影片
港鐵上環站 E1 出口, 步行約4分鐘
繼續閱讀
電話號碼
28336122
67682689
開飯介紹
主打精緻粵菜及海鮮的中菜館，餐廳環境雅致，菜式融合傳統與現代元素，如鮮麻椒油泡蟶子、煙燻糖心蛋等都很有特色。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
有關獎賞計劃
Sales同事今月爆數, 夜晚請食dinner, book咗中環呢間餐廳「六如」, 前身為「三小漁」, 自己一向不太好食中菜, 豈料今晚道道菜都食出驚喜, 回頭率極高, 值得推介!!餐廳環境簡潔, 乾淨企理, 放有多張圓檯、長檯。本意為中環食肆價錢偏貴, 但呢間餐廳性價比高, 擺盤、質素均能看出餐廳用心經營。先來頭盤三款:【黑磚豆腐】HK$36/兩件竹炭豆腐外層超鬆化, 內裡豆腐超嫩滑, 配上脆炸蒜, 香口美味。【煙燻糖心蛋(半隻)】HK$36/兩客煙燻溏心蛋口感超軟滑, 蛋黃流心配上鹹香有嚼勁嘅油茶菇, 雙重口感, 正!【香檸凍蝦】HK$56/兩客凍蝦爽口彈口有鮮味, 配上秘製檸檬汁, 清爽可口。【香茅烤椒煎焗生蠔】HK$112 (四隻)上檯開蓋, 煲仔熱得還是滋滋聲香噴噴, 每隻蠔非常肥美脤卜卜, 蠔味濃郁又juicy, 夾集香茅烤椒碎粒食, 辣辣地, 惹味開胃。【鮮蘋果陳醋香煎牛柳粒】HK$268牛柳粒煎至約八成熟, 很有鐵板燒風味, 肉味濃郁又多汁, 配上爽脆蘋果粒同埋陳醋醬, 平衡了牛柳本身濃郁肉味, 有助減膩。【紅湯酸菜辣煮龍躉球】HK$328龍躉球份量不少, 富有魚鮮味, 皮爽肉滑, 湯底酸酸辣辣, 惹味開胃之餘, 唔會全覆蓋魚本身嘅鮮味, 反而整體提升了味道, 伴有煙韌上海年糕、盡吸湯汁嘅豆卜+芽菜、超爽脆白木耳, 豐富又滿足! 推介!!【士多啤梨芝士軟糕】HK$78 (四件)想不到甜品同樣有驚喜!! 士多啤梨香甜多汁, 下層芝士味濃郁, 散發了焦糖嘅香甜, 大愛!! 絕對不能錯過!!
繼續閱讀
中環精緻廣東Fusion菜的絕佳體驗今晚下班後和最愛吃粵菜的同事到中環吃晚飯。之前已經拜訪過這間私房中菜，餐廳前身是中環的「三小漁」，所以食物服務絕對有質素保證。餐廳裝修雅致簡潔，以木系傢俬裝潢，配合粉藍色的地氈和牆上的壁畫裝飾，給人一種很舒適自在的感覺。前菜：黑磚豆腐配口水花雕雞凍賣相真是一流！整體擺盤十分精緻，簡直是一種獨特的視覺享受。豆腐上鋪滿爆炒得香脆的炸蒜，外焦內嫩，搭配特製的醬汁，既有濃郁的香氣，又不失豆腐本身的細膩口感。一啖咬下去，內裏仍保持着熱騰騰和順滑的感覺。口水花雕雞凍也是十分令人驚喜。果凍兩旁夾着一片西瓜片，賣相已十分精緻。吃着西瓜片，立即有一絲清新感。雞凍的質地滑嫩，散發出濃厚的花雕酒香味，與西瓜的甜味形成絕妙的對比。燉湯：這碗燉湯的材料實在豐富，有烏雞、乾瑤柱與瘦肉等，湯底清澈見底，散發著濃郁的鮮香味。湯的滋味鮮甜，每一口都能品嚐到烏雞的鮮美與瑤柱的甘甜，大滿足！鮮沙薑蔥油清遠雞清遠雞非常滑溜，口感令人讚不絕口，而且醃得相當入味。沙薑和蔥的香氣在熱油中爆炒，散發出誘人的香味。雞肉每一口都充滿了雞味與鮮味。淮山魚湯泡雙鮮又是另一道賞心悅目的菜式。端上來的時候，老闆娘親自為我們灑上炸蒜和豬油渣，魚湯立即「吱吱」作響！魚湯呈奶白色，湯的鮮甜味道濃郁，配搭着大大隻又鮮甜的蜆、豆卜和彈牙無骨的魚肉，口感層次分明。湯內還有淮山和年糕，非常有嚼勁，讓口感層次更豐富。