八妹雞煲

營業中

休息中

天氣凍凍地，又想食8妹既雞煲妹耐，今日同老公仔又一齊放假，早早地去到見唔洗等位，就食啦😚😚去到我地就先叫左半隻小辣既麻辣雞煲，然後原來出面係有自助調味吧，豉油、蒜蓉、炸蒜、蔥花呢d基本野全有！令我有驚喜嘅係，佢有炸花生同埋脆卜卜。個雞煲未黎，我地已經一人食左一碟脆卜卜🤣🤣🤣等左陣，主角雞煲終於上檯，入面有洋蔥圈、芫荽，令到成煲野好香！不過重點係，件件雞都好滑，小辣已經都好夠味，一路食，d洋蔥就一路煮淋，吸哂d辣汁，食完雞再食洋蔥真係好好味😋食完雞煲，就加湯打邊爐啦，我地冇額外叫個湯底，但好有誠意，餐廳係加湯，唔係清水咁款既湯👍🏻👍🏻👍🏻打邊爐我地就叫左幾個碗料1️⃣ 鮮牛肉 😋😋平時我唔食牛，都覺得勁勁勁好味，好滑2️⃣ 蟹子墨魚滑食極都有，勁抵食🤣入面仲食到一粒粒既墨魚粒3️⃣脆肉鯇片從小喜歡的，不能不點4️⃣娃娃菜5️⃣羊肉6️⃣雜餃7️⃣稻庭烏冬全部都好好好好味，下次會再黎食丫

朋友生日，所以專登收工入嚟大埔，同佢食雞煲慶祝，這是朋友選的，她說這間雞煲喺大埔遠近馳名，天氣開始轉冷，係時候食雞煲了。這間餐廳裝修充滿大埔歷史，他的餐廳中央，牆壁是大埔戲院“全院滿座”，四週掛滿各式大埔懷舊餐廳名字的吊牌，走懷舊風格。醬汁是睇完接新娘自助的，另外，有些前菜麻辣花生和三角脆片。凍檸柑桔，上面有兩粒細話梅，似咸柑桔的味道。另外，點了馬蹄紅蘿蔔竹蔗炮製而成的竹蔗茅根水一酌，清甜可口適合，食雞煲嘅時候飲用。雞煲你可以選擇大中小微辣，基於我們唔係太食得辣嘅我哋點了微辣，辣度剛剛好，店員送上雞煲時雞煲已熟，只是他的配菜是生的，所以店員在我們面前翻滾兩下，焗三分鐘左右就可以食了。半隻雞的分量兩個人剛剛好，雞肉都算鮮嫩，他的配菜，令雞肉越煮越入味。我們食完雞煲之後，就可以加湯打邊爐。餐單上有多款新鮮食材任君選擇。脆肉鯇魚片，新鮮爽脆，鮮甜美味。羊肉片，已經解好凍，涮下就可以食不過羊肉是有羊騷味的，要接受到才叫哦皇帝菜，好像一盆小盆栽，火鍋總少不了。美國雪花肥牛（細），大約3安士，並非超薄，有些厚度，所以比較有咬感，而且肉質比較軟冧，好正！響鈴，自家製的好像一個雲團，放在湯中五秒拎起就

