八方雲集鍋貼水餃專門店

營業中

休息中

只顧外賣，堂食慢到死，個煱貼凍晒都未攪到個麵出黎，到手發覺個麵未煮散，一舊舊，服務態度差，間舖又多蚊飛黎飛去，枱又污穢，咪駛再想有下次幫親囉，衞生完全差過大排檔。

因為剛從台灣來香港而不太熟悉消費習慣，因為付現金被莫名其妙的兇，完全跟台灣的八方雲集天差地別，如果要吃台灣菜不建議過來商家態度極其惡劣態度非常差一點都不尊重消費者，而且是全店原集體兇消費者一點尊重都不給予，當客人表達態度可以好一點時還被告知：如有不滿你就報警啊怎麼了嗎？態度囂張又惡劣，如果想被兇的人可以來這間店消費不管食物好不好吃，店家的態度實在倒人胃口讓人不會想再來消費，從來沒見過態度那麼不好又自以為是的店家

今日去點左三個餐外賣，等左十五分鐘我第一次問店員有末，答整緊，之後有三個人左我後面下單等左一陣已經拎得離開，再過五分鐘又再次問，都係答整緊，在我之後下單的有五、六人已經買完走埋，真係好嬲，最後用左三十分鐘先有，我再用十分鐘時間回家，啲野食全部係凍架，除左個湯係暖，真係冇下次。

今日6點後叫左個12號餐麻醬椒香拌麵配咖哩水餃，同一個10號餐招牌鍋貼配麵線麻醬椒香拌麵真係完全得麻醬，啲麵又煮到勁淋。個麻醬仲衰過惠康買返嚟嗰啲，淡到乜咁勁難食。咖喱水餃 又係衰過你自己出邊買得個招牌鍋貼叫做好小小 ，但好唔過鍋貼大王無下次，真係唔明點解佢咁多人食

晚餐叫左個二人湯麵套餐，$129！外賣d麵會好細心甘分盒送黎，唔會浸到d麵淋曬酸辣湯麵好香，個湯唔會好辣，應該大部份人都接受到珍珠餛飩湯麵，依款要+$2，不過有成8粒珍珠餛飩，抵！個湯係紫菜湯黎，個麵要求轉左米粉，好味紅油珍珠餛飩有6粒，真係超好食，辣辣地，一啖一粒！韮菜鍋貼因為係外賣，所以d皮都無可奈何地焗淋左啦，食鍋貼都真係要堂食先最正，但味道都係好食既珍珠奶茶就過得去啦，野飲方面都唔會有好大期望！話曬對比起出面其他野飲舖，價錢平成一半！我跟餐飲，仲唔洗另外加錢添 真係算係甘啦

宵夜叫左10號麵線套餐食，加左$6飲百香果雙Q綠茶！依個餐份量其實唔多，做宵夜少少地岩岩好有5隻招牌水餃，好好味，咬落有汁，韭菜好香，係我鐘意食既多菜少肉！麵線都好食，外賣返到屋企d麵線都唔會淋晒，豬腸夠曬入味，但如果麵線份量可以再多番少少就更加好啦野飲加錢飲百香果雙Q綠茶，過份甜！因為叫左少甜都仲係勁甜珍珠同椰果份量好多，珍珠夠彈牙有咬口！唔知係咪因為已經夜，就快關門無咩客人，所以出餐時間幾快！

招牌鍋貼，下午茶餐水準同其他的八方雲集差不遠，皮是煎到金黃色的，餡兒也是飽滿的，呢個價係ok la.可是拿醬料要走出去醬料台，有點唔方面。但店唔算大，不用走很遠就攞到。店舖內的光線總覺得有點不足，可能用左較暗的牆身。服務方面，總覺老闆的態度有點兇，而且對客人（其他客）有點囂張，有待改善.

女友今晚凌晨去坐飛機，送佢返屋企前要食個快晚餐，就揀左樓下既八方雲集。本來想食面線，諗起個湯好重味精，驚出發前唔舒服，都係食清淡d，要個水餃湯面餐，再加個鍋貼餐。估唔到個面湯唔太多味精，食晒成個都無口渴，上海面同水餃都有同個湯一齊煮過，索左好多清甜既湯汁。水餃咬開仲會少少爆汁，個餐仲有5個水餃分開上，入面無面湯，味道差一d。個面係中等粗幼既上海面，有好濃既米香，煙紉爽口，無煮得太淋。因為之前對八方既牛肉面同大腸面線印象麻麻，呢個水餃面令我另眼相看。韮菜鍋貼就同之前一樣好味。珍珠奶茶過得去啦，珍珠唔大唔煙紉，奶味茶味偏淡，好彩冰落得唔多，又真係有少甜。酸梅湯就甜到漏，仲無得少甜，下次唔叫啦。

又到左食午餐嘅時間，由於唔想食太飽所以飯就唔係我嘅選擇之列。咁啱行經八方雲集水餃鍋貼專門店，於是就買一碗麵當午餐算啦八方雲集鍋貼水餃店嘅選擇唔算多，大致上就係鍋貼同埋餃子，而且兩者嘅味道亦都係只有四款選擇。由於我唔想太dry，淨係食鍋貼或者係水餃，於是我就選擇左購買一碗珍珠雲吞麵雲吞同埋麵放喺一個盒，湯係另上，呢一點我係欣賞嘅，因為如果麵同埋雲吞長時間浸喺湯裏面會改變左佢地嘅質感。打開碗湯，見到有啲紫菜同埋有幾條生菜喺裡面，生菜嘅顏色好沉，比我嘅感覺就好似賣剩嘅菜頭菜尾，有d倒胃珍珠雲吞有八粒，細細粒嘅，可以一口一粒，但係味道就只能夠談得上係合格，唔係特別美味；麵條嘅質素都係屬於合格水平，唔會話煮得過林，亦唔係話十分彈牙，好就好在佢啲麵條都好完整，唔會俾麵碎你價錢方面屬於貼地價，係合理嘅