八座小食 (已易手) 新餐廳

之前在fb見到九龍灣得寶新開佐個兒童遊樂場，今天有空過來睇睇. 這商場好有特色，行入點還有一個類似美食廣場的地方，行了一圈眼見有漢堡包，懷舊小食，麻辣粉面，焗飯，撈公仔面，串燒，台式飲品等. 懷舊小食的牛雜阿姐係咁話佢d牛雜好食，無添加色素，於是叫佐碗細碗的，還有4條腸粉和出面未食過的紫薯雞蛋仔.

試左3樣野食, 牛什 + 腸粉 + 臭豆腐牛什 - 只係好入味, 件件都厚切, 吸曬汁又吸味, 一D都唔會韌! 超正!!腸粉 - 腸粉硬, 麻醬好稀, 雖然$10/4條都唔算貴, 真係唔好食!臭豆腐 - 聞落好香, 食落立即扣分, 豆腐硬身, 一D都唔鬆化, 甜醬唔夠杰身. 同旺角比真係好差!

平時很喜歡吃牛雜和碗仔翅於是和老公點了細碗五香牛雜和鴨肉湯底碗仔翅share牛雜味道很淡很乾身有點失望幸沒有騷味鴨肉湯底碗仔翅不太習慣那湯底的味道芡太厚但整體不會太重味精味&太鹹用料也算多碗仔翅的味道比牛雜好丁點吧

位於得寶商場內嘅牛下新邨有好多懷舊嘅裝飾，行下影下相，確系吾錯📸隱隱若若感受到牛下嘅影子入到去梗系想食返牛下 回憶的味道 👣所以揀左呢間，賣嘅系小販小食，沙爹魚蛋吾夠彈牙，沙爹汁味淡，感覺失望😪牛雜比較好，吾就好腥又夠入味！推介蘿白同牛肚都幾好食☺️

夜晚唔太餓，想食少少野經過牛下新城，就去個food court試下因為只想食少少，就來左呢度，貪佢多小食揀又道地。叫左魚蛋同碗仔翅魚蛋好細粒但好在個醬好味都算係咁啦d魚肉份量好多。。。。。。但係由個顏色、口感同味道來講。。。。。er。。。。幾令人失望因為好明顯係溝左粉，唔係百份百鯪魚肉來個翅味道唔錯，其他配料都算係足料。。。如果下次食我唔會叫溝魚肉雖然都有鯪魚肉，但感覺假左d。。。

牛頭角下邨拆卸重建，附近商場以牛下懷舊主題打造商場，除咗有小店外，更組成懷舊小食FOOD COURT，名為得米小食檔，當中有各式小店，主要售賣街頭小食，重拾舊日牛下風釆。 五香牛雜(細)$20牛雜用舊式明爐一路煮一路賣，離遠都聞到八角等香料味，突然間好肚餓，牛雜除咗湯底夠味，亦炆得夠時間入晒味，腍滑有嚼口，直頭係以前牛下牛雜麵嘅味道，將小小一碗歷史同回憶，食落肚記入心，意猶未盡，再試另一樣「賣飛佛」 腸粉$10/4條最簡單嘅街頭小食，好味與否，視乎一點點細節。先用一小匙豬油均勻搽滿臘紙，一定要係豬油，先會有獨一無二嘅油香，再準備稀釋嘅麻醬、豉油同大量芝麻灑上面，我喜歡加埋甜醬，試第一件，就知跟足上述舊式做法，淡口無味嘅腸粉係媒介，揉合醬料配料成為整體，入口甜鹹芝麻香一齊爆發，就係腸粉令人夢縈魂牽嘅魔力。樂見商人將食肆加人本土原素，社區除咗要更新，亦不應忽略保留特色，食嘢除咗要好味，亦好應該保留人情味。