八妹雞煲 (大埔)大埔舊墟直街4-20號美新大廈地下A1號舖鴛鴦湯底🍲 （清湯 + 芫荽皮蛋湯）$88估唔到湯底送來嗰陣～已經滾左好多蔬菜！ 清湯有娃娃菜，秀珍菇同滑豆腐！ 芫荽皮蛋湯除咗有芫荽同皮蛋，仲有娃娃菜，秀珍菇同白蘿蔔！自己唔使嗌好多菜都夠了！👍🏻 醬油🍾 $12可以出去自己拎醬油！ 除咗基本醬油外，仲有脆花生同埋粟米片脆脆！白鱔🐟 $92白鱔夠晒新鮮！塊塊晶瑩剔透！淥一淥即食夠晒爽脆！魚鮮味十足！ 田雞 🐸 $58一路都好想食田雞！不過去到街市見到～諗起自己要處理都怕怕！難得有得叫田雞～仲要價錢唔貴～即刻點！ 田雞處理得好乾淨，食落肉質鮮甜～羊肉片🐏 $58天氣開始轉涼食羊最合時！ 羊肉片解凍得洽好！唔會滲血水！ 羊肉帶點特有羶味！啱晒小編口味🙈萵筍 🎋 $36萵筍大大碟！已經去咗外層嘅根！ 食落爽脆冇渣！萵筍夠新鮮～帶點蔬菜甜味！菇拼盤🍄 $45有鮮冬菇，雞髀菇同秀珍菇！菇類新朵朵「堅挺」冇皺皮！新鮮竹笙 ✨ $68竹笙分量十足！條條大條厚身！食落冇鹼水味！口感爽脆！餐廳裝修幾有風格👍🏻 驟眼望到衛生清潔🧹姐姐服務態度好好😊 點完湯底上菜都好快！七點已經差唔多滿座！

雞煲：味道甜甜地，花椒味很夠，因為辣椒會愈煮愈辣，我只點了小辣，雞件肉滑。令人意外的是洋蔥，肉厚又甜，加上雞煲醬，非常惹味。飲品：大啤酒杯size，非常之抵，適合打邊爐。韭菜餃：韭菜好多，味很濃，爽口。響鈴：驚喜位，即炸，鬆脆，不下湯吃都好味，沒有油益味，必點推介。豬腩片：肉質嫰，豬肉味香，品質不錯，而且切到一口一塊方便吃。牛肉：看圖都見到雪花位超正，有牛味又不會羶，而且有點彈性的口感，證明新鮮。鱔片：沒有腥味，肉夠滑，薄片很易熟，煮一煮就可以吃，平常吃太厚的會不知道裡面熟了沒有，這家餐廳提供薄片就非常好。山藥：即是淮山，想不到有驚喜，一點點爽口帶一點點粉狀的質地，加上雞煲湯的味道，惹味得來口感又特別，而且山藥很健康的，養生。

今日天氣涼涼的，屋企人話想食雞煲，選擇咗大埔這間八妹雞煲，晚上經常好多人所以我哋早咗少少去搵位，7:00入座等咗10分鐘，店內裝修好有懷舊特色、地方亦都坐得舒服，通風系統不錯唔會食完成身味，店內有自助醬料可根據自己個人喜好加配，我門點了微辣嘅雞煲半隻，雖然點咗微辣但係都香味濃郁，內裏有洋蔥和現世的配菜，雞件嫩滑，好吃食完半隻雞之後桌上有一樽湯可自行加落煲繼續打邊爐，我們再點了安格斯肥牛小碟：肥牛肉質不錯👍油脂分配平均，響鈴是店內即炸的，所以更加香脆，好評😋再點了適合二人份量嘅四寶丸共八粒，（牛丸，貢丸、墨魚丸和魚旦）都很新鮮彈牙，飲品我和妹妹點了烏龍茶、同汽水，結帳$570。價錢公道，整體食物質素不錯👍😋

秋風起最岩去食雞煲+打邊爐，今次經朋友介紹去到位於大埔既八妹雞煲。係太和港鐵站行過去大約5-10分鐘，唔算太遠。果然一凍個個都去打邊爐，全場差不多爆滿！同友人都要等左一陣先入得。餐廳環境都幾懷舊，有懷舊特色既燈牌岩晒我地打卡。嗱嗱臨睇吓餐牌叫野食先！我地就叫左個花膠雞煲半隻，由於唔食得太辣所以叫左不辣。等雞煲黎左先再揀打邊爐既配料！一黎到陣陣既香味，雞煲上都會有紫洋蔥芫茜等等。濃濃既醬汁掛上厚身既花膠真係一流，完全唔洗再點其他醬汁，雞肉都好入味好嫩滑！食完雞煲就可以加清湯打邊爐，我地叫左個細的A級安格斯肥牛，細嘅份量都算多，夠晒我哋兩個人食！淥大約4-5秒就食得 。牛肉既油花均勻，濃郁既香味，食落有入口即溶既感覺！即炸響鈴不得不試，新鮮炸起勁大舊，放落去淥一淥，食落充滿雞煲既味又多層次勁有口感，真係要係火鍋店先食到！另外仲叫左竹笙、芝士小籠包、豬腩片等等飲品都多選擇，我地就叫左一渣竹蔗茅根水，可以清下熱氣，岩晒我地2個人分！

