八沢 (杏花新城) (已結業)

門口大大隻字寫住88折，又幾好喎，同老公諗住撐完枱腳，買外賣俾仔仔就good fit laaa~✌🏼坐底見到呢輪做緊即日限定50碗嘅日式滑蛋叉燒飯，仲要送熱飲，真係拒絕唔到限量嘅東西，緊係要試呢個。😊😊😊小師奶心態又黎啦！個叉燒又燒得幾好，有啲焦香味，唔會燒得過曬火，肉肥瘦適中，唔會只得肥膏，同拉麵鋪嘅叉燒有得fight ，滑蛋都滑嘅，份量幾多。😻而老公個咖哩豬扒飯塊豬扒幾厚身，脆卜卜，咖哩就係日式咖哩唔辣，用蕃薯仔🍠黎做配菜都幾搞笑。仲有個小吃，日本炸南瓜，又幾甜㗎喎，炸得唔油，收貨！堂食又唔使加一，食飽飽就買多個冷烏冬俾仔仔，咁樣又一餐啦！

上星期日同呀媽行完要醫肚，👩‍👧兩個人又拎住一袋二袋，見到八沢之前都食過兩三次架啦，今次再黎番卓🤓佢入面裝修都幾日系，用左啲木裝飾好似去左真日本咁👍解一解香港人思鄉🇯🇵呢度既烏冬真係整得唔錯架～👍👍👍👍鮮雜菌松露芝士烏冬，先黎左個有汁既烏冬比較港式一啲，配番我至愛既松露好香加埋芝士既最佳配搭😙👍👍👍👍黑安格斯肉眼掛烏冬，安格斯比既份量真係唔少，有一整塊同埋幫你切埋，好貼心！個牛有烤過，出面焦香鎖住啲肉汁，配埋個掛烏冬好彈牙同少少煙韌😊下次行街攰攰要醫肚都會行番過黎，都坐得幾舒服，唔會太迫😉

之前同事同我講去咗杏花新村試左間日式餐廳八沢。今日放工冇約人食飯就自己入咗去食，餐廳啲員工好熱情介紹佢哋主打菜，不過我自己唔算太喜歡食咖喱就試咗佢哋嘅飯我先叫咗個蕃茄沙律，蕃茄切薄加啲洋蔥碎加埋個汁酸酸美味好開胃，不過份量唔算特別多，作為一個前菜來講算合格放工拎住啲嘢行嚟行去太口渴所以先叫咗信州蘋果梳打汽水，呢個蘋果梳打都幾好飲清甜嘅蘋果味，飲得出果汁含量高，有預算嘅朋友仔可以一試呢個日本梳打汽水等咗一陣，日式滑蛋叉燒飯都未買，佢個滑蛋入口即化香濃蛋香味睇得出係日本蛋，叉燒醃製得啱啱好入口即溶，面頭少少焦香，配埋個飯真係一流。平時同事都周圍食好嘢，今次呢個介紹冇錯，下次要過嚟再試一試呢一間餐廳嘅烏冬

星期六晏晝冇嘢做，就落街買少少嘢，順便食埋個晏晝先至返屋企，嚟到商場入邊見到八沢，都算叫做半個食堂喇，當用膳時間有選擇困難症嘅時候就會過嚟，呢一間餐廳係會用QR code落單，落完單好快手就會送上你嘅餐👏🏼今次就普普通通叫返個烏冬🍜食，呢個黑松露忌廉海鮮烏冬，又唔算係好日式因為烏冬嘅忌廉汁比較多啲，但係其實配合個烏冬食係啱啱好因為烏冬本身冇乜味，有啲忌廉汁口感會豐富啲，同埋啲烏冬食落好彈牙，另外🐟海鮮方面三文魚食得出都幾新鮮唔會腥，如果佢個帶子比多一粒，咁樣個人會開心啲，不過其實成餐飯CP值都好高。最緊要方便就腳😝

收工之後約咗姊妹去咗睇戲，順便睇戲之前先填飽個肚，我哋揀咗一間裝修偏向日式風格嘅餐廳，坐低慢慢傾吓計之後先至去睇戲。😌我哋叫咗吉列炸蠔，明太子雞翼查好嘅size啱啱好粉漿好薄唔會太厚食落去唔知食緊乜咁，同埋因為即叫即炸一咬落口都有少少熱，可以小心啲食。明太子雞翼個明太子份量建議可以增加多啲，口感比較豐富，不過本身雞翼如果可以去買雞翼尖就好啦，因為比較方便食 我自己叫咗黑安格斯肉眼掛烏冬，啲牛肉幾好味，一咬就斷冇乜根，仲保留少少肉汁攞嚟送烏冬啱啱好我朋友叫咗八沢咖喱吉列豬扒飯，個吉列豬扒成塊面咁大好抵食呀，咖喱口味偏甜啱晒女仔食，攞嚟送飯啱啱好，另外舖頭都有兩個日本小番薯係啲汁度，食落都幾甜推薦返呢間餐廳俾情侶或者三五知己過嚟試吓傾吓計，環境舒適餸菜都幾好味值得推薦

