八月花 (朗豪坊)

營業中

休息中

經過見到平日做緊主餐牌75 折就同埋媽子去試下晚市5:30 先開始 門口已經有兩三枱食客等緊入座入到去落完單到第一個餸黎到都起碼等左20mins出餸實在有點兒慢當時都只係得兩三枱食客第一道黎到既係安格斯牛肉沙律牛肉做得幾淋 而且香口配埋青瓜洋蔥絲十分開胃媽子好喜歡呢道餸接著就到龍蝦肉豆腐雙拼侍應介紹是新菜式呢道我自己就覺得一般比較清淡 雖然見到有龍蝦肉亦食得出走過油可惜肉質有d 梅而且龍蝦味已經無晒之後便輪到我最喜愛既龍蝦湯泡飯次次黎到都必點湯頭濃郁但唔會過咸蝦肉亦爽口彈牙推介呢款一定要試下蝦肉都幾多 唔會得一兩粒裝飾

八月花晚餐食過覺得吾錯，搵日午餐去飲茶試試，點知一試無下次，以後飲茶吾會簡依間，晚餐仲可以之前食晚飯係度食都整得吾錯，無唸過點心會咁差，未食之前仲有期望，食完好失望☹️點心全部好睇吾好食，無點心味道，差吾多款款點心都係一樣味，唯獨春卷食到春卷風味其它不予置評飲茶只係室內裝飾還可以，但吾算坐得好舒適飲完茶去從月花個洗手間🤢簡直臭到想嘔無唸過晚餐同午餐食物水準差咁遠食物只靠賣相，而無左應有食物味道同質素，吾會有下次✖️食過午餐點心，就明白晚餐同午餐食物質素同味道分別

一直以黎聽人講八月花味道好好，難得今日放假，係旺角做完facial，連美容師都話好，甘我咪同老公去飲餐茶，我地全程都無影相。。。一啲都吾值得影，我未見過啲酒樓慳成甘，用啲崩碗黎上菜俾客！服務都係麻麻，原本叫左鮑汁鳳爪，到我埋單都未見到鳳爪影，之後我問個侍應，侍應就答我: 未上姐係無囉！以後都吾會去，依個價錢真係大把選擇！為左免得人地以為我老作，我影返張單俾大家望下！

美心集團從其名字，便知道其價值，級數，菜式和環境的分別，但是這家八月花便令我跌眼鏡了，不過與美心皇宮比較，它是合格的。自二月開始留港消費，美心集團便是我的選擇之一，隨便在附近一家便坐下來了！想不到，原來每間的管理和廚房是有參差的。失望一，安排位置差昨晚才開放堂食晚市，今晚可能還早，不是太多人，跟侍應指引下坐下來；但很快便嘈起來，不是人太多，只是侍應把客人集中在大堂中央，加上枱距比其他分店密集，但比美心皇宮寬少少，客人不足一半也要迫在一起，以這價錢和環境，便不理想了！失望二，食品質素有進步空間第二次吃“戒米楊洲炒飯”，又濕又咸，同侍應反應，她竟然說濕是正常，即是非第一次收到此意見，不但無改善，更把問題合理化，才是失望中的失望，更重要的，是我上一次食的是乾度和美味適中的。失望三，安全性低鄰近的客人上了一道菜，侍應即時在食物上點火，燃燒食物，想不到三寸高的紅紅烈火，超過半分鐘還未停止，而侍應卻第一時間離開。不知是我以前的食市小心，或是我危機感過高，未遇過侍應在火未熄滅前，便遠遠離開，若果食物意外地番倒，後果如何？侍應是否趕得上跑來幫忙？現況客人不多，侍應還有時間與客人傾談也是如此，將來滿堂客

6/6/2020當日喺朗豪坊shopping完之後，到八月花食晚飯。好鍾意佢嘅環境，而且好多時都係中式食物西式擺盤，好靚！食物都有一定嘅水準嘅，但係就性價比可能略嫌差咗少少！因為份量比較少左一啲。相傳嘅BB燒乳豬真係好好食！脆夾香口！但係只係得四片我哋三個人爭住食另外一個值得推介海參陳皮排骨，用咗靚陳皮嚟燴。我個女唔鍾意食陳皮都猛話𠲖過餸好食！叫咗個小食，小食嘅份量一啲都唔小椒鹽九肚魚好味！但係個略嫌個脆漿厚咗一啲

