八方雲集鍋貼水餃專門店

營業中

休息中

店員有禮，價廉物美。餐廳內有不同套餐選擇，不過餃子口味比較單一，食得多可能會厭惡，但係飲品就有好多唔同選擇，對小朋友嚟講珍珠奶茶非常吸引，不過堂食全部使用外賣餐具，比較不環保。

台式新滋味湯餃套餐6隻自選湯餃+ 麻辣皮蛋小食+ 酸梅湯43蚊好抵食有營麵線A餐份量足料麵線+自選餃子+生菜+豆漿53蚊食到 捧住個肚走選擇了韭菜煎餃外層香脆韭菜味濃郁再配一口麵線中和味道好夾另一款湯餃選擇了韓式辣味水餃泡菜湯餃咬開之後泡菜汁 必曬出嚟小小辣辣地 好開胃酸梅湯酸酸甜甜好好飲 豆漿爭少少 嫌唔夠滑口

好耐好耐冇食八方啦，今日食左10隻招牌豬肉鍋貼，另外加多杯黑糖珍珠鮮奶。由於係外賣，鍋貼嚟到嗰陣已經出晒倒汗水，已經唔再send出去，但好彩加埋醋同辣醬味道都唔錯，肉餡有少少肥豬肉，如果冇就好。杯黑糖珍珠好驚喜呀，珍珠好煙韌，黑糖加奶又香又滑，估佢唔到咁好飲。

一向呢間野外賣都要等幾耐下，但之前食物質素都正正常常，所以可接受。但最近d鍋貼愈來愈燶，今次仲燶到咁，燶到好似我屋企個鑊咁...食落去好似食緊薯片咁，脆卜卜，真係忍唔到，食左一淡就頂唔順，要上嚟比個差評先得😓希望呢間分店可以改善下

社會活動越來越激烈！好久沒有出外吃晚餐了！怕地鐵提早收車，回家不方便！！自家煮，十 一 公眾假期，朝早跑到 Aeon Supermarket買餸菜，逛着、逛着，什麼都想買！買了滿滿的２大籃！在收銀台後面，有家「八方雲集」 我和我姊決定去吃個簡單午餐！點了２個招牌套餐，share 吃：#招牌鍋貼，１份有10隻，即點即煎，皮脆，餡juicy，大愛！#招牌水餃，也是１份10隻，口味比鍋貼清淡，加點辣醬和醬油，好吃！#凍豆漿，配鍋貼/餃子都很合拍！２個招牌套餐定價都是38元，好吃！抵吃！給個大大的讚！！

夜晚「懶人症」發作，唔想落街又唔想自己煮，而且突然想食台灣野，於是用App叫外賣～等左大概40分鐘就有飯食啦！！叫左一個麵線套餐，包括5隻鍋貼/水餃、泡菜，大腸麵線同珍珠奶茶，咁多樣野加埋只係$55，真係非常抵！！泡菜一般貨色，味道可接受，但略嫌唔夠辣講講鍋貼先，今次叫左「招牌鍋貼」，由於外賣關係，送到黎的確凍左，都係堂食會較好～但大腸麵線就好正，仲係熱辣辣，份量足料～而珍珠奶茶，茶底就好一般，比較淡，但珍珠都幾煙韌，唔錯唔錯

等個鍋貼等半個鐘，遲嚟嘅仲快過我地。我叫紅油抄手，佢比和風我，我拎返出去同佢講，個姐仔駁返我：你寫住紅油㗎咁依碗就係紅油抄手。但個味同個色係完全唔一樣！好明顯係和風！我想講：我寫紅油唔代表你會出返紅油比我。咁我寫我有錢都唔一定有錢啦！態度仲要勁差!!!!!

之前sport day同同學黎過一次 今次自己一個黎👻讚：韭菜餃幾好食 但未去到爆汁嘅lv 酸辣湯ok好飲彈：好熱🥵可能我坐喺門口位無冷氣 食到最後流哂汗Overall:其實價錢偏貴 希望可以開大d冷氣🤗

放咗工又懶得返去煮飯，就諗住係出面簡簡單單食餐飯。經過八方雲集，屈指一算，都有差唔多五年無食過，對佢既印象麻麻地，但突然想食碗麵線，所以俾多次機會佢睇下咁多年有無改變。最主要想食既台灣麵線， 一上枱就見到佢幾足料，麵上面有豬腸，貢丸同木耳。佢個豬腸就咁睇都清得幾乾淨，豬腸佢整得幾淋再加埋木耳成個口感就好豐富幾好味。另外重叫咗個水餃湯同生菜，個水餃湯正正常常，但個生菜偏淋同無乜油份，呢個有進步空間。Overall 幾好，店員都幾有禮貌，如果突然想食台灣野，八方雲集係幾好選擇，平之如仲有好多分店。

