八居酒屋 (旺角新城)

營業中

休息中

今日食左好多款食物，真係見到個女個肚腩仔都出埋黎。爽…………職員服務態度好好呀掛住食有啲都無影相添，必點：仙台牛舌、鱈魚棒、蟹子沙律、油甘魚鮫⋯⋯今日仲試左幾款酒黎飲，有金箔嘅清酒。掛住飲都無影相😂😂今日試左兩款生蠔🦪真係唔駛點其他野落少少檸檬汁就已足夠。最後黎一杯麥茶，好香，好鐘意麥茶嘅香味。都食左好多款壽司，太搶手，掛住食唔記得影相。。。。。。一班人食下，飲下，傾下真係好開心😀小朋友一齊玩，大朋友一齊吹水。真係正

今日約咗朋友收工喺旺角等，一齊食餐飯，因為收工時間都晏，最終搵到依間收凌晨三點嘅居酒屋，就決定食呢間試吓叫咗份金菇肥牛卷本身以為金菇肥牛卷係一串串結果上嚟係一碟有八舊勁好食五花肉串免治雞肉棒仲嗌咗我鍾意食嘅羊架同埋一個壽喜燒壽喜燒入面份量好多，有牛肉有豆腐又有菇，超正飲品我叫咗伏特加high ball白桃本身以為會好重酒味，但完全唔會所有食物都好食，以我哋兩個女仔食完全夠晒食到好飽，好滿足，人又唔算話好多，好適合我哋傾吓計

收工十一點鐘出到嚟旺角都唔知食乜好睇到呢間居酒屋收凌晨三點上嚟試下有宵夜套餐都唔貴嗌咗個壽司定食$138同埋招牌菜仙台牛舌$168日本生蠔做緊半價$34蜜瓜乳酸梳打$35好飽、好食、價錢唔貴

#深夜飯堂 #下次再來 #旺角美食 #居酒屋 #日本菜 同女朋友放假睇完戲行街見到，咁岩肚餓，有少少難搵，原來就係創興對面，搭扶手電梯上。但得1臺客，嚇親，但已經好夜，都好正常正題-有半價生蠔，半價仙台牛舌，當然要oder，另外叫咗個壽喜燒鍋同少許刺身，串燒，店員推薦自家製清酒。咁就試下啦不得了，個仙台牛舌配距支清酒，好掂🤩仲有d刺身好新鮮，好味到唔記得影相，而且靜靜地超適合同女朋友傾計，個店員很nice，最後仲有雪糕送，飯後甜點，正 下次一定再來

本身經網上預訂食晚餐，入店前有改預約時間去拎個openrice優惠（單品82折），睇下有冇機會用到，但感覺店員全程極不友善且態度差劣。本身店鋪要求要每人單點一杯正價野飲先有優惠，呢樣野係店鋪規則冇問題既。但當問店員拎茶時，店員很不客氣咁講「你地要叫正價野飲先有折扣架喎」。入店溝通時店員已經講左唔至一次呢樣野，都已同店員講過幾次係知道既，唔係好明點解要再三提示。而最後我地係冇選擇去拎呢個優惠既，因為食物質素欠佳，唔會想再點多d野。叫左個壽司盛（8貫178），出黎壽司係暖既，三文魚唔新鮮，呢個價錢去任何一間大型連鎖壽司店都唔止呢個份量同質素。到埋單時店員收錢，由同佢講簽卡到簽完卡為止，係冇一聲多謝，咩都冇講就走左去。從來冇見到有日式居酒屋咁冇禮貌，差過樓下茶記。絕對冇下次，極度不推薦。

酒屋嘅佈局充滿日本嘅氣息，環境舒適，好適合傾計，服務態度又好三文魚牛油果沙律$78好大份沙律，種類又多，三文魚肥美，蟹籽好彈牙，牛油果蕃茄沙律菜都好新鮮，沙律汁酸酸酸酸甜甜夠晒開胃牛肉壽喜燒鍋$128薄薄地幾塊極上牛，略有脂肪香味，配上濃郁嘅壽喜燒湯底，甜得黎又帶有鹹味，連埋雞蛋豆腐大蔥金菇冬菇娃娃菜粉絲都索晒啲味，認真惹味金龍卷$75彈牙嘅蟹籽同新鮮既牛油果鋪面，中間夾雜着爽口既炸蝦，炸粉薄得來又酥脆，好滿足海膽炒飯$148蟹籽份量幾多，帶有炒蛋既炒飯粒粒分明又軟熟，配埋甜甜地嘅海膽撈埋一齊入口，幸福感提升柚子酒$48香印提子酒$48兩杯飲品都有農曆濃烈嘅酒味，又帶有清新嘅水果香味總括，食物好食，又難得旺角鬧市入邊有一個咁寧靜嘅環境，仲要價錢相宜，性價比高，會encore