椒鹽六頭鮮鮑椒鹽六頭鮮鮑的鮑魚口感彈牙，經過避風塘式的烹調方式，外層的蒜香味十分撩人。每一片鮑魚都吸附了濃郁的香氣，令人吃過不停，但又要用刀叉細緻品嚐！鮑魚不僅味道惹味，口感也令人驚豔，個人認為是最好吃的！這一系列廣東Fusion菜，無論是從口感還是味道上，都展現了廚師對食材的用心與創意，我們都十分享受。最後值得一讚的是這間餐廳的服務，我們甫一內進，服務員已第一時間為我們安排座位，再殷勤的在旁邊打點一切。讓我們覺得有賓至如歸的感覺。飽餐一頓後，我們詢問老闆娘在哪兒搭車，殷勤的老闆娘居然親自帶我們到樓下，穿過大街小巷，帶我們走去車站！此舉實在令我們非常難忘！
繼續閱讀
🌟港鐵上環站E1出口 4分鐘路程🌟#粵菜 #六如 #海鮮中菜館 #高質精緻#theLplace #上環喺平台見到呢度 好似私房菜咁 就同朋友嚟咗呢度食晚飯🧡#川香口水瓜配煙燻糖心蛋- 原來係川辣口水汁配西瓜 放入口第一刻 係一個好驚艷嘅味道 - 口水汁ge川辣味 同西瓜嘅冰涼 啱啱好中和咗 好過癮- 仲有陣陣煙熏味ge糖心蛋 🧡#陳皮魚茸羹- 呢個魚茸羹都好高質 好濃郁 但唔會好稠 - 落咗足夠嘅胡椒粉 唔會好腥 🧡#東星斑燉蛋- 雖然只係普通嘅蒸水蛋 但當用上一條七至八斤嘅東星斑 成個菜式就昇華咗- 東星斑 蒸得啱啱好 魚皮好有骨膠原 煙煙韌韌 魚肉鮮嫩 好滑溜🧡#千絲芥末蝦球配青麻牛柳粒- 蝦頭非常彈牙 配濃郁芥末醬😝- 呢個牛柳粒 煎到表面金黃色 咬落去一啲都唔韌 牛肉味香濃 最重要係仲有佢哋自家秘製青麻汁 陣陣藤椒味 好過癮👍🏻👍🏻🧡#豬油渣炒西蘭花- 一上碟就好香 有豬油渣炒真係特別香🧡#紅棗糕配陳皮燉雪梨- 餐廳用咗黎自新疆嘅紅棗 紅棗糕特別煙靭大牙 唔會太甜- 陳皮燉雪梨 更加甜而不膩 可能因為加咗陳皮 同埋話梅 好滋潤😊😊
繼續閱讀
今日同同事過嚟開會，同事介紹呢間餐廳前身係中環三小漁，出名精緻中菜，於是過嚟試吓佢嘅午餐😋餐廳環境舒適，食物選擇多，午餐有好多多款選擇👍🏻🌟 養生足料燉湯呢款燉湯超足料，有雞、瘦肉、瑤柱等，湯頭濃郁，滋養又健康🫶🌟 竹炭黑磚豆腐，口水西瓜小食有竹炭黑磚豆腐同口水西瓜，竹炭豆腐外層超鬆化，內裡豆腐超嫩滑，非常香口，而口水西瓜嘅配搭亦都好特別同新鮮🌟宮保大蝦球蝦球非常彈牙鮮嫩，外層酥脆，非常惹味🌟 金銀蛋泡菜苗菜苗好鮮嫩，用料十足，湯底濃郁好好味🌟 青麻剁椒蒸龍躉件青麻剁椒龍躉件新鮮，有豐富魚膠，味道微辣十分開胃👍🏻🌟 甜品甜品有手磨棗茸糕同士多啤梨芝士軟糕棗茸糕熱辣辣蒸起，味道濃郁，芝士軟糕芝士味濃郁，同士多啤梨嘅配搭非常好❤️
繼續閱讀
想食中式海鮮我有好地方介紹位於中環嘅六如特色中菜館 @liuru2024前身係三小漁菜館除左小炒夠鑊氣外烹調海鮮更有⼀手創新煮法配上海鮮鮮味令人回味無窮今日我又同朋友黎嘗鮮先點六如招牌黑磚豆腐拼煙燻溏心蛋作開胃菜黑磚豆腐⼀如以往外皮香脆每次都要驚嘆點解可以整到外皮又薄又脆鮮麻椒油泡蟶子麻椒油嘅香麻辣平衡同鮮味蟶子非常匹配比蒜蓉或清蒸口味更刺激火辣食前要學撈起翻⼀翻等椒油完美包裹蟶子⼀滑入喉香茅烤椒煎焗生蠔蠔隻飽滿肉嫩記得要⼀啖食埋碎烤椒微酸令蠔味更鮮香🤤蒜香椒鹽鮮魷係好熱氣但真係忍唔住⼀定要嗌鮮魷相當柔軟同焦脆外層成強烈對比⼀抹香蒜椒鹽鮮香無比准山魚湯泡雙鮮呢個湯飯份量十足食前可加入脆米增加口感魚湯鮮香無腥味感覺足料湯內有魚片、准山、爽耳同年糕豐富又飽肚最後食埋又中又西嘅士多啤梨芝士軟糕就心滿意足喇～
繼續閱讀