難得今日放假，去咗碧海藍天大型商場逛一逛，呢度嘅大型商場及超級市場都好大，除咗睇電器，衣服同埋超級市場之外，都可以消磨一個下午，行到攰攰地，肚仔又開始餓啦。今晚又要去媽咪度食飯，所以最好就食少少野墊下個肚先。咦：原來呢度都有一間八方雲集，啱晒我嘅要求啦！酸辣湯，真係好好味，味道較得啱啱好，酸酸辣辣，非常開胃，朋友嗰個紫菜花枝丸湯，佢都話好味到不得了，芫西的香味，青青甜甜，花枝丸爽口彈牙。我哋揀咗兩款水餃，一款係招牌水餃，另一款係粟米水餃，兩款都各有特色，我就比較鍾意招牌水餃多啲。另外我哋叫咗兩款煎餃子，一款係招牌餃子，另一款係咖喱餃子，我就覺得咖喱餃子嘅味道怪怪地，都係食返招牌餃子穩陣啲，唔使乜嘢都試新野嘅。

呢晚好想食水餃，就入左八方雲集😋😋😋叫左個蠔仔大腸麵線，大腸都好入味，麵線唔會太林身👍👍👍👍成碗麵線又夠熱，不錯。再叫左10隻韮菜鍋貼，佢係即叫即整，所以等會有d耐，不過食既時候係熱辣辣就好正，皮脆肉嫩，佢有得雙拼每款5隻，俾你可以食多一個味，都算唔錯👏🏻👏🏻👏🏻然後仲叫左10隻招牌水餃，同鍋貼一樣即叫即整，所以d肉質同皮都係岩岩好唔會太過林，本身想叫韓式泡菜水餃，但驚唔係太夾個口味，所以叫左個招牌既，都好好味🤤🤤下次一定要試多幾款口味呀😍😍😍

今日屋企無飯開，所以一條友仔去咗屋企附近aeon吉之島開餐，反正唔係太肚餓就選了好耐無食嘅八方雲集來填肚點了勁量鍋貼麵線套餐$41最愛這裡的麵線，鹹度適中，加上麵線口感滑滑，而豬腸又夠咬口，加少少胡椒粉勁正跟餐選了5隻韭菜餃跟招牌鍋貼，韭菜餃皮厚薄剛好，好香韭菜味，仲係即叫即恰，夠哂熱反而個煎鍋貼就有少少失望，底部雖然煮得脆口，但唔知係咪放咗好耐，面層好多倒汗水，令個皮（淋）哂，而入面仲唔夠熱，只係暖身，成個口感影響哂

不知道有沒有人跟我一樣，突然有一陣子很想吃餃子或者鍋貼呢。如果想滿足這個口痕的慾望，第一個想到平價的餃子鍋貼餐廳就是它：八方雲集。 八方雲集其實是由台灣傳入香港的鍋貼水餃專賣連鎖店，至今香港已有約70間分店，所以其食品都富有台灣的飲食文化特色。 當天兩點多到達餐廳，可能過了正常繁忙的午餐時段，所以不用等位，位置比較鬆動。 他們的餐牌就是點餐紙，想好食甚麼就在食物旁畫剔號，然後交給店員就可以了。 一張紙，兩版紙，簡單易明。一邊是單點；另一邊則是套餐。 11號湯麵套餐。午餐當然不可以只單點食物，我和友人都點了一個價值42元的套餐。湯麵套餐包括1：湯麵；2：鍋貼 或 水餃 5隻；3：豆漿 或 酸梅湯。 這間八方雲集有點特別，即使堂食，也必須「先付款，後用餐」。原因大概是餐廳的設計是開放式，出口有好多個，以免顧客「走數」所以才這樣做，大家要注意哦。 招牌鍋貼。我和友人都點了5隻招牌鍋貼，招牌鍋貼的餡料是椰菜和豬肉。讚的地方是它煎得好香脆，原因是它即叫即煎，煎煮三分半鐘，剛剛好金黃色。 酸辣湯麵($42)。這是友人點的酸辣湯麵，他說好吃。但是我看它的麵線很淋，沒有口感，不過卻很

個人偏愛麵食 所以對一般的麵條 餃子 雲呑等都較為鍾情 八方雲集一間以授權形式經營如麵線 水餃 鍋貼等的台式小食小館 中午點了個雙拼套餐 裡面挑了酸辣湯 韮菜鍋貼和辣味水餃各5隻酸辣湯 味道不俗 材料可以說該有的都有齊 如筍絲 木耳絲 胡蘿蔔絲等等 合格的一道湯品辣味水餃 加了點辣味的菜肉水餃 味道一般沒什麼特別 辣味不算太突出 可能要略為顧及大眾食客的口味吧 以致變得平平無奇韮菜鍋貼 算是我在八方雲集最喜歡的其中一樣食品 韮菜本身味道濃郁 所以不論放湯或者煎炸 其味依然突出 鍋貼包得長長的 底部被煎得脆脆香香的 佐以豆瓣辣醬來吃 算是個絕配

今日lunch嚟到位於荔枝角AEON超級市場嘅八方雲集，由於平時習慣中午12點呢個時段食晏，嚟到餐廳個陣人客都未算多，唔駛等位即有位坐。看了餐牌，選了湯麵套餐，包括有一碗珍珠餛飩湯麵，一客招牌鍋貼以及一杯豆漿。湯麵麵條軟韌帶腍，口感與一般全蛋麵嘅彈牙有截然不同的嚼口，湯底方面尚算不錯，不知是否自己較愛偏濃一點的味道，所以總覺得略顯不夠味~招牌鍋貼即叫即整，上枱個時依然熱辣辣，外皮的厚度包到恰到好處，煎得腍中仍帶點脆口，內層肉味突出鮮嫩多汁，不俗！