話雞已經熟可以食得，但再想入味D同洋蔥再淋啲，所以都煲左一陣先，半隻雞份量都好多，廚師斬雞技術幾好，無碎骨雞肉好嫩滑，醬汁好惹味安格斯牛，油脂分布平均，好重牛味要重點推介個響鈴🤩真係大過我拳頭食落好酥脆💯，浸埋雞煲汁食真係好邪惡🤣什餃-有雲吞,韭菜餃同魚皮餃出面拎醬油位，有花生同三角脆片拎送酒一樓👍🏼但係我叫左大大杯凍檸茶🤣 兩個人食完捧住個肚走，高質又抵食💯

#ftf_大埔惹味八妹秘製雞煲半隻 小辣 $168醬油 人頭 $12⭐️⭐️⭐️⭐️⭐️雞煲醬汁香口濃郁，重口味得來又唔會死鹹，有麻香，小辣味道唔太辣，鍾意食物嘅朋友可以再叫辣啲。雞肉夠晒入味，肉質十分嫩滑，記住食晒啲雞先好慢慢加湯！以下三款十大必食之選 當之無愧！兩個人食到勁飽，但係如果要減走一樣，真係揀唔落手。即炸響鈴 $50⭐️⭐️⭐️⭐️⭐️呢個一定要食！而且食得落要食兩盤～ 有豆香得黎，火候炸得剛好，口感酥脆，冇油溢味！千祈唔好落多過3秒，鍾意食酥脆口感既話，建議夾住到響鈴，然後喺上淋一下熱湯就得！野生竹笙 $70⭐️⭐️⭐️⭐️⭐️份量驚人，大大條，極爽口，吸湯一流！雖然本身竹笙無味，但真係好新鮮，無可挑剔！鵝腸 $78⭐️⭐️⭐️⭐️處理得好乾淨， 淥一淥，爽口即食！唯一嫌佢剪得太細條，要用個筲箕兜住，食得冇咁爽。鮮滑牛肉 $55⭐️⭐️⭐️⭐️⭐️個名話咗俾你聽，又鮮又滑！大大份，抵食之選～竹庶茅根（一酌）$42⭐️⭐️⭐️⭐️肥仔水以外，健康之選！味道唔太甜，但飲落足料，唔會太淡，唔係一大煲得少少料就加勁多糖水嗰隻。雞煲配竹蔗茅根根本就天生一對，解膩消濟。油麥菜 $35⭐️⭐️⭐️新鮮～ 冇話唔好味，但唔會特別話好味。😂只係食雞

本身諗住同朋友開完會去食宵夜～就去左太和試下呢間雞煲💫第一眼見到間鋪面就被懷舊香港嘅裝飾吸引到，入到去嘅座位都幾闊落同舒適，如果少人嘅時候去食，仲可以周圍打下卡🤤我哋五個人叫左一隻微辣嘅雞，辣味唔算重而份量都啱啱好，但喺啲醬汁味好濃，食落都好香！完左雞煲仲食左轉邊爐，叫左手打牛肉，份量唔算多但質素幾高，值得一提係佢個響鈴好大，係平時街市買嘅三倍左右🤓食完埋單五個人平均都係200幾蚊，如果有機會會再幫襯，啲侍應服務都好好👍🏿