八月花 (朗豪坊)

營業中

休息中

今日同朋友們去一間位處朗豪坊的美心集團旗下五月花,地點幾便利就腳,,總體環境不錯,地方坐落舒服,聊天談心是不錯的地方~見到除了粵菜外,仲有「粵韓新食」系列, 菜式是由米芝蓮韓國大廚Una擔任客主廚,可以點下韓式料理同時又可點下粵菜,滿足想多元化多系食的大家~幾有創意配搭.*秘製醬烤豬蹄混入韓國招牌醬油和辣醬，酸甜辣同時味蕾刺激,十分惹味香口豬手旁配有芝麻葉，蒜片，可供包起來吃~啡紅色外皮、小小透白晶瑩的肥膏，還有層層瘦肉，以為油膩無比，卻又嫩滑爽口，啖啖漿口的味道就是阿朱媽們口中的養顏秘方~''骨膠原''呢😀*元祖辣燉雞韓國雞件肉厚入味,相信燉制時間有火喉,粉絲較粗身，Q彈有口感, 韓式辣醬惹味甘辛, 嗜辣者必食之選*豆腐海鮮湯豆腐海鮮湯顧名思義就是用豆腐同海鮮搭以金菇/雞蛋/瓜為食材製作的湯，口感鮮美，營養豐富，是個暖入心房的湯

餐廳：八月花 (旺角)地址：旺角亞皆老街8號朗豪坊3樓35號舖同一班friends係八月花食飯，去到見到餐廳新推出嘅「粵韓新食」系列菜式係由米芝蓮韓國大廚Una擔任客主廚，以新派韓式料理cross over我地平時喺酒樓食開嘅粵菜，同一餐可以食到粵式同韓式菜餚，真係非常有新意，同一餐飯又食到韓國料理又食到粵菜，究竟有咩火花產生咗出黎呢🤤？難得遇到咁正嘅野緊係要推介俾大家～首爾雙味炸雞原來呢碟炸雞係用粵式炸物方法去整，有原味同香辣味，最少分開3次炸嘅程序，先將雞件炸到定型，之後再炸到全熟，最後沾上粉再炸至金黃色😚難怪每咬一啖都係咁鬼死脆～雪濃湯泡牛肉雪濃湯係韓國嘅傳統料理，係用牛骨長時間熬製而成，最厲害嘅係煲完出黎湯底完全唔會有任何肥膩嘅感覺👍🏾牛膝、牛面肉、牛肩胛同牛脾再加上牛筋五大特選牛部位嘅配搭🐂，啱晒鍾意唔同口味嘅你～滋補蔘雞湯配百歲酒韓國嘅雞肉嫩脂肪少🐓，經湯底煲過之後更加軟腍，仲有原隻人蔘、紅棗等滋補食材，啱晒我呢啲想保持身型補充蛋白質，身體又差需要補氣血嘅人～火辣辣無骨雞腳配年糕鍾意食辣嘅人有口福了，呢個無骨雞腳同年糕用韓式辣醬去炮製🌶，每一啖都充滿咗辣味，包你食得過癮又返

之前食過呢間八月幾好，同屯門嗰間好像兩個集團似的😂今次帶埋家姐嚟試下，叫咗四個餸，個個都好好味個洛神花排骨比想像好吃，每粒也沾滿洛神花醬，甜甜酸酸的，令人超開胃，加上排骨也很juice 👍🏻🦐米炒粉絲味道也剛剛好，粉絲炒得乾爽而不油 ，加上芽菜、蛋絲，令其很爽口。蓮藕腐皮卷內有粒粒蓮藕，非常有咬口。最後是個蔥爆金蠔，份糧非常足，有八隻金蠔，都只係$98 ，非常抵食。看似簡單的菜式，但全部都煮得好吃 。今次他們沒有給甜品的餐單，最后都忙記點了。下次要點甜品，因為甜品好像也很好吃🥧