天氣好似涼涼地 最啱食雞煲！大埔都有好多雞煲 左諗右諗 同朋友最後決定都係揀咗係大埔墟直街的八妹雞煲！七點幾去到幾乎滿座，好彩都唔洗等位！間店好有香港風味～睇下店內的裝修～我們二人用餐，本來也怕未能品嚐不同太多的款式食物。但八妹雞煲必有用心，在餐牌上我們很高興看到「二人必點」，解決了我們的問題。我們點了半隻微辣秘制八妹雞煲，以往食開的雞煲比較乾身，八妹雞煲較濕，雞肉又嫩滑，加埋秘制汁，感覺好juicy ! 值得一試！吃完雞後，可以加入湯，開始打邊爐！😍我們好喜歡脆口的食物，所以點了炸魚皮同埋響鈴🔔！兩款都好脆口，落去湯到幾秒上返來食，剛剛好！因為兩個人去，又想食多幾款食物，所以我哋叫了雙拼蚌、「二人必點」的菇拼、三拼、什餃！第一次打邊爐食雙拼蚌，好易熟，又爽口！我又覺得雲吞特別好吃，如果多人的話可以直接點雲吞呢！這裡的侍應好好人，好細心！一開始預備了水讓我們清洗餐具。我們吃了一半時，又來幫我們換碟！天氣漸涼，食八妹雞煲係一個好選擇！

Rise like a Phoenix 🧚. 應該係香港其中一間最出名既雞煲！位於大埔既八妹雞煲屹立香港多年，由九龍灣舊址搬到來大埔現址，依然日日大排長龍。餐廳主打秘制八妹雞煲（半隻/$168)，唔會話完全唔食得辣既朋友建議可以嗌小辣，因為我覺得佢個汁要有少少辣椒襯底先夠惹味😝. 食完雞煲加清湯可以變火鍋。不過容許我係度温提一下，落湯嗰陣記得唔好落太多，如果唔係就會沖淡唒個湯底！必點推介有手切肥牛（小/$208)同即炸響鈴（$48)！前者肉質結實得來有濃郁既肉味，就咁灼幾秒撈返上來已經好鮮嫩，仲帶有陣陣雞煲既餘香；後者上菜嗰陣由於仲係啱啱炸起，舊舊響鈴都仲有餘温，一咬落口真係不得了！

之前聽過朋友介紹 今日專登入來試下🤤 來到6點已經好多人食緊 應該都唔差得去邊 環境好開揚 一眼睇曬 裝修都走復古路線 有啲懷舊燈牌 適合打卡🤪一坐低會上一盆熱水比我地清潔碗筷 呢點幾好 好少地方會咁準備🤣🤣另外會叫我地自己出去整醬油碟 不過成餐雞煲都好夠味 所以就冇乜需要點😅秘製八妹雞煲叫左一隻雞 上到來就已經食得 聞落幾香 而且足料 真係見到每個雞嘅部位😆😆食落肉質都幾滑 食得出啲雞係新鮮👍🏻醬汁都幾特別 叫左小辣但係都唔算好辣 而且味道濃郁 即使加湯之後都好夠味😋😋娃娃菜雞煲配娃娃菜真係冇得頂 索汁得來又好清甜🥳雜菇🍄有冬菇 杏鮑菇 平菇 正正常常 最夾應該係冬菇🤩下次應該會就咁單嗌一份😚韭菜餃🥟必嗌配菜🤩開頭驚唔夠飽所以叫個餃🥟 有8大粒 足料 夠味 估唔到同個汁咁夾🤤🤤🤤安格斯肥牛 小雖然係小份 但係份量都ok 而且好靚花紋 顏色都見到新鮮👍🏻 淥幾秒就食得 夠嫩 有牛味 算係唔錯嘅牛😆😆鴛鴦滑雙拼有墨魚滑同埋蝦滑 夠新鮮 彈牙 有誠意 同個湯底又夾 推薦👍🏻整體來講 都算唔錯😋😋