依間酒樓星期六日平時係要等位嘅，唔知點解星期六嘅1:30唔使等位好快就入到去啦。茉莉青檸茶，個杯幾靚，味道偏甜，飲唔出有咩茶味。水果紅茶，都係味道好甜，份量都幾多，水果有青蘋果、蘋果同埋橙，我覺得啲飲品麻麻地。叉燒酥整得好鬆脆，個皮好好味，唔會太厚粉，啱啱好。酥皮蛋撻個蛋好滑，係新鮮熱辣焗出嚟嘅。煎釀三寶份量好多，都幾好味，蝦膠好彈牙。蝦餃材料新鮮，皮都唔會太厚。青瓜撈豬肚，我覺得豬肚切得有啲大嚿。春卷炸得好脆，加埋沙律醬都幾好味。豬肚燒賣麻麻哋，個豬肚有啲腥。珍珠雞入面冇蛋黃嘅，不過有瑤柱，我覺得一般啦。依個脆脆蝦腸粉唔錯，最緊要係啲蝦夠新鮮。雷沙湯丸個皮好濕，我覺得一般好食。埋單食咗$600，點心都唔錯啊！

在疫情期間，不少餐廳，為了增加生意，均各出奇招，美心集團旗下，也推出了折扣優惠，星期一至四6.8折，星期五至日7.5折。因為近來相熟的酒樓也相繼結業，在沒有什麼計劃下，便建議朋友們一起到八月花晚餐，其實我久不久也會過來。這裡裝修及環境也舒適，為了乎合疫情安排，每桌的隔離也拉遠了，所以更見寬敞。例湯，夠火候，湯料也美味，點上醬油，也能下飯，一煲差不多有8碗乳豬配上沙律，有點創意，入囗鬆化，齒頰留香班腩煲，班腩新鮮，一般水準淮山炒藕片，正常小菜洛神花排骨，略為炸過火，有點太硬，味道可以整體理想，食飯聊天的好選擇

早排試完八月花午市點心，覺得有驚喜依家晚市有做折更加抵，一於要試埋本身叫菊花茶，店員推介依款有埋杞子明目，果然唔錯，又有菊花香又有杞子少少甜味蕃茄浸豆苗真係好少見，原因係兩者真係唔多夾，味道完全分離。。。但個豆苗同蛋白係唔錯，唔算太老身本身想叫炒飯，但見到佢依個桶仔飯又好特別，加左薑汁煲，啖啖薑味，鐘意食薑既人就會好鐘意唔覺意又叫多左碟蛋添。。。但真係好足料，炒埋d 菜都尚算滑，只係煙三文魚真係鹹左d最後上埋藕片～～勁大碟，准山同藕片份量都好多，但炒得都幾好食，又唔多油整體八月花不論點心晚飯都唔會令人失望，趁依家有折真係要食多幾轉～～～

上星期約咗大學教授敘舊 就揀咗去八月花 貪佢裝修靚 靜靜地可以傾吓計 黑芝麻卷 - 黑芝麻味唔算好濃 本身見到佢咁黑 ☹️以為係食入口有好多芝麻香 點知都係得甜味 小小失望叉燒酥 - 酥皮薄脆 唔會好張口 叉燒餡食到粒粒叉燒 細細件唔會太濟😛四寶滑雞扎 🐥- 腐竹包着雞件冬菇豬肚魚肚 魚肚炆得夠入味 雞件嫩滑 出邊好多酒樓都會用火腿代替豬肚 個人比較鍾意豬肚 🥓感覺懷舊傳統啲鹹魚雞粒炒飯 - 炒飯粒粒分明 夠乾身 米飯唔會太硬得來有咬口 鹹魚切茸 🐟令到成個炒飯有陣陣鹹香味 醬油味都唔會好濃 唔會蓋過鹹魚同雞粒味🐤