開放時間方便，營業至午夜，今次最正既係2小時Free Flow Sake，店員無阻止我地飲，仲介紹3款唔同嘅Sake 比我地按次序試，3種不同辛度，個人最有金箔的那一支，基本上同朋友一個最少5支細sake。食物方面都好食，自己大愛三文魚牛油果芝士卷，同明太子玉子燒，用來送酒的確不錯，至於壽喜燒就比較普通，味道是可以的，但牛肉不夠軟滑。至終餐廳環境方面，可能是平日比較晏，用餐客人人數不多，很好的環境可以跟朋友聊天暢飲。以上為自費真實食評

喺旺角行完街要揾好野食😀😀行到旺角新城樓下見到有姐姐派傳單，過去八卦一下就留意到呢間位於旺角新城5樓既八居酒屋，仲有午市套餐優惠😆 非常抵食！我地搭𨋢上到去，好彩平日黎到，唔洗等位😀😀服務員好有禮貌，上菜速度好快！ 我同朋友揀咗窗口🪟坐，靜靜地食個午餐🍱我地叫咗兩客午市套餐，分別係海膽三色丼和和風汁燒牛肉便當。海膽三色丼- 刺身新鮮！ 和風汁燒牛肉便當呢度性價比高，服務質素又好，可以多多幫襯🥳🥳八居酒屋 (旺角新城) (旺角)旺角彌敦道594-596號旺角新城5樓

牛肉壽喜燒鍋用上咗極上嘅牛肉，每片牛肉都切得薄薄地，色澤鮮紅，煮完之後入口即溶。湯底用上咗傳統嘅日式醬油、清酒同砂糖，味道甜中帶鹹，非常濃郁。加上啲蔬菜同豆腐一齊煮，味道更加豐富。🍲🍲仙台厚燒牛舌呢度嘅牛舌真係特別厚切，果然係餐廳主打嘅招牌菜式，煎得外脆內嫩，咬落去口感非常彈牙，同時仲保留住啲肉汁。牛舌嘅味道好濃郁，絕對唔可以錯過。👅👅金目鯛刺身呢度嘅金目鯛刺身非常新鮮，每片魚肉都晶瑩剔透，油脂分佈均勻。入口即溶嘅感覺真係一流，魚肉嘅甜味同油脂嘅香味完美結合，真係食得出廚師嘅功夫同心思。🐟🐟三文魚刺身呢度嘅三文魚刺身同樣非常新鮮，每片都切得厚薄適中，油脂豐富，配埋少少醬油同芥末，更加突出三文魚嘅鮮味。🍣🍣

幾好食嘅魚生飯，嗰日去到應都幾好招呼同埋客嘅數目唔算多，所以食嘅時候都可以好安靜咁同朋友吹水 又唔會趕住要人離場 最後埋單一百幾都算合理價錢 如果路過旺角唔想食放題嘅話可以一試

每次經過信和附近都會見到呢幢大廈有唔少餐廳，咁啱想食日本嘢就揀咗呢間八居酒屋🏮上到去見到裝修都係偏向家庭式，中午都有唔少定食選擇，亦都可以加配其他小食或者刺身😆我哋揀咗兩個定食，分別係：🍜清湯牛肉稻庭烏冬配雙色炸蝦卷呢度嘅雙色炸蝦卷就係芝士同埋牛油果兩款，炸蝦嘅炸粉唔會過厚，味道唔錯～雖然望落去兩份都係比較細份，但一個女仔食落都夠飽😚男仔就可能要加配多少少嘢食啦🐟銀鱈魚西京燒定食餐廳將銀鱈魚煎到外脆內軟，而且呢款魚比較少骨，基本上啖啖肉😋表面裝飾嗰條粉紅色嘅蔥我哋都試咗少少🤣應該係用醋醃製過嘅，味道都幾酸下🙈前菜已經包括咗麵豉湯同埋日式蒸蛋，另外我哋都加配咗一個忌廉蟹肉薯餅，一共有兩小件，同樣炸到外脆內軟，雖然唔係太覺得有蟹肉🤣不過整體味道都唔錯啦