秋風起，又到咗食雞煲打邊爐既日子，見朋友屋企樓下既八妹幾多人就決定試下牛肉：肉質唔乾而且有肉味，退冰得幾好沒有雪藏味水尤：大大份而且爽口牛柏葉同樣份量十足，好似食極都有即炸響鈴：一上台已經熱辣辣開始即食脆卜卜，點一點雞煲汁好入味半隻雞煲：雞肉肉質滑，重點雞煲汁麻香十足，幾惹味，洋蔥煮煮下索曬味道又甜，如果雞量可以多少少就更加好叫咗個姐薯粉索曬汁好惹味黃帝菜：青綠無咩渣，幾新鮮值得一提既係店面既裝修幾有懷舊大排檔既感覺，幾有氣氛

呢間雞煲已經聽過無數朋友推介過🤤今日終於嚟止一止雞煲癮😆餐廳空間都幾大，而且設計都有啲懷舊感～我哋首先叫咗個秘製八妹雞煲 (半隻) ($168)🐔微辣嘅～呢個辣度對於男朋友嚟講啱啱好🤣啲雞都算幾多，開頭食嘅時候佢個汁係甜味偏重，食食吓辣味同雞煲嘅香濃味就出嚟，食得好過癮😋啲洋蔥都好好食！配料方面，一定唔少得牛嘅，今次試咗佢個手切肥牛 (小) ($208)🥩個樣已經非常靚仔😳食落口真係好正，肉質一啲都唔韌，仲要超重牛同油脂味！好耐冇試過打邊爐食到啲咁高質嘅肥牛😍去到最後直頭唔捨得食剩低嗰幾塊，慳住食😂男朋友打邊爐必食魚～所以叫咗脆肉鯇魚骨腩 ($73)🐟呢個價錢嚟講，份量都唔少，而且啲魚肉真係好脆，好好食👍🏻又另一樣打邊爐必食，就係即炸響鈴 ($48)喇～佢真係好大舊🤣好有口感，都炸得好脆！另外亦都叫咗個三拼 ($58) 平衡一吓油膩感😚有萵荀、鮮淮山同蘿蔔片～三樣都係我鍾意嘅蔬菜類，好新鮮好爽口🤤打邊爐就一定要叫嘢飲啦～呢度啲嘢飲真係超級大杯😂叫咗凍檸柑桔同凍冬瓜茶 ($35)🍹兩杯都好解渴，好抵飲👍🏻每人會收$12醬料費，出面嘅醬料齊全，個麻辣醬好正😆整體嚟講，雞煲味道唔錯，配料亦好

舖頭裝潢好有特色係懷舊嘅香港風味有啲霓虹燈招牌係舖頭入邊以懷舊港式冰室嘅風格去打邊爐.藥膳花雕醉雞煲 一隻$258呢個價錢有成隻雞唔算貴湯料亦都好充足 有無數粒紅棗杞子酒味亦都好香濃 湯底可以直接拎嚟飲🙈另外仲叫咗個花膠$89 一共有五片 每片都好似手掌咁大塊而且仲有啲厚度 呢個價錢呢個質素可以話合理.另外仲叫咗好幾個配菜包括芋頭 $33分量好多有成10幾條口感實淨 唔粉 充滿芋頭味八妹拼盤 $82有好多樣配菜夾埋一齊可以一次過滿足晒八個願望芝士小籠包 $55喺第二啲地方冇食過出邊係普通丸咁入邊呢就係芝士不過芝士味唔算好香濃 竹笙 $68估唔到咁大兜份量有啲驚人而且條條都好大條.雖然樣樣配菜單點價錢都有啲貴但最後埋單四個人total $1100又可以接受同埋冷氣有啲凍大家記住着多件衫

