影片
更多
2016-02-13
338 瀏覽
天公要落雨，香港要發展，社會進步，破舊立新無可厚非。從前無咁多大型商場同連鎖食肆，街頭巷尾各式食品百花齊放，飽肚之餘亦係兒時最期待跟大人出街嘅節目，好似自助餐咁遊走於各式檔口小販，充滿歡笑熱情。時移世易，地區食肆被評為衛生欠佳，或者難得大雅之堂，隨住重建發展，所有屋邨都被一式一樣連鎖店進駐，整齊清潔但刻板乏味。難怪近年興起集體回憶，緬懷舊日生氣勃勃嘅香港。 牛頭角下邨拆卸重建，附近商場以牛下懷舊主題打造商場，除咗有小店外，更組成懷舊小食FOOD COURT，名為得米小食檔，當中有各式小店，主要售賣街頭小食，重拾舊日牛下風釆。 五香牛雜(細)$20牛雜用舊式明爐一路煮一路賣，離遠都聞到八角等香料味，突然間好肚餓，牛雜除咗湯底夠味，亦炆得夠時間入晒味，腍滑有嚼口，直頭係以前牛下牛雜麵嘅味道，將小小一碗歷史同回憶，食落肚記入心，意猶未盡，再試另一樣「賣飛佛」 腸粉$10/4條最簡單嘅街頭小食，好味與否，視乎一點點細節。先用一小匙豬油均勻搽滿臘紙，一定要係豬油，先會有獨一無二嘅油香，再準備稀釋嘅麻醬、豉油同大量芝麻灑上面，我喜歡加埋甜
天公要落雨，香港要發展，社會進步，破舊立新無可厚非。從前無咁多大型商場同連鎖食肆，街頭巷尾各式食品百花齊放，飽肚之餘亦係兒時最期待跟大人出街嘅節目，好似自助餐咁遊走於各式檔口小販，充滿歡笑熱情。時移世易，地區食肆被評為衛生欠佳，或者難得大雅之堂，隨住重建發展，所有屋邨都被一式一樣連鎖店進駐，整齊清潔但刻板乏味。難怪近年興起集體回憶，緬懷舊日生氣勃勃嘅香港。
牛頭角下邨拆卸重建，附近商場以牛下懷舊主題打造商場，除咗有小店外，更組成懷舊小食FOOD COURT，名為得米小食檔，當中有各式小店，主要售賣街頭小食，重拾舊日牛下風釆。
五香牛雜(細)$20
牛雜用舊式明爐一路煮一路賣，離遠都聞到八角等香料味，突然間好肚餓，牛雜除咗湯底夠味，亦炆得夠時間入晒味，腍滑有嚼口，直頭係以前牛下牛雜麵嘅味道，將小小一碗歷史同回憶，食落肚記入心，意猶未盡，再試另一樣「賣飛佛」
腸粉$10/4條
最簡單嘅街頭小食，好味與否，視乎一點點細節。先用一小匙豬油均勻搽滿臘紙，一定要係豬油，先會有獨一無二嘅油香，再準備稀釋嘅麻醬、豉油同大量芝麻灑上面，我喜歡加埋甜醬，試第一件，就知跟足上述舊式做法，淡口無味嘅腸粉係媒介，揉合醬料配料成為整體，入口甜鹹芝麻香一齊爆發，就係腸粉令人夢縈魂牽嘅魔力。檔口排滿各式調味料，可以任意自行添加，保留昔日街頭傳統。
樂見商人將食肆加人本土原素，社區除咗要更新，亦不應忽略保留特色，食嘢除咗要好味，亦好應該保留人情味。
張貼
