六榕仙館

營業中

休息中

今日遲放學所以差不多9：15才到達進晚膳，入去必點齊鹵味，點知只冇素雞同素鵝，琵琶豆腐又賣晒，原來今日係齊期唔怪得咁早賣晒啦～馬上點餐（一湯三菜套餐)，點左個素蟹翅，麻婆豆腐，羅漢上素，五柳鮮斑，都keep到香脆，芋頭又多，麻婆豆腐同羅漢上素就一般，但整體上唔錯，喜歡佢呢度嘅傳統，希望keep住

短時間內，三顧六㯴，都是外賣自取。此篇是兩篇之末。上篇提及的老先生，這兩次也未有緣再遇上。這篇結合了兩次幫襯，包括某天買了廿蚊酸齋，另一天打包了椒絲腐乳炒雜菜和琵琶豆腐。全都是大半小時後才打開盒子。先說某天的酸齋(沒有相)，開盒還有餘溫，酸味適中，開胃，是標準中的標準。份量方面，大概有小半盒。埋單：酸齋$20而另外一天的椒絲腐乳炒雜菜也不錯，惟我胡塗，開盒後沒有把菜拌勻，白白讓腐乳汁沉澱在盒子底部，吃了三分之一較淡味的菜，才看到盒底的汁。如果早點想到把腐乳汁拌勻，就能嚐到更多更好味的雜菜。再者，椒絲味香而不嗆口，腐乳汁鹹得溫和，鹹得有道理，弄得不油不膩，一流。琵琶豆腐，有蛋。廚師炸功了得不在話下，整合足足釀製了十二球，份量足，也是如假包換的佳釀。餡料相信是以蛋品取代了魚肉，然後混合豆腐。雖然放涼了大半小時，但外層仍有小小脆，內部還暖暖的。芡汁稍稍變稀而影響了上汁效果，但這點跟廚房無關，只是外賣所影響，我多沾幾次芡汁便成。埋單：椒絲腐乳炒雜菜 $58琵琶豆腐 $76總結：廚師們都廚藝了得，出品佳，性價比很平衡。

從2009年啟用的柯士甸地鐵月台，步行至1968年開業的六榕仙館，大概十分鐘。從地鐵月台到地面有很多岔路，先找A出口，再找「佐敦道」指示牌，最後就找「佐敦道(南) 」指示牌，幾乎所有分岔路都是靠右的。如果熟路，五分鐘便能走完。預先15分鐘致電外賣自取，從對話觀察，接電話的是一位思路敏捷清晰的老先生。走到六榕，看見一位老先生在收銀處整理著一些外賣。「頭先我打來叫外賣，係唔係我架？」我笑着說。「係呀！包緊！」老先生客氣地邊說邊在剪裁外賣紙盒，以便炸物通氣。跟老先生寒暄時，看見堂食頗熱鬧，八成入座，待應忙碌。一會兒後，銀貨兩訖，挽着外賣便跟老先生告辭。大半小時後，打開食物，去片。冬茸蟹肉翅 (有蛋) ($80)還是暖暖的，也很大碗，勾芡和稠稀度甚準確，並未因外賣而變得水旺旺。味道清而溫和，比起不少婚宴用的所謂高級魚翅也優勝，又毋須殺生，值得推薦。如果你可能鬼仔性格，無翅不歡，試用素翅吧！阿彌陀佛。荔芋拼脆奶 ($70)相信是香荔酥卷和脆皮蜜奶的雙拼。我觀察，前者是鮮腐竹捲起芋泥而炸之；後者是炸蜜瓜奶。外賣炸物，質素難免隨時間而下跌。看看結果！先說前者，芋泥尚算幼滑，捲在芋泥外層的炸腐竹仍留有

一般走過來六榕有點遠，但愛它清清淡淡吃素，雖然有時叫的也不淡今天不太舒服，所以只叫了各式齋（酸、咖喱、醬油）拼盤、素海鮮炒飯多款齋均保持水準，好味！炒飯有點焦了底，但還是很香！