因為是和長輩們飲茶，刻意安排在中價位的酒樓，以前在呢間食過晚飯覺得不錯，所以有信心地黎，星期日下午12:30黎排隊，15分鐘就有位，合理。第一大劣評：上菜速度極慢！12:45入座，1:00落左兩個點心、1:17分落五個點心。結果差不多1:25先黎第一款食物，最後2款是足足1:55先上菜。接近30-45分鐘的上菜時間，有無攪錯！星期六日繁忙時間，餐廳要求1.5小時入座時限，好合理，但唔係臨尾15分鐘先上吧！第二大劣評：枱與枱之間極之迫！大廳位置淨計中間足足3張小圓枱，迫到不得之了，大佬，稻x都寬敞過呢間野多多聲，完全唔符合呢個價錢！第三大劣評：食物質素差，但又貴時菜蒸鯪魚球，所謂既時菜係大約1/4棟娃娃菜，鯪魚肉鬆到一個點。叉燒蒸腸粉，油都無兩滴，極乾身，豉油完全無鮮味。珍珠雞，乾！硬！無料到！因為和長輩一起，不方便拍照，只能文字記錄。極之差！

八月花融會中菜體驗，以百花美態寓中菜之百味，讓食客在用膳間彷如享受遊園之趣。位於旺角朗豪坊，這次和一家人飲下茶，就選了這間八月花。香煎芋頭糕我比較喜歡吃芋頭糕相比起蘿蔔糕，煎得很香，煎到金黃，皮有少少脆，味道一流。薑蔥牛柏葉牛柏葉很爽，湯汁做得不錯。竟然有壽包食，細細一個，幾好食蓮蓉餡不會太甜，味道剛剛好，麵包皮不會太厚，不錯👍🏼叉燒菠蘿包每次飲茶必點，不過不是間間餐廳有，八月居的叉燒菠蘿包，做得不錯。麵包皮焗得很脆，叉燒不會太油膩。

好耐冇嚟八月花吃午飯 ，今日重臨 冇諗過寫食評， 不過 今日食到一啲新款式，又不妨介紹下畀大家 ，有個 芫茜皮蛋 班粒湯檬粉一鍋 $158，有石班魚粒、皮蛋粒和冬菇粒，清淡得稱又十分好食 ！另外 叫咗一個鹹肉蘿蔔燜飯$128， 有鹹肉粒和蘿蔔粒，濕濕地 好似濃湯撈飯咁，不過味道又幾好。 仲有推介一個「得得哋煎薄餅」$45，係甜品 ，夠香又夠脆，賣相唔錯，不過 我略嫌佢有少少油臆味 。冬菇雞肉餃子 $37 沙河粉蒸排骨 $37車仔豬腸粉 $31五個人 分享 ，大家都 食得好飽， 都算唔錯嘅一餐午飯！

第一次在openrice写review 实在是太生气了今天过年期间请在港长辈吃饭，为了大家交通方便选了旺角的jasmine 本以为和中环、尖沙咀的jasmine差不多，哪知道从头到尾服务、出品都是令人惊叹的差！还未落座，就看见餐桌上满满铺了颜色俗艳的捞菜广告，然后服务员来点菜、数次手里原子笔要戳到我 多次提醒仍然积习难改，我刚刚点了一份陈皮鸭，她又推荐另外一只鸭.... 整个点菜过程就是在退款贵菜，然后一个劲的说新年快乐，要利是，服务却一塌糊涂 整个过程都不来换骨盆见其服务缺乏素质我再三提醒先上头盘再上热菜、结果头盘还没来居然上了一份炒饭！表示意见后多名服务员过来嫌我多事 不知是否因为我说普通话的缘故对了后来我点甜品，一个吊儿郎当形同醉汉的服务员来点，拒绝问大家分别要什么 店堂嘈杂我帮他问完后过了半小时又发现其根本没下单...再说出品，那真是和中环的jasmine完全不可比拟，色香味俱🈚️！特别是一道花菇海参陈皮鸭 图片诱人 真品简直是一坨 堪比淘宝买家秀卖家秀因为十多年🈶️ae白金 吃了无数美心食肆，旺角这家Jasmine真是差出天际！ 其他美心也有质素下降 这家 简直是呵呵呵呵呵了！

