八沢 (杏花新城) (已結業)

今朝掛住趕deadline交report比老闆，早餐都無食，12點已經鬼死咁肚餓，一於要食返個超豐富嘅lunch 黎獎勵下自己趕完deadline🥳主打八沢咖喱吉列豬扒飯，唔係第一次食，都keep到之前食個水準，豬扒夠juicy同香脆可口😍，份量都足夠，切開有成6大舊，咖哩汁裡面有紅蘿蔔粒同紫薯做配菜👍🏻兩樣都鐘意食叫左個濃湯雜菜食下好似無咁罪惡😝 用錫紙包住啲雜菜仲熱辣辣，菇同菜都鮮甜，唔錯😄仲有個日本炸南瓜😆 超飽肚之選😂 啲炸槳似係天婦羅炸槳，唔會好厚，夠晒脆😍南瓜都好甜好好味🤩 好飽都清晒一個人食得晒咁多野都要比個叻自己😂樣樣都好味又唔想嘥野，好滿足既一餐😊值得推介

星期五帶埋囝囝去接老公放工❤️，Happy Friday 梗係唔煮飯出街食埋先返屋企喇，日式餐廳永遠係我地一家既最佳選擇😂天氣咁熱所以揀左個秋葵沙律黎做前菜小食，酸酸地醋味襯埋秋葵又健康又好味又開胃😍秒殺同囝囝share黎食最好就係揀烏冬，鮮雜菌松露芝士烏冬好吸引🤤 我同囝囝都好鐘意食菇菌類，唔洗特別烹調都好好味👍🏻撈埋啲松露一齊食真心正 囝囝大讚好味😍仲叫左個黑安格斯肉眼牛扒飯，牛扒份量都幾多，啖啖肉岩晒老公呢個食肉獸，好香肉味又有小小油香味🤤好想食多幾舊總括而言，呢間餐廳高CP值，有機會一定會再幫襯

難得去港島杏花村有野做，梗係要係商場睇下有咩正野食，同同事一樣都想食日式做午餐🤩，見到呢間好似有啲fusion感覺就入去試下，有驚喜!! 😋黑松露忌廉海鮮烏冬，個忌廉湯底好滑好香忌廉味，但係感覺完全唔肥膩，有啲卡邦尼既味道，三文魚同帶子都鮮甜，烏冬聽聞係手打，好味道但都係比個湯底搶晒風頭，大愛呢個湯底，可以成碗湯清晒😝同事叫左個小桶山薑玉子鯛魚腩飯，第一次食鯛魚腩，都幾鮮甜完全唔腥，又有淡淡既薑味😍，同啲魚幾夾，個玉子未熟晒，用黎撈飯食真係好正🤩同事秒殺左成桶飯另外仲叫左個吉列炸蠔，明太子雞翼小食，炸物最緊要送到黎仲係熱辣辣同脆卜卜，果然無令我地失望。炸蠔有蠔味，雞翼有小小辣(我完全唔食得辣)，好開胃🥰今餐同同事都食到好飽好滿足，叉足電繼續做野💪🏻

Blue Monday 完全無心機煮晚飯🥺，同老公落樓下商場搵食，呢間餐廳成日經過都好想試下，今晚終於有機會🥳，餐廳啲位都幾闊落，牆上面有貓貓狗狗既畫，望到都開心😍我叫左個黑蒜炙燒極濃黑豚肉拉麵，黑蒜湯底香濃，好好味，忍唔住不停咁飲🫢，飲完又唔會特別口渴。黑豚肉大大塊啖啖肉，好正好滿足😋 拉麵仲有日式魚蛋，黑木耳同糖心蛋做配料，大滿足😊 題外話，我自己好鐘意碗拉麵個器皿，勁日式，好有鄉下感覺。老公係牛魔王，都估到佢會叫黑安格斯肉眼掛烏冬😂 黑安格斯肉眼好香牛肉味又唔會好騷，又係會食唔停口，烏冬煙韌索晒啲牛肉汁👍🏻好味

難得閒日放假，約咗好姐妹👭係佢返工附近商場食lunch傾下計catch up下大家嘅近況，佢推介呢間餐廳，佢食過幾次都覺得唔錯，咁就當然信佢喇🤤我地叫左兩個飯，一個小食同一枝汽水share黎食，八沢咖喱吉列蝦飯，本人最喜歡食香口野，個吉列蝦好好味👍🏻，個炸槳唔會太厚，蝦大大隻好新鮮，個咖哩撈飯一流，唔會好辣岩晒我口味，大讚😍日式滑蛋叉燒飯，啲叉燒唔錯，唔會好”鞋”口夠晒淋，有小小燶邊，超正!! 不過我最期待係個滑蛋🥚，有蛋味又唔會太咸，亦都係撈飯之選👍🏻炸物控再叫左個吉列帆立貝帶子小食，正😋個帶子唔會太熟炸得岩岩好，仲好juicy好滑😍大愛女仔傾計當然要叫下野飲，今次叫咗枝信州蘋果梳打汽水，幾清甜好香蘋果味🍎，唔會好甜都幾解渴