最近天氣開始轉涼，最適合就係打邊爐。嚟到大埔呢間八妹雞煲火鍋，想清清淡淡打個邊爐，所以就冇食到雞煲。要咗鴛鴦湯底，一個係清湯一個係番茄湯，兩個湯底入邊嘅材料都非常多，絕對唔馬虎。清湯入邊有大白菜豆腐菇菌，而蕃茄湯亦都非常濃郁，入邊有好多蕃茄仲有薯仔同埋粟米，估唔到佢湯底入邊有咁多材料，搞到叫咗啲嘢食都差啲食唔晒。配菜方便，叫咗五花腩片，鯇魚片，滑雞，竹笙，什餃，金菇，西洋菜。特別想推介嘅係佢嘅雲吞，大大粒，而且調味非常好，入邊都有好大隻鮮蝦，就咁食唔使點豉油已經超好味。另外仲有花生同埋粟米脆筒作為小食。

再三回味雞煲之夜😘😘😘前幾日終於放假入咗大埔踩單車，順便同朋友一齊食雞煲。之前朋友都成日話超級好食，叫我一定要試所以我非常期待🤩🤩雖然嗰日係平日但係估唔到7:00開始已經爆場！建議如果大家真係多人去嘅話一定要book枱🤓秘製八妹雞煲半隻 雞煲一上枱已經超級香，完全唔似平時食開嘅味道！而且每件雞都有醬汁包住😋望落好Juicy! 而且每件雞都好大件，份量亦好多😎夾埋啲雞煲醬真係越食越惹味😜手切肥牛(大) 身為牛魔王嘅我梗係唔會放過牛肉🤪望落去好細啲點知原來有好多層🤣最後仲食唔晒要打包拎走😂啲牛超級香！又唔會太肥，下次會再叫！蟹子墨魚滑墨魚滑冇令我失望非常之鮮甜而且爽口食雞煲點會少得索味三寶🥰炸魚皮、稻庭烏冬同萵筍

近排秋風起，朝早同夜晚都開始涼，心思思想打邊爐，朋友知我未食過雞煲，就帶我去試試大埔我地2個都近，而且見OpenRice 都有唔少好評，就揀咗八妹～ 太和火車站行過去大概10分鐘就到，勁大個招牌好易揾老實講我第一次食雞煲真係唔識落order一時又雞煲又火鍋湯底，好彩店員都細心解釋，佢地雞煲同邊爐用同一個煲，即使叫咗火鍋湯底都係加入同一個煲到，叫咗雞煲先，如有需要再揀火鍋湯底同配料 咁一場黎到我地當然2樣都試吓啦！我地首先叫咗個微辣花膠雞煲（半隻雞），上到枱先知足料！花膠好厚好大件，有一個手掌大，一個煲有6-7件，正！雞唔會斬得好碎，夠入味平時媽媽整花膠都會被我嫌棄，因為好韌又腥腥地，但八妹嘅花膠係腍中帶爽，一啲都唔腥，我依家先知自己原來係食到花膠食到咁上下我地就叫火鍋料，有羊肉、手切肥牛、水魷、墨魚滑、蝦滑、蔬菜籃、淮山、萵筍、白蘿蔔。手切肥牛新鮮較爽口，但個人中意羊肉多啲～蔬菜籃、淮山、萵筍、白蘿蔔、蝦滑都推薦！除咗食材新鮮同靚仔，呢啲入嚟打邊爐真係一流，好快就入味蝦滑食落好鮮同彈牙，比起墨魚滑多咗陣鮮味。我一直以為枱面上呢個係檸檬薏米水，爭啲問店員攞杯，原來呢個就係邊爐湯底，真係見