八方雲集鍋貼水餃專門店

營業中

休息中

以前成日都食八方雲集今日去開葵興附近做嘢就諗起呢間兒時回憶😂揀咗個有營套餐 $51呢個價錢真係冇得輸👍🏻包台灣麵線，油菜水餃同埋熱豆漿!真係好抵。以前細個好鍾意食佢嘅韓式泡菜鍋貼不過今日想清淡啲，所以揀咗招牌水餃😍最後發現原來會食唔晒😂😂下次搵多個朋友同我一齊食，可以分享多啲味道，哈哈。平靚正!

每次如果想食餃子，一定會諗起八方雲集，無論佢嘅湯餃定係煎餃，我都覺得好啱我心水，就係貪佢食完唔會太飽，有時會叫多碗酸辣湯，每個星期起碼食一兩次，貪佢唔使點諗，次次都係食嗰幾款。

近排食肉食得多,今晚晚餐就轉啲輕量級嘅嘢食, 去咗食鍋貼同餃子。 叫咗個雙拼套餐, 套餐包括兩款鍋貼或水餃各五隻,另外用包埋湯品或飲品㖭。 我分別叫咗五隻韭菜味鍋貼同五隻韭菜味水餃, 雖然同樣都係以韭菜作為原材料 但係因為係兩種唔同嘅做法,一種係煎一種係用水煮, 呈現出兩種截然不同嘅口味。 鍋貼金香可口,水餃皮香, 兩者嘅韭菜份量都好豐富, 而家湯品方面就叫咗貢丸湯,拼餃一流。

外賣自取大約等咗8分鐘就有得拎。麵線充料，味道唔錯鍋貼就選了韭菜鍋貼，韭菜味都算香，煎得都幾靚，48元仲包埋一碗菜同一杯豆漿，其實都算係打工仔好經濟嘅午餐！ 味道質素係值得讚賞套餐包括的麵線，鍋貼同埋菜都會分開包裝，算係做得幾細心，方便客人進餐。但係包好嘅外賣，客人要喺自助餐具處自己拎外買餐具，筷子有獨立袋包住，衛生還可以。可是，匙羹同醬油紙碟都係完全冇包裝，搭埋一堆要客人自己親手取出。客人攞即棄餐具時隻手可能都未有機會洗，之後用返果d餐具對自己進食都有風險。同時，顧客徒手拿取冇獨立包裝嘅餐具時，必定會掂到其他剩低嘅餐具，喺疫症下咁樣嘅擺設，唔算係衛生。

每次嚟呢間店，目的只有一個 - 就係放鬆。店內顧客好少，店員得兩個，店內寧靜，唔怕被人打擾 食物方面係即叫即做，所以預咗要等一陣，正好可以坐低放空發夢今日叫咗招牌水餃餐（$38）同招牌煎餃餐（$38）試吓。招牌水餃係最基本嘅白菜豬肉餡，餡料肉汁豐富，水餃包得好實淨，皮與餡之間冇空位，非常地度嘅北京餃子。招牌煎餃同樣係最基本嘅菜肉餡，長方形嘅包法有別於平日食嘅鍋貼。感覺有啲似食春卷。因為即叫即煎，所以外皮特別香脆，醮上香醋豆板醬，食吓食吓唔經唔覺就食咗10個店內飲品除咗冷熱豆漿，仲有珍珠奶茶選擇。豆漿就係一般批發豆漿，偏甜。珍珠奶茶似係用茶粉沖成，味道亦非常一般。因店員只有兩位，一位負責廚房，一位負責店面，所以難免要等耐啲，可以理解。但希望可以改善吓啦！

繼續因為工作而係葵興覓食，今次就到左新葵興商場間八方雲集食OT 飯。基本上呢個商場都冇乜選擇，唔想食美心，就黎食鍋貼～我就簡左個湯麵套餐(HK$44)。湯麵係配有水餃３隻，仲叫左韓式辣味鍋貼同豆漿，勁豐富既一餐，慰勞OT 緊既自己。碗湯麵比我想像中大碗，當初以為會好似麵線套餐咁，好細碗下咁。同埋我唔知道原來有埋水餃食，見到果時都係一個驚喜。咬落個餡料都算多，不過湯底有點咸，不是我杯茶～去親八方雲集，我都會叫呢個韓式辣味鍋貼！貪佢皮薄餡料夠！而且真係一Ｄ都唔辣，唔食辣既都可以接受！仲有杯凍豆漿，冇乜豆味，但唔甜，所以都可以中和番岩岩食左既辣味鍋貼～

放假，食個方便午餐的好選擇。一家四口，我們點了兩客水餃面餐和一客紅油抄手餐，飽肚又合口味。餃子大大粒，皮則厚了一點，但肉量也不少，加起來有16粒，夠食有餘，感覺新鮮。鍋貼新鮮煎好，鍋貼皮少少脆，味道不俗。兩碗面，三母女分來吃，份量恰到好處。飲品配低糖綠茶和凍豆漿，綠茶有茶味，豆漿有豆味，解渴又好味。總的來說，午餐要平、快、少油的話，我們都會來吃八方，小朋友都愛這裡的招牌菜肉餃子，水準平均，不會大起大落。

逢星期六日葵興特別少嘢食所以咩選擇只可食餃子⋯不過本身都幾鍾意食呢間比起咖哩餃子更喜歡食泡菜味而粟米餃子都比原味更清甜套餐仲送飲品或湯 可以太夜去 湯都已經賣唒叫左杯珍珠奶茶 唔算太甜

