六本木日本料理

營業中

休息中

嘢食我唔知好唔好食，但服務不知所謂。7:30打去問8:00四位有無，同我講好大機會有，話會打返俾我。既然講得好大機會，我就照揸車嚟。嚟到見到有張四人枱吉左，諗住有，佢話有人訂咗枱好快就到，但另一張枱好快會埋單，叫我等一陣。等到8:30，張四人枱都未有人坐，嗰張佢話就快埋單嘅枱，仲啱啱上一杯啤酒。全程知道我哋喺門口等緊，都唔出嚟講聲，火都嚟埋。生意唔係咁做㗎吓嘛。

朋友帶去日本🇯🇵菜，唔知有咩食既我，睇住午餐🥣就叫啦…….以為普通日本🇯🇵菜，原來食材新鮮空運，完全係無添加😋😋😋第一道菜食生蠔🦪清甜好味有口感，完全體會到juicy的口感😋😋😋再食刺食，當中有一款係自家煙薰（唔記得個名）厚切一流😘🥰😍海膽入口即溶👍🏻👍🏻最重要係飯，軟硬度剛好，用筷子可以夾起，但入口又軟熟不硬，簡直係食過最好味的壽司飯🍣當中有不同款壽司，配襯用心，味味不同🤩🥳🤩🤩🤩最後湯烏冬，非常彈牙，有口感咀口，一入口難忘🤫🤫

深水埗誠意日本料理，近期海港城omakase介紹過既白子天婦羅呢度竟然有得食，每日都有日本飛機貨推介，三五知己聚會可以試吓。要食白子天婦羅要睇吓當日有冇貨返。但佢menu竟然有玉子天婦羅同海膽天婦羅，真係估佢唔到。仲有佢有個招牌燒牛肉，會加埋鹽再點火燒住上菜打卡一流。另外去過北海道八點刺身一啲都唔孤寒，每次黎都會比唔同嘅飛機貨你，今次就有生蠔同埋蜜柑鯛，蜜柑鯛係用蜜柑餵飼食落會有淡淡的蜜柑香甜。仲有去其他嘢食都唔錯，好似玉子燒，鰻魚，燒生蠔。同店員傾偈，發現佢哋原來都係日本師傅主理，仲要裝修滿滿是日本居酒屋的格調，黎呢度扮下返鄉下都唔錯。

之前黎試過食lunch好食，決定夜晚再試下，裝修好似去左日本居酒屋🇯🇵店員都好親切，推介當日既飛機貨✈️有咩靚刺身、靚魚食螢光魷魚漬 ⭐️⭐️⭐️⭐️先黎個小食螢光魷魚漬，有5隻，咸咸地好味北海道八點刺身盛 （16件）⭐️⭐️⭐️⭐️⭐️全場最推介之選，有8款16件，款款都好新鮮，2隻生蠔、2隻牡丹蝦、2粒帶子、2塊吞拿魚、2塊油甘魚、2塊蜜柑鯛、2塊魷魚、2塊鯛魚，最正係生蠔同牡丹蝦🦐，好甜～芝士玉子燒 ⭐️⭐️⭐️⭐️好香滑既玉子燒，包住流心芝士，甜甜鰻魚汁，用熱辣辣嘅鐵板上，值得一試鯛魚濃湯石頭鍋稻庭烏冬 ⭐️⭐️⭐️鯛魚濃湯用一日去熬煮而成，有少量魚肉、菇🍄配料，用石鍋上，熱辣辣既湯，但稻庭烏冬份量比較小，覺得有點普通牛肉他他燒 ⭐️⭐️⭐️送上黎陣好靚，但味道同期望有點出入，牛肉無咩牛味，要靠酸汁先有味，下次試下其喺味