以前食牛雜，最開心是一次過食到好多不知名的美味內臟。不過今時今日，就算去不同食店買牛雜，來來去去只會食到熟口熟面的那幾款指定內臟，店家好像合謀供貨似的，有時甚至連牛腸都離奇無影。若然想食牛軟骨，更是難上加難，有店主原來是不賣牛軟骨，真的非常失望。久而久之，已習慣食牛雜不會見骨。帶住無期望的心去八座小食買廿蚊牛雜，結果嚇到眼凸凸，因為竟然見到失蹤多時牛軟骨，及其他只在小時候見過的牛雜款式。專責處理牛雜的嬸嬸，細心地將各式牛雜剪成細件放入發泡膠碗，然後加上牛雜汁，客人可自行摻雜甜醬和芥辣。兩款醬汁都頗稀身，甜醬出奇地很不甜，一點也不像甜醬。急不及待坐下來開餐，見牛雜的顏色與坊間明顯較淺，而且款式亦雜很多。汁頭沒有濃烈香料味，牛雜煮得稔身，白蘿蔔亦入味，牛肚沒淪為橡膠，牛軟骨爽脆可口，食得開心。可惜數件下肚，變得口渴，味精落得略為重手。重口味情況亦出現於生菜魚肉，湯底很鹹喔，飲了一口後決定放棄，只好飛湯食渣。

天公要落雨，香港要發展，社會進步，破舊立新無可厚非。從前無咁多大型商場同連鎖食肆，街頭巷尾各式食品百花齊放，飽肚之餘亦係兒時最期待跟大人出街嘅節目，好似自助餐咁遊走於各式檔口小販，充滿歡笑熱情。時移世易，地區食肆被評為衛生欠佳，或者難得大雅之堂，隨住重建發展，所有屋邨都被一式一樣連鎖店進駐，整齊清潔但刻板乏味。難怪近年興起集體回憶，緬懷舊日生氣勃勃嘅香港。 牛頭角下邨拆卸重建，附近商場以牛下懷舊主題打造商場，除咗有小店外，更組成懷舊小食FOOD COURT，名為得米小食檔，當中有各式小店，主要售賣街頭小食，重拾舊日牛下風釆。 五香牛雜(細)$20牛雜用舊式明爐一路煮一路賣，離遠都聞到八角等香料味，突然間好肚餓，牛雜除咗湯底夠味，亦炆得夠時間入晒味，腍滑有嚼口，直頭係以前牛下牛雜麵嘅味道，將小小一碗歷史同回憶，食落肚記入心，意猶未盡，再試另一樣「賣飛佛」 腸粉$10/4條最簡單嘅街頭小食，好味與否，視乎一點點細節。先用一小匙豬油均勻搽滿臘紙，一定要係豬油，先會有獨一無二嘅油香，再準備稀釋嘅麻醬、豉油同大量芝麻灑上面，我喜歡加埋甜

Went to TBG mall to have a look at stalls imitating the past.There were not many old stalls so it was quite disappointing, quite a few were Taiwanese stalls and there was a burger joint.Anyway, the beef offal didn't look attractive because the offal was pale but decided to get it anyway as I was already there.As expected, the offal was not as tasty as the ones I have tried elsewhere because the broth wasn't concentrated.

九龍灣晚上十點還在營業的餐廳不多，因此這間food court小店的出現實在窩心試過紫薯雞蛋仔，美味得感動，真材實料地吃到一粒粒紫薯。另一天再試了原味雞蛋仔，相比下薄身但口感還是令人讚賞！

繼續講得寶商場美食城。除左Burger B之外，我仲試左另一間店。八座主打地道街頭小食：腸粉、燒賣、碗仔翅、雞蛋仔等等，種類都幾多，但最吸引我係已經好少有機會食的臭豆腐同牛雜。以前仲有街邊小販檔的時候，我都幾鍾意買臭豆腐食，其實一d都唔臭，又可以加我喜愛的甜醬。八座的臭豆腐（$10）外形呈長方形，同平時見到的四方形唔同。外皮亦唔係酥脆口感，比較實淨。味道剛好，唔會好濃烈，幾香，加埋甜醬真係冇得頂。牛雜（小$20）每樣有兩三件，唔算好入味，最好係牛腸同蘿蔔，但我最鍾意的牛肚就唔夠腍。一個地方仲有多款街邊小食供應，又算乾淨（我估），都值得一試嘅，總好過要等到新年先有得掃街吖嘛。值得去指數：