同小朋友係playhouse放完電係商場附近搵野食，見到呢間餐廳啲嘢食好吸引，諗都唔諗就入咗去，果然無令人失望😍由於大人細路都玩到無晒電，無乜胃口唔係好肚餓，淨係叫左個黑松露忌廉海鮮烏冬，濃湯雜菜同咖啡😋個烏冬一擺低就聞到好香既黑松露味，同個忌廉汁好夾，海鮮有三文魚同帶子，兩樣都好新鮮，烏冬口感煙韌唔會太淋，個人對呢個烏冬非常滿意，對得住個價錢😍😍濃湯雜菜味道唔會太淡，最鐘意食啲菇，好好味，小朋友一個人都可以清左一大半😱杯咖啡當然係大人之選😍，得返半條人命絕對係叉電良品，味道不過不失，絕對係滿足既一餐😊👍🏻

之前屋企人話行過見到外賣自取有八八折，買過個飯盒番黎俾我，又真係幾好食，所以今次特意帶埋朋友黎試下。坐低就見到生猛百厭貓咪嘅璧畫，好可愛呢，襯附近食客啱啱埋單，就去同貓咪牆打下卡😽😽😽上次食咗咖哩好好味😋，所以今次又叫俾朋友試下，堂食仲好食，起碼熱啲，新鮮炸起脆身，配埋咖哩，可以食多啲飯添啊！而個帶子冷烏冬，呢個有驚喜，個汁起初芥末味攻鼻先，然後食到酸甜味，中和番之後，就覺得呢個汁有層次。帶子都鮮甜，都幾大粒，烏冬份量有得加就好啦，堅好食喎！

安格斯肉眼手扒飯，呢個飯都份量啱啱好，有個蕃茄小菜送埋，汁又係另外一隔自行決定落幾多，雖然唔係嗰啲鋸扒幾成熟嗰啲，但都無過熟，肉質咬落無筋，揾啱紋路切，所以都唔錯。👍🏻😊而個冷烏冬呢😋我覺得可以再凍啲先上枱🧊烏冬質地有彈性，又無話一夾就散，條條分明無黏埋一齊好難分開嘅情況。個汁自家配調，果醋味道無話好酸，反而比醋多咗股清香味，由於烏冬同帶子都唔係重味道食物，所以真係靠個汁救全家啊！！😬😬😬冷烏冬必推！！！另外，買番屋企食都好抵，見到不停有街坊買外賣走👍🏻😊

八沢係餐廳名黎，同咖哩係無乜關係嘅。有日同男友講開想食日式咖哩，咁啱見到，真係好好運氣🍀吉列豬扒都炸得幾靚，size都幾大，有隻手掌✋🏽咁上下，而厚度都有成隻手指厚，熱辣辣上枱，差啲辣親個咀，食落唔會話好乾，加番啲咖哩汁一齊食就啱啱好夠味，送飯一流。炸蝦都還可以，比我揀，我個人就鍾意吉列豬多啲，因為炸蝦個炸粉有啲多，不過都可以接受嘅。而個咖哩汁正正常常，個人接受到再辣少少，男友話日式咖哩就係要食呢種，要食辣食泰式印度咖哩啦！呀⋯⋯🤔又好似好有道理！仲有個濃湯雜菜，加埋落個咖哩度，即刻豐富咗勁多，感覺又健康咗有菜食下。不過間野又平又唔使加一，質素可接受！滿足到我想食日式咖哩嘅慾望。😊😊

上次黎食嗰陣都有泰式啲嘅選擇，今次黎已經轉餐牌野食，多咗啲日式啲嘅飯啊，掛烏冬咁，當佢新餐廳咁試。蕃茄沙律🥗🍅🥗黎先，蕃茄食落爽甜多汁，好新鮮，涼浸浸，加埋個汁清爽酸甜味適中，好開謂，佢同糖漬蕃茄唔同嘅，係另一樣沙律黎，好味。小桶山薑玉子鯛魚腩飯私心想用黎打卡，見佢有個飯桶咁得意😎原來山薑配鯛魚腩都幾好食，我自己都無咁煮過，唔腥又唔會下下配燒汁咁悶！玉子都有幾舊，呢個飯桶可以encore。🍄鮮雜菌松露芝士烏冬，係想像中嘅味道，茹類用白汁煮，一般都好食，菇菇又索汁而且份量又多同烏冬都夾到，變相個芝士就好重要啦，個芝士係好食嘅芝士，唔會太漏，仲有拉芝效果，但當你拉到芝就要快手食，咪再影相影咁耐啦，要襯熱食啊。😊總結黎講，今次轉咗餐牌，係滿意過之前，多咗選擇，而烏冬都keep到水準。👍🏻👍🏻👍🏻

