八月 (已結業)

星期日一家去飲茶，而家可以上網拎定飛唔洗排隊慢慢等慳返好多時間八月都係美心集團中茶之一擺設精美走中檔路線，杯杯碟碟都靚過人坐位唔算太迫可以舒舒服服飲個茶好多種茶比你揀，無咁一式一樣揀左碧螺春龍蝦湯就soso, 但個腐皮卷夠脆明顯是即整灌湯餃都做得好出色皮夠薄，餡都好豐富4個人埋單8百幾叫左唔少點心，星期日算係咁啦

星期日無聊入屯門八月歎茶，八月係屯門區算係高質素茶樓屬美心集團其中一間中菜廳，裝潢簡潔舒服，唯坐位較迫，枱與枱之間沒有太多空間，食物質素很好，服務亦不錯，今次寫食評係極力推介海鮮酥皮湯配腐皮卷，抵食又好食，中西食品配合得好好，腐皮卷好足料，真係超好食

平時一開門不久已經見到要等位，所以今日一開門就去食個午飯，食咗幾個點心都幾好，四寶雞扎不太油又不太肥，燒腩卷不會油到出包身，煎芋頭糕排列整齊不鬆爛，北菇滑雞飯不會太油，米飯乾身唔會太濕，滑雞食落唔會太差起碼唔會太鞋身。全部都係唔差架，整體都好過一般的酒樓，但要考慮清楚價錢，這裡既地理位置優越勝在夠方便近鉄路站，一落車就到。不過個蝦子叉燒薑蔥撈麵賣相其實幾好，但食落鹼水味道較重，完全蓋住了蝦子既香味。希望下次食會好一點啦！

八月很久沒有來了，不過，我好像從未試過八月的晚市。今天和我家寶貝和友人到了V CITY的八月慶祝生日。由於套餐的餐牌不合我們心意，決定散點，埋單約六百多元。店內人手不足的問題很嚴重，基本上很難找到侍應，落單埋單好像都是要由知客協助，好像只有開茶和最後要求拿生日蛋糕那一刻有見過侍應，無人幫忙加水換碟甚至收走吃完的餐膳，直至準備上蛋糕那一刻。另外，今晚點了兩道前菜，一個湯，三個菜，全部不依順序出菜，感覺很奇怪。BB豬(例牌)：燒得比較「燶」，味道尚可。酸辣翅：湯料算是豐富，惟份量太少，下的辣油也似乎重手了一點。拔絲咕嚕肉：味道酸甜可口，用了清爽的馬蹄代替了平常慣見的菠蘿作配菜，口感爽脆。今晚比較滿意的一道菜粟米石斑塊：今晚最貴的一道菜，炸粉下得太厚，再加上店內中央冷氣太冷，讓食物熱度急速下降，影響食味。個人覺得同類菜式，新斗記的版本較為好吃。一嘗素願：份量頗大，調味適中，菜蔬的配搭多樣化且新鮮。金沙翡翠豆腐：最後上的一道前菜，鹹蛋黃的鹹香加豆腐外脆內嫰的口感，竟然是今晚最滿意的菜式。食物整體不過不失，但服務方面有更大的改進空間。由於這個價位相信會有其他更好選擇，所以日後會否刻意再訪，還是隨

飲茶多數都唔會太座位寬敞，八月相較其他酒樓精緻啲，乾淨啲，服務好啲。黃金翡翠豆腐無影相，但非常推介。炸過的黃金外層帶鹹蛋黃味，薄薄的一層酥脆，中間滿滿的綠色夾心，連豆腐都是綠色的，左一半翠綠色，右一半湖水淡綠，質地就像牛油果的 creamy 。但炒飯豉油味多咗啲，鹹同埋多油咗。望一望佢個底，全部都係油，一啲都唔乾身。喂呀哥！你炒飯嘛，唔係油浸飯喎。去八月點蒜香一口牛好基本囉。牛肉吸收了惹味蒜香，味道自帶脂香，肉質有嚼頭。布拉腸粉也是名物，必吃綿滑粉皮的質地脆脆哋整條食，啲蝦肉餡由頭帶到落尾。點綠色醬好似無咁寡，雖然綠色，但同沙律醬分別唔大。

晚市。單點。普普牛柳，感覺不錯，入口幼嫩，肉質鬆軟，牛味重。中式來說，做得很不錯，不過份量很少。酸甜三文魚，三文魚煎得有點熟，所以肉質會偏硬，不過外皮香脆，加上醬汁惹味，份量還不算很少。這個是家人極力推薦的龍蝦沾米粉，龍蝦還算不錯，汁太多有點膩，米粉還可以。這個是什麼菠菜豆腐，吃上去就是覺得像豆腐渣。。。感覺怪怪的，不太推薦。一常素願，最安全的一客素菜，份量足，不過不失這家店坐得舒適，但價錢較貴，感覺不太划算。

爸爸愛食中餐, 所以於生日當天, 一家人到八月慶祝。餐廳的環境優美, 地方又夠闊落, 很適合老人家, 連年輕人如我都很喜歡這裡!入坐第一時間叫了一壺香片給爸媽。 不論觀感還是口感都非常好呢!之後, 就來了一碟前菜, 是用胡椒醃的脆炸豬腩肉! 胡椒味超香又炸得鬆脆, 肉又嫩重點是期間限定的西檸鴨, 好大隻!!!! 爸爸都很滿意呢!之後再叫了菜飯, 豬腳, 一碟菜及南乳素菜煲, 味道都好好, 不能挑剔。總結而言, 雖然價格比較高, 但質素真是非常好的! 