3個人晚市來，今次等位等左一陣。吹水野唔多講 --- 叫左鴛鴦飯、齋鹵味、五柳魚塊、叫埋個杏仁茶做甜品。鴛鴦飯 --- 味道對辨，白汁膩左少少。齋鹵味 --- 味道對辨，「白切雞」正。五柳魚塊--- 靠紫菜玩味道FUSION，醒目。杏仁茶 --- 朋友話太甜，都係，但係我都LIKE。3個人，食得相當飽，價錢唔算平，但合理。

佐敦區素食館唔算多,但一想起食素都會想起佐敦道六榕, 佢裝修好懷舊, 係一間老牌食館, 次次去到都有一份親切感今日中午去到不用等位, 我地叫了必食的齋鹵味, 我最鍾意的酸齋, 暖暖的好好味; 另外叫左蘿蔔糕, 好厚, 粉多過料, 普通仲叫左一個粟米粥, 羅漢齋炒面, 兩個都好足料, 味道唔錯, 唔油膩, 好食

星期六 同母親大人係佐敦醫生大廈覆完診 打算係佐敦覓食 母親大人提議去食素 清下腸胃 所以兩母囡去佐敦其中一個老店-六榕店內有懷舊風味 熟客仔 老伙記 「飲咩茶？」「鐵觀音滾水」黎到薺鋪 緊係叫我最鐘意既五顏六色薺鹵味 再加多碟羅漢薺炒麵 小食可以自己出去慢慢㨂 全部都係素點心 有春卷 咸水角等我地order 左豆沙煎堆 香菇咸水角 （各$4）豆沙煎堆好煙韌 唔太甜 好香豆沙味 不過香菇咸水角就好厚身 入面唔太多料 麻麻地薺鹵味（$25） 上菜時仲熱辣辣 我最鐘意食素鵝 鴨腎 酸薺 樣樣味道唔錯 鴨腎唔會太硬 素鵝又唔太油 係叉燒失手 好硬同埋味道怪怪最後一道菜-羅漢薺炒麵 （$53）麵上有好多薺菜有時係其他地方食羅漢薺會有陣酸味 但呢到冇 果然係老練高手！再配上脆卜卜麵底 味道好夾！3樣野埋單$98 （茶錢$6/位）好抵食 可以清腸胃 同時可以見識老街坊老伙記之間既無價感情 \

今日同粉絲相約食齋~喺呢區好自然就諗到黎呢間~~習慣了~粉絲年紀大~好多野都變成習慣~有D野都變得冇咩所謂,一間餐廳年紀大~係咪都同樣變得習慣了呢?!好多野都冇所謂?!坐下服務員就為我地開茶,問都唔問就來了個普利,又係習慣了嗎?!之後例牌點我地最中意的餸菜~五柳仙魚,上素羅漢齋,酸齋小食五柳仙魚 -仙魚上枱時已經唔熱,外面唔脆,好似炸左好耐咁~仙魚上面沒有五柳,向服務員講,佢一D都唔跟進就行左去,再問另一個服務員,佢就答我地而家係咁架LA..上素羅漢齋 - 又一唔熱之作~份量都算足夠~但係芡汁因為唔熱的關係變得好重質感,酸齋小食 - 應酸的唔酸,應有咖哩味的冇咖哩味,唔好食~退步神速總括黎講..可能真係太出名~大家都已經習慣左,所以質素下滑都冇人會理~真心希望佢地他日可以有所進步

咁岩即興朋友話去食素, 咁就提議去呢間食我地一行四個人點左:1.水餃口感不錯, 可以一試2.酸甜齋沒什驚喜, 但可以一試3.芋頭魚個人比較不太喜歡, 因為會太膩4.炸鮮奶是蜜瓜味的, 有一點奇怪, 但個人覺得很好吃, 可以一試5.松子炒飯出面比較少吃得到的炒飯, 味道不錯6.腐皮卷很好吃, 厚厚的有口感, 一定要試