美心集團旗下咁多間中菜我哋都係第一次食呢間八月花咋今次一行七人 叫左八個菜叫咗一隻原隻脆脆BB豬 都幾多肉食 個皮又脆椒鹽脆豆腐 分量唔算好多但係勝在夠熱避風塘黃金脆番薯 入邊係黃心番薯 好好食椒鹽九肚魚 熱辣辣勁好食薄荷安格斯牛肉炒菜心 啲牛肉都幾嫩 但係就食唔出係有薄荷味蓮藕腐皮卷 啲汁幾好食 入邊啲蓮藕都好爽口菠蘿咕嚕肉 酸酸甜甜 仲有櫻花蝦炒粉絲 粉絲唔算好多大家一人夾一撮就清左啦我哋仲叫咗幾個甜品有西米布甸 入邊有蓮蓉架好好食呀之後仲叫咗個雷沙湯丸 仲有薑湯湯圓其實都幾好食下次可以試吓早茶啲員工又好有禮貌 幫我地影相又唔會影到黑晒面

-年廿八除咗洗邋遢之外，仲可以食團年飯👨‍👩‍👦‍👦。 今年團年飯我哋選擇咗八月軒食。 除咗媽咪唔使煮餐懵之外，又可以出街食豐富嘅🥢。 人參烏龍茶🍵（$34）： 特別叫咗呢個茶，有個細火🔥㷫住。茶味甘甘地，幾特別。 醬爆銀雪魚🐟（$248）： highly recommend！！！ 真心超好食，出面甜甜地，包住入面嘅銀雪魚，鮮味不減。 椒鹽脆豆腐（$52）： 作為前菜，已經係100分。 碧綠星斑球🐟 （$278）： 呢碟餸個星斑有啲腥，可能喺廚房已經煮咗好耐未拎出嚟。 洛神花黑豚骨🐷（$98）： 唔同其他嘅酸甜骨，今次呢個食物有就花茶🌺嘅味道。 炸子雞一隻🐔 （$288）： 新春🎍首選。 發財翠玉環🥒（$118）： 雖然傳統，味道依然。 蛋白蛋米桶仔飯🍚 （$32）： 食落口嘅感覺好得意啲飯煙煙韌韌。 極品醬油炒飯（$108）： 望落係普通嘅炒飯，食落甜豉油味好突出。再加埋珍珠米 炒飯做到一粒粒，好正！！朱古力餅拼雲呢拿雪糕🍦 （$78）： 估唔到傳統嘅中式酒樓都有呢一個甜品。佢個朱古力餅等於蛋糕嘅餅底，上面加個朱古力配搭幾新鮮。 蓮蓉西米焗布甸 （$64）： 好耐冇食過焗西米布丁啦！

好耐冇嚟呢度飲茶啦! 今日嚟到大失所望。雖然裝修過,燈光比以前更加光猛。茶壺、茶杯碗碟好精緻，有春日的氣息。瑤柱珍珠雞冇蛋黃已經冇咗吸引力，啲飯又唔似係煙韌，但係又乾身。菠蘿叉燒焗餐包賣相都幾得，酥皮都脆，不過少咗一份口感， 最離譜係入面的餡料，少到唔知點講。筍尖鮮蝦餃個皮唔得，一夾就散開，啲蝦有少少霉， 就算有辣椒醬都幫唔到幾多。鮑魚汁炆鳳爪鳳爪得幾隻，細細隻，花生就比較多。一口鮑魚撻底層嗰個酥皮係腍的，唔知點解個鮑魚的色咁黑?

