六角

營業中

休息中

昨天跟友人試了這裡的午餐\。想不到門口小小的﹐有兩層﹐還有頗多位(雖然我們到的時候也差不多全滿了)。白領們到找到這裡吃﹐我想大概也不可以太差吧。我們上了上層﹐檯與檯之間沒有太多空間﹐亦由於很多人的關係﹐跟友人的談話是要提高頗大的聲量(似街市賣菜)才聽到。看見鄰桌叫了角切雜錦魚生飯賣相頗吸引﹐我們就跟著叫了。冷盤有波菜。還有日式燉蛋﹐很多料。主角出場-- 角切雜錦魚生飯。當日的海膽賣完了﹐所以轉了碎吞拿魚腩。魚生鋪滿了整碗飯﹐飯份量剛好﹐但吃完也很飽。最後可以選雪糕(菠蘿或綠茶味﹐咖啡味賣完﹐不知是好彩還是不好彩了)或咖啡﹐叫了咖啡﹐淡淡的﹐小小杯的﹐非常日式。每人$200連加一﹐送三張$10現金券﹐一個月有效(用多少張也可以)﹐下次叫熟食試試。

上星期朋友生日, 大家都唔知食咩好...凈係諗住食餐好既..諗唔到食咩, 咪買本雜誌同睇openrice睇吓有冇頭緒.最後大家一致讚成食日本菜, 挑選了這間餐廳"六角"最初都心大心細去唔去好, 因為我地都較少食貴價野, 唔好食咪唔抵...不過見老死生日又係佢話去..咁就試吓囉...結果, 連平時算慳家既我都要讚吓!!(好可惜掛住食唔記得影相)我記得最好味係"拖羅", 深海池魚, 燒三文魚同埋海膽..(記住海膽有兩款, 一款係北海道, 一款唔記得添..北海道果隻超正, 口感一流, 必食呀!!!!) - 記得咁清楚, 因為佢每道菜都有人講解!其實佢仲有其他野食好味, 不過我都唔記得啦...總之我覺得佢同一般日本料理唔同, 感覺地道d...下次我一定會再去!

平日中午成日行過呢間餐廳都好旺，今日見假日冇咁多人咪去試下係咪真係咁好食囉！哇，叫左個雞扒家食，真係幾好味，皮脆得黎肉又軟，個餐一百蚊都唔洗又有蒸蛋又有雪糕食，最好味的雪糕係杏仁咖啡。正！

昨天跟同事到此進膳，我要了一客雜錦刺身飯，剌身真係幾新鮮，幾好味，但總覺得附近的大亞日本味工房的同一個set好食ｄ，個set又多O野食ｄ...燉蛋都係大亞好味ｄ，有多些冬菇味，及海鮮在內...不過記住它的芝麻雪糕係唔好食o既,可試下pineapple icecream,或索性叫杯咖啡啦!p.s. 前身係SAGA西餐廳,記得佢d食物都整得好好味

從朋友口中得知灣仔開左間日本刺身既鋪頭, 所以就上黎呢度試o下. 鋪頭面積唔係好大, 好好彩給我和兩位同事搵倒位.叫左個鏝魚拉麵, 鏝魚肉質很好加好大件, 份量也剛剛好, 呢個餐附送左一個叫" 溫泉蛋"既小食! 口感幾好的, 味道也幾特別, 值得一試!另一位同事叫左個刺身餐, 佢既評語係刺身很新鮮, 雖然唔算好大件, 但很鮮甜(呢一段既內容係由同事口中得知的)價錢o係灣仔區就唔算太貴, 大約$70倒, 但想搵一個傾得計又坐得舒服既地方, 我諗呢度係可以考慮的.