八居酒屋 (旺角新城)📍旺角彌敦道594-596號旺角新城5樓今日係旺角收工想同同事去間餐廳食下嘢傾下計，openrice 一search就見到有間樓上居酒屋，就決定去試下啦～餐廳係用QR CODE落單，食物種類都算多，有沙律、鍋物、壽司、丼飯、小食、串燒等等……一坐低店員就會主動向客人推薦的食物👍態度好好，好有禮貌👍泡菜豚肉鍋 $128🍲豚肉好大片，帶點肥肉但唔會覺得油膩，豚肉鍋上枱時已經熟曬，唔使驚會整唔熟，粉絲索曬泡菜湯嘅味道非常入味。鍋中仲有菜、冬菇、豆腐、蘿蔔、金菇，都幾足料👍推薦指數：8/10火炙三文魚脆脆卷 $78 （6件）🍣三文魚好厚切，加埋脆脆落壽司度令到成件事好有層次👍好特別🥰推薦指數：8.5/10自家製玉子小卷 $24（6件）🥚自家製嘅玉子甜甜地，一啖一件，好快就食曬😆推薦指數：8/10火灸三色丼 $98丼飯分別有三文魚、左口魚裙邊同埋鰻魚，每樣都大約有2片，三種魚都非常之肥美，全部魚都有輕輕火炙過，令到魚嘅油香散發出嚟，非常好食😆推薦指數：8.5/10白桃乳酸梳打梳打大大杯，白桃味啱啱好唔會太甜👍好適合一邊食壽司一邊飲🍑🍹推薦指數：8.5/10整體黎講，八居酒屋

呢間餐廳睇完openrice 食評 就係Openrice 訂枱 因為想睇下係咪cp值咁高呢 食完真心推薦啊佢地4月做緊128 兩小時任飲松竹梅清酒 啤酒果酒 果汁 我地都想假日chill 下 就決定嘗試 實在太多款 真係花多眼亂 我地叫左嵐山 清清地 幾易入口 又嘗試桃汁 真係一d都5假桃味 值得嘗試 10點後98 tim 不妨去嘗試食得太多不能盡錄 三個人食左咁多 所以大家量力而為啊講食物先呢個一卷既魚 有驚喜 之前係第間食過 魚油太漏 但食呢個又5覺太漏 正常發揮好creamy 不爽口 睇你中意咩口感雞皮餃子 樣5太令 但味道好白色薄切魚 好好口感 紅色皮魚 味道更重 有驚喜 不妨試牛舌必食 爽口又好嫩呢個牛旁 調味好夾 推薦

樓下成日有姐姐派傳單，通常都快快腳行過，會miss左旺角新城，其實樓上都有好多野食！今日就同朋友食左e間日本居酒屋，裝修同佈置都有用心設計，門口既餐單已經有多款清酒供應，不愧係愛喝酒人士既好去處。同時餐廳仲做緊2小時無限飲既優惠，都幾抵。日式芝士年糕芝士好濃郁，口感都Q彈，鍾意芝士既你就唔好錯過！黎到居酒居，當然要試下啲串燒喇！我地叫左七味雞軟骨、鹽燒雞皮串、鹽燒雞翼串及汁燒日本魷魚串，當中魷魚串推薦👍🏽👍🏽個汁好食，份量恰當，口感豐富！另外仲叫左鹽燒鯖魚，肉質都嫩滑，而且都大條既，兩個人食岩岩好。牛肉壽喜燒鍋牛肉既份量都好多，雖然e個價錢做唔到入口即溶，但起碼份量都好足，食落都幾有口感。入面既粉絲索曬壽喜燒既汁甜甜地好好食可惜我最鍾意既味淋魚乾最後先上，雖然份量都係好足，味道亦好好，可惜我地已經飽飽地🥹對於想要放鬆飲酒食好西既人來講，e度絕對是一個值得一試既地方。

今次朋友帶我去旺角新城5樓吃日本居酒屋「八居酒屋」，餐廳不太大，日式家庭風裝潢，以QR code落單，食物種類多，有鍋物、刺身、壽司拼盤、小食、沙律、串燒等，飲品有酒精及無酒精清酒，滿適合一班人黎聚餐。時令海膽三色丼 $158比我想像中細碗，但刺身份量算多。有吞拿魚蓉、海膽、三文魚籽和青瓜，刺身算新鮮，海膽帶有啖啖的海水鮮味，不腥。三文魚籽味道又鹹又甜，帶有海味。牛肉壽喜燒鍋 $128湯底清甜，牛肉份量多，而配料有菜、金菇、粉絲等。三文魚腩壽司（2貫）$32三文魚壽司（2貫）$24三文魚腩和三文魚一樣岀色，厚切得黎非常有咬口，又新鮮。原條穴子壽司 $22果然係原條穴子，真係非常大條。