八番屋 (已結業)

今年第一次來食 不是因為不好味 而是因為沒時間阿仔最愛食店第一位之前一來大埔必食這間阿仔每次都食叉燒拉麵加面底 忘了幫食物影相我就叫了個迷你玉子牛蒡雞球飯阿仔又要來搶食希望有日在我們家附近開分店

呢度散叫就唔算抵食水準中下叉燒拉麵，叉燒鞋口個湯味精底串燒同雞奕ok起碼有汁除了下午茶，如果正餐價錢，未必揀佢了價格反映一切小食配餐，下午茶食下尚可以餃子配泡菜叉燒飯，幾惹味，細細碗一試無妨

主打每晚慢火细熬的【 豚骨日本鲜汤 + 超大片秘制厚肉烧】日本拉面 🍜先喝一口浓郁香醇的鲜汤🍲 再吃上一口Q劲十足的拉面🍜 和入口即化的猪肉烧 🥩每一口下去都超满足的 #100%还原正宗日式拉面 😍.从汤底、面的硬度、汤的浓度都可以依照自己的喜好选择而且⚠️ 这里还有5款拉面口味可以选择 👇♨️ 必试招牌的【 经典原味 Tonkotsu 🍜】♨️ 咸香辣甜的【 特色肉烧 Tonkotsu 🍖】♨️ 微辣不呛的 【 香辣 Tonkotsu 】♨️ 蒜香四溢的【 香蒜 Tonkotsu 】 ♨️ 微甜清爽的 【 生姜 Tonkotsu 🍲 】

之前晚市食過幾次，覺得雖然唔係好對得住但價位，但係都唔算太難食。。。。。。跟住今日lunch，見新達又冇咩想食，咁啱又見到呢間個lunch 五十幾蚊有個棒棒雞拉麵，就諗住試下啦，坐低點餐之後，等左十分鐘左右，腦海浮現嘅，係棒棒雞放係麵上面嘅畫面，點知來到佢比我嘅係三塊雞胸肉，而且超硬同超鞋。老實講本人食野都算求其，食五十幾蚊嘅拉麵都算係日常，都知質素唔會好得去邊。但呢個係我有生以來食過最難食嘅雞胸重點係，佢叫棒棒雞拉麵

牛舌月見丼🌝近排食過最劣既***劣食...先講服務；食物$78另加一服務費（香港系基本架啦...) 但系水/ 茶都無杯既，絕對俾得唔憤氣。所謂既服務只可以形容職員上菜呢一個動作。再講食物；牛舌味道OK既，但系口感非常之“Un”。價格VS份量比系極度低 - 三塊加半塊，其中得半塊個塊切口位仲要非常明顯 😅 再加左pat台式肉燥（？！）系發生咩事？！呢一點本人覺得係有些少奇怪既。此外，飯既口感偏濕（而且應該唔係日本米？但呢一點無從得知。）整體就係唔得。

今日黎左呢間八番屋食午餐 我叫左個吉列豬扒拉麵 好好食 吉列豬扒外脆內軟 中意炸物既朋友絕對啱食 而且配上沙律醬 呢個搭配真係唔錯 食到津津有味 拉麵麵質彈牙 仲有一隻流心蛋 一個字正

第二期消費券發放第二日，商場唔算多人，八番屋等一張檯，2個人入到去坐4人檯，算有良心，而家好多餐廳擺塊板照坐4人。Scan QR code 自助點餐，所以而家電話係必需的，老人家要點餐就要搵waiter 幫忙了。野食都唔算貴，點咗個雜菜拉麵68蚊，追加年糕24蚊，送飲品，要咗凍綠茶，另外一個係豚肉丼58蚊。先嚟係年糕，一串兩件，面有紫菜，一咬落去凍嘅就問職員點解凍嘅？職員話係凍食㗎！小女子確實未食過凍嘅年糕所以有啲疑惑😅，講返味道，囗感算煙韌，不過紫菜唔脆。之後嚟嘅綠茶都幾大杯，多冰，纯茶，無加糖。豚肉丼豚肉都幾多，濃味，可以啦～

第一次過嚟食晏，12：30已經有人龍，前面大概8-10人。兩個人叫咗一個柚子鹽味雞肉拉麵+日式年糕+餃子。電話落單後見到個牌話拉麵追加小食送特飲，但發現其實唔係送，因為我哋單點餃子$24，但跟拉麵追加餃子係$26，先可以再揀所謂特飲，咁就唔好寫 “送”係咪會好啲呢？年糕嚟到，係凍的，和我預期熱的唔同，但侍應話係凍食，算，但凍食真係唔好食。到拉麵，賣相ok，但食落非常普通，除咗幾條柚子皮外就食唔到柚子嘅香味，而亦都第一次食拉麵入面的肉係無味到要點餃子醋 (因為枱面只有餃子醋)，就算出去食cheap cheap拉麵都無咁淡而無味得過份。總結，唔會再嚟食，亦更加唔值得排隊食！！！