深水埗至長沙灣一帶真係好多美食， 最後揀咗六本木， 可以坐低慢慢傾下偈， 冇分時段又唔會趕你走掛住傾偈冇乜影相， 但就影低咗最開心嘅時刻...... 就係老闆出嚟嘅時候， 當然同場仲有唔少食客客串啦， 身處當中， 令人樂在其中🥰至於以下食物， 我都覺得唔錯喎芥末魷魚 ： 芥末味濃，魷魚入味，偏鹹， 要嚟送酒👌👌雞軟骨： 分量多，三四個人食啱啱好香芒殼蟹卷： 一條切開六嚿， 可以分享一齊食石鍋牛肉飯： 分量多， 而且用嘅唔係平牛肉， 當然味道亦算不錯有試天婦羅同串燒， 天婦羅嘅炸粉好薄但都可以好脆， 串燒都唔錯

自從食過一次後，我每隔一會就想再次光臨 但餐廳沒有所說的熱情招待， 只是食物質素比很多同類型餐廳優勝。刺身拼盤，之前見過好多人叫， 今次心動也點了試試，但沒有想像中鮮甜。蜜柑刺身， 這個基本上是必身的餐牌上玉子燒有三款， 分別是明太子，鰻魚及芝士，但最好味還是原味， 所以跟店員說就可以了。六本木海老雲丹天婦羅，脆醬炸得很好， 帶子也恰到好處， 可惜中間那塊應該是紫蘇葉的物體， 配合起來不太合拍。豚肉串燒六本木秘製牛肉， 店員會在你面前點火， 第一次食時幾有氣氛， 不過重點還是牛肉很美味燒飯團很不錯， 但千萬不要點和牛石頭飯。。。。。。最後餐廳也蠻受歡迎， 先訂枱會比較穩陣。

其實呢編食評，真係一千萬個不想寫，原因就係你們太好，好到我怕寫完之後，從此就都訂唔到位了，但唔寫又真係好對你地唔住，真係好難做呢深水埗地段，有間不起眼又無咩人知的居酒屋，環境雖然是一般居酒屋的裝修，不豪華，但帶點日本feel。去得居酒屋，當然就係要那種輕鬆放鬆的感覺，辛苦工作一天，放工緊係要鬆一鬆，嚟到六本木，一入門口就是親切的笑容，熱茶冰水即時奉上，去得居酒屋，當然唔少得來一支清酒，一天幾辛苦幾忙碌，一杯酒喝下去，什麼煩惱都忘記佢。食物只是點綴，飲酒才只主菜，加上殷勤的服務，老闆的熱情，只能說句~能夠忘我境界盡情去食去飲去笑，真係只有呢度先做得到。有老闆甜美的歌聲。有員工親切的服務。有客人善意的交流。真係玩到唔捨得走。但可惜係疫情之下...一夠鐘就不能不散場希望日後營業時間可以延長一點，就可以再盡慶一點。

去到深水埗比六本木嘅舖頭外貌吸引咗入去，裏面果然都好有日本feel❤️我同朋友點左兩個午餐，一個係鹽燒秋刀魚定食，另一個係壽司定食。兩個餐都有麵豉同蒸蛋。秋刀魚煎得好香口，味道不錯👍🏻壽司定食有剩烏冬同埋七件壽司🍣，壽司的刺身就普通d, 未夠鮮甜，性價比唔算高, 都可以一試。

在附近搵食，呢間店在馬路的十字路口相當搶眼，吸引平日夜晚來到，無訂枱，兩位有位好多熟客店員親切地介紹是日推介舉著這手寫餐牌讓我們拍個照再細選，點菜海胆蝦天婦羅一碟有四件的紫蘇葉包著海胆和蝦肉的天婦羅好食！蝦好新鮮，啖啖肉海膽okw三文魚壽司可以的上枱好靚三文魚上面有碎花鯛魚湯烏冬鯛魚湯香濃，好味！湯以石頭窩上枱，烏冬分開上不食魚的，有少少點了枝豆作小食味道正常，幾大碟⭕️全店職員戴上口罩 ⭕️進店前量度體溫 ⭕️座位間有透明膠板相隔

上完嘉頓山後，落山食餐便飯，選了富有特色的居酒屋🏮✅很適合喜歡熱鬧的人，老闆應該是sake 專家，以酒會友，滿場飛。✅環境是懷舊日式設計，可解卿愁✅食物有特色，食材新鮮，基本上每款都好好食，心思有水準之作。✅性價比高，兩人食了七碟$560⚠️銀仔有兩面，想安靜傾計的話，居酒屋不合適。⚠️我們不懂酒，也沒有叫酒，離開時無人說bye bye ，也沒有送門，感覺是外星人走入鬧市。