太失望了! 太耐冇食素食,結果就揀咗一向口碑好的六榕仙館。結果...中伏了...這晚叫了菠蘿咕嚕肉,金菇炒西蘭花,炸奶加炸芋頭,一碗粥。首先, 菠蘿咕嚕肉尚算OK雖然D青椒生生地。不過個金菇真係太有金菇味啦,好懷疑係冇洗囉。最氣憤嘅係個炸奶炸兩次個心都係凍嘅! 第一次禮貌地叫個伙記再炸,佢已經不太願意。再來第二碟時,冇錯,個外皮係熱,之但係個心仲凍過上一碟 ><"'結果再心平氣和地告知伙記,不斷地游說佢用手指試下,佢先肯碰一下,然後講“係囉,點解會咁呢” (我點知呀?!你估下!...)唉,失望失望...

其實自己對真正齋食 (大嶼山, 佛堂...) 就真係麻麻, 因為味道覺得dry同埋比較油. 反而我對新派素食就較喜歡, 因為我貪新鮮吧! 他們盡量將素材化為肉食, 既是啅頭又賣點.佐敦有一間老字號, 位於佐敦道38號的 "六榕仙館" 一聽個名都覺得好有意景的食店! 裡面有卡位亦有圓枱, 我們只得3人, 就揀了卡位. 但其實發覺這裡卡位都頗為窄, 而且一邊坐兩個普通身形人都係剛剛好,無咩多餘位.3個人都喜歡香口野, 不約而同都係揀類近食物.普普通通的齋鹵味, 沒有什麼特別!炸雲吞配咕嚕汁, 內有三色椒, 菇類及一些齋件. 雲吞炸得香脆, 點著醬汁吃更是非常開胃!麵底炸得脆而不太油，good job，另外配料亦很多! 上面芡汁在麵與麵之間慢慢滲入, 令麵底變得有部份變淋, 同時亦有如常香脆的, 當"淋" 遇上 "脆", 麵一同放進口, 真的非常過隱, 這就是我喜歡吃這種麵的原因了。兩款炸物, 分別有炸芋頭及蜜瓜脆奶. 個人比較喜蜜瓜脆奶, 因為我喜歡蜜瓜味食物, 加上炸得外脆內cream, 唔太甜, 我食左起碼3粒, 哈哈! 而芋頭我就可能唔太欣賞, 所以覺得此炸芋頭味道有些單調! 但如果

媽媽想吃六榕仙館的三菇月餅。星期六前往該店買了一個。放在蒸籠裡的月餅，是否很少機會見到呢？而且是新鮮焗製出來！還是熱的。一個三菇月餅售$55。以名字來猜，這月餅應該用三種菇類來製成。切開月餅，內容都掉了出來。皆因沒有蓮蓉的關係。材料似乎很豐富哩！說真的，我吃不到菇類。唯一像樣的，是那黑色的東西。但……我也不知道那是甚麼。感覺帶點綿軟又有點韌度，不是爽的。吃不到，卻看得到一些啡色、軟軟的東西。相信也是菇類。而最能吃到的便是果仁。包括合桃、瓜子仁和白芝蔴。合桃是大大的一顆。瓜子仁好像是主角，整個月餅都是。所以，吃著這月餅，口感是非常豐富且有層次的。你要不斷地咀嚼，不能隨便吞下去。沒有蓮蓉，甜度相對地減輕了。又有那麼多果仁。於是，這月餅變得很健康。從前我也吃過這三菇月餅。總覺得怪怪的，不太喜歡。今年再嚐試，又感到不錯喔。可能薑味變淡了，所以，我接受這味道吧。當天（14/9），除了購買月餅外，還在店內吃了午飯。椰汁香芋鮮竹飯，$45。還以為是焗飯，不是芋頭，而是芋蓉……這只是我心想，名字其實也說明了。材料滿多亦滿大。除了芋頭和鮮竹，還有蘑菇。鮮竹頗滑。椰汁也香，只是味道較淡。芋頭粉嫩。那麼多的