辛苦工作一星期，週未約家人飲茶是一個放鬆心情的好活動但去過附近好多酒樓，不是多鹽多油、就是很多味精，吃完感到肚子負擔很重～～～～所以今天選擇位於朗豪坊的美心集團「八月軒」，因為他們標榜「不添加味精」～～～不過用餐時間只有90分鐘，要嘆茶吹水就有點趕了～～～～先開壺「人參烏龍茶」先～～～打開點心紙，點心選擇都幾多～～～先來個很久沒有食過的「籮白絲酥餅」外皮酥脆、饀料有很rich的籮白絲，味道不錯！！「蜜汁叉燒腸粉」腸粉皮油份不多，所以不算太滑；味覺都OK。「白灼翡翠苗」少鹽少油，味道清淡，吃到翡翠苗的原味「頭抽炒牛肉河」由於油份不多，牛河較乾身，味道不過不失「筍尖鮮蝦餃」蝦餃皮「煙靭」不易爛，饀料豐富，足三隻蝦，蝦新鮮彈牙「鮑汁炆雞腳」雞腳炆得好「林」，無牙都食到，鮑汁味道都不錯三個人6個點心小菜 $386.1，價錢都算合理總結：價錢算合理，食物不算超級好食，但無添加味精，少鹽少油，味道偏清淡，食完唔口渴，腸胃舒服無負擔。但限時90分鐘有點趕

#%*XYZ 服務態度差不在講，價錢貴都唔係問題。條亂毛仔侍應行行企企未訓醒咁，又唔幫手換碟，但野食先地獄，碟雞有鼻毛，又有雞毛，見到碟雞已經冇晒胃口，龍蝦蒸到老晒，啲肉又鞋，D蛋好鹹，生菜包D生菜變晒色，雪左好耐，唔新鮮，同侍應講佢竟然只話幫我收左佢，帶子一粒開三，片到紙咁薄，同埋蒸到老X晒呀，好難食呀，成餐飯都好難受，第一次食到咁唔舒服衛生環境又差，D蚊之飛來飛去，請我都唔會再去，永久黑名單，bad

其實呢間中菜嘅水準真係唔錯，再加埋AE半價真係好抵食。一直覺得美心中菜啲蝦特別好食，所以去咁多次每一次都一定會起碼點一味餸係有蝦嘅。另外，個嫲嫲朱古力我每一次都叫，個曲奇好脆好好食，加埋凍冰冰嘅雪糕好正。

好心美心集團就賣佐佢啦，留住炒地產？叫佐四個菜，每一個都從材料到烹飪都可以咁失敗 十分少見酥香鴨成陣鴨味 可見材料普通 肉干唔帶油 可見廚師功力有限蛋白桶仔飯淡而無味 只有少量豆味 昆布雙耳蝦滑 竟然只有昆布食得 豆腐又粗又難食 蝦滑差過一般火鍋料 肉粗味少 原汁原味蒸豆腐 只可遠觀不可食用(勉強少少 腐皮還可以)第一次遇到一間餐廳 每一個菜都難以下咽 唔食又會餓 食佐又只有飽 懷疑世界欺騙了我 好啦，唔寫了，肚餓，要食第二round嚕。

今日去了朗豪坊八月軒飲茶，由於星期天，我們等了差不多1小時才有位。我們點了車仔豬腸粉、菠蘿叉燒餐包、煎蘿蔔糕、酥脆鮮蝦腸粉、鮑汁炆鳳爪、叉燒包、鳳爪排骨煲仔飯、皮蛋瘦肉粥、蛋撻仔、甫魚滑燒賣、鵪鶉蛋燒賣、娥姐素粉果及潮洲粉果、甜品點了薑汁雙皮奶及蛋白杏仁茶。車仔豬腸粉：正菠蘿叉燒餐包：普通煎蘿蔔糕：香脆酥脆鮮蝦腸粉：香脆鮑汁炆鳳爪：好味叉燒包：普通鳳爪排骨煲仔飯：飯上灑上豉油，很美味皮蛋瘦肉粥：正常蛋撻仔：香脆甫魚滑燒賣：普通鵪鶉蛋燒賣：普通娥姐素粉果：普通潮洲粉果：正常甜品點了薑汁雙皮奶及蛋白杏仁茶，甜度適中。