與朋友相約午飯後往慈山寺參觀，所以就想近近地在大埔墟站附近覓食就好。在新達廣場走了一圈後，發現12點多的這時間，只有這間不用等位。於是到門口告訴侍應人數3位，侍應隨即要我掃安心出行，完成後才告知要人齊入座?!?! 在門口等了一陣，另一朋友到埗時再問侍應，另一侍應立即安排我們入座，那究竟是人齊入座還是怎樣？就算有人齊入座的規距也可以事前告知？入座後要自己掃碼下單，然後見確認時表示要收服務費。向侍應查詢時只簡單被告知星期六日有加一服務費，然後侍應就頭也不回離開了。下單後問侍應有沒有熱水？侍應表示是自助形式，並手指向右邊。朋友於是起身，打算往右邊去，另一侍應立刻截住朋友，並指著左手邊說水在那邊。我們都黑人問號時，侍應解釋那邊比較近，但我們目測那距離並不是甚麼大分別。我們兩人的餐到來後先行進食，第3位朋友遲來再點餐。有趣的是，我們兩人已各有麵及飯在枱面上，當侍應拿來第3碗飯的時候竟面有迷惘神色，似未察覺席上有多一名客人。食物方面並不特別出色，只不過不失而已。只是埋單時那加一的服務費，朋友仍感不忿，為甚麼在沒有服務下被收取服務費。

新達之無啖口食，去左八番屋食牛舌飯，其實都燒得幾香！不過3去牛舌送一碗飯黎食，係一舊分開左好多啖！諗住食下日本野最後覺得食頹飯like佢fb可以送杯茶😂80幾蚊落到樓

好掛住日本，到底幾時先可以飛✈️✈️✈️已經有兩年冇飛過啦掛住沖繩，東京，大阪有得出國我要去美國掛住拖羅，拉麵，,omakase,海賊王,火燃忍者日本水果......... 仲有好多好多好多嘅日本美食呀今日食住拉麵先啦，係日本八番拉麵呀🍜🍜🍜🍜🍜🍜🍜🍜🍜🍜香港都食到日本風味嘅拉麵呀係而家疫情影響佢改左電子點餐八番拉麵點解咁好食😋Good ramen and the quality is very consistent.  There's always a long queue during lunch and dinner hours.  If you want to skip the wait, I suggest visiting the ramen joint during non-peak hours. like tea time around 3-5 pm.

我對食好有要求，唔好食就唔會食，好食既就連個碗我都要舔埋。今次去左呢間日式餐廳，估唔到咁好食，食完有一種想上天既感覺，特別係佢既串燒，咬落去有好豐滿既肉汁，呢種質素，同我去6星級酒店食串燒一樣，證明佢地既師傅一定係日本串燒高手。拉麵個湯就比較特別，唔識飲既人應該會以為係合味道杯麵既湯，識飲就會飲到佢地入面除左豬骨之外，竟然仲有多達30幾種配料，以豬骨味濃到一個極點，應該起碼煲過72小時，可惜果日店長放假，唔係一定要同佢詳談。題外話，佢地有個漏洞，有個外賣優惠，我買左之後改堂食，佢地竟然吹我唔脹，咁就比我賺左十幾20蚊，爽。

浪是我的天性，由港島浪到新界，由白天浪到黑夜，終於累了。你說在二十年前，在大埔開一間高級日本餐廳，根本是天方夜譚，現在區內豪宅湧現，住客的消費力，絕對有能力支撐起區內的中高檔餐飲，而這間拉麵串燒店的出現，其實也不必驚訝。最便宜的入場費為50元一個人，晚，這晚飯局吃甚麼，交由三原師傅發辦吧。五月之春，螢光魷魚當造之時，輕輕地燒過，再淋上醬汁，甘香鮮美。點了一個味玉拉麵，賣相精緻的銀芽肉絲兩面黃，汁與麵合2為一，厚薄適中的叉燒，遇上酥化不硬崩崩的麵條，兩者交融吱吱作響之間，入口感覺絕妙。吃完整個人有點飄飄然，價格便宜，味道一流，裝潢有點LOW。

貧道呢2年來隱居於大埔附近的山上，避疫，每天只是叫外送平台吃，很久沒有正正式式吃一次飯了。昨天屈指一算，有感於疫情已經有好轉，就下山去找吃食了。昨天整個新達廣場也給我吃了個七上八落，四腳朝天，其中有2間餐廳特別吸引。其一就是這間八番屋 串燒乜乜飯 好長唔記得左佢個招牌咩名呢間野格調裝潢唔錯，食物味道亦不錯，最重要係估佢唔到咁抵食...真心可以當做每天飯堂，拉麵加串燒加野飲先$101，以為自己隱居訓覺訓得多，未訓醒。不過可能佢地太忙，店員服務有提升空間。

路經新達廣場，想食日本野，但冇乜選擇，得壽司同拉麵簡，不過估唔到有串燒食，所以就入左去，本身冇諗住食拉麵，但睇住女朋友食到索索聲，就叫佢比左2啖我食，點知出乎意料咁好食，本身我個牛舌飯都好好食，但果然世事最驚有對比，冇對比就冇傷害，一對比就發現個拉麵出色好多，串燒之能說一般正常水平，價格就偶偏低，好抵食，叫左一個飯一個麵，加2個小食，2杯野飲先200蚊....真係埋單果陣先知咁抵，嚇親以為佢地收小錢，因為落單果陣係我女朋友落，佢地亦好先進用QR CODE落單，係疫情既情況下更加安全，所以我一開始係冇睇價錢，心諗咁樣叫法，正常日式料理店起碼都400左右，點知先200...五個字抵食又好食。