今次為食貓黎到杏花新村搵好野食😊見到商場有間裝修得好有日式風情既餐廳就坐低試下佢地啲小食沙律🤣😆 🥗秋葵沙律 3/5分夏天食返啲秋葵沙律，健康又美味零卡路里，佢配咗啲鰹魚汁雪到凍冰冰，加埋木魚片喺上邊，令人胃口大開👏🏼🦪吉列炸蠔，明太子雞翼 4/5因為下午茶時間，又唔敢食太飽就叫咗個小食炸蠔同雞翼，炸蠔粉漿唔會太厚，識落好新鮮，唔係好重海水味易入口，最抵贊係個明太子雞翼，明太子比咗好多，好大方，雞翼揸到入邊仲有肉汁金黃香脆叫咗咁多小食梗係要配返一杯啤酒送下，冰凍draft beer 好爽啊💕

之前同事推薦食呢間日式餐廳，佢話啲掛烏冬好好味，今日同男朋友行街經過就決定入一入去試下。黑松露忌廉海鮮烏冬滑得來又彈牙，啲忌廉岩岩好唔會太油膩，海鮮就有三文魚三舊手同埋帶子兩舊，上面有少少黑松露襯番啲海鮮都幾惹味鮮雜菌松露芝士烏冬，先來將個太陽蛋獨攬撈埋落啲芝士烏冬度，簡直係享受。另外啲先雜菌配埋黑松露，啲菇味出晒嚟，成件事好夾，而且啲雜菌份量好多呢一個好抵食呀我哋叫咗富士山柚子味梳打汽水同埋信州蘋果梳打汽水，柚子味梳打汽水比較清新啲，唔係好酸攞嚟中和返頭先啲芝士烏冬同埋忌廉烏冬啱啱好，蘋果梳打呢有50%果汁偏甜，如果炸物會叫返蘋果梳打會好啲，下次要過嚟試埋其他野食

下午見完個客見到係杏花新村呢個日式餐廳就坐低咗啦，舖頭裝修日式懷舊風，好多唔同貓貓狗狗着住和服嘅擺設同埋裝修另外都會採用一啲柔和燈光我睇心情已經放鬆見到都覺得肚餓👍👍👍蕃茄沙律！先來叫咗個蕃茄沙律，識落酸酸地好開胃不過份量唔算特別多，所以再叫多左個沙律👍👍👍秋葵沙律秋葵沙律應該係用咗鰹魚汁雪到凍一凍，上面加咗啲木魚片，啲日式風味出晒嚟😚👍👍👍👍👍日式滑蛋叉燒飯，呢個滑蛋叉燒飯好推薦比大家嚟試下，啲滑蛋就正常啦，個叉燒燒到邊位焦香，食落軟淋帶甜！送飯一流啊總括而言呢間餐廳坐得舒舒服服，滑蛋叉燒飯好食，沙律就一般標準口味，如果10分滿分我會比7分佢。

同男朋友原湯睇完戲肚我就去咗間日式嘅餐廳坐低醫肚，之前已經去過將軍澳分店試，今次嚟到杏花新村都見到，就坐低食多一次。上次就試個湯烏冬，今次試返啲新嘢😋芥末果醋帶子冷烏冬(掛烏冬) 7/10，第一樣嘢事嘅係掛烏冬！烏冬彈牙，唔會軟林林，個帶子幾入味，我自己幾喜歡呢一種，酸酸辣辣有啲攻鼻，好醒神，我男朋友就話唔係好啱佢，佢怕酸，不過都推薦大家試吓，好啱夏天食😋 黑蒜炙燒極濃黑豚肉拉麵9/10，呢個豚肉拉麵份量好大，用平雪鍋成個上，好岩打卡，成個湯底好濃配合黑蒜油好香，啲豚肉片入口即溶，呢個必食！嘢飲就叫咗汽水同埋奶茶，信州蘋果梳打汽水呢個蘋果味都幾重，一睇之下原來有50%果汁，大家可以試吓，另外奶茶就幾滑，日式餐廳嚟講算唔錯。

星期六放假約咗家姐上佢屋企湊細路，早到咗覺又未食晏，費事叫佢煮俾我食喺佢屋企附近杏花新城商場搵啲嘢食，成個商場都係連鎖餐廳，見到有間舖頭日式裝修，門口用木條間住充滿着日式風情就入去試下。可能都係朝早11點幾，人流唔係好多，雖然我一個人但係都安排我坐卡位有梳化坐☺️我自己叫咗黑安格斯肉眼掛烏冬，天口熱食唔到一碗熱辣辣嘅烏冬，叫掛烏冬啱晒點住啲執嚟食，餐廳仲配埋新鮮蕃茄，食兩啖開一開胃先，啲烏冬都幾煙韌彈牙，個安格斯牛肉唔會住得過熟，仲有肉汁，肥瘦適中。出面30幾度，叫咗支完熟桃味梳打汽水，冰冰涼涼飲啲桃味嘅汽水好清爽，呢隻幾好唔會太甜。總括而言，烏冬幾好食，不過牛肉可以厚啲，唔錯既一餐。