今日要同屋企人喺度慶祝做生日， 老人家鍾意食中菜， 咁我就帶咗佢嚟呢一間八月花到食。 咁我就叫咗個櫻花蝦粉絲同埋咕嚕肉， 櫻花蝦粉絲其實我覺得都幾好食，因為佢都放咗好多櫻花蝦係個煲入面，而且粉絲亦都算多。 試埋佢個咕嚕肉，咁佢個咕嚕肉啲肉亦都算可以，都幾好食，酸酸地，菠蘿都唔係太酸都甜，overall 兩碟餸我覺得都ok， 老人家都覺得可以，不過其實我覺得個櫻花蝦粉絲煲就比較油，希望佢啲主菜唔好咁油膩就會好啲，因為都想食得健康啲嘅。

聽朋友講八月花抵食，六點半嚟到，可以即時入得，由於朋友未到齊，點知一拖要成八點先入得，試咗幾樣餸都冇失望，煙燻烤鴨好食，另外手撕雞嘅芥末味特別正，第一次食龍蝦汁飯，比想像好味，整體不錯

都有一段時間冇黎八月花飲茶，今日專登黎試下水準有冇變先🧐🧐 龍鬚糖蛋散，好好味，蛋散鬆化，甜度適中👍🏻👍🏻👍🏻炸蝦角，兒時最喜歡嘅點心之一，蝦肉彈牙，金黃香脆👍🏻👍🏻👍🏻畔糖馬蹄糕，煙韌度十足👍🏻👍🏻冬菇餃子🥟，餃子包得唔錯👍🏻👍🏻灌湯餃，呢個就麻麻，因為隻餃子嚟到已爆開左，$52 唔算太抵食👎🏻👎🏻燒賣都唔差，大大隻蝦係面👍🏻👍🏻雞札，有火腿，雞，棉花，冬菇，用了十足，至少唔係俾豬皮🤣🤣整體來講都唔錯，除咗個灌湯餃賣相差啲，聽職員講而家晚飯做緊半價優惠，下次有機會黎試試！

上星期六同朋友慶祝生日，選了位於旺角朗豪坊的八月花吃晚餐。 前排吃過八月居的套餐原來跟八月花的差不多～六位超值共享宴$898， 再加埋一和茶位埋單大約$1099。套餐包括有慢烤脆香茶燻鴨， 上湯焗加拿大龍蝦， 炭燒半熟安格斯牛肉沙律， 砂鍋雲吞雞， 原隻蠔皇花膠扒， 古法蒸沙巴花尾躉， 龍鬚糖配椰汁糕， 智利紅酒。 ✨智利紅酒🍷～ 紅酒跟上次在八月居的味道一樣，入口有很重的果香味。✨炭燒半熟安格斯牛肉沙律～ 炭燒安格斯牛肉的肉質鮮嫩，脂肪分佈平均，肉汁充盈。✨慢烤脆香茶燻鴨～ 跟食片皮鴨的食法相似，上枱的時候茶熏香氣瀰漫。✨ 砂鍋雲吞雞 ～湯底清甜又好喝，雞肉煮得嫩嫩的， 配埋雲吞，非常豐富。✨上湯焗加拿大龍蝦（伊麵底）～ 龍蝦肉 沒有上次那麼鮮嫩， 但份量都算多。✨古法蒸沙巴花尾躉～肥美肉質嫩滑。✨原隻蠔皇花膠扒～花膠膠質豐富， 肥美厚身。✨ 龍鬚糖和椰汁糕 ～ 龍鬚糖而家好少地方有得食，是懷舊美食， 椰汁糕口感軟硬適中， 椰香味重。😋

聽朋友說這間餐廳不錯，於是便相約來這裏共度晚餐。魚肉羹拆了魚肉，配上了竹笙和蔬菜，湯羹呈綠色，像一塊翡翠，賣相不錯。喝時加上了胡椒，劈了魚腥味。一口喝下去，有很多魚肉鮮嫩，竹笙爽口，形成對比，增加了口感。帶子蒸豆腐豆腐很嫩滑，想一不小心就要滑進食道似的，帶子蒸得剛剛好，很嫩，很爽口，鮮甜，加上了豆豉的醬汁，很美味。醬油雞雞肉嫩滑多汁，皮爽口，充滿了雞油香。煮這雞的醬油帶有甜味，加上酒的香氣，很好吃。

今日難得放半日黎同老公飲茶，呢間茶樓啲茶好好飲，點心都算係特別、以及出色，炸牛奶好好味，食咗咁多間呢一間算係最好食。唔使等位環境算舒適。但我哋叫咗6樣野，價錢五百幾蚊算貴。