琴晚因為爸爸生日，而佢最近病病地未好返哂，所以就搵下有無啲健康啲既餐館食飯。經妹妹朋友推介，就黎左呢間試下。因為爸爸係附近上堂，所以最早到。媽媽同弟弟因為唔識路最遲到。最後搞到訂左1900，但1920先到，差啲取消左我地訂檯。去到之後因為知道係食素，所以就求其點左幾個餸試下。有蟹肉燴素翅，咕嚕蝦球，翡翠素鮑片，竹笙扒豆腐，芝士蟹肉伊麵，椰汁荔芋煲。蟹肉燴素翅：好多好粗，唔洗落醋都好好味。咕嚕蝦球：整到好似真係蝦咁，好味。翡翠素鮑片：呢個就普普通通，但份量都好多。竹笙扒豆腐：份量一般，妹妹話太少豆腐，佢無得食。芝士蟹肉伊麵：個汁濃度適中，唔會太浠或太濃，妹妹就話太重芝士味。椰汁荔芋煲：一送上黎就嗅到超香，個汁好好好味，媽媽話送飯食一流。最後食完有芝麻糊送，爸爸媽媽同妹妹都話甜過頭，但我覺得唔夠糊，甜度適中。到我地走果陣發現有幾檯排隊等緊位。睇黎呢間餐館都幾出名，好彩我地早黎唔洗等。總括黎講，我覺得呢間餐館野食好食又超值。最緊要健康得黎我屋企既食肉獸都對佢有正面評價。

首日復活節假期，早上同老友去打波，下午則是嘆咖啡和看法國電影，實行中產一番。因宗教信仰關係，這天要吃素 (但可以食海鮮)，好在老友是「順德人」，不介意同我寡一次，於是二人便去了六榕仙館。印象中，幾年前守齋的日子，他們已跟我來吃過，真係好朋友。早陣子聽說這裡在裝修，今天來到，是光猛了一些，但格局似乎沒什麼大改變，然而此等平平實實的舊式齋鋪，也不會預期它會一百八十度的大變身，佢有先至驚。瞄幾眼餐牌，有二人套餐，自選一湯羹和兩味餸，盛惠一百七十五個大洋，不是說不好，只是我倆的胃口都很少，套餐九成吃不完，夾硬食唔好，更無謂浪費食物，於是決定散點。先有齋鹵味，廿蚊雞都算抵食，酸齋沒有過份的酸，素叉燒幾有咬口，素雞有點豆香，只嫌咖喱麵筋不太入味。不過，無論是那款，都犯了同一毛病，就是凍冰冰的，絕對要扣分。咕嚕蝦就不同了，送來上時煙紛紛冒出，正所謂一熱遮三醜，這味肯定不會難食。事實上，醬汁調較得還可，兩者平衝得宜，酸酸甜甜挺開胃，素蝦外層微微的脆，質感卻有點兒像魚蛋，可以接受，青椒菠蘿我也不會放過的。還有香酥鴨，是外層炸香的千層腐皮，勝在夠乾身，不會油淋淋的。可是，外層雖然香脆，內裡卻有點兒韌，是美

預早同朋友食生日飯, 諗住清清地食吓齋, 上OP睇, 見到COMMENTS唔差, 咁就打去BOOK位, 點知呀姐話唔使BOOK, 黎到等一陣就有位......... 一等就等左45MINS..............好彩D野食唔差, 加上服務亦唔錯, 價錢又,抵食, 值得再去齋鹵味: 唔使講, 絕對有水準, 必食之選 五柳仙斑: 賣相靚, 味道OK海皇羹 : 好多材料, 味道剛剛好羅漢齋 : 一般, 淡味左少少....枇杷豆腐 : 賣相靚, 好味道呀! 松子香春炒飯 : 睇落去好似麻麻地, 但食落去就好掂 咕嚕蝦 : 幾得意, 朋友話口感都好似喎...麻辣茄子 : 一般飯後送了綠豆沙.... 我地5人已經好滿足了 總括來說,值得再去幫襯的, 唔怪得有咁多客去食啦! ^0^