放咗工好攰唔想煮飯食，看經杏花新村商場見到八沢係度有開，之前喺筲箕灣都試過佢好出名嘅黑松露烏冬，咁今晚都過嚟試吓啦。放工個肚都幾餓先叫咗個小食吉列炸蠔，明太子雞翼，應該係即叫即炸既，上到枱咬落口都爭啲辣親嘴，炸蠔size唔算好大，不過都幾鮮味，另外雞翼都炸得脆口，不過明太子味略淡呢兩個禮拜好熱所以叫咗個凍烏冬，芥末果醋帶子冷烏冬，芥末加果醋辣辣地又酸酸地，都幾衝擊味蕾同時又幾開胃，不過果醋少少重手過酸，好彩烏冬夠彈牙煙靭搭救都叫咗個汽水試吓，呢一個蘋果梳打汽水，可以一試！幾香蘋果味～

今日特登早啲出門口 係屋企樓下食個lunch 先返學 成日網課到學校連canteen 都唔開咁就食樓下canteen 😛八沢咖喱吉列豬扒飯 $75（ 8/10）吉列豬熱辣辣 又大大塊 係岩岩炸起  厚肉得黎肉質唔會好乾，日式咖哩唔會太辣 帶少少甜味 用黎送飯剛好🤪  因為個汁係一齊上 而且都唔少 個底啲飯會比啲汁浸到  吸晒啲汁 好肥🤭蕃茄沙律 $28 （唔記得影相🥲） （8/10）始終吉列豬都有啲邪惡所以叫左個蕃茄沙律黎中和一下 好fresh 同清爽啊 解到食咖哩吉豬飯既罪疚感😌😉 Lunch仲要免加一 ！

知道呢間餐廳主打食烏冬，不過天氣咁熱真係忍唔住叫個前菜食住先，芝麻醬滑豆腐，比我想像中更有驚喜，首先豆腐真係夠冰涼，但係食得出佢本身係蒸熟左，然後再去雪凍。多咗一層工序，但口感都更好，入口即滑到喉嚨，配埋個芝麻醬真係好正！！😝之後主菜嚟啦，我同個朋友嗌咗黑松露忌廉海鮮烏冬🍜同埋芥末果醋帶子冷烏冬。🍥果然招牌係食烏冬，先講左黑松露忌廉海鮮烏冬，（88蚊）黑松露味好夠，個汁都好濃郁，令到烏冬入口嗰陣更加滑～😋另一個芥末果醋帶子冷烏冬，（82蚊）好適合夏天食！酸酸甜甜又辣辣地，烏冬又凍㗎喎，雪雪雪好快就雪哂🤣🤣🤣！！舊帶子仲要超大隻好似我手板咁大隻😳😳😳！！超抵食！！跟住兩個人食到咁飽，埋單都係198！！！人均唔使$100，港島區邊度搵啊！！下次會再來😍😍😍試吓其他餐牌上嘅野～

見到餐廳門口嘅Menu大大隻字寫今晚食好啲 哈哈 真係俾佢吸引咗入嚟食飯  價錢平民 食物質素中上 今晚就食個簡簡單單日本餐 同男朋友兩個人 叫左 咖喱吉列豬扒飯 玉子魚腩飯 仲有個 濃湯雜菜 咖哩飯多汁 調味好食  豬扒厚肉無得輸 😄玉子好滑🤤🤤🤤魚腩都嫩滑肥美 平時好少 呢種煮熟既日本魚 怕佢有腥味 呢度個醬汁同魚好夾 完全冇呢個擔心雜菜用錫紙包住上菜 份量大大份 有菜又有啲雜菌 我地攝取到今日要食既蔬菜量😆 埋單加埋先二百頭 同去茶記叫兩個小菜價錢差唔多 

Sem完再加上終於chur 晒d paper la🥳🥳🥳🥳🥳返學校交完paper 真係需要慶祝下 見到好多吉列炸物 超吸引  我同同學分別一人叫左一個主食 朋友仔佢無牛不歡 叫左黑安格斯肉眼牛扒飯 我就叫左咖喱吉列蝦飯  吉列蝦大大隻 彈牙 咖哩汁好出色 同炸物好夾  多汁到可以比我點埋其他野食 話明要慶祝下 就咁一個飯有啲頹喎想再叫多個炸物之際我地糾結要吉列蠔好定要明太子雞翼 小朋友才選擇 我地決定要晒 😎😎😎😎明太子雞翼既明太子味唔係太出 可以再加多啲！！  但炸雞翼都好好食 唔乾同鞋口 …… 吉列蠔🦪 咬落去幾juicy yummy !!!!!!! 食完咁多炸野 真係要飲返杯涼茶先搞得掂