德寶商場近依一兩年多咗不同食肆，最新鮮熱辣就係今年開張無耐嘅「牛下新城 - 得米美食檔」，位於九龍灣 TBG Mall 得寶商場內。 裝潢滿有懷舊色彩其實整個美食檔即係FOOD COURT,暫時仲新，所以好多人好似我咁嚟趁熱鬧，要坐底食暫時要捃定位先好去買野食，否則好似我咁，一個人就要買外賣拎走返屋企坐底食喇。 晚上大約七點半 Burger B 今晚本來去新開張無耐嘅<牛下新城>食Burger B, 但7點幾是日食物全部沽清，勁！ 最後就去回味牛下舊日小食～牛雜、魚旦、兩溝。 負責牛雜果位大姐好慢吞吞，極唔似一般熟手嘅牛技佬！ （牛雜有三個份量：1串$12，細碗$20，大碗$30）牛雜無乜內臟嘅腥味，但滷水並不見得有滷水香⋯牛膀、條粉腸仔好味，牛肚、草腸得一小片，肺就⋯ （魚旦7蚊串）完全唔彈牙又唔煙韌，全是死實⋯ 汁係即時淋上魚旦上，魚旦之前並沒有被醬汁預先浸著⋯只係在透明熱水內浸浴⋯唯一讚係個沙爹汁！   果碗兩溝（叫鴨湯底魚肉翅$25）我真係唔識欣賞⋯ 魚肉好像吃實嘣嘣粉糰⋯ 個翅底好似咸豉油生粉水⋯如果鍾意咸豉油當水飲嘅應該覺得無問題嘅⋯ ；這刻我想食車

- 臭豆腐 $10 -幾好食 對我黎講夠臭好正落d甜醬好match- 鴨肉湯底碗仔翅 $20 -完全無鴨肉味，太咸，性價比唔好- 沙嗲魚蛋 $7 -隻魚蛋幾特別同平時食嘅唔同，個醬都幾好味

5:30到呢個新商場新food court. 等緊食人氣漢堡，來隔鄰「掃街」，見有經典臭豆付，即試，N年冇食過，MK那臭豆付執左就冇得食好耐。臭豆付係長方體，可以炸得更均勻，皮炸到堅脆香口，加了豆瓣醬及甜醬，超惹味。美中不足係用紙袋太快穿，用紙杯或紙盆會更方便。$1O一件貴左小小試埋沙爹魚旦，魚旦有別一般炸魚旦或白魚旦，口感似迷李牛丸夾雜豬肉丸，幾特別，size係比麥提沙朱古力再細一半! 好似吾係好抵食。有超多醬汁選擇，其中沙爹醬堅特別勁惹味真好食，沙爹味中食到有D似鯷魚味或魚露及印尼魷魚味，又有小小蜜糖味，好似甜酸咸辣味到有，味道層次複雜豐富，又真心好味特別的醬汁。

得寶開左牛下新城, 一行兩人去乜都叫啲試下黎到間間都想試下, 小食一定走唔甩試業始終唔多人但伙記們都未熟手, 係要時間去熟習嘅, 雖然如此但食物質素都唔差牛肉球($10/3粒)加埋喼汁, 咬落鬆軟, 及格牛下臭豆腐($10/件)魚肉燒賣($7/5粒)腸粉($10/4條)臭豆腐外層鬆脆, 內裡軟滑, 成件唔易散, 加埋醬一流燒賣叫做夠軟熟, 成粒都好易食落口腸粉食落滑口, 不過有得揀最好唔好溝醬, 味道有啲怪