正逢復活節 假期，可惜都係要上班。香港天氣近黎潮濕又多雨，果人無咩胃口，就選擇葵涌呢間八方雲集。最愛佢既酸梅湯人少少，可以休閒慢慢食。總共叫左最愛麵線同酸梅湯。辣味鍋貼口感好過水餃，麵線加鍋貼5隻再加杯酸梅湯，價錢只是$37。而且上菜速度快，可能係人少關係。辣味鍋貼，酸辣湯，麵線，忍唔住叫多個酸辣湯鍋貼味道有田園，咖哩，辣味。個人偏好辣味。埋單共53.5，價錢並不太貴，想工作之餘搵個安靜既地方坐下。都算唔錯既選擇。

OT趕project放工已經差唔多九點， 好肚餓， 公司附近的餐廳都差唔多收晒， 唯有行過去葵芳邨嗰邊搵食， 好彩仲有間八方雲集未收， 於是即刻坐低叫嘢食。鍋貼套餐 $36套餐包括有10隻鍋貼， 湯品1碗或飲品1杯。鍋貼可以揀： 招牌鍋貼､ 韭菜鍋貼､ 韓式辣味鍋貼 或者黃金咖哩鍋貼。 叫咗韭菜鍋貼， 長形鍋貼外皮煎到金黃香脆， 而入面係軟身， 餡料唔算好多， 大多數都係韭菜， 不過食落好香口， 食曬十隻其實都幾飽。套餐湯品可以揀酸辣湯､ 粟米湯､貢丸湯､紫菜鱈魚丸湯､紫菜花枝丸湯同珍珠餛飩湯， 揀咗紫菜花枝丸湯， 味道清清地唔算好濃， 紫菜又冇沙， 仲有3粒好彈牙嘅花枝丸添。湯麵套餐 $44套餐包括有湯麵､ 鍋貼或水餃五隻､ 豆漿或酸梅湯。 湯麵可以揀：酸辣湯麵､ 水餃湯麵､ 珍珠餛飩麵､ 台式麻醬麵， 揀咗水餃湯麵。 一碗有三隻水餃， 都幾大隻，餡都幾多，麵就腍左小小， 不過份量都好飽肚。鍋貼或水餃可以揀招牌､韭菜､辣味､咖哩或田園味， 揀咗招牌鍋貼， 同樣煎香咗一邊， 皮都幾薄， 呢款 鍋貼豬肉餡多啲， 仲有啲菜， 不過唔及韭菜鍋貼咁香。 叫咗杯熱豆漿， 不過唔夠熱， 凍凍地又暖

今日星期日下午茶 見涼涼地就去左食八方雲集 暖下胃 因為好快又食飯 所以叫左個勁量麵線套餐 兩個人share 有一碗大腸麵線同十隻自選餃子 (注意:要簡同一款哦 簡兩款要另外加五蚊雞)我地再另外叫左一杯珍珠奶茶小甜 甜度岩岩好 唔會太甜👍🏼👍🏼大腸麵線份量適中 不過唔算十分熱 但味道幾好又有大腸 又有魚丸係入面 個人認為好食過台灣既呀宗麵線 可能因為係香港人口味 無台灣甘重口味 台灣個款會柴魚果重d同 "杰" D 另外十隻自選餃子 我地簡左十隻韓式辣味水餃 因為今日唔想食煎餃甘熱氣 好夠熱 因為每次叫水餃都係即叫即整味道唔錯 有好多泡菜係入面兩個人食 Total $54

本人好喜歡食餃子、煎餃這類中國或台灣食品。為了止相思之苦，我公司附近唯一餃子店就會幫襯下。我叫了最平麵缐套餐～鍋貼加百香果綠茶椰果。超快速度有麵線食，有大腸夠淋，加上细粒貢丸同墨魚丸，ok 呀！當然不能夠同台灣相比la。百香果椰果綠茶又不太甜，甜甜酸酸幾易入喉。出面台式野飲現在都不平，佢相對來說算平就真。我剛食完麵缐就送到我面前，都算熱同有一面係煎到金黃色水準但人面餡料就比就鬆散，食不出新鮮的豬肉味道。佢配辣醬同醋就無甘濟。🙂總合這個價格，合格有餘。

今日放假，去左葵興温書，下午茶時間想飲杯珍珠奶茶，所以去左樓下的八方雲集食野。我點左個套餐，有麵線加飲品仲有餃子送都係40蚊左右。個麵線份量唔多，入面有大腸、木耳、筍絲、芫茜等，其實都幾不錯。跟餐附送四隻餃子，我揀左白菜豬肉，大大隻，好足料。而且味道亦好好。珍珠奶茶大大杯，味道都好濃，珍珠又夠多，比起出面其他台式店出品的還要好，抵讚。50零蚊可以飲到足料珍珠奶茶，仲要又有餃子又有麵線，我覺得都幾抵。

之前食過原味，發現中伏，於是今次醒啦，揀d有味既。依個咖喱水餃。。商業味重到，好普通之餘，好似得d化學野，真係咖喱都冇，好奇怪。下次唔會食。辣味煎餃就好好多，可能辣味都蓋晒其他野，都唔要求咩皮靚，爛唔爛，總算食得正常。我第一次見咁既色既酸辣湯。。。 料唔多，仲要d蛋絲唔係絲黎。。係條黎，成條 又係好求其溝出有辣同酸味既商業品！！36蚊完全唔值！！

以往我經常去八方雲集吃咖哩鍋貼，但由於發生地溝油事件之後，我都未再去過了。由於今天晚餐要一個人自己解決，於是我嘗試久違了的八方雲集。10號餐麵線走青 ($34) +轉咖哩鍋貼 ($2.5)麵線裡有魚丸，肉丸及豬腸，份量尚算足夠，味道及稠度適中。咖哩鍋貼味道香濃，仍然保持以往的風味，奈何鍋貼煎得不夠香脆，如果再煎香一些，一定會更加好味。豆漿普普通通，甜度夠但豆味不重。