影片
港鐵尖沙咀/尖東站 B2 出口, 步行約4分鐘
繼續閱讀
電話號碼
34883288
開飯介紹
裝潢簡約時尚的串燒店，設有VIP榻榻米房間；主打的日式燒鳥供應不同部位，香口惹味，適合和好友把酒暢聚。
繼續閱讀
營業時間
今日營業
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
18:00 - 23:00
公眾假期
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
今晚黎左呢一間位於藍馬商業大廈10樓的日式串燒店到食晚飯。打開Menu串燒有好多唔同選擇，啤酒夜晚6點-9點半仲做緊Subtory $78兩杯，Sapporo $68兩杯，真係好抵，所以就叫左兩杯Sapporo，因為食串燒一定要飲啤酒🥰🥰唐揚魷魚圈有六個魷魚圈，炸到好香脆，送啤酒真係一流。燒雞皮蝦呢樣係我第一次食嘅嘢，燒到有啲脆身的雞皮，包住爽口彈牙的蝦黎燒，冇諗過係好夾。日本黑豚腩肉半肥瘦，入口個油脂感好正。雞肉棒（汁燒）入口爽爽食，點埋個撈左蛋汁的Sauce黎食，好正🙌🏻美國牛肋條呢個又係幾有驚喜，燒到外面有點脆得黎，咬入口好多肉汁，肥瘦均勻。牛舌芯串好爽口，一啲都唔韌，調味做得好好。西班牙豬肋肉豬肉味道香濃秋葵翠玉瓜燒完都唔會乾，入面仲係好水潤😍😍鰻魚炒飯好大碟，炒飯粒粒分明，甜甜的鰻魚汁令到個飯更加好食。呢度座位與座位之間唔會迫，空間感夠，食物質素高又唔算貴，店員服務態度好好，真係好適合中意食串燒的朋友黎食。
繼續閱讀
Fafafoodblog為食花太郎 其匠燒厚福街藍馬商業大廈10樓 🍴雞皮蝦 x2 每隻48 蚊🦐雞皮包住蝦 出面好香脆 入面蝦肉彈牙新鮮 正🍴鵝肝多士x2 每件78 蚊🍞多士好香脆 鵝肝好彈牙 d醬好香甜 好有口感 🍴原條太陽蛋蒜蓉茄子68 蚊🍆太陽蛋生撈埋燒茄子 茄子蒜蓉好足好香濃 茄子燒得軟林 🍴和牛稻庭烏冬88 蚊🐂和牛牛味濃 個湯底好香濃牛味 烏冬好爽口 正#串燒 #茄子 #鵝肝 #多士 #烏冬 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#其匠燒尖沙咀厚福街12 至12a藍馬商業大廈10 樓~~~~~~~~~~~~~~#fafafoodblog #為食花太郎 #fafafoodblog尖沙咀====================
繼續閱讀
好耐冇去厚福街食嘢，見到呢間串燒好似唔錯，所以去咗試吓🐽-👅厚切牛舌芯 ($78)口感夠爽口，不過可以再嫩滑啲，配上芥末好解膩🫶🏻🍆原條太陽蛋蒜蓉茄子 ($68)呢個組合好特別，流心嘅太陽蛋配上蒜蓉同茄子食落好邪惡，而且口感同味道都好豐富🥰🐔雞膝軟骨 ($28)金黃色嘅顏色好靚，食落鹹度適中，好香口啱晒送酒👀-🍗明太子雞腿肉 ($36)鹹香嘅明太子配上嫩滑嘅雞腿肉，呢個組合真係食極都唔厭😻-🐤雞皮 ($32)油香十足，如果再脆啲就更好🤌🏻-🐔三色雞頸肉 ($38)咁啱今日冇貨，所以剩係得特色雞頸肉，食落幾爽口👀🥟日式雞軟骨餃子 ($68)味微辣，食落口感好豐富，餃子嘅餡亦都充滿肉汁😙🫕其匠•冷烏冬 ($68)份量好足，烏冬係比較扁身嗰種，食完串燒再食冷烏冬，夠晒開胃同清爽，不過烏冬可以再彈牙啲~餐廳喺厚福街嘅樓上舖位，因為係小店嘅關係人手唔算好多，不過上菜都算快，另外餐廳除咗普通嘅枱同座位之外，亦都有吧枱同包廂位置，無論係兩個人定係一班friend嚟食都唔錯😆
繼續閱讀
尖沙咀厚福街餐廳非常多，選擇都唔係咁易，今次搵到間樓上的居酒屋主打串燒，又幾好食，又抵食👍🏻先來個胡麻豆腐沙律，冷盤做得唔錯，胡麻醬夾豆腐就是出色，菜新鮮咬落疏疏聲🤟🏻。要咗個豚肉糖心蛋試下，第一次食，又幾得意，甜甜地好味。再來有明太子芝士玉子燒，又幾好，有芝士在內但唔膩，明太子醬非常之夾🙏🏻。一口牛舌芯串燒，係厚切，咬落口感非常正，好好食。免治雞肉棒配日本蛋，這個菜式我去任何一間居酒屋都會叫，這是我至愛，今次這個係正既，有水準👍🏻，點蛋係好好食。仲有串燒菠蘿，加左焦糖，熱食好正，甜甜地又多汁👍🏻。再來有燒飯團🍙，燒到個面有焦香，唔錯，少少脆口，恰到好處👍🏻。最後稻庭冷烏冬結尾，天氣熱，食冷盤舒服😌。整體都在水準又上，又抵食。
繼續閱讀
呢到位於厚福街嘅樓上舖，有一種輕鬆自在、充滿煙火氣息的用餐體驗。而呢度既食物都體現到日式料理的細膩與層次感。脆皮白鱔經過燒香燒熟後，外皮酥脆，入口時那種金黃香脆的口感令人一試難忘，而內裡的魚肉鮮嫩多汁，味道清甜，完全無腥味。山葵雞腿肉則將日式清新口感發揮得淋漓盡致。雞腿肉經過炭烤處理，外層微微焦香，內裡保持鮮嫩滑口。山葵的微辣與香氣提升左整體層次，但不會搶去雞肉既主角地位，平衡得非常好。紫蘇蝦墨魚滑係另一道值得推薦既菜式。墨魚滑彈牙有嚼勁，蝦肉鮮甜，紫蘇葉的清香為呢道菜增添了一抹清爽之感，無論是口感定係味道都十分出色。鱈魚乾是一款相對簡單的小食，但其香濃的魚味令人印象深刻。經過輕微烤焙，油脂香氣釋放出來，食緊薯片咁，好正！枝豆，翠玉瓜雖然簡單，但亦能體現餐廳對食材的嚴選與細緻處理。枝豆粒粒飽滿，翠玉瓜清甜爽脆，作為餐前小吃非常適合。明太子玉子燒係典型的日式經典。玉子燒的甜度適中，口感細膩，配上鹹香的明太子，甜鹹交織，是一款讓人回味無窮的菜式。三色豬頸肉和汁燒雞肝同樣令人讚嘆。豬頸肉口感層次豐富，而雞肝則嫩滑無比，調味醬汁的香甜與雞肝的濃郁完美結合。青蔥豚肉卷既鹹香與青蔥的清甜形成對比，令人一試難忘。清酒煮蜆湯底鮮甜，蜆肉鮮美，最後飲晒成兜湯！
繼續閱讀