一直以來對八月系列餐廳都好有信心，加上有美國運通卡的優惠，一向都是其棒場客。今晚嘅小菜甜品一樣無令人失望拔絲咕嚕肉外跪內軟，味道亦調教得好好，再加上有啲無住薯粉嘅馬蒂粒，口感煙韌，好特別。鮑魚粉絲煲亦是一絕，鮑魚鮮味，粉絲入味得嚟仍然保持爽滑。鮮奶炒基圍蝦亦是推介，奶加上蛋白濃郁幼滑，撈飯一流。蝦幾鮮，比一般雪藏蝦肉好味。金沙豆腐幾香口又有沙律菜配撘，清新不油膩。甜品方便都好有誠意，廿幾蚊一個奶凍賣相都唔失望，有鮮果同吉士忌廉陪碟。剪甜薄撐是即叫即整，熱辣辣，餡有花生醬，花生碎，椰絲等，正

本身諗住ㄧ早游完水和家人去飲茶，點知掛八號風球取消節目。左諗右諗有乜做最後約埋家人去v city八月飲茶。 去到已經有位唔需要等都唔算多人。 第一次去感覺好grand 枱布和茶具很精美 如果鍾意食點心佢依度唔算多選擇，但食物質素好食試咗個蜆蚧鯪魚球外脆內軟，酥皮蛋撻好鬆軟，仲有唔係四圍都有嘅鵪鶉蛋燒賣梗係要食埋yumay.

今日端午節，難得的一日假期，瞓到自然醒先去嘆茶。 這回又去了常常去的八月，今日異常地多人等位，可能是同場的百貨公司大減價吸引了海量的人前來這商場!由一點多等到兩點半才入座，快快的點了幾個點心，今回又是兩個人，食不多，但全部點心都好食滑疍蝦腸，馬蹄榚，雞扎，燒賣，百花釀魚肚。。。

一行三人食午餐。點了不少點心XO醬炒腸粉：好味，略嫌XO醬太少豉汁鳳爪：味道不錯馬蹄糕：清甜爽口，有一片片的馬蹄小心奶皇飽：好味！流心奶皇無得輸蛋撻仔：酥皮ok棉花雞：不過不失咸水角：夠新鮮整體食物質素係侍應看似好忙，叫極都唔得沖水

好少入屯門不過嚟到屯門又唔知食乜好朋友介紹八月即管一試見到撈起，好吸引，而且新年流流食吉利嘅嘢當然好點知點菜嘅時候佢就賣晒退而求其次叫咗個四人餐，另加220一位我哋六個人總之最後埋單每人＄300唔使作為晚市好抵而且有燕窩食如果燕窩係真的話，靚又好唔靚又好，都已經值回票價一班朋友坐喺度傾吓計食吓飯六個大人帶着三個嬰兒都坐得非常舒服坦白講成餐飯燕窩係幾好，味道唔太淡其他菜式冇話邊樣最好食樣樣都OK當然唔係好好食啦，入到口果隻平平飯聚團拜唔失禮

是晚和爸媽到八月食晚飯。v city中菜選擇唔多，晚飯時間大部分要排隊。美心旗下既八月，食過幾次，味道中規中距，今次都不例外。黑椒豬肉(前菜)幾惹味，但比較細碟，偏咸了點。豆苗最近當季，非常幼嫩，上湯煮不會太油。當日天氣頗凍，點了煲仔飯打算暖一暖，但非常令人失望。40分鐘才上菜，感覺上肉餅和飯是分開煮熟後才放一起。飯完全冇肉汁香味，都冇乜飯焦(唔係煲完飯擺落瓦仔煲掛??.....)，肉都吸收不到煲仔飯香...最後我地當白飯食就算

上星期，同女朋友爹地媽咪晚飯聚一聚，飛車返到屋企樓下食八月，美心集團既其中一個品牌，近年美心一直有新品牌，但未見得質素有所提升反而每況愈下4個人叫左5餸1個煲仔飯，冬天餐天有冬天菜牌，咁其中三個餸同一個煲仔飯都係冬天菜牌，但都表現失色，只有第一道前菜好少少黑白胡椒肉，有酸薑做底，上面有叉燒既物體，一塊酸薑配肉食，唔覺油膩，幾開胃第二道菜既豆苗，明明叫上湯浸，變左濃芡浸豆苗鴛鴦腸蒸腐竹，有創意，將濃味既臘腸，同潤腸配上吸味既腐竹，非常夾，只係多左啲豉油，咸左啲，同腐竹分唔開，變左腐竹「扒」，但呢個餸，我會決定係屋企研究下點整其他野不過不失，但偏咸反而令我最失望係個煲仔飯，第一多油又乾，第二，上面既肉餅同蝦乾無味，第三，我懷疑飯有飯煮，肉有肉煮，之後放係同一個煲到，理應飯應該有肉既汁香

由家去最近的大商場，應該系V City。兩個人吃飯，其實好小上酒樓，這晩想吃中菜，到訪八月都系首次，假期常常見人潮。入內感覺幾逼，枱與枱很親蜜。餐具白底藍花，時尚討好！茶水分開計，其實同尖沙咀八月居一樣。Floral Tea花茶～金盞飄香＄26另熱水＄11叫了晚餐＠＄188，兩位起。前菜系爽口青瓜及海蜇頭海皇羹，稀杰適中。西蘭花帶子，坦白說第一口覺得很好，不會很鹹，但食落是沒有什麼味道的。鮑汁鮑魚花膠，很可怕的獻汁！竹筒飯粒粒分明又入味，這個很不錯！餐內的甜品系凍的焦糖布丁及水果粒，兩者皆是淺嘗吧！味道非常一般！