六十年代

營業中

休息中

上次食完個厚硬粉漿粟米班腩飯，非常失望，但見到其他食物個樣吸引，都想俾多次機會。今次晚飯時段，人潮就更多聚集係門口，逸東無咩好嘢食，附近幾條邨都應該等到頸都長，先等到有間唔係連鎖店，食嚟食去嗰啲嘢，有間新野突然彈出，實係好多人排隊㗎啦。金針雲耳蒸雞：都等左一段時間，個蒸雞先至施施然咁樣送來，一眼望落去，唔算好油，最怕啲蒸雞油淋淋。你話好好味咩？又唔算，不過啲蒸雞件件老蓮咁大，啲地盤佬裝修佬巴士佬應該賺得飽佢哋。雞扒蛋包飯：雞扒都算大大件，都煎得幾香。但都夠滑，不過晚餐來講，飯量算少。魚香茄子煲：份量唔算大，不過碗飯屹到實一實，女人們可以分兩餐食。味道就一般啦，魚香唔夠，肉垂唔夠，不過起碼熱辣辣囉。試咗兩餐，左啖又一啖，食咗好幾碟嘢，我覺得嘢食正常普通。既然主題係60年代，可以慢慢發展一啲有特色嘅懷舊菜，咁樣先至同幾十萬間茶餐廳有分別，如果唔係，使唔使特登要來食你呢？

新開業的六十年代食過幾次真係決定要讚下佢👍🏾食物款式新穎，多選擇。好多有特色既食物可以揀，例如木桶口水雞，雪糕西多士，特色咖央多等...雪糕西多士西多士冇一般茶餐廳的油膩，十分乾身 鬆化，內裏既花生醬亦係恰到好處，唔會太粗身。加上新地雪糕，雪糕亦係挑選得宜，唔會太甜，襯托出西多的味道。豬扒芝士撈丁，ok芝士醬唔會太漏/飽濟，食落帶出淡淡的芝士香。豬扒唔會太薄身。丁面略嫌軟身。海南雞飯出色，海南雞唔難整得好食，雞就不特別說。雞油飯🍚，油份適中，食落口感特別好。配上配菜 醃好既蘿蔔，錦上添花🌺星洲炒米一般餐廳炒野多數油膩，但呢個廚房炒野火候控制十分好，香料醬油每條米粉亦沾上，米粉唔會變成一patpat,海鮮同配料亦有層次唔會全部都炒到淋曬香員工十分有禮貌，餐廳十分忙碌，基本上係咁客人係咁出入，一個鐘內同一張枱轉唔同客人，但從來冇見到員工不悅或者冇禮物，笑容十分好又親切，值得欣賞。價錢中上，唔算係好平，但絕對有驚喜。

環境：新開業，乾淨，有梳化舒適，算闊落；一般茶記的嘈雜，講野要用力對方才聽到服務：多顆計，即叫即到，幫到手，有禮貌有追單有跟進食物食過四款，一讚三保留：干炒牛河-賣相正常有鑊氣，牛有爽口，河炒均勻夠味又不過油，碼數都夠，份量飽，係讚的海南雞-賣相一黎覺得特別地一般，海南雞油飯好緊要，但個油飯好奇怪一忽油飯一忽白飯好似撈埋咁，雞駭靠皮靠汁打救，真係好駭...份量中下靠飯炸蝦旦包飯-賣相得，炸蝦油靚好味好脆即炸，飯底就無咩咪，旦包滑但份量少太薄唔夠送飯，食到7成唔想食豉油王海鮮炒麵-賣相無特別有點肉酸，無鑊氣不夠熱，有幾粒蝦仔，最嚴重是炸魚，無咪好硬，非常硬到咬唔到...

好感動屋企附近終於有間似樣些的餐廳開幕！這天在青衣參觀完手工啤酒廠回到東涌已近6時，但連早餐也未吃的我本來想煮飯等車爸爸收工才吃，但肚餓的我在買餸回家前路經剛試業中的新餐廳六十年代，雙腳不聽話的走進去！！ 紅紙也未撕的六十年代當然以懷舊的主題作裝潢，門口有一大幅像花露水廣告般的壁畫，感覺挺不俗，而且門口設有取票機不會像其它餐廳般入客混亂。  新X坑當然全場爆滿！但一個人等了不用10分鐘便可入座，看看餐牌選擇超豐富最後見海南雞挺吸引又可轉米線一於選它！ 海南雞餐推廣價＄58可選油飯或湯米線，另外有老火湯送凍飲加＄6，送到上檯賣相已經覺得幾吸引！份量十足吃下更味道很好絕對是有心之作。  點餐沒為意有老火湯送所以點了凍檸檬茶走甜，來到時茶底清澈喝一口茶味不算香濃，但篤了檸檬後茶都反了味道當然不會好！  海南雞配齊三色醬味道不錯的，伴碟的有醃雙色酸蘿蔔、青瓜，另外海南雞下還有新鮮的灼椰菜營養均衡。 海南雞做到皮香肉嫩，滑溜香口的雞肉味香濃，好吃過那過江龍天X多多聲！ 超大碗湯米線亦沒有揸流灘！帶點奶白色的湯底入口香甜並不太覺有師傅在內，而米線亦烹得滑口不過火，不過我只

又入逸東附近開工，d茶餐廳茶樓食到厭，竟然新開一間大嘢，拿拿林排隊試新嘢。下午茶時段依然超多人排，無計，新嘢人人都想試，等多陣都唔想食果幾間。我和同事各點了一份粟米班腩飯和星州炒米。星洲炒米：普通、正常囉。還掂都係新開，可以特別d，例如再香口濃味d，改下d陪料等。粟米斑腩飯：個汁OK，個魚，OMG，粉漿厚都算（其實好out，而家多數薄粉漿），最慘係硬！硬到咬唔到落去，Lur都Lur唔切。我唔會咁快判呢間嘢死刑，因為佢地服務好好，裝修都落足心機（雖然有d娘），但我無故意劣評，個斑腩真係好難食。見到格黎食炸雞肶餐個樣唔錯，俾多次機會你，下次食。俾d免費意見你地，還掂sell60年代，點解唔直頭玩懷舊菜式？反正懷舊名任你改，煮法任你變，60年代有錢出街去食飯死淨幾多個丫！你鍾意話60年代嘢食咩款都仲得！