自己搬離開深水埗 再加上疫情 成兩年無機會去返深水埗 呢間六本木 係的住深水埗時 新開業無耐 一直好想試但無機會 今日終於返左去深水埗試啦店面裝潢、員正態度、食物都非常之好 同有質素，價錢同區平民店比較的話的確是高價、但絕對物有所值。店員會先問係米第一次幫襯 因為佢地有好多介紹🤣🤣我地兩個人都叫左器少野食 食到好飽 每樣野都好好食 蝦風雲餃子是驚喜🥟🦐 真係好好味 瑩光魷魚同樣非常鮮味 🦑👍👍連沙律都好好味 ，明太子蛋卷係我到日本餐廳必點菜式 同樣無令我失望 會再去食

深水埗真係一個美食天堂嚟嘅，去到邊間餐廳都好食今日去咗深水埗買電子野，買完熱辣辣要食返餐好嘅<油甘魚腩$70>肥厚新鮮，正<軟骨雞肉棒$46>雞肉棒超推介，絞碎左嘅雞軟骨同埋落去雞肉碎裏面，好爽口<明太子玉子燒$88>至少唔會剪得太熟，keep 到中間有蛋汁，明太子小小辣，見到佢哋好好食<加洲卷$78>普普通通啦，正常發揮<燒年榚$30>燒年糕超好食，系平時有紫菜旺旺嗰隻味，年糕超軟Q，可以拉絲咁滯<鰻魚飯$168>鰻魚太過un，Fatbrown 鍾意腍身入味啲<櫻花可樂$35>櫻花可樂幾得意，櫻花味唔系好重，係淡淡的可樂味

今日去石硤尾做嘢，離得去到人生路不熟的地方，當然就一架的士直落去最近的深水埗找食啦！本來打算一心去某一餐廳，但路過呢間六本木，企在門口望下見到好多午餐選擇，加上太熱唔想行咁多，所以就決定呢間，都幾人山人海的！到坐低太熱即唔理價錢下叫兩枝汽水，一等一輪後，侍應話有枱客阻住咗個雪櫃，未必咁快拿到俾我們，我第一次聽呢個理由，但都證閒佢地唔會為錢麻煩客人⋯⋯咁佢地知我們熱，立馬送上兩杰冰水，都唔錯！叫了拖羅魚蓉飯，有驚喜⋯⋯有一半魚蓉加三塊吞拿魚，哈哈！朋友食銀雪魚西京燒，佢都話好好味！下次有機會可以再去！

提早打電話Book左位到達嘅時候都幾乎滿座，得返兩張二人枱其中一張就係我哋嘅坐低無耐就有店員拎住一塊黑板過嚟，上面寫左有咩「飛機貨」刺身魚供應，店員話可以根據喜好，例如口感，油份等推薦俾我哋，而且建議我哋可以影低塊牌慢慢考慮，之後就行開咗，一啲都唔hard sell唔chur 。因為我哋一早喺OpenRice 睇左一啲推介，心目中一早有想試嘅野食，所以無叫「飛機貨」。見到餐廳入面有好幾台客都係嚟聚會，老闆都親自落場同啲客傾計飲酒，真係有日本居酒屋感覺。值得一提的是，店員好細心勤力，無論加水定係介紹食法。成餐飯食完，最中意係雞泡魚干，燒年糕，燒牛舌串燒，六本木秘制牛肉，相比其他就比較普通。今次食哂想試嘅，知道咩好食，下次就有肚可以試吓「飛機貨」。

同朋友慶祝生日黎左食選左幾款師傅推薦話香港好少有得食刺身蜜柑鯛$98/3腦天$200/3片粒具$420/隻仲叫咗一條黑鯛$420刺身做拼盤，上菜嗰陣真好有氣氛擺設好靚，刺身都好新鮮好甜，店家好明顯好畀心機做個拼盤刺身。重叫咗其他小店嘅皇牌食品，推介嘅燒物，壽司等等 都好好食，價錢有少少貴