中同聚會，其實大家都住附近，不過每次約親，都首選八沢做聚會老地方。黑松露忌廉海鮮烏冬，呢個烏冬啲餸都幾多，有三文魚啦，大大隻帶子啦咁，本身仲諗住係海鮮大雜燴添，不過見到咁大隻帶子都收貨啦！白汁好味！😋安格斯肉眼牛扒飯，啲仔都係鍾意肉肉肉，佢跟咗個小蕃茄沙律同個汁分開上，呢個咁嘅上碟方式幾好，唔使特別講明汁另上，贊好！👍🏻👍🏻👍🏻啲肉仲已經切好，唔使自己鋸扒啱曬懶人！日式滑蛋叉燒飯，呢個新嘢黎，上次都未有得食，日式叉燒較為健康，可能用慢煮，肉質係幾嫩滑，蛋又滑，簡簡單單已經好好食🤤🤤🤤仲有個帶子冷烏冬，個汁酸酸甜甜好開胃，加埋芥末刺激下鼻腔，哇！爽啊🥹諗起辣辣壽司邊個食😭粒帶子都爽甜無怪味！外加個芝麻醬滑豆腐，普通又唔係貴，可一試。😗

某日行街經過，見到門口大大隻字寫住88折，我呢啲師奶緊係唔執輸去睇下咩料啦，原來而家都有外賣自取88折，再望多兩望免加一，正喎！btw原來2018年已經開咗?🤔🤔🤔即係有其他分店？anyway 坐低先慢慢睇餐牌。咁啱同行朋友係食素嘅，佢話都唔少素食選擇，佢就揀咗個鮮雜菌松露芝士烏冬，啲菇茹都幾多，好似唔使錢咁鋪滿個面，芝士都好多，係咁芝士拉絲，食到成咀都係啊！😆😆😆我個咖哩吉列蝦飯，正常發揮，炸蝦唔油，個汁調味唔錯，不過幾十蚊一個飯，都無乜要求啦😂😂😂後黎叫多個日式凍豆腐同炸南瓜小食，不過唔記得影相，推薦食凍豆腐，好夠凍，又香滑，豆味濃，加啲醬汁夾埋，透心涼！大推！😋😋😋

近排先發現呢間野嘅好，就好似你由細食到大食慣阿媽嘅餸，間唔中又想食下嘅港式日本嘢，啱口味得黎又平民價。八沢咖哩吉列蝦飯，🍤comfort food 之一，熟悉嘅日式咖哩，配有少少薯仔紅蘿蔔，唔辣微甜，撈飯一流，炸蝦不過不失，落單嗰陣時問可唔可以多飯，又真係多咗飯，開心！黑蒜炙燒極濃黑豚肉拉麵，上枱好香，黑蒜油係湯面，飲啖濃豬骨味，加上啲豚肉炙燒過，好香口，要啲肥再炙先夠焦香㗎嘛！！各人都各叫咗款少見啲嘅梳打汽水，最日式係佢哋啦，桃味甜啲，而抹茶味就幾特別，飲完個口腔仲有股茶味。總結黎講，成餐都食得好舒服，價錢又實惠，住附近嘅，可以多啲黎幫襯。😊👍🏻

無得去日本旅行，唯有食下日本嘢，止下口痕同止下相思病，日本！！！😝由於得我一個食😛就叫咗個黑松露忌廉海鮮烏冬，有啲帶子同三文魚，食材無雪味😊黑松露味都幾特出同海鮮都係最佳組合黎😋👍🏻烏冬扮意粉咁都幾日式洋食咁，好多日本妹子約去食個lunch咁。略要改善嘅位呢，如果個汁可以杰身少少，咁烏冬就會掛汁啲。😗額外叫多個秋葵沙律，都俾得幾多秋葵，配埋日式芝麻沙律醬，凍冰冰🌀好爽脆🤭最啱天氣熱食下，日本感覺番晒黎😆😆🇯🇵見到隔離枱食個冷烏冬好似幾正，下次黎試！😋😋😋

夏日炎炎，條街成35度🥵🥵緊係入番商場涼下冷氣🌀🌀順手坐下，食下嘢，消費下啦！🤪見到呢間港式日本餐廳，又有冷烏冬，啱晒心水🥢🥢🥢芥末果醋帶子冷烏冬😍上菜！！！帶子大大粒，仲大粒過隻蛋橫切面😮，而個汁聞落酸Maymay但又有啲果香，果醋又同平時食嘅伴麵醋唔一樣，口味清爽啲，我就覺得食落唔夠wasabi 啊，職員姐姐都好好，即刻問廚房，加碼個wasabi 食到好感動啊！！🥲烏冬爽口唔癡牙，質地煙煙韌韌，食得出唔係普通烏冬而係高級烏冬啊，同你買番屋企食嗰啲唔一樣！加錢要咗個柚子味梳打汽水，同個烏冬好夾，微微嘅柚子味，兩啖飲晒，爽啊！成餐都好想大叫爽啊！爽啊！爽啊！下次黎試埋湯烏冬先